تيانشان تورابى   ›   جاڭالىقتار   ›   شينجياڭ حابارلارى

ارمان قۋۋ جولىندا جاستىق شاقتىڭ جالىنىن قاۋلاتتى

− ءۇشتۇرپان اۋدانى اقتوعاي اۋىلى قامىسوستەڭ قىستاعىنداعى اۋىلعا قايتىپ قىزمەت ىستەپ جاتقان جاستار جونىندە

شينجياڭ گازەتىنىڭ جالپىلىق اقپارات قۇرالدارى تىلشىلەرى لي لين، ۋاڭ يۇيجاۋ، وتكىر نيجات، چين يۋەۋىن

  5 - ايدا ءۇشتۇرپان اۋدانى اقتوعاي اۋىلى قامىسوستەڭ قىستاعىندا الۋان گۇلدەر شەشەك اتا قۇلپىرىپ، تىرشىلىك تىنىسىنا تولادى. وسى اۋىر كەدەي قىستاقتا، ءبىر توپ جاس اۋىلدارىنىڭ دامۋى ءۇشىن، قالادا قالىپ قىزمەت ىستەۋ ورايىنان ىرىقتىلىقپەن باز كەشىپ، اۋىلعا قايتىپ كەلىپ، كەيبىرەۋى وقىتۋشى، كەيبىرەۋى قىستاق كادرى بولىپ قىزمەت ىستەپ جاتىر. تاياۋدا ءتىلشى وسى جاستارمەن جۇزدەسكەندە، ولاردىڭ بويىنداعى ارماندى، ىقىلاستى جانە جاۋاپكەرشىلىكتى بايقادى.

 ءرازيام موللەك: ”ءبىلىم تاعدىرىڭدى وزگەرتەدى“

  ”مەن ءبىلىمنىڭ تاعدىردى وزگەرتەتىندىگىن دالەلدەپ، قىستاقتا اناعۇرلىم كوپ ادامدى وقۋ - اعارتۋعا ءمان بەرۋگە باستايمىن“، - دەدى ءرازيام موللەك 5 - ايدىڭ 8 - كۇنى، مىنە بۇل ونىڭ كەزىندە اۋىلعا قايتىپ وقىتۋشى بولعانداعى اۋەلگى ارمانى بولاتىن.

  ءرازيام قامىسوستەڭ قىستاعى باستاۋىش مەكتەبى پارتيا ياچەيكاسىنىڭ شۋجيى. 2013 - جىلى شينجياڭ پەداگوگيكا داشۋەسىنەن وقۋ تاۋىسقان ول باتىلدىقپەن اقتوعاي اۋىلىنا قايتىپ بارىپ باستاۋىش مەكتەپتىڭ مۇعالىمى بولۋدى تاڭدادى. 2014 - جىلى 3 - ايدا قامىسوستەڭ قىستاعى باستاۋىش مەكتەبى وقۋشى قابىلداۋدى قالپىنا كەلتىرگەندىگىن ەستىگەننەن كەيىن، ول ىرىقتىلىقپەن وسى قىستاققا كەلىپ وقىتۋشى بولۋعا ءوتىنىش بەرەدى.

  ءرازيام سىرتتاي قاراعاندا بايسالدى، ءبيازى كورىنگەنىمەن، ىشكى جان دۇنيەسىنەن ءبىر ءتۇرلى قايسارلىق مەن مۇندالايدى. 2004 - جىلى ول ورتالاۋ مەكتەپتى بىتىرگەندە، اكە - شەشەسى ونىڭ قايتىپ كەلىپ وتباسىنىڭ ەگىس جۇمىستارىنا كومەكتەسۋىن ايتادى، الايدا ول ورتا مەكتەپ وقيمىن دەگەن ويىنان قايتپايدى. اكە - شەشەسى ونىڭ تالعامىنا قۇرمەت ەتەدى، ءرازيام ارمانىنا جەتىپ، ءۇشتۇرپان اۋداندىق 1 - ورتا مەكتەپكە وقۋعا تۇسەدى.

  2007 - جىلى ول تولىق كۋرسقا قابىلداۋ ءنومىر شەگىنەن 68 ءنومىرى جوعارى بولۋداي ناتيجەمەن شينجياڭ پەداگوگيكا داشۋەسىنە قابىلدانادى، داشۋەدەگى كەزىندە ول وزات وقىپ، تالاي - تالاي سارالاۋدان ءوتىپ، فيزيكا تاجىريبە كلاسىنان وقيدى.

  ورتا مەكتەپتەن داشۋە وقىعانعا دەيىن ءرازيام ءوزىنىڭ ءىس - ارەكەتى ارقىلى ءبىلىمنىڭ تاعدىردى وزگەرتەتىندىگىن، تەك قۇلشىنعاندا عانا تابىسقا جەتۋگە بولاتىندىعىن دالەلدەيدى.

  ”ءوز تالعامىمنىڭ قانشاما ادامعا ىقپال كورسەتە الاتىندىعىن بىلمەيمىن، ءبىراق مەن وتباسىمداعىلاردان مۇنىڭ ءونىمىن كورگەندەي بولدىم“. ءرازيام بىلاي دەدى: ”اعا - اپەكەلەرىمنىڭ بالالارى مەنى ونەگە تۇتىپ، رايون ىشىندەگى ورتالاۋ كلاسىنا، ىشكى ولكەلەردەگى شينجياڭ تولىق ورتا كلاسىنا قابىلداندى“.

  تىلشىلىك اياقتاعاندا، ساباق ارالىعىنداعى دەمالىسقا تۋرا كەلدى، شۇلەن كۇن شۇعىلاسىن شاشىپ تۇرعان دەنە تاربيە الاڭىندا، كوكىرەكتەرىندە نارتتاي قىزىل گالىستوكتارى جەلبىرەگەن باستاۋىش مەكتەپ وقۋشىلارى ءتىلشىنى كورىپ ىرىقتىلىقپەن پيونەرلىك سالەم بەرىپ امانداسىپ جاتىر. ءرازيام بىلاي دەدى: قازىر قىستاق تۇرعىندارى وقۋ - اعارتۋعا بارعان سايىن ءمان بەرەتىن بولدى، كوپتەگەن قىستاق تۇرعىنى مەنى ۇلگى ەتىپ بالالارىن جاقسى ۇيرەنۋگە تاربيەلەۋدە.

 اديلا اسقار: ”ەرتەرەك پارتيا مۇشە بولۋعا قۇلشىنامىن“

  5 - ايدىڭ 7 - كۇنى تۇستەن كەيىن 21 جاستاعى اديلا اسقار كوز ىلەسپەيتىن تەزدىكپەن كومپيۋتەردىڭ ءتىل تاقتاسىن باسىپ جاتىر. قىستاق تۇرعىندار كوميتەتىنە كەلىپ قىزمەت ىستەگەلى جارتى جىلعا جەتپەسە دە، ول كومپيۋتەردە ماتەريال جازىپ، گراپپا جاساۋعا ابدەن جاتىلىپ الىپتى.

  قامىسوستەڭ قىستاعىندا تۋىپ - وسكەن اديلا قازىر قىستاقتىڭ جوسپارلى تۋىتقا جاۋاپتى كادرى. ورتا مەكتەپتى تاۋىسقاننان كەيىن، ول اۋدان قالاشىعىنداعى ءبىر باتىسشا تاعامجايدا كۇندىك ىستەيدى، ەڭبەكاقىسى ايتارلىقتاي بولعانىمەن، ءبىراق ول مۇنىڭ ءوزى ارمانداعان كاسىپ ەمەس ەكەنىن سەزەدى.

  اديلانىڭ اكەسى بۇرىن قىستاقتا 20 جىلدان استام ۋاقىت اماندىق قورعاۋ مەڭگەرۋشىسى بولعان، ول كىشكەنتايىنان قىستاقتاعىلارعا قىزمەت وتەيتىن جاقسى كادرلاردى قاستەرلەيتىن، ەرجەتكەندە سولارداي بولسام دەپ ارماندايتىن.

  ”قازىر قىستاق تۇرعىندارىنىڭ تۇرمىسى بارعان سايىن جاقسارۋدا، مەن پارتياعا ەرەكشە العىس ايتامىن. قازىر داڭقپەن كوممۋنيستىك پارتياعا مۇشە بولىپ، داڭقتى كوممۋنيستىك پارتيانىڭ ءبىر مۇشەسىنە اينالىپ، حالىققا اناعۇرلىم ويداعىداي قىزمەت ەتۋدى ارمانداپ ءجۇرمىن“. بىلتىر جىل اياعىندا، ول قىستاق تۇرعىندار كوميتەتىنە شينجياڭ جۇڭلياڭ تۇنحى قانت شارۋاشىلىعى جارنا شەكتى سەرىكتەستىگىنەن قامىسوستەڭ قىستاعىنا تۇسكەن ءبىرىنشى شۋجي دۇڭ چىڭحۋدى ىزدەپ كەلىپ، ءوزىنىڭ ارمانىن ايتادى. دۇڭ چىڭحۋ اديلامەن ۇزاق اڭگىمەلەسىپ، اقىرىندا وعان قىستاق تۇرعىندار كوميتەتىنە كەلىپ قىزمەت ىستەۋدى ۇسىنىس ەتەدى. بيىل جىل باسىندا، ۇيىمنىڭ تەكسەرۋى سياقتى تارتىپتەردەن وتكەن اديلا قىستاق كادرىنا اينالدى.

  ءبىر جولى اديلا ءۇشتۇرپان اۋداندىق پارتكوم ۇيىمداستىرۋ ءبولىمىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىندەگىلەرمەن بىرگە قىستاق تۇرعىندارىنا تازالىق بۇيىمدارىن اپارىپ بەرەدى. قىستاق تۇرعىندارىنىڭ ”راقىمەت“ دەگەن ءبىر اۋىز ءسوزىن ەستىگەندە، اديلا ەرەكشە تولقيدى.

  قازىر قىستاقتاعى جاستاردىڭ پارتياعا، وداققا مۇشە بولۋ بەلسەندىلىگى وتە كۇشتى، قىستاقتا قازىر 32 پارتيا مۇشەسى، 7 كانديدات پارتيا مۇشەسى، 36 وداق مۇشەسى بار، اديلا دا پارتيا ۇيىمىنا بەلسەنە جاقىنداسىپ ءجۇر. ”مەن، ءسوزسىز، بارىنشا قۇلشىنىپ، ەرتەرەك جۇڭگو كوممۋنيستىك پارتياسىنا مۇشە بولۋعا تالپىنامىن“، - دەدى اديلا.

حانزوھىرام احمەت: ”اۋىلىمىز ءبىزدى اناعۇرلىم قاجەت ەتەدى“

  حانزوھىرام احمەتپەن جولىققانىمىزدا، ول قامىسوستەڭ قىستاعىندا كۋرسانتتارعا مەملەكەتتە ءبىر تۇتاس قولدانىلاتىن ءتىل - جازۋدى ۇيرەتىپ جاتىر ەكەن. حانزوھىرام اقتوعاي اۋىلىنىڭ كادرى، وسى رەت نەگىزىنەن اۋىلداعى ارتىق ەڭبەككۇشتەرگە مەملەكەتتە ءبىر تۇتاس قولدانىلاتىن ءتىل - جازۋدى ۇيرەتتى. حانزوھىرام: كۋرسانتتار كۋرستان كەيىن تىكەلەي ءبىر كيىم تىگۋ زاۆودىنا بارىپ جۇمىسشى بولادى، - دەدى.

  حانزوھىرام بىلتىر شينجياڭ اۋىل شارۋاشىلىق داشۋەسىنەن وقۋ تاۋىسقان، ءاسىلى ۇرىمجىدەن ءبىر جاقسى جۇمىس تاپقان ەدى، وقۋ تاۋىسۋدان بۇرىنعى ءبىر رەتكى پارتيا ساباعى ونىڭ ءومىر تالعامىن وزگەرتتى. ساباقتا شينجياڭ اۋىل شارۋاشىلىق داشۋەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ قىستاق تۇرعىندارىنا ىستەگەن ناقتى ىستەرى كورسەتىلدى، وسى رەتكى پارتيا ساباعى حانزوھىرامدى قاتتى اسەرلەندىردى. ول بىلاي دەدى: ”اۋىلىمىز ءبىزدى اناعۇرلىم قاجەت ەتەدى، مەن اۋىلىما قايتىپ بارىپ قىزمەت ىستەيمىن“. ول 2018 - جىلى ءۇشتۇرپان اۋدانىنىڭ تاڭداپ الىناتىن وقۋشىلار ەمتيحانىنا قاتىناسۋعا تىزىمدەلىپ، اقتوعاي اۋىلىنىڭ كادرى بولادى.

  نەگىزگى ساتىنىڭ قىزمەت مىندەتى اۋىر، حانزوھىرام تيتتەي دە بويكۇيەزدىككە سالىنبادى، ول بىلاي دەدى: ”مەن اۋىلداستارىمنىڭ ءۇمىتىن ارقالاپ وتىرمىن، مەن قىزمەتتى، ءسوزسىز، قۇلشىنا ىستەپ، اۋىلىمدى اناعۇرلىم تاماشا ەتىپ قۇرىپ شىعۋىم كەرەك“.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى