تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

”قىستاق تۇرعىندارىنا ناقتى ءىس ىستەپ بەرۋ − مەن ءۇشىن ەڭ زور داڭق

  − جەمسارى اۋداندىق وقۋ - اعارتۋ جانە عىلىم - تەحنيكا مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەسى ما چاڭۋىن جونىندە

  ءتىلشى گاي يوۋجۇن، ەرىكتى ءتىلشى گۋ يۋەتيان

  ”سۇيىسپەنشىلىك شىعىسۋدان تۋىندايدى ءارى شىن نيەتىڭمەن ارالاسۋدان كەلەدى. قىستاق تۇرعىندارىمەن اراداعى سۇيىسپەنشىلىك − مەنىڭ قىستاقتا تۇرىپ قىزمەت ىستەگەندەگى ەڭ زور تابىسىم، قىستاق تۇرعىندارىنا ناقتى ءىس ىستەپ بەرۋ مەن ءۇشىن ەڭ زور داڭق“.

  ”كىشى پەيىلدىكپەن ىستەپ، قىستاق تۇرعىندارىن تۋىسىڭا بالاپ، قىستاقتىڭ ىستەرىن ءوز ءىسىم دەپ ءبىلىپ، دەن قويىپ، ىقىلاس اۋدارىپ، شىنايى يگەرىپ، ناقتى ىستەگەندە عانا، بۇقارا مويىندايتىن بولادى“.

  ”ما شۋجي، تۇستە ءبىزدىڭ ۇيگە كەلىڭىز“. ”ءوزىم دە سەنىڭ ۇيىڭە بارىپ حال - جاي ۇعىسايىن دەپ وتىرعان ەدىم“...

  5 - ايدىڭ 13 - كۇنى وتباسىلارىن ارالاپ، جاعداي ۇعىسپاقشى بولعان ما چاڭۋىن ەندى عانا قىستاق تۇرعىندار كوميتەتى قاقپاسىنان شىعا بەرگەندە، قىستاق تۇرعىنى ۋاڭ شۋبيننەن تەلەفون كەلە قالدى.

  ”تۇيىق مىنەز ۋاڭ شۋبيننىڭ ءوزى ىرىقتىلىقپەن قوناققا كىسى شاقىراتىن بولىپتى، ما شۋجيدىڭ جانە دە امالى بار - اق ەكەن“! - دەدى ولاردىڭ ديالوگىن ەستىگەن قىستاق تۇرعىندار كوميتەتىنىڭ مەڭگەرۋشىسى يۇي شۋە ما چاڭۋىنعا باس بارماعىن كورسەتىپ.

  بيىل 61 جاسقا كەلگەن ما چاڭۋىن جەمسارى اۋداندىق وقۋ - اعارتۋ جانە عىلىم - تەحنيكا مەكەمەسىنەن ىرگۇڭ قالاشىعى ليۋحۋدي قىستاعىنا تۇسكەن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى، قىستاققا تۇسەردىڭ الدىندا جەمسارى اۋداندىق 3 - ورتا مەكتەپ پارتيا ياچەيكاسىنىڭ شۋجيى بولعاندىقتان، قىستاق تۇرعىندارى ونى ”ما شۋجي“ دەپ اتاپ كەتكەن بولاتىن.

شىن پەيىلىمەن شىنايى سۇيىسپەنشىلىككە يە بولدى

  تال ءتۇس كەزىندە ما چاڭۋىن ۋادە بويىنشا ۋاڭ شۋبيننىڭ ۇيىنە كەلدى، ول ونىڭ كۇندە ءمىنىپ جۇرەتىن ءۇش دوڭگەلەكتى ەلەكترلى موتوتسيكلىنىڭ قاقپانىڭ الدىندا تۇرعانىن كوردى، ول ءۇش دوڭگەلەكتى موتوتسيكلدى اۋلاعا كىرگىزبەكشى بولىپ، ەلەكترلى ايىرىپ - قوسقىشتى قايتا - قايتا اشسا دا ءۇش دوڭگەلەكتى موتوتسيكل قوزعالمادى.

  ”ما شۋجي، ءۇش دوڭگەلەكتى موتوتسيكلدىڭ باتەرياسى بۇزىلىپ قالىپتى، وعان قاراماڭىز“، - دەدى قاقپادان ونى قارسى الا شىققان ۋاڭ شۋبين. ”بۇل قايتىپ بولادى، ءۇش دوڭگەلەكتى موتوتسيكل سەنىڭ ’بۇت ارتارىڭ‘ عوي، مەن قازىر - اق ساعان جاڭا باتەريا ساتىپ اكەلىپ بەرەيىن“. ما چاڭۋىن سويلەي ءجۇرىپ قىستاقتىڭ رەمونتحاناسىنا قاراي تارتتى...

  ما چاڭۋىننىڭ ءدال وسىنداي ادامدارعا جاناسقىش ارەكەتى ۋاڭ شۋبيننىڭ كوڭىلىنە جول سالدى، ول ەندىگارى قاشقالاقتاماي، تۇرمىستاعى بارلىق ىستەرگە جۇرەكتىلىكپەن بەتپە - بەت كەلە باستايدى.

  6 جىلدىڭ الدىندا ۋاڭ شۋبين تۇتقيىل شىرعالاڭعا ۇشىراپ ەكى اياعىنان ايرىلادى، ءبىر مەزەت بۇل رەالدىقتى قابىلداي الماي، سوزگە كوپ ارالاسپايتىن، ءتىپتى، سىرت ادامدارمەن سويلەسۋدى قالامايتىن بولىپ قالادى. ما چاڭۋىن ليۋحۋدي قىستاعىنا كەلگەننەن كەيىن، ۋاڭ شۋبيننىڭ حال - جايىن كورىپ، ونىڭ قايتا سەرپىلۋىنە كومەكتەسۋگە ىشتەي بەل بايلايدى.

  ءبىرىنشى رەت وتباسىلارىن ارالاپ جاعداي ۇعىسقاننان باستاپ ما چاڭۋىن نەشە كۇندە ءبىر رەت ۋاڭ شۋبيننىڭ ۇيىنە بارىپ، بىتپەي جاتقان شارۋاسى، ىستەلمەي جاتقان ءىسى بولسا ىستەپ بەرەدى، ارەدىك بوساي قالعاندا، ونىڭ قاسىندا بولىپ اڭگىمەلەسەدى. بىرتە - بىرتە ۋاڭ شۋبين وزىنەن 10 جاس ۇلكەن وسى اعاسىن ۇناتىپ قالادى.

  ”سۇيىسپەنشىلىك شىعىسۋدان تۋىندايدى ءارى شىن نيەتىڭمەن ارالاسۋدان كەلەدى. قىستاق تۇرعىندارىمەن اراداعى سۇيىسپەنشىلىك − مەنىڭ قىستاقتا تۇرىپ قىزمەت ىستەگەندەگى ەڭ زور تابىسىم، قىستاق تۇرعىندارىنا ناقتى ءىس ىستەپ بەرۋ مەن ءۇشىن ەڭ زور داڭق“. مىنە بۇل ما چاڭۋىننىڭ ۇنەمى ايتاتىن ءسوزى.

 بار ىنتاسىمەن قىستاق تۇرعىندارىنا قىزمەت ەتتى

  2014 - جىلى اۆتونوميالى رايون ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن جاپپاي ورىستەتتى، ما چاڭۋىن ءبىرىنشى توپتا قىستاقتا تۇراتىن قىزمەت اترەتىنىڭ مۇشەسى بولدى. 5 جىلدان اسا ۋاقىتتان بەرى اترەت مۇشەلەرى تالاي رەت اۋىستى، ما چاڭۋىن دا ىلگەرىندى - كەيىندى ىرگۇڭ قالاشىعىنىڭ 4 قىستاعىندا تۇردى، ءبىراق ونىڭ بار ىنتا - پەيىلىمەن قىستاق تۇرعىندارىنا قىزمەت ەتۋدەگى اۋەلگى ماقساتى باستان - اياق وزگەرگەن جوق.

  ءار جولى دەمالىسقا تاراپ كەلگەندە، ستۋدەنت ۋاڭ شۋە قىزمەت اترەتىندەگى ما چاڭۋىنعا امانداسا بارادى، ويتكەنى 2 جىلدان بەرى ونىڭ داشۋە وقۋ قاراجاتتارىن ”ما شۋجي“ كاسىپورىنداردى وعان اقشالاي كومەكتەسۋگە سايكەستىرۋ ارقىلى دايىنداپ كەلگەن بولاتىن.

