تيانشان تورابى   ›   جاڭالىقتار   ›   وقۋ-اعارتۋ

رايونىمىز جيىنى 19 ميلليارد 490 ميلليون يۋان قارجى قوسىپ، جاعدايى ءالسىز مەكتەپتەردىڭ وقىتۋ شارت - جاعدايىن جاقسارتتى

  ”جاعدايى ءالسىز مەكتەپتەردى جاپپاي جاقسارتۋ“ اۋىل - قىستاق مەكتەپتەرىنىڭ ەسكى كەلبەتىن جاڭالادى

  ءتىلشى جاۋ شييا 5 - ايدىڭ 19 - كۇنى ۇرىمجىدەن حابارلايدى. 5 - ايدىڭ 16 - كۇنى تۇستەن كەيىن شايار اۋدانى قايلور قالاشىعى ىگەرشى قىستاعى باستاۋىش مەكتەبىنە كىرگەنىمدە، ءبي كلاسى، مۋزيكا كلاسى، عىلمي تاجىريبەحانا سياقتى كوپ فۋنكتسيالى كلاستاردا بالالار وقىتۋشىلاردىڭ جەتەكشىلىگىندە الەۋمەتتىك ۇيىم قيمىلدارىن وتكىزىپ جاتىپتى، مەكتەپ اۋلاسىنىڭ بارلىق جەرىنەن شاتتىقتىڭ لەبى ەسەدى.

  ”مەكتەبىمىز بۇكىل قىستاقتاعى ەڭ كوركەم جەر“. مەكتەپتىڭ وزگەرىسىن اۋىزعا العاندا، 6 - جىلدىق (1) كلاستىڭ وقۋشىسى ءناپيسا راحمەت تەبىرەنە بىلاي دەدى: ”بولاشاقتا وقىتۋشى بولىپ، مەكتەبىمىزگە قايتىپ كەلىپ، ساباق بەرۋدى ارماندايمىن“. ەندى عانا رايون ىشىندەگى ورتالاۋ مەكتەپ ەمتيحانىنا قاتىناسقان ونىڭ سەنىمى زور ەدى.

  ”وقىتۋ شارت - جاعدايى جاقساردى، نەگىزگى ساتىعا تامىر تارتىپ ساباق وقىتۋدى قالايتىن وقىتۋشىلار بارعان سايىن كوبەيىپ، مەكتەپتىڭ وقۋشى قاينارى مەن وقىتۋ ساپاسى دا ورنىقتى قاداممەن ءوستى“. ىگەرشى قىستاعى باستاۋىش مەكتەبىنىڭ باستىعى زۇمراگۇل پارحات: اۆتونوميالى رايون ”جاعدايى ءالسىز مەكتەپتەردى جاپپاي جاقسارتۋ“ (كەدەي وڭىرلەردەگى مىندەتتى وقۋ - اعارتۋى ءالسىز مەكتەپتەردىڭ نەگىزگى وقىتۋ شارت - جاعدايىن جاپپاي جاقسارتۋ) ينجەنەرياسىن اتقارعاننان بەرى، مەكتەبىمىز وقىتۋ عيماراتى، اسحانا، دەنە تاربيە الاڭى سياقتىلاردى جاڭادان سالدى، مەكتەبىمىزدەگى وقۋشىلاردىڭ سانى 2 جىلدىڭ الدىنداعى 230دان 348گە جەتتى، - دەپ تانىستىردى. ”ءار بەيسەنبى كۇنى ’اتا - انالاردى قابىلداۋ كۇنى‘ قيمىلىن وتكىزىپ، اتا - انالاردى مەكتەبىمىزدىڭ اسحاناسىندا تاعام ازىرلەۋگە، تاماقتانۋعا، بالالارمەن بىرگە مەكتەپتىڭ قيمىلدارىنا قاتىناسۋعا، وقۋ - اعارتۋ ارقىلى حالىققا تيىمدىلىك جەتكىزۋدىڭ وزگەرىستەرىن سەزىنۋگە ۇسىنىس ەتەمىز، اتا - انالار ايرىقشا بەلسەندى!“، - دەدى زۇمراگۇل.

  جەكە ىگەرشى قىستاعى باستاۋىش مەكتەبىنىڭ عانا كونە كەلبەتى جاڭالانىپ قالماستان، بۇگىنگى كۇندە تيانشاننىڭ تۇستىگى مەن تەرىستىگىندەگى اۋىل - قىستاق مەكتەپتەرىندە دە كوركەم وقىتۋ عيماراتتارى بوي كوتەرىپ، كەڭ دە جارىق كلاستاردان سىڭعىرلاعان كىتاپ وقىعان داۋىستار ەستىلەدى.

  ۇعىسۋعا قاراعاندا، رايونىمىز 2014 - جىلدان باستاپ ”جاعدايى ءالسىز مەكتەپتەردى جاپپاي جاقسارتۋ“ ينجەنەرياسىن اتقارعان، بىلتىر جىل سوڭىنا دەيىن جيىنى 19 ميلليارد 490 ميلليون يۋان قارجىنى تياناقتاندىرىپ، 6 ميلليون 927 مىڭ شارشى مەتر جەرگە مەكتەپ ۇيلەرىن سالۋدى بەكىتكەن، 6 ميلليون 469 مىڭ شارشى مەتر قۇرىلىس سالىنىپ بولعان، وقىتۋ جابدىقتارىن ساتىپ الۋعا ءبىر ميلليارد 820 ميلليون يۋان جۇمسالعان.

  رايونىمىز ”جاعدايى ءالسىز مەكتەپتەردى جاپپاي جاقسارتۋ“دى وقۋ - اعارتۋ ارقىلى كەدەيلىكتەن ارىلتۋدان قامال الۋ قىزمەتىمەن تىعىز ۇشتاستىرىپ، ”جاعدايى ءالسىز مەكتەپتەردى جاپپاي جاقسارتۋ“ قارجىسىن ءتۇيىندى تۇردە اۋىر كەدەي اۋداندارعا، مەملەكەت دارەجەلى كەدەي اۋداندارعا بەيىمدەدى، شوعىرلى تۇتاسقان ەرەكشە كەدەي وڭىرلەرگە، وڭتۇستىك شينجياڭداعى 4 ايماق - وبلىسقا بەيىمدەدى. مۇندا وڭتۇستىك شينجياڭداعى 4 ايماق - وبلىسقا 10 ميلليارد 250 ميلليون يۋان قارجى ءبولدى، بۇل جالپى بولىنگەن قارجىنىڭ %53ىن ۇستايدى، 3 ميلليون 864 مىڭ شارشى مەتر مەكتەپ ۇيلەرىن سالىپ، وقۋ - اعارتۋ ارقىلى كەدەيلىكتەن ارىلتۋ قىزمەتىن پارمەندى ىلگەرىلەتتى. ساناققا قاراعاندا، ”جاعدايى ءالسىز مەكتەپتەردى جاپپاي جاقسارتۋ“ ينجەنەرياسى اتقارىلعان 5 جىلدان بەرى، رايونىمىزداعى مىندەتتى وقۋ - اعارتۋ مەكتەپتەرىندەگى وقۋشىلارعا ورتا ەسەپپەن تۋرا كەلەتىن مەكتەپ ۇيلەرىنىڭ اۋدانى 7.34 شارشى مەتردەن 8.97 شارشى مەترگە جەتىپ، وقۋشىلارعا ورتا ەسەپپەن تۋرا كەلەتىن وقىتۋ اسپاپتارىنىڭ، جابدىقتارىنىڭ قۇنى 1116 يۋاننان 1955 يۋانعا جەتكەن. بۇكىل رايونىمىزدا 69 اۋدان (قالا، رايون) مەملەكەتتىڭ اۋدان كولەمىندەگى مىندەتتى وقۋ - اعارتۋدىڭ دامۋى نەگىزىنەن بىركەلكى اۋداندار ساراپتاۋىنان، بەكىتۋىنەن ءوتتى. اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى مىنالاردى ءبىلدىردى: ”جاعدايى ءالسىز مەكتەپتەردى جاپپاي جاقسارتۋ“ ينجەنەرياسىنىڭ اتقارىلۋى رايونىمىزداعى ورتا، باستاۋىش مەكتەپتەردىڭ وقىتۋ شارت - جاعدايىن ءونىمدى تۇردە جاقسارتىپ، تاربيە، وقىتۋ ساپاسى ورنىقتى قاداممەن جوعارىلاپ، رايونىمىزدىڭ بۇدان كەيىن اۋدان كولەمىندەگى قالا، اۋىل مىندەتتى وقۋ - اعارتۋىن ءبىر تۇلعالاندىرۋ رەفورماسىن دامىتۋدى ءبىر تۇتاس جوسپارلاپ ىلگەرىلەتۋىنە بەرىك نەگىز قالادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى