تيانشان تورى
تيانشان تورى   ›   جاڭالىقتار   ›   شينجياڭ حابارلارى

جاستىق كوكتەم سەحتىڭ ءبىرىنشى شەبىندە جالىندادى

شينجياڭ گازەتىنىڭ جالپىلىق اقپارات قۇرالدارى تىلشىلەرى دۋ زۇڭياڭ، لۋ باۋفىڭ، رىن جياڭ، شيە لۇڭ، ۋاڭ چيميڭ

5 - ايدىڭ 11 - كۇنى شينجياڭ جۇڭتاي حيميا توبى فۋكاڭ ەنەرگيا شەكتى سەرىكتەستىگىنىڭ قىزمەتكەرى ءابدۇسامي جانە ونىڭ شاكىرتى بۇراندا بىلىكتى سىعىمداعىشتى تەكسەرىپ رەمونتتاۋدا. سۋرەتتى ءتىلشى شيە لۇڭ تۇسىرگەن

  ۇرپاقتان - ۇرپاققا جالعاسقان ادامداردىڭ جاستىق كوكتەمىندە ءارقانداي ءبىر ۇرپاق ادامنىڭ جاستىق كوكتەمىنىڭ جولى كەدەرگىسىز بولعان ەمەس، جاستىق كوكتەم ”كۇرەس“ دەگەن سوزبەن ايشىقتالا تۇسەدى.

  شينجياڭ جۇڭتاي حيميا توبى فۋكاڭ ەنەرگيا شەكتى سەرىكتەستىگى سىندى وسى ورتاشا جاس شاماسى تەك 32 جاس مولشەرىندەگى جاستار اترەتىندە وسىنداي ءبىر توپ جالىندى جاستار بار، ولار كۇرەس بارىسىندا جاستىق كوكتەمدەرىنىڭ جالىنىن لاۋلاتىپ، جاستىق ارماندارىن قۋىپ، قاراپايىم جۇمىس ورنىندا نۇر - شۇعىلا شاشۋعا، كاسىپورىننىڭ جانە وزدەرىنىڭ بىرگە دامۋىن جۇزەگە اسىردى.

جۇرەكتىلىكپەن سايىس جاريالاپ، ماڭگى العان بەتىنەن قايتپاۋ

  5 - ايدىڭ 11 - كۇنى تۇستەن بۇرىن ءتىلشى شينجياڭ جۇڭتاي حيميا توبى فۋكاڭ ەنەرگيا شەكتى سەرىكتەستىگىنىڭ جوندەۋ سەحىنا كەلگەندە، 42 جاستاعى ءابدۇسامي شاكىرتتەرىن باستاپ، ءبىر سىعىمداعىشتى جوندەپ جاتىر ەكەن. وسى ”مەملەكەتتىك تەحنيكا شەبەرىنىڭ“ ادامعا بەرگەن ءبىرىنشى اسەرى − جۇمىستى دەن قويا ىستەيتىندىگى، كەم سوزدىلىگى ەدى، جوندەۋ جۇمىسىنا كەلگەندە، العان بەتىنەن قايتپايتىن، تىندىرماي تىنبايتىن توزىمدىلىگى بايقالادى.

  ءابدۇسامي ءار ءتۇرلى نارسەنى جوندەۋگە قاتتى بەرىلگەن. تۇسىنبەيتىن ماسەلەلەرگە جولىققاندا، ول كىتاپ ساتىپ الىپ ۇيرەنەدى، باسقالاردان سۇرايدى، جەتە تۇسىنبەيىنشە تىنبايدى.

  ءبىر جىلى ءوندىرىس لەنياسىندا توڭازىتقىشتان كلتيپان شىعىپ، قالىپتى اينالىسقا تۇسپەي قالادى. توڭازىتقىش − شەتەلدىڭ جابدىعى بولعاندىقتان، ەل ىشىندە قاتىستى تەكسەرۋ - جوندەۋ قىزمەتكەرى جانە تەحنيكا كۇشى جوق ەدى، تەك جوعارى اقى تولەپ شەتەلدەن تەحنيكا قىزمەتكەرىن ۇسىنىس ەتىپ جوندەتۋگە تۋرا كەلەتىن، مۇنداي بولعاندا وندىرىسكە ىقپال جەتەتىن ءارى قوماقتى قارجى جۇمسالاتىن - دى.

  جوندەۋ تەحنيكاسىندا بىرەۋدىڭ جەتەگىندە بولۋ ماسەلەسىن شەشۋ ءۇشىن، سىرت جاقتان تەحنيكا قىزمەتكەرى كەلگەننەن كەيىن، ءابدۇسامي ولاردىڭ قاسىنان ءبىر ءسات تە قالماي، ءبىر جاعىنان، جوندەۋ جۇمىسىنا سايكەسەدى، ءبىر جاعىنان، جوندەۋ شەبەرلىگىن ۇيرەنەدى، اسىرەسە، شەشۋشى ساندى مالىمەتتەردى تەكسەرۋ - جوندەۋدە، ءابدۇسامي ەستەلىك الىپ، سەحقا قايتىپ كەلگەننەن كەيىن دەن قويا زەرتتەيدى. وسىنداي ”وراشولاق“ ونەرىنە سۇيەنىپ، ول يمپورت ەتىلگەن توڭازىتقىشتى جوندەۋ ءادىسى جانە وزەكتى تەحنيكاسى جونىندە مول تۇسىنىككە يە بولادى.

  2006 - جىلى قىستا توڭازىتقىشتان تاعى كلتيپان شىعادى، جالعاستى ءبىر ايدان استام ۋاقىت جۇمىس توقتاتقان كاسىپورىن ەرەكشە اۋىر زيانعا ۇشىرايدى. ”مەن جوندەيىن“. ءابدۇسامي ورنىنان ۇشىپ تۇرەگەلەدى، جەتىك مەڭگەرمەگەن بولسا دا، ءبىراق ول قيىندىققا قارسى اتتانادى.

  توڭازىتقىشتى جوندەۋدەگى ەڭ قيىن ءارى ەڭ وزەكتى تەحنيكا − بولشەك زاپچاستاردىڭ ارالىعىن سىناپ كورۋ، ارالىقتى 0.03 − 0.06 ميلليمەتر ارالىقتا مەڭگەرۋدى تالاپ ەتەدى. ارالىق ۇلكەن بولىپ كەتسە، توڭازىتقىشتىڭ قىزمەت ونىمدىلىگى تومەندەيدى؛ ارالىق كىشكەنە بولىپ قالسا، ورناتىلعان بولشەكتەر قاجالىپ، جابدىقتاردىڭ حاۋىپسىز وندىرىسىنە ىقپال جەتەدى.

  ءابدۇسامي مەن ونىڭ قىزمەتتەستەرى جوندەۋ سەحىندا قونا - تۇنەپ جاتىپ، توڭازىتقىشتىڭ بولشەكتەرىن ءبىر - بىرلەپ سىناپ كورەدى. ءبىر كۇن، ەكى كۇن... تالاي رەت ساتسىزدىككە جولىقتى، ”باسقالار جوندەگەندە مەن نەگە جوندەي المايمىن؟ مەن ونى، ءسوزسىز، جوندەيمىن“. ول باتىلدىقپەن وسىنى ايتتى. ءبىر اپتادان كەيىن، ءابدۇسامي اقىرى تابىسقا جەتتى، توڭازىتقىش قالپىنا كەلدى، سىرتتان تەحنيكا قىزمەتكەر شاقىرۋداي ”القىمنان الاتىن“ قيىن ماسەلە تۇبەگەيلى شەشىلدى.

  كەيىن ءابدۇسامي وزدىگىنەن ۇيرەنىپ 3D ءارىپ باسۋ تەحنيكاسىن يگەردى، ”جوندەۋگە پايدالى بولسا بولعانى، مەن ۇيرەنۋىم كەرەك، ونىڭ ۇستىنە، ءسوزسىز، ۇيرەنۋىم كەرەك“.

جاي قىزمەتتى كەمەلىنە كەلتىرە ىستەدى

  ”جاي قىزمەتتى كەمەلىنە كەلتىرە ىستەسەڭ، ءسوز جوق، كەرەمەت ناتيجەگە قول جەتكىزەسىڭ“. جياۋ شينۋي ناقتى ارەكەتىمەن بۇل ءسوزدى دالەلدەپ بەردى.

  2011 - جىلى داشۋەدەن وقۋ تاۋىسقان سوڭ، جياۋ شينۋي شينجياڭ حۋاتاي اۋىر حيميا ونەركاسىپ شەكتى جاۋاپكەرشىلىك سەرىكتەستىگىنە كەلىپ قىزمەت ىستەپ، كەيىن شينجياڭ جۇڭتاي حيميا فۋكاڭ ەنەرگيا شەكتى سەرىكتەستىگىنە اۋىستىرىلىپ، ءوندىرىس تەحنيكاسى باسقارماسى ساپالىق تەكسەرۋ ورتالىعىندا ساپا تەكسەرۋشى بولادى.

  بۇل قىزمەت ورنى قاراماققا ءبىر سارىندى كورىنەدى، ءار كۇنى ۇلگى الاسىڭ، تالداۋ جاسايسىڭ، ناتيجەسىن كۇتەسىڭ... ”بۇل مەنىڭ ويلاعانىمداي تۇرمىس ەمەس ەكەن، ۋاقىت وتە كەلە، كوڭىلىمدە نارازىلىق تۋىلدى“، - دەيدى جياۋ شينۋي.

  مۇنداي كۇي ءبىر جىلعا جۋىق جالعاستى، ءبىر سارىندى قىزمەت بارىسىندا، جياۋ شينۋي ءومىرىن بۇلايشا زايا جىبەرۋگە بولمايتىنىن، قىزمەت ورنى قانشالىق قاراپايىم بولسا دا، جاقسى ىستەسەڭ ول دا وزگەشە بولاتىندىعىن سەزىنە باستادى.

  تۇسىنەن ويانعانداي بولىپ، قىزمەت ورنىنا قايتا كەلگەن كەزدە، جياۋ شينۋي كوز الدىنداعى تەكسەرۋشى اسپاپتارعا ءوزىنىڭ جاقسى دوسىنداي ءساپ سالا قارادى. كۇندىز ول مۇقيات ۇلگى الىپ تەكسەرىپ، ولشەنگەن ساندى مالىمەتتەردى سالىستىرسا؛ كەشتە جاتاقحاناسىنا قايتقان بەتىندە كىتاپقا باس قويىپ، ءتۇرلى تاجىريبەلەردىڭ ءار باسقىشىنداعى اسەرلەردىڭ قاعيداسىن زەرتتەپ، تەحنيكالىق جاقتان قامال الاتىن سەرپىلىس ءتۇيىنىن ىزدەدى، سونداي - اق ولشەنەتىن ۇلگىلەردىڭ فيزيكالىق - حيميالىق قاسيەتتەرى، حيميالىق رەاكسيا قاعيداسى، ەگجەي - تەگجەيلى جۇمىس جۇرگىزۋ ولشەمى سياقتىلاردى ءبىر - بىردەن ەستەلىك داپتەرىنە ءتۇرتىپ الىپ، جادىنا ساقتاپ الدى.

  2013 - جىلدان باستاپ، جياۋ شينۋي ءتۇرلى تەحنيكالىق شەبەرلىك جارىستارىنا ماقساتتى تۇردە قاتىناسىپ، اناعۇرلىم دالدىككە، اناعۇرلىم كەمەل ولشەمگە، اناعۇرلىم ءدال ساندى مالىمەت الۋعا تالپىندى.

  2016 - جىلى 10 - ايدا جياۋ شينۋي 8 - كەزەكتى مەملەكەتتىك مۇناي جانە حيميا ونەركاسىپ سالاسى كاسىپتىك شەبەرلىك جارىسىنا قاتىناستى، ول جانە ونىڭ سەرىكتەرى توپتىق 2 - دارەجەلى سيلىق الدى، سونىمەن قاتار ول جەكە تۇردەن 8 - ورىن العان جاقسى ناتيجەمەن ”مەملەكەتتىك تەحنيكا شەبەرى“ اتاعىنا يە بولدى.

  ”مەن ءوز قىزمەتىمدى قىزۋ سۇيەمىن، مەن بۇل دۇنيەدە تەك قۇلشىنا كۇرەس جۇرگىزسەڭ، ارمانعا قول جەتكىزۋگە بولاتىندىعىنا سەنەمىن“، - دەيدى جياۋ شينۋي.

وراي قاشاندا دايىندىعى مىقتى ادامعا ءتان

  5 - ايدىڭ 11 - كۇنى كەزەك بويىنشا ۋاڭ كۇن تۇنگى جۇمىسقا شىقتى. قىزمەت ادەتى بويىنشا ول جۇمىس ورنىنا 30 مينۋت بۇرىن جەتىپ، الدىڭعى كەزەكتەگىلەردىڭ ءوندىرىس جاعدايى، گرۋپپا قىزمەتىنىڭ ورنالاسۋى سياقتىلارمەن تانىستى.

  33 جاستاعى ۋاڭ كۇن اتسەتيلەن سەحىنىڭ ءبىر گرۋپپا باستىعى ەدى، بۇدان بۇرىن ول 5 جىل سەحتاعى گاز گەناراتور سەحىندا ىستەگەن. بۇل قىزمەت ورنىنىڭ قايتالامالى ەڭبەگى ءبىرشاما كوپ، دەربەس وي جۇگىرتۋ ورايى از بولادى.

  ۋاڭ كۇن ءوزىن وزگەرتۋدى ارماندادى، ”كەلەسى قادامنىڭ نە ەكەنىن بىلمەسەڭ دە، ءبىرىنشى قادامدى باتىلدىقپەن سىناپ كورۋ كەرەك“، - دەدى ول تىلشىگە كەسىمدى اۋەنمەن ءوزى جاۋاپتى بولعان گرۋپپانىڭ قىزمەت كولەمىندە گرۋپپا مۇشەلەرىنىڭ قىزمەتىنە جەتەكشىلىك ەتە ءجۇرىپ.

  ارمان ءومىر باعدارىن جەتەكتەيدى. ۋاڭ كۇن ءوزىن وزگەرتۋگە ءۇن -ءتۇنسىز دايىندالا بەردى: قىزمەت ىستەگەندە، گرۋپپانىڭ ىستەرىنە بەلسەنە ارالاستى؛ جۇمىستان قايتقان سوڭ، ول باسقارۋ بىلىمدەرى مەن كاسىپتىك بىلىمدەردى دەن قويا ۇيرەندى.

  وراي قاشاندا دايىندىعى مىقتى ادامعا ءتان. 2017 - جىلى ۋاڭ كۇن باسقارۋ قىزمەت ورنىنا اۋىسىپ، سەحتاعى ورىنباسار گرۋپپا باستىعى بولىپ، كەيىن گرۋپپا باستىعىنا ءوستى. ”بىردەن 10 ادامدى باسقاراتىن بولدىم، وزىندىك قيىندىعى بار جۇمىس، ءبىراق قيىنشىلىق قانشا كوپ بولسا دا جەڭۋ كەرەك“، - دەيدى ۋاڭ كۇن نىق سەنىممەن.

  گرۋپپانىڭ ىستەرى باستىسى،ءوندىرىس حاۋىپسىزدىگىن نەگىز ەتەدى، بەلگىلەمە بويىنشا گرۋپپاداعى ءار مۇشە ايىنا حاۋىپسىزدىكتىڭ كومەسكى قاتەرىنە قاتىستى 5 ينفورماتسيا تاپسىرۋى كەرەك. 5 ينفورماتسيا ازداي كورىنگەنىمەن، كۇنى بويى وندىرىسپەن قاربالاستاپ، وندىرىستەگى كومەسكى قاتەرلەرگە ەتى ۇيرەنىپ كەتكەن كوپشىلىك ءۇشىن، بۇل باسىندا ورىنداۋ قيىن كورسەتكىش بولدى.

  ”مۇنداي جاعدايدى ەندىگارى سوزا بەرۋگە بولمايدى“ ۋاڭ كۇن سەرىكتەستىكتىڭ بەلگىلەمە - تۇزىمدەرى مەن ءوندىرىس ولشەمدەرىن الىپ شىعىپ، گرۋپپا مۇشەلەرىن باستاپ، ءوندىرىس ءتارتىبى بويىنشا ءبىر - بىردەن سالىستىرىپ ۇيرەندى. بىرتە - بىرتە وندىرىستەگى كومەسكى قاتەرلەرگە قاتىستى ينفورماتسيالار ۋاڭ كۇننىڭ الدىنا جينالا بەردى، سونداي - اق كەيىن ول سەرىكتەستىكتىڭ ءوندىرىس حاۋىپسىزدىگىن باسقارۋ قىزمەتىندە قولدانىلدى.

  2017 - جىلى جانە 2018 - جىلى ۋاڭ كۇن تۇرعان گرۋپپا ءۇرتىس 2 جىل بۇكىل جىلدا بىردە - ءبىر بەلگىلەمەگە قايشىلىق جاساماۋدى، بىردە - ءبىر وقيعا تۋىلماۋدى جۇزەگە اسىردى. بىلتىر ونىڭ گرۋپپاسى ونان ارى قارا ءۇزىپ شىعىپ، ”حاۋىپسىز باسقارۋدى ولشەمدەندىرۋدىڭ مەملەكەتتىك ۇلگىلى گرۋپپا“ بولىپ باعالاندى.

  ”مەنىڭ قىزمەت نىسانام گرۋپپانى سەرىكتەستىگىمىزدىڭ ۇزدىك گرۋپپاسى ەتىپ شىعارۋ، ارمانىڭ ءۇشىن كۇرەسسەڭ، بۇل نىسانانىڭ قالايدا جۇزەگە اسارىنا كامىل سەنەمىن“، - دەيدى ۋاڭ كۇن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.