  4 جىلدىڭ الدىنداعى ءورت اپاتى توۋگۇڭ ءمالىسى شيسۇن قىستاعىنىڭ تۇرعىنى ۋ جيانجۇننىڭ كوز الدىنان كەتپەيدى. سول كۇنى ونىڭ ۇيىنە تۇتقيىلدان ءورت كەتەدى، ما چاڭۋىن قىزمەت اترەتىنىڭ مۇشەلەرى مەن قىستاق كادرلارىن باستاپ ءورتتى سوندىرەدى. سونان كەيىن ”ما شۋجي“ تاعى دا ءوز جانىنان اقشا شىعارىپ، ونىڭ ءورت شالعان ءۇيىن اعارتىپ، جاڭادان ءۇي جيھازدارىن الۋىنا كومەكتەسەدى.

  دۇڭگوۋ قىستاعىنىڭ تۇرعىنى فىڭ يۇيحۇي كۇنى بۇگىنگە دەيىن 2015 - جىلى 4 - ايدىڭ ورتالارىنداعى سول قارلى بوراندى ەسىنەن شىعارعان ەمەس. سول كۇنى تاڭەرتەڭ قىستاق تۇرعىندارى كوكونىس مايساسىن ەككەن 8 جىلىجايدىڭ جامىلعىسىن بوران جۇلىپ اكەتەدى، مايسا ەككەن وتباسىلارى ابىرجىپ نە ىستەرىن بىلمەي تۇرعاندا، ما چاڭۋىن مەن اترەت مۇشەلەرى جەتىپ كەلىپ، دەرەۋ پارتيا مۇشەلەرى مەن قىستاق تۇرعىندارىن جوندەۋگە ۇيىمداستىرىپ، شىعىندى ەڭ تومەنگى شەككە تۇسىرەدى...

  ما چاڭۋىن تۇرعان قىستاقتارداعى تۇرعىنداردىڭ ءبارى ونى: ”قىستاق تۇرعىندارىنا جان اشىر جاقسى كادر“ دەپ القايدى.

قىستاقتا تۇرۋ قىزمەتىن جالعاستىرا بەردى

  قىزمەتىن جالعاستىرىپ كەلە جاتقان ما چاڭۋىن ايرىقشا ءبىر اسەردە. ول: ”تەك كىشى پەيىلدىكپەن ىستەپ، قىستاق تۇرعىندارىن تۋىسىڭا بالاپ، قىستاقتىڭ ىستەرىن ءوز ءىسىم دەپ ءبىلىپ، دەن قويىپ، ىقىلاس اۋدارىپ، شىنايى يگەرىپ، ناقتى ىستەگەندە عانا، بۇقارا مويىندايتىن بولادى“، - دەيدى.

  2018 - جىلدىڭ باسىندا بەلگىلەمە بويىنشا، 60 جاسقا تولعان ما چاڭۋىن زەينەتكە شىعۋ راسمياتتارىن وتەپ، ۇيىنە قايتىپ، تۋىس - تۋعاندارىمەن باس قوسۋى كەرەك ەدى، ءبىراق ول قىستاقتا تۇرا بەرۋ بەكىمىنە كەلەدى.

  ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسقاننان بەرى، ما چاڭۋىن ىلگەرىندى - كەيىندى 2 رەت جەمسارى اۋدانى جاعىنان ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىندەگى وزات قىزمەتكەر، 2 رەت اۆتونوميالى رايون جاعىنان ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىندەگى وزات قىزمەتكەر بولىپ باعالاندى. كوپ ادامدار ودان: ”بيىل تاعى دا قىستاققا تۇسەسىز بە؟ شارشاپ - شالدىقپايسىز با، ءۇي ىشىڭىزدەگىلەردى ساعىنبايسىز با؟“، - دەپ سۇراعاندا، ول ۇنەمى كۇلە جاۋاپ قاتىپ: جاپا شەككەنىممەن، كوڭىلىم توق، قىستاقتاعى ءار ۇلت بۇقاراسى بەينە ءۇي ىشىمدەگىلەر سياقتى، ءبىز ەرەكشە تاتۋ - ءتاتتى وتەمىز ءارى وتە كوڭىلدىمىز“، - دەيدى. اۋەلگى ماقساتتى ۇمىتپاعاندا عانا، ىستەردى سوڭىنا شىعارۋعا بولادى. ما چاڭۋىن: مەن ەندىگى قايراتىمدى جۇمساپ، بۇقاراعا قىزمەت ەتىپ، جاڭاشا اۋىل - قىستاق قۇرۋعا كۇش - قۋاتىمدى ارنايمىن، - دەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى