شينجياڭنىڭ قاشقار ايماعىنداعى «مادەنيەت جاسامپازدىعىنا اۋەستىك » اتتى شاعىن دۇكەنىنە قادام قويعان ساياحاتشىلار ۇلتتىق بوياۋى قويۋ، تاريحي ءتۇس الاتىن بايىرعى ۇلگىدەگى كيىم-كەشەكتەردى كيىپ، بايىرعى جىبەك جولىنداعى «كەڭىستىك اتتاعان» مادەنيەتتى سەزىنە الادى. دۇكەن قوجايىنى ماۋلەن تۇراق بيىل 26 جاستا عانا، قاشقار قالاسىندا ەسەيىپ-ەرجەتكەن ول كىشكەنتايىنان باستاپ كونە قالا قۇرىلىسى، تۇرعىندار كيىم ـ كەشەگى جانە ٴان ـ بيلەردەگى مادەنيەت فاكتورلارىنا ەرەكشە اۋەس بولىپ ءوستى. ماۋلاننىڭ شەشەسى ايگۇل قاسىم جەرگىلىكتى ورىنداعى مىقتى تىگىنشىلەردىڭ ءبىرى، سوندىعىنان بولار، ماۋلەننىڭ بايىرعى كيىم ـ كەشەكتەرگە قىزىعۋشىلىعى بارىنشا ارتا تۇسكەن. 2017 ـ جىلى «مەن شينجياڭنان كەلدىم» اتتى ۋيچات تەكشەسى «ۇيعۇر ۇلتى كيىم ـ كەشەگىنىڭ عاسىرلىق كوركەمدىگى» جانە «100 جىل ىلگەرگى شينجياڭنىڭ 13 رايونىنداعى كيىم ـ كەشەك ۇلگىلەرى» اتتى قىدىرۋ ميكرو كەسكىندەر ىلگەرىندى-كەيىندى تاراتىلىپ، شينجياڭنىڭ جەر ـ جەرىندەگى كيىم ـ كەشەكتەردىڭ تۇرلىشە تاريحي داۋىردەگى وزگەرىسىن ءار قىرىنان بەينەلەيدى. بۇل كەز اتالعان جاسامپازدىقتى جاراتۋشىلاردىڭ ءبىرى ماۋلەن تۇراقتىڭ ىستۋدەنت كەزى بولاتىن، ول بايىرعى كيىم - كەشەكتەردى قايتا جاڭعىرتۋ ماقساتىمەن شەشەسىمەن بىرگە 5 اي ىزدەنىس جاساپ، ميكرو كەسكىندەگى بايىرعى كيىم-كەشەكتەردى جوبالاپ شىعادى. 2018 ـ جىلى 10 ـ ايدا قاشقاردىڭ ساياحات ىستەرىنىڭ دامۋ اياق-الىسىنان پايدالانا بىلگەن ول قاشقار كونە قالاسىنان مادەنيەت جاسامپازدىعى دۇكەنىن اشادى. ول بايىرعى كيىم كەشەكتەن 10 نەشە پارىن جوبالاپ جانە نەشە ونداعان كونە ۇلگىدەگى القا ـ مونشاقتاردى قالپىنا كەلتىردى ءارى بۇلاردى ساياحاتشىلارعا جالعا بەرىپ، ولاردىڭ سۋرەتكە ءتۇسىپ ەستەلىك قالدىرۋىنا وراي جاراتتى. سونىمەن قاتار، ۇلتتىق ۇلگىدەگى باس كيىم، اقشا قاپشىق، ەستەلىك داپتەر سياقتى مادەني كوركەمونەر بۇيىمدار مەن ەستەلىك بۇيىمداردى دايىنداپ ساتتى . الارمانداردىڭ كوبەيۋىنە بايلانىستى بولاشاعى جونىندە جاڭا جوسپارلاردى العا قويدى، ول بىلاي دەدى : ” جوبالاۋ كاسىبىن وقىپ، ءتىپتى دە كوپ وزگەشە ۇلگىدەگى تۋىندىلار جاراتىپ، شينجياڭ مادەنيەتىنىڭ باۋراعىشتىعىن بارىنشا ارتتىرامىن.“
