شۇي لۋلۋ
بارلىق شاعىل ماتەريال زاۆودتارىن جاۋىپ، لاستانۋدىڭ قاينارىن ءۇزىپ، كادرلار مەن بۇقارانى اتتانىسقا كەلتىرىپ اعاش ەگىپ، ورمان ءوسىرۋ ارقىلى حىجيڭ اۋدانى تاقىر تاۋ بەيشان تاۋىن مەملەكەتتىك 3A دارەجەلى ساياحات كورىنىس وڭىرىنە وزگەرتىپ، شارۋالاردى كىرىسىن ارتتىرىپ، كەدەيلىكتەن ارىلۋعا باستاۋدىڭ ”جاسىل بانكەسى“نە اينالدىردى. وسى قىسقاشا حاباردى گازەتتەن كورگەندە، حىجيڭ اۋدانىنىڭ كوز الداعى پايدانى قايىرىپ قويىپ، جاسىل دامۋعا تالپىنۋ بەكىمى مەن باتىلدىعىن ەرىكسىز القايسىز. جەرگىلىكتى پارتكوم مەن ۇكىمەتتىڭ دامۋ ۇستانىمىنا بۇرىلىس جاساۋى، شەشىمدەرىنە وزگەرىس جاساۋى ءبىر تاقىر تاۋدى ساياحات كورىنىس وڭىرىنە اينالدىرۋدىڭ ونەگەلى ءىسىن جاراتتى.
ەكونوميكانىڭ دامۋى ءۇشىن ەكولوگيالىق ورتانى قۇرباندىققا شالماۋ كەرەك. ۇتىمسىز دامۋ ۇلگىسى قىسقا مەرزىمدىك ەكونوميكالىق ونىمدىلىكتىڭ تەز قارقىندى توپتالۋىن، GDPتىڭ ارتۋىن قالىپتاستىرادى، ال، ۇزاق بولاشاقتان الىپ قاراساق، قورشاعان ورتانىڭ ناشارلاۋىن تۋدىرۋى، اۋەلى، ەكولوگيالىق اپات اكەلىپ، دامۋدى تىعىرىققا تىرەۋى مۇمكىن. مىنە وسىنىڭ سەبەبىنەن حىجيڭ اۋدانىنىڭ بۇقارانىڭ ەكولوگيالىق ورتانى جاقسارتۋ تىلەگىنە سايكەسە وتىرىپ، بەيشان تاۋىن جاسىلداندىرۋ ينجەنەرياسىن اتقارۋى بولاشاقتى كوزدەپ، ۇرپاقتارعا باقىت جاراتقان ءىس سانالدى.
پارتيا 19 - قۇرىلتايىنىڭ بايانداماسىندا بىلاي دەپ باسا دارىپتەلدى: ”ەكولوگيالىق ورتانى ءومىردى قاستەرلەگەندەي قاستەرلەۋ“، ءوندىرىسى دامىعان، تۇرمىسى اۋقاتتى، ەكولوگياسى تىنىستى، وركەنيەتتى دامۋ جولىنان جازباۋ“ كەرەك. ءبىر ءوڭىردىڭ ەكونوميكانىڭ تيپىن وزگەرتىپ، دارەجەسىن ءوسىرۋ جولى بەلگىلى دەڭگەيدەن الىپ ايتقاندا، جاسىل دامۋ جولى سانالادى. بۇل بارىستا ىرىكتەۋ - سۇرىپتاۋ جانە قيىندىق بولادى، الايدا ۇلكەن جاعىنان بەتالىس دۇرىس بولىپ، جاسىل دامۋ جولىمەن قاجىماي - تالماي جۇرە بەرسەك، ءبىز قاشاندا ەكونوميكانىڭ دامۋى مەن ەكولوگيالىق ورتانى قورعاۋدىڭ قوس جەڭىسىنە قول جەتكىزە الامىز، بەيشان تاۋىن جاسىلداندىرۋ ينجەنەرياسى وسىنىڭ ۇلگىسى.
(”لەپتى لەبىز“ ماقالا قابىلداۋ حات ساندىعى: xjrbplb@126.com)