ءتىلشى جاڭ حايفىڭ 5 - ايدىڭ 18 - كۇنى شىنجىننان حابارلايدى. 5 - ايدىڭ 16 - كۇنى 15 - كەزەكتى جۇڭگو (شىنجىن) حالىقارالىق مادەنيەت شارۋاشىلىعى كورمەسىندە، ءبىر توپ شينجياڭ نىساندارىنا شوعىرلى كەلىسىم جاسالدى، مۇنىڭ ىشىندە، مادەنيەت پەن ساياحات توعىسقان نىساندار شينجياڭ جاساسقان كەلىسىمدەردىڭ جارقىن تۇيىنىنە اينالدى.
ءۇرىمجى قالاسى جاساسقان العاشقى ۇلكەن كەلىسىمنىڭ سوماسى ءبىر ميلليارد 100 ميلليون يۋاندىق ”جۇڭحۋا . جىبەك جولى تاقىرىپتىق ساۋىق - سايران باعى“ بولدى، اتالعان نىسان ءۇرىمجى ەكونوميكالىق - تەحنيكالىق اشۋ رايونىنا (توۋتۇنحى رايونى) ورنالاسادى، ول قازىرگە دەيىن بۇكىل شينجياڭ بويىنشا ەڭ ۇلكەن تاقىرىپتىق قالا ساياحاتى نىسانى بولىپ تابىلادى. ”جۇڭحۋا. جىبەك جولى تاقىرىپتىق ساۋىق - سايران باعى“ ناقتى سەزىنۋ تۇرىندەگى ساۋىق - سايران باعى سانالادى، ول كولەمدى جەلىلەس كارتون فيلم «ارمانشىل بالا»نىڭ سيۋجەتىن باستى كورىنىس ەتىپ، بالا باس كەيىپكەردىڭ اڭىز بەن تاريحتىڭ ۋاقىت - كەڭىستىك كوگىندە سامعاپ، جىبەك جولىنىڭ ءىزىن قۋىپ، كولەمدى جىبەك جولى ساۋدا كەرۋەنىنە جولىققان جانە وعان قاتىناسقان حيكىمەتتى ساپارىن ايگىلەگەن، ساياحاتشىلاردىڭ ساۋىق - سايران باعىندا وعان قاتىناسۋىنا بولادى جانە ونى ناقتى سەزىنە الادى. اتالعان نىسانعا قارجى قوسقان شينجياڭ جينماۋ جىبەك جولى ويىن - ساۋىق ساياباعى جارنا شەكتى سەرىكتەستىگىنىڭ جاۋاپتىسى جوۋ سۇڭرۋ مىنالاردى ءبىلدىردى: بۇل تاقىرىپتىق ساۋىق - سايران باعى انيماتسيانى، سيفرلى كوڭىل اشۋدى جىبەك جولى مادەنيەتىمەن تولىق توعىستىرعان، تاڭعاجايىپ، قىزىقتى جانە تەرەڭ مادەني استارعا يە، شينجياڭنىڭ ءىشى - سىرتىنان كوپتەگەن ساياحاتشىلاردى وزىنە باۋرايتىندىعىنا سەنەمىز.
ساياحاتتىڭ جاڭا كاسىپ كۇيى − قارجى قوسۋشىلار ىنتىعاتىن قىزۋ ءتۇيىن. كەلىسىم سوماسى 600 ميلليون يۋانعا جەتەتىن شينجياڭ ۇيشە كولىكتەر لاگەرى مادەنيەت - ساياحات نىسانىنا ءۇرىمجى جوعارى، جاڭا قارجى قوسۋ - دامىتۋ توبى شەكتى سەرىكتەستىگى مەن بەيجيڭ شينبان كاپيتالى قارجى قوسۋ شەكتى سەرىكتەستىگى بىرگە قارجى قوسقان، بۇل نىسان اياسىندا بۇكىل شينجياڭدا ءوز ۇيشە كولىگىمەن جۇرەتىندەرگە ارناپ 64 ۇيشە كولىكتەر لاگەرىن، اۋەجايلاردان 20 جولشىباي لاگەر سالۋ، سونداي - اق ءۇرىمجىنى وزەك ەتىپ شىعىس، باتىس، وڭتۇستىك، سولتۇستىك 4 اينالما جەلى بويىنشا جۇمىس جۇرگىزۋ جوسپارلانعان.
ءۇرىمجى جوعارى، جاڭا قارجى قوسۋ - دامىتۋ توبى شەكتى سەرىكتەستىگىنىڭ جاۋاپتىسى پىڭ لياڭ بىلاي دەدى: ۇيشە كولىكتەر لاگەرىن سالۋدا شينجياڭنىڭ جاراتىلىستىق بايلىعى ايرىقشا جاراسادى، ونىڭ بازار الەۋەتى وراسان زور. ءبىز وسى نىسان ارقىلى ۇيشە كولىكتەرمەن دالاعا تۇنەۋ شارۋاشىلىعىن قالىپتاستىرىپ، شينجياڭنىڭ ساياحات كاسىبىنىڭ ساپاسىن ونان ارى ءوسىرۋدى، جاڭارتۋدى جەبەۋدى ءۇمىت ەتەمىز.
مادەنيەت پەن ساياحات تەرەڭ توعىسقان نىسانداردان تاعى ”اسەر . ءۇرىمجى“ بار، ونىڭ كەلىسىم سوماسى ءبىر ميلليارد 50 ميلليون يۋان. بۇدان سىرت، شينجياڭ ياسى مادەنيەتتى دامىتۋ شەكتى سەرىكتەستىگى مەن ىرگىڭ مادەنيەت مەدياسى (شىنجىن) شەكتى سەرىكتەستىگى 5 ميلليون يۋاندىق كەلىسىم جاساسىپ، «تيانشان» دەرەكتى فيلمىن بىرلەسىپ تۇسىرمەك. شينجياڭ حۋاتى ينفورماتسيا - ينتەرنەت جارنا شەكتى سەرىكتەستىگى مەن چاڭدى چۋاڭيۋان سيفرلى عىلىم - تەحنيكا شەكتى سەرىكتەستىگى 10 ميلليون يۋاندىق كەلىسىم جاساسىپ، انيماتسيالىق تەاتر «تاڭعاجايىپ باتىسقا ساياحات ەستەلىگى»ن ازىرلەيدى.
ۇعىسۋىمىزشا، وسى كەزەكتى شىنجىن مادەنيەت شارۋاشىلىعى كورمەسىندە، شينجياڭ سارايى جيىنى سوماسى 210 ميلليون يۋاننان اساتىن كەلىسىم جاساسقان، ءۇرىمجى سارايى سوماسى 2 ميلليارد 910 ميلليون يۋاننان اساتىن كەلىسىم جاساسقان.
