تيانشان تورى   ›   جاڭالىقتار   ›   شينجياڭ حابارلارى

كۇش بىرىكتىرىپ، ”شينجياڭ جاقسى جەر“دى اسقاقتاتا شىرقادى

ءتىلشى رىن جياڭ

  5 - ايدىڭ 18 - كۇنى تۇستەن كەيىن، حوتان قالاسى ىنتىماق الاڭىندا اسقاقتاعان ءان مەن دوڭگەلەنگەن ءبي دۋمانىندا، 5.19 جۇڭگو ساياحات كۇنى شينجياڭ نەگىزگى جينالىس الاڭى قيمىلىنىڭ دايىندىق جاتتىعۋى جۇرگىزىلىپ جاتتى.

  بيىلعى جۇڭگو ساياحات كۇنىنىڭ الدى - ارتىندا، اۆتونوميالى رايونىمىزداعى 14 ايماق، وبلىس، قالا قىزىل ساياحات، سەيىل - سەرۋەن دەمالىس ساياحاتى، ەرەكشە تۇردەگى ساياحات، زەرتتەۋ - ۇيرەنۋ ساياحاتى، ساياحاتتىق كونسەرت - قويىلىم قيمىلى سياقتى 187 ءتۇرلى مادەنيەت - ساياحات قيمىلىن وتكىزىپ، حالىققا ءتيىمدى 112 شارانى جولعا قويىپ، شينجياڭنىڭ ءىشى - سىرتىنداعى ساياحاتشىلاردىڭ شينجياڭ ساياحاتىنىڭ ۇشان - تەڭىز كەرەمەتىنەن مەيلىنشە ءلاززاتتانۋعا مۇمكىندىك جاسايدى.

  بۇل ادام قۋانتارلىق جاعدايدىڭ جالعاسۋى. بيىل 1 - توقساندا شينجياڭ ەل ءىشى - سىرتى ساياحاتشىلارىنان 21 ميلليون 395 مىڭ 200 ادام - رەت قابىلداپ، ساياحات كىرىسى 24 ميلليارد 441 ميلليون يۋانعا جەتىپ، سايكەس مەزگىلدەگىدەن جەكە - جەكە %67.31 جانە %72.77 ارتىپ، جوعارى قارقىنمەن ارتقان تاماشا بەتالىستى ۇزدىكسىز ساقتادى.

  قۋانتارلىق ساندى مالىمەتتەردىڭ استارىندا، اۆتونوميالى رايونىمىزدىڭ ساياحات ارقىلى شينجياڭدى گۇلدەندىرۋ ستراتەگياسىن جاپپاي اتقارعان، ساياحات كاسىبىنىڭ جوعارى ساپالى دامۋىن ىلگەرىلەتكەن جالىندى امالياتى جاتىر. شينجياڭدا جوعارىدان تومەنگە دەيىن كۇش سالا ولقىلىقتاردى تولىقتاپ، باسىمدىقتى كۇشەيتىپ، ساياحات بايلىعى بويىنشا ۇلكەن رايوننان ساياحات ەكونوميكاسى بويىنشا مىعىم رايونعا قاراي اتتاۋدى جەدەل جۇزەگە اسىرۋ بارىسىندا، ”شينجياڭ جاقسى جەر“ ماركاسى بارعان سايىن جارقىراي ءتۇستى.

نەگىز كۇشەيىپ، شينجياڭ ساياحاتىنىڭ قۋاتى ارتتى

  جۋىقتا قارامايلى — شاۋەشەك تەمىر جولى تەكسەرىپ وتكىزىپ الۋدى ءساتتى ورىنداپ، تۇتاس جەلىدە پويەز قاتىناۋعا تاعى ءبىر ارشىندى قاداممەن جاقىنداي ءتۇستى. بۇل تەمىر جول سالىنىپ بىتكەن سوڭ، شينجياڭداعى ەڭ سوڭعى ايماق - وبلىس ورتالىعىنا پويەز قاتىناماۋ تاريحىن اقىرلاستىرادى، ونىڭ تارباعاتاي ايماعىنىڭ ساياحات كاسىبىن ىلگەرىلەتۋ رولى ايتىپاسادا تۇسىنىكتى.

  تارباعاتاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى چاي حۇڭحۋا بىلاي دەپ قارادى: پويەزدىڭ قاتىناۋى تارباعاتايعا مول ساياحاتشى اكەلەدى. قازىر تارباعاتاي ايماعى ”پويەزگە وتىرىپ تارباعاتايدى ساياحاتتاۋ“ سىندى ساياحات ونىمدەرىن جوبالاي باستادى.

  تالايدان بەرى، قاتىناس سياقتى نەگىزدىك قۇرىلعىلاردىڭ ولقىلىعى شينجياڭ ساياحات كاسىبىنىڭ دامۋىنا تۇساۋ بولىپ كەلدى. بىلتىر ”شينجياڭ ءىشىن اينالۋ، شينجياڭعا كىرىپ - شىعۋدى تەزدەتۋ“ نىساناسىن ارقاۋ ەتىپ، شينجياڭ تاس جول، تەمىر جول، اۋەجاي سياقتى نەگىزدىك قۇرىلعى قۇرىلىسىن زور كۇشپەن ىلگەرىلەتىپ، ساياحات كاسىبىنىڭ دامۋىنا بەرىك نەگىز قالادى. اسىرەسە، بيىل شينجياڭ G30 جەلىسى ءۇرىمجى — كۇيتۇن، داحۋاڭشان — ءۇرىمجى جوعارى قارقىندى تاس جولىن وزگەرتىپ - كەڭەيتىپ سالۋ سياقتى نىسان قۇرىلىستارىن تەزدەتتى. سونىمەن قاتار، قارامايلى — شاۋەشەك تەمىر جولى سياقتى نىساندار قۇرىلىسىن ءتۇيىن ەتىپ، شينجياڭ تەمىر جولى تورى قۇرىلىمىن جەدەل كەمەلدەندىرىپ، قاتىناۋ قابىلەتىن جوعارىلاتىپ، لانجوۋ — شينجياڭ جوعارى قارقىندى تەمىر جولىن نەگىزگى جەلى ەتكەن، وڭتۇستىك - سولتۇستىك شينجياڭ جەدەل ارناسىن ەكى قانات ەتكەن تەمىر جول ”قاتىناس شەڭبەرى“ن قالىپتاستىردى. مۇنان سىرت، ءۇرىمجى حالىقارالىق اۋەجايىن وزگەرتىپ - كەڭەيتىپ سالۋ، كەريا اۋەجايىن جاڭادان سالۋ نىسانى سياقتىلاردى بار كۇشپەن ىلگەرىلەتىپ، اۋەجايلاردىڭ فۋنكتسيالىق ورنالاسۋىن كەمەلدەندىرۋدى، اۆياتسيا جەلىلەرىنىڭ قاتىناۋ مولشەرىن جوعارىلاتۋدى ارقاۋ ەتىپ، سونداي - اق بازارلاندىرۋ تاسىلىمەن اۆياتسيا سەرىكتەستىكتەرىن جانە جالپىلىق اۆياتسيا كاسىپورىندارىن ەنگىزىپ، ”اۋەدەگى جىبەك جولى“ن جەدەل تۇلعالادى.

  دارەتحانا تابۋ قيىن، كولىك توقتاتۋ قيىن، جانار ماي قۇيۋ قيىن بولۋ، حابارلاسۋ سيگنالدارى ىركىلىسسىز بولماۋ سياقتى شينجياڭ ساياحات كاسىبىنىڭ دامۋىنا تۇساۋ بولىپ وتىرعان ماسەلەلەرگە مەڭزەس، بيىل 346 ساياحات دارەتحاناسىن، 36 جانار ماي قۇيۋ پۋنكتىن، 100 اۆتوتۇراق، 95 حابارلاسۋ نەگىزدىك ستانسياسىن سالۋ جوسپارلانىپ وتىر.

  نەگىزدىك قۇرىلعىلاردىڭ ۇزدىكسىز كەمەلدەنۋى، ”ءۇشتىڭ قيىن بولۋى، ءبىردىڭ ىركىلىسسىز بولماۋى“ ماسەلەسىنىڭ شەشىلۋى شينجياڭ ساياحات كاسىبىنىڭ قۋاتى مەن تەبىنىن ونان ارى كۇشەيتەدى.

”ساياحات +“ دامۋدىڭ تىڭ ءورىسىن اشتى

  سوڭعى جىلدارى شينجياڭ جالپى وڭىرلىك ساياحاتتىڭ دامۋىن بەلسەنە ىلگەرىلەتىپ، ”ساياحات +“ ستراتەگياسىن كۇش سالا اتقاردى، اسىرەسە، بىلتىردان بەرى، شينجياڭنىڭ جەر - جەرى ساياحاتتىڭ مادەنيەت، سپورت، قاتىناس - تاسىمال، اۋىل شارۋاشىلىعى، ورمان شارۋاشىلىعى قاتارلىلارمەن توعىسا دامۋىن كۇش سالا ىلگەرىلەتىپ، ساياحاتتا توقتاۋسىز جاڭا كۇي جارىققا شىقتى.

  بيىل ”1 - مامىر“ دەمالىسى كەزىندە ”ساياحات + سپورت“ جارقىن تۇيىنگە اينالدى. اقسۋ ايماعىنىڭ بۇكىل شينجياڭ ات بايگە ۇسىنىس جارىسى، 2019 - جىلعى اۆتوموبيل، موتوتسيكل قوعامىنىڭ دالالىق اۆتوموبيل سايىسى، شينجياڭنىڭ تۇڭعىش كەزەكتى جازعى دالالىق قار شاڭعى جۇلدەگەرلىككە تالاسۋ جارىسى سياقتى ءبىر قىدىرۋ سپورتتىق جارىستار شينجياڭدا وتكىزىلىپ، كوپتەگەن قاتىناسۋشىلاردى، كورەرمەندەردى جانە ساياحاتشىلاردى باۋرادى.

  شينجياڭدا ساياحاتتىڭ دۋماندى ماۋسىمىنىڭ كەلۋىنە بايلانىستى، ”ساياحات +“ اناعۇرلىم قىزا تۇسەدى. 5 - ايدىڭ اياعىنا قاراي 2019 - جىلعى جۇڭگو تارىمدى اينالۋ (حالىقارالىق) راللي جارىسى باستالادى، دەڭگەيى جاپپاي كوتەرىلگەن جارىستىڭ باۋرامدىلىعى ءتىپتى ارتا تۇسەدى.

  ساياحات پەن سپورتتان باسقا، ساياحات پەن وقۋ - اعارتۋدىڭ، ساياحات پەن اۋىل - قىستاقتىڭ، ساياحات پەن مەتەرولوگيانىڭ، ت . ب توعىسپالى دامۋى دا اناعۇرلىم كوپ جاڭا كۇيلەردى جارىققا شىعارىپ، كۇتىنۋ ساياحاتى، ءوز كولىگىمەن ساياحاتتاۋ، ءدامدى تاعام ساياحاتى سياقتىلارعا اناعۇرلىم كوپ جاڭا ونىمدەر قوسىلىپ، شينجياڭنىڭ ساياحات شارۋاشىلىعىنىڭ دامۋ كەڭىستىگى ونان ارى كەڭەيە ءتۇستى.

باسا تانىستىرىپ، ”شينجياڭ جاقسى جەر“دى اسقاقتاتا شىرقادى

  اسەم ءان، مىڭ بۇرالعان ءبي، ءدامى ءتىل ۇيىرەتىن قاۋىن - قاربىز، ادەمى ساياحات بۇيىمدارى... 5 - ايدىڭ 16 - كۇنى شينجياڭ كورمە ۇيىرمەسى ازيا مادەنيەت ساياحات كورمەسىندە شينجياڭ ساياحاتىن تاعى دا جارقىن تۇيىنگە اينالدىردى.

  سوڭعى جىلدارى شينجياڭ ”كوپ ارنا، كوپ فورما، كوپ دانەكەر“ تاسىلىمەن ساياحاتتى ۇگىتتەۋ، تانىستىرۋ سەرپىنىن ارتتىرىپ، كوپ ءتۇرلى ۇگىتتەۋ، تانىستىرۋ قيمىلىن ورىستەتىپ، دالمە - ءدال تيجاراتتى جولعا قويىپ، كورنەكتى ونىمدىلىككە قول جەتكىزدى.

  14 - كەزەكتى جۇڭگو ي - ۋ مادەنيەت ونىمدەرى ساۋدا كورمەسىندە جانە 11 - كەزەكتى جۇڭگو حالىقارالىق ساياحات تاۋارلارى كورمەسىندە 3600دەن استام شينجياڭنىڭ ەرەكشە ساياحات تاۋارى قويىلىپ، كورمەگە قاتىناسقان كوپتەگەن ساۋداگەردى جانە جەرگىلىكتى بۇقارانى وزىنە باۋراپ، شينجياڭنىڭ ساياحات تاۋارلارى ءونىمدى تۇردە ۇگىتتەلدى. شياڭگاڭدا، اۋمىندا وتكىزىلگەن ”شينجياڭ جاقسى جەر“ شينجياڭ مادەنيەت، ساياحاتى بويىنشا ساۋداگەر شاقىرۋ تانىستىرۋ جينالىسىندا اۆتونوميالى رايوندىق مادەنيەت جانە ساياحات مەڭگەرمەسى جەرگىلىكتى ورىننىڭ ونەركاسىپ - ساۋدا سالاسىنا، ساياحات قوعامىنا، ساياحات سالاسىنداعى دارىندارعا شينجياڭنىڭ ساياحاتىن تانىستىرىپ، تاماشا ونىمگە قول جەتكىزدى.

  بيىل شينجياڭ تيجارات تاسىلىنە جاڭالىق ەنگىزىپ، جاڭا تەحنيكادان، جاڭا تاسىلدەن، جاڭا دانەكەردەن تولىق پايدالانىپ، ساياحات ەلەكتروندىق ساۋداسىن جەدەل دامىتىپ، ”شينجياڭ ءىشى مەن سىرتىندا، جەلىدە جانە جەلىدەن تىس“ ءوزارا ىقپالداسقان تيجاراتتى، توعىسپالى تيجاراتتى، دالمە - ءدال تيجاراتتى، جان - جاقتى، كوپ تۇرعىلى تيجاراتتى ىلگەرىلەتىپ، جالپىلىق مەديا داۋىرىندەگى ستەرەولدى تيجارات تۇعىرىن قۇرادى، سونىمەن قاتار تيجارات جەلىسىن اناعۇرلىم كەمەلدەندىرىپ، بىرىكتىرۋ مەن ءبولۋ ۇشتاستىرىلعان، شوعىرلى كۇش سالاتىن، دەڭگەيى انىق، رايون ءىشى مەن سىرتى بىرلەسىپ قيمىلدايتىن ۇلكەن ۇگىت، ۇلكەن تانىستىرۋ سىندى ساياحات تيجارات جاعدايىن جەدەل قالىپتاستىرادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى