تيانشان تورابى   ›   جاڭالىقتار   ›   شينجياڭ حابارلارى

رايونىمىز مۇگەدەكتەرگە قىزمەت وتەۋ قابىلەتى مەن دەڭگەيىن ۇزدىكسىز جوعارىلاتتى

تۇعىر ورناتىپ، مەحانيزمدى اقاۋسىزداندىردى

رايونىمىز مۇگەدەكتەرگە قىزمەت وتەۋ قابىلەتى مەن دەڭگەيىن ۇزدىكسىز جوعارىلاتتى

  ءتىلىشى ميھىرگۇل ناسىر 5 - ايدىڭ 18 - كۇنى ۇرىمجىدەن حابارلايدى. ”بيىل ءبىز اۋدان وڭىرىندەگى مۇگەدەكتەرگە جالپىلىق قىزمەت وتەۋ تۇعىرىن ورناتۋدى بار كۇشپەن ىلگەرىلەتىپ، اۋىل دارەجەلى ورىنداردا مۇگەدەكتەر بىرلەستىگى، قىستاق دارەجەلى ورىنداردا مۇگەدەكتەر قوعامى بولۋدى ورىنداپ، مۇگەدەكتەردىڭ جاقىن ماڭدا نەگىزگى الەۋمەتتىك قىزمەت وتەۋدەن يگىلىكتەنۋىنە شىنايى كەپىلدىك ەتەمىز“، - دەدى 5 - ايدىڭ 17 - كۇنى اۆتونوميالى رايوندىق مۇگەدەكتەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار القا باستىعى چىن حۇڭبو تىلشىگە.

  سوڭعى جىلدارى اۆتونوميالى رايوندىق مۇگەدەكتەر بىرلەستىگى مۇگەدەكتەردىڭ تاماشا تۇرمىسقا دەگەن تالپىنىسىن كۇرەس نىساناسى ەتۋگە تاباندى بولىپ، اۋدان وڭىرىندەگى مۇگەدەكتەرگە جالپىلىق قىزمەت وتەۋ تۇعىرىن ورناتىپ، اۋدان دارەجەلى ورىنداردىڭ مۇگەدەكتەرگە قىزمەت وتەۋ قابىلەتىن ءوسىرۋ جوسپارىن اتقارۋىنا جەتەكشىلىك ەتىپ، جەر - جەردىڭ قىزمەت وتەۋ بايلىقتارىن جيناقتاپ، اۋدان، اۋىل، قىستاق 3 دارەجە بىرلەسىپ قيمىلدايتىن مۇگەدەكتەرگە نەگىزگى الەۋمەتتىك قىزمەت وتەۋ سايتىن قۇرۋدى ىلگەرىلەتەدى.

  مۇگەدەكتەر بىرلەستىگى ۇيىمدارىنىڭ ساياسيلىعىن، العاباسارلىعىن، بۇقارالىلىعىن ساقتاۋدى جانە كۇشەيتۋدى ارقاۋ ەتىپ، اۆتونوميالى رايوندىق مۇگەدەكتەر بىرلەستىگى باسقارۋ ۇلگىسىن ساپالىلاندىرىپ، جاپپاي قامتيتىن نەگىزگى ساتى مۇگەدەكتەر ۇيىمدارىن ۇزدىكسىز كۇشەيتىپ، مۇگەدەكتەرگە جان - جاقتى قىزمەت وتەۋ تۇعىرىن ورناتىپ، تۇتاس سالاداعى قوعامدىق اتتانىسقا كەلتىرۋ مەحانيزمىن اقاۋسىزداندىرىپ، مۇگەدەكتەرمەن بايلانىس جاساۋ، مۇگەدەكتەردى ۇيىستىرۋ، مۇگەدەكتەرگە قىزمەت وتەۋ قابىلەتى مەن دەڭگەيىن اناعۇرلىم جوعارىلاتتى.

  اۆتونوميالى رايوندىق مۇگەدەكتەر بىرلەستىگى قيىنشىلىعى بار مۇگەدەكتەرگە ”قىسلىعاندا كومەك كورسەتۋدى“ كورنەكتى ورىنعا قويىپ، ساياساتپەن قولداۋ، تۇزىممەن قامتاماسىز ەتۋ، شۇعىل جاعدايعا توتەپ بەرىپ، قۇتقارۋ، كومەك بەرۋ، جۇپ قۇراپ، كومەكتەسۋ، سۇيەمەلدەۋ سياقتى تاسىلدەر ارقىلى مۇگەدەك بالالاردىڭ ناۋقاستان ايىعۋىنا كومەكتەسۋ، مۇگەدەك بالالاردى مىندەتتى تاربيەلەۋ، اۋىل - قىستاقتاعى مۇگەدەكتەردى كەدەيلىكتەن ارىلتۋ، اۋىر مۇگەدەكتەردى اماناتتاپ قاراتۋ، اۋرۋ، اپات سەبەبىنەن كەدەيلەسكەن مۇگەدەكتەردىڭ وتباسىنا كومەكتەسۋ سياقتى قىزمەتتەردى كۇشەيتتى.

  بيىل 45 جاستاعى ياڭ بو تۇرپان قالاسى ياڭتيان ەلەكتر تەحنيكاسى شەكتى سەرىكتەستىگىنىڭ باس ديرەكتورى. ونىڭ تىڭداۋ قۋاتىندا كەمدىك بار بولعانىمەن، كومپيۋتەر جاعىندا وتە تالانتتى، 2006 - جىلى 8 - ايدا ول 2 - كەزەكتى شينجياڭ مۇگەدەكتەر كومپيۋتەر شەبەرلىگى جارىسىنا قاتىناسىپ، اعا جۇلدەگەر بولدى. 2014 - جىلى اۆتونوميالى رايوندىق مۇگەدەكتەر بىرلەستىگى سياقتى ورىنداردىڭ كومەگىندە ول تۇرپان قالاسى ياڭتيان ەلەكتر تەحنيكاسى شەكتى سەرىكتەستىگىن قۇردى، قازىر بۇل سەرىكتەستىكتىڭ جىلدىق ءونىم قۇنى ءبىر ميلليون يۋانعا جەتتى، كوپتەگەن ادامدى جۇمىستاندىردى. ”مەن قوعامدىق جاۋاپكەرشىلىگىمدى بەلسەنە ارقالاپ، اناعۇرلىم كوپ ادام ءۇشىن جۇمىس ورنىن ازىرلەيمىن“، - دەدى ياڭ بو.

  مۇگەدەكتەردى ەرەكشە تاربيەلەۋدى جانە كاسىپتىك تاربيەلەۋدى قولداۋ تەبىنىن ارتتىرۋ ءۇشىن، اۆتونوميالى رايوندىق مۇگەدەكتەر بىرلەستىگى بيىل ”ينتەرنەت +“دان پايدالانىپ، مۇگەدەكتەردىڭ جۇمىستانۋىنا قول ۇشىن بەرىپ، مۇگەدەكتەردى شەبەرلىككە تاربيەلەۋدى بەلسەنە ورىستەتىپ، مۇگەدەكتەردىڭ جۇمىستانۋىن، شارۋاشىلىق قۇرۋىن ىلگەرىلەتتى.

  جەر - جەردىڭ مۇگەدەكتەرگە نەگىزگى ساۋىقتىرۋ قىزمەتىن وتەۋ جانە مۇگەدەك بالالاردىڭ اۋرۋدان ايىعۋىنا كومەكتەسۋ قىزمەتىن ويداعىداي ىستەۋىن اناعۇرلىم ىلگەرىلەتۋ ءۇشىن، اۆتونوميالى رايوندىق مۇگەدەكتەرگە ساۋىقتىرۋ قىزمەتىن وتەۋ، جەتەكشىلىك ەتۋ ورتالىعى بيىل 5 - ايدىڭ 12 - كۇنىنەن باستاپ مامانداردى ۇيىمداستىرىپ، حوتان ايماعىندا مۇگەدەك بالالاردى اقىسىز ەمدەۋ جانە ماماندار لەكسيا جاساۋ قيمىلدارىن ورىستەتتى.

  قازىر بۇكىل رايونىمىزدا ەكى ءتۇرلى قوسىمشا قاراجاتتان (قيىنشىلىعى بار مۇگەدەكتەردىڭ تۇرمىستىق قوسىمشا قاراجاتى مەن اۋىر مۇگەدەكتەردى كۇتىمدەۋ قوسىمشا قاراجاتى) يگىلىكتەنەتىن مۇگەدەكتەر 349 مىڭ ادامعا جەتەدى. 2018 - جىلى 12 - ايدىڭ سوڭىنا دەيىن بۇكىل رايونىمىزدا ارحيۆ تۇرعىزىلىپ، كارتچكالاندىرىلعان 88 مىڭ 438 كەدەي مۇگەدەك كەدەيلىكتەن ارىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى