تيانشان تورابى   ›   جاڭالىقتار   ›   ماڭىزدى حابارلار

شي جينپيڭ 6 - رەتكى مەملەكەتتىك ءوزىن الەۋەتتەندىرۋ ۇلگىلەرىن جانە مۇگەدەكتەرگە كومەكتەسۋ وزاتتارىن ماداقتاۋ - سيلاۋ جينالىسى ۋاكىلدەرىمەن كەزدەستى

  لي كىچياڭ، ۋاڭ حۋنيڭ كەزدەسۋگە قاتىناستى

  5 - ايدىڭ 16 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ قاتارلىلار بەيجيڭدەگى حالىق سارايىندا 6 - رەتكى مەملەكەتتىك ءوزىن الەۋەتتەندىرۋ ۇلگىلەرىن جانە مۇگەدەكتەرگە كومەكتەسۋ وزاتتارىن ماداقتاۋ - سيلاۋ جينالىسىنا قاتىناسقان ۋاكىلدەرمەن كەزدەستى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن 

  شينحۋا اگەنتتىگىنىڭ 5 - ايدىڭ 16 - كۇنى بەيجيڭنەن بەرگەن حابارى (تىلشىلەر جاڭ شياۋسۇڭ، لو جىڭگۋاڭ). 6 - رەتكى مەملەكەتتىك ءوزىن الەۋەتتەندىرۋ ۇلگىلەرىن جانە مۇگەدەكتەرگە كومەكتەسۋ وزاتتارىن ماداقتاۋ - سيلاۋ جينالىسى 5 - ايدىڭ 16 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 16 - كۇنى حالىق سارايىندا جينالىس ۋاكىلدەرىمەن ىقىلاسپەن كەزدەسىپ، ولاردى قىزۋ قۇتتىقتادى، ولاردى كۇش ۇستىنە كۇش قوسىپ، ەلىمىزدىڭ مۇگەدەكتەر ىستەرىنىڭ دامۋىن ىلگەرىلەتۋدە تاعى دا تىڭ ۇلەس قوسۋعا ىنتالاندىردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋگە قاتىناستى.

  تۇستەن بۇرىن ساعات 11دە، شي جينپيڭ قاتارلىلار حالىق سارايىنىڭ سولتۇستىك زالىنا كەلدى، تۇتاس زالدان شاتىرلاعان شاپالاق ءۇنى كوتەرىلدى. شي جينپيڭ قاتارلىلار ۋاكىلدەرمەن ىقىلاسپەن قول الىسىپ، ولاردىڭ قىزمەت، تۇرمىس جاعدايىن تاپتەشتەي سۇرادى ءارى كوپشىلىكپەن ەستەلىك سۋرەتكە ءتۇستى.

  مەملەكەتتىك كەڭەستىڭ مۇشەسى ۋاڭ يۇڭ كەزدەسۋگە قاتىناستى ءارى ماداقتاۋ - سيلاۋ جينالىسىندا ءسوز سويلەدى. ول بىلاي دەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ مۇگەدەكتەر ىستەرى جونىندەگى ماڭىزدى بايىمداۋى مەن نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ۇيىمدىق باسشىلىقتى كۇشەيتىپ، قىزمەت مەحانيزمىن اقاۋسىزداندىرىپ، قىزمەت ۇستانىمىندا جاڭالىق اشىپ، مۇگەدەكتەر قىزمەتىن اناعۇرلىم پارمەندى شارالار ارقىلى ويداعىداي ىستەپ، مۇگەدەكتەردىڭ دوڭگەلەك داۋلەتكە جەتۋ اياق الىسىن تەزدەتىپ، اۋىل - قىستاقتارداعى مۇگەدەكتەردى كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، مۇگەدەكتەردىڭ تەڭدىك ۇقىعىن شىنايى قامتاماسىز ەتىپ، مۇگەدەكتەر ىستەرىنىڭ اقاۋسىز دامۋىن ىلگەرىلەتۋ كەرەك. قالىڭ مۇگەدەكتەر مەملەكەتتىك ءوزىن الەۋەتتەندىرۋ ۇلگىلەرىن ونەگە ەتىپ، مۇگەدەكتەردىڭ ءوزىن الەۋەتتەندىرۋ رۋحىن اناعۇرلىم اسقاقتاتىپ، اناعۇرلىم باقىتتى، تاماشا تۇرمىستى قۇلشىنا جاراتۋ كەرەك.

  جينالىس 167 ”مەملەكەتتىك ءوزىن الەۋەتتەندىرۋ ۇلگىسى“ن، 100 ”مەملەكەتتىك مۇگەدەكتەرگە كومەكتەسۋ وزات كوللەكتيۆ“ىن، 100 ”مەملەكەتتىك مۇگەدەكتەرگە كومەكتەسۋدەگى وزات جەكە“نى، 100 ”مۇگەدەكتەر ءۇيى“ن جانە 33 ”مەملەكەتتىك مۇگەدەكتەر بىرلەستىگى جۇيەسىندەگى وزات قىزمەتكەر“دى ماداقتاپ - سيلادى. مۇگەدەك بولسادا ەرىك - جىگەرىن مۇقالتپاي، سوقىرلاردىڭ ۋقالاۋ ىستەرىنە جۇرەك قانىن ارناعان يان سانيۋان، جاپا - ماشاقاتقا باس يمەي، قىسىلتاياڭ ساتتە تايساقتاماعان مينا ارشۋ باتىرى دۋ فۋگو، جۇرەگى مەيىرگە تولعان، الەۋمەتتىك يگىلىككە دەن قويىپ، مۇگەدەكتەرگە كومەكتەسكەن سۇڭ گۇيحۋا قاتارلى سيلىق يەگەرىنىڭ 3 ۋاكىلى جەكە - جەكە جينالىستا ءسوز سويلەدى. ديڭ شۋەشياڭ، چىن شي، حۋ چۇنحۋا، حۋاڭ كۇنميڭ، شياۋ جيە كەزدەسۋگە قاتىناستى، ساۋ جيانميڭ، چىن شياۋگۋاڭ جانە ورتالىق اسكەري ىستەر كوميتەتىنىڭ مۇشەسى جاڭ شىڭمين جينالىسقا ءارى كەزدەسۋگە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى