رىن جياڭ
تەكسەرۋ - زەرتتەۋ تىلشىلىگى بارىسىندا سولتۇستىك شينجياڭنان وڭتۇستىك شينجياڭعا دەيىن شينجياڭ جۇڭتاي (توبى) شەكتى جاۋاپكەرلىك سەرىكتەستىگىنە قاراستى بىرنەشە كاسىپورىندى ارالادىم، وسى كاسىپورىنداردىڭ ءبارى قالادان شالعاي قاعىر دالاعا ورنالاسقان، وسى كاسىپورىنداردىڭ وسىزاماندانعان قۇرىلعىلارىنا قايران قالۋمەن قاتار، كاسىپورىنداردىڭ جاسىل ورمانمەن كومكەرىلگەن، كوكوراي شالعىنى جايقالعان كورىنىسى دە مەنى ەرىكسىز باۋرادى.
كوپ جەرىن ءشول دالا الىپ جاتاتىن، ءارى قۇرعاق، ءارى جاۋىن - شاشىنى از بولاتىن شينجياڭدا جاسىل جامىلعى وتە باعالى، اسىرەسە، قۇلازىپ جاتاتىن ءشول دالانى جاسىلداندىرۋ تىپتەن ماشاقاتتى، جاپالى ەكەنى تۇسىنىكتى. شينجياڭداعى مەملەكەت مەنشىگىندەگى ءىرى كاسىپورىنداردىڭ ۋاكىلى رەتىندە، شينجياڭ جۇڭتاي توبى دامۋ بارىسىندا باستان - اياق جاسىل دامۋ ۇستانىمىنان جازباي، ەكولوگيالىق ورتانى قورعايتىن، جاسىل، تومەن كومىرتەكتى كاسىپورىن قۇرۋعا قۇلشىنۋمەن قاتار، اعاش ەگىپ، ورمان وتىرعىزۋ سەرپىنىن ۇزدىكسىز كۇشەيتىپ، قاعىر دالانى جاسىلداندىرىپ، قىزمەتشىلەرگە جايلى تۇرمىس جانە قىزمەت ورتاسىن ازىرلەدى، وسى ءوڭىردى دە جاسىل القاپقا اينالدىردى. تاماشا ەكولوگيالىق ورتا − جالپىعا ءتيىمدى، حالىق تۇرمىسىنىڭ قۇت - ىرىسى. كاسىپورىن ەكونوميكالىق ونىمدىلىك جاراتۋمەن قاتار، ەكولوگيالىق ورتانى قورعاۋدى، ءسوزسىز، ايرىقشا ماڭىزدى ورىنعا قويۋ، لاستانۋدى تىزگىندەۋ، ەنەرگيانى ۇنەمدەپ، لاس زاتتاردى ىعىستىرۋدى ازايتۋ، اعاش ەگىپ، ورمان وتىرعىزۋ سياقتى جاقتارعا كۇش سالىپ، قوعام ءۇشىن ەكولوگيالىق بايلىق جاراتۋ، حالىقتىڭ كۇن سايىن ارتىپ وتىرعان تاماشا ەكولوگيالىق ورتاعا دەگەن سۇرانىسىن ۇزدىكسىز قاناعاتتاندىرۋ كەرەك.
