تيانشان تورى   ›   جاڭالىقتار   ›   شينجياڭ حابارلارى

حالىققا ءتيىمدى 112 شارانى جولعا قويدى

  ”جۇڭگو ساياحات كۇنى“ندە شينجياڭ 187 ءتۇرلى مادەنيەت - ساياحات قيمىلىن ورىستەتتى

  حالىققا ءتيىمدى 112 شارانى جولعا قويدى

  5 - ايدىڭ 19 - كۇنى 2019 - جىلعى ”جۇڭگو ساياحات كۇنى“ شينجياڭ بولىمشە جينالىس الاڭىنىڭ قيمىلى حوتان قالاسى ىنتىماق الاڭىندا باستالدى. سۋرەتتە: ساياحاتشىلار ساياحات ارقىلى كەدەيلەردى سۇيەمەلدەۋ كورمە تۇعىرىنىڭ الدىندا ساياحات ەرەكشە ونىمدەرىن ساتىپ الۋدا. سۋرەتتى شۇي شياۋلۇڭ تۇسىرگەن

  ءتىلشى رىن جياڭ 5 - ايدىڭ 19 - كۇنى حوتاننان حابارلايدى. 5 - ايدىڭ 19 - كۇنى تۇستەن بۇرىن حوتان قالاسى ىنتىماق الاڭىندا ءان اسقاقتاپ، شاپالاق ءۇنى تولاستامادى − 2019 - جىلعى ”جۇڭگو ساياحات كۇنى“ شينجياڭ بولىمشە جينالىس الاڭىنىڭ قيمىلى وسى ارادا باستالدى. سول كۇنى شينجياڭنىڭ جەر - جەرى ”جۇڭگو ساياحات كۇنى“ن قۇتتىقتاۋ قيمىلىن تەڭ قاداممەن ورىستەتىپ، ءتۇرلى مادەنيەت - ساياحات قيمىلىن 187 تۇرگە جەتكىزدى.

  بيىلعى ”جۇڭگو ساياحات كۇنى“نىڭ باس تاقىرىبى − ”مادەنيەت پەن ساياحاتتى توعىستىرىپ، تاماشا تۇرمىس جاراتايىق“! سول كۇنى تۇتاس شينجياڭداعى 14 ايماق، وبلىس، قالا بەيزاتتىق مادەنيەت مۇرالارى كورمەسى، كونسەرت - قويىلىم، جول بويى ونىمدەرىن تانىستىرۋ سياقتى 187 ءتۇرلى مادەنيەت - ساياحات قيمىلىن بىردەي وتكىزدى. سونىمەن قاتار، جەر - جەر كورىنىس ءوڭىرىنىڭ ەسىك بەلەتىن ارزانداتۋ نەمەسە ەسىك بەلەتىن الماۋ، ساياحات ارقىلى كەدەيلەردى سۇيەمەلدەۋ، مۇگەدەكتەرگە كومەكتەسۋ شارالارى، سونداي - اق ەڭبەك وزاتى مەن وزات قىزمەتكەرلەرگە ساياحات سيلىعىن بەرۋ سياقتى مادەنيەت - ساياحات ارقىلى حالىققا ءتيىمدى 112 شارانى اتقاردى.

  باي مازمۇندى ساياحات قيمىلدارى شينجياڭنىڭ ءىشى - سىرتىنداعى كوپتەگەن ساياحاتشىنى باۋرادى. ”مەنىڭ اۋەلگى جوسپارىم 2 ايدا شينجياڭدى ساياحاتتاپ شىعۋ بولاتىن، قازىر ويلاسام، 2 اي جەتپەيدى ەكەن، ەندى 6 ايدا شينجياڭدى ارالاپ شىعۋدى جوسپارلاپ وتىرمىن“، - دەدى شينجياڭ بولىمشە جينالىس الاڭىندا شىنجىننان كەلگەن ساياحاتشى ۋاڭ ليانۋىن. ول بيىل ”ۇيشە كولىكتەگى شينجياڭ“ قيمىلىنا قاتىناسۋ ءۇشىن شينجياڭعا تۇڭعىش كىرگەن اۆتوموبيل اترەتىنىڭ باستىعى، 5 - ايدىڭ 1 - كۇنىنەن باستاپ شينجياڭعا كەلگەننەن بەرى، ىلگەرىندى - كەيىندى قۇمىل، سانجى، ءۇرىمجى، حوتان قاتارلى جەرلەردى ساياحاتتادى، كورىكتى شينجياڭ وعان جانە سەرىكتەرىنە ەستەن كەتپەس اسەر قالدىردى.

  اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى ۋ حۋامين بىلاي دەپ تانىستىردى: ورنىقتىلىق پايداسىنىڭ ۇزدىكسىز جارىققا شىعۋىنا ىلەسە، شينجياڭنىڭ ساياحات كاسىبىندە ”شارىق ۇرا“ ارتۋ اۋقىمى جارىققا شىقتى. بيىل 1 - ايدان 4 - ايعا دەيىن، تۇتاس شينجياڭدا قابىلدانعان ساياحاتشى سانى سايكەس مەزگىلدەگىدەن %56.35 مولايىپ، ساياحات كىرىسى سايكەس مەزگىلدەگىدەن%58.12 ارتتى.

  بيىل ”جۇڭگو ساياحات كۇنى“ شينجياڭ بولىمشە جينالىس الاڭىنىڭ قيمىل وتكىزگەن جەرى بولعان حوتاننىڭ ساياحات بايلىعى مول، جاراتىلىستىق كورىنىسى كوركەم، تاريحي مادەنيەتى ۇزاق، ۇلتتىق سالت - ساناسى قويۋ، ساياحات تاۋارلارى مول، ول ساياحاتتىڭ تاماشا نىسانالى جەرىنىڭ بىرىنە اينالعاندىقتان، ساياحاتىنىڭ دامۋ ارىنى تەبىندەدى. بيىل 1 - ايدان 4 - ايعا دەيىن، حوتان ايماعى ەل ءىشى ساياحاتشىلارىنان 657 مىڭ 300 ادام - رەت قابىلداپ، سايكەس مەزگىلدەگىدەن %53.37 ارتتى؛ ساياحات كىرىسى 930 ميلليون يۋان بولىپ، سايكەس مەزگىلدەگىدەن %54.08 ارتتى. سول كۇنى اۆتونوميالى رايوندىق ساياحات قوعامىنىڭ، ساياحات داياشىلار قوعامىنىڭ، قوناقجاي شارۋاشىلىعى قوعامىنىڭ قاراستىلىعىنداعى بولىمشە قوعامدار ءبىر ءبولىم ساياحات كاسىپورىندارىمەن بىرلەسىپ ساياحات ارقىلى كەدەيلەردى سۇيەمەلدەۋ جاۋاپكەرلىك كەلىسىمىنە قول قويىپ، كاسىپ سالاسى ارقىلى كەدەيلەردى دالمە - ءدال سۇيەمەلدەۋدى ۇزدىكسىز ىلگەرىلەتتى. اۆتونوميالى رايوندىق ساياحات قوعامىنىڭ ورىنباسار باستىعى، باس حاتشىسى جاڭ شياۋيۇي بىلاي دەپ تانىستىردى: ءارقايسى قوعامدار وزدەرىنىڭ ءىس جۇزىندىك جاعدايىنا قاراي، ساياحات ارقىلى كەدەيلەردى سۇيەمەلدەۋ، جۇپ قۇراپ كومەكتەسۋ قيمىلىن ورىستەتەدى، سونىمەن قاتار مۇشە كاسىپورىنداردى ساياحاتقا قارجى قوسۋ تەبىنىن ارتتىرۋعا شابىتتاندىرىپ، كەدەيلەردى جۇمىستانۋعا، شارۋاشىلىق قۇرۋعا بەلسەنە ورنالاستىرادى، سونداي - اق جوسپارمەن قامداۋ، جوبالاۋعا قىزمەت وتەۋ، تەحنيكامەن قولداۋ كورسەتۋ، كەڭەس بەرىپ قىزمەت وتەۋ، ۇگىت جۇرگىزۋ، ساتۋ ارناسىن اشۋ قاتارلى تاسىلدەر ارقىلى كومەكتەسەدى، سۇيەمەلدەيدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.