ماحمۇت ەكى قوزىقانى ايالاي قۇشاعىنا باسۋدا.
5-ايدىڭ 20-كۇنى، قارامايلى قالاسى ينجەنەريا قۇرىلىستاردى باسقارۋ مەكەمەسىنىڭ جايرانبۇلاق (جوعارى، جاڭا تەحنيكا رايونى) جينلۇڭ قالاشىعى جولى يوۋلۇڭ الەۋمەتتىك اۋماعىندا تۇراتىن”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى قوزىقانى قۇتقارىپ العان ساتتەردى ەسكە الىپ:”2 كۇن ولاردىڭ جانىندا بولدىم، كوزدەرىن ارەڭ-ارەڭ اشاتىن قوزىقالار ورىندارىنان تۇرا الاتىن بولدى،“،-دەدى.
5-ايدىڭ 14-كۇنى ساعات 11 مولشەرىندە، يوۋلۇڭ الەۋمەتتىك اۋماعىنىڭ تۇرعىنى ماحمۇت راحىمان ەكى كىشكەنتاي قوزىقانى قىسا كوتەرىپ، الەۋمەتتىك اۋماق كەڭسەسىنە الىپ كەلدى. ماحمۇت قارامايلى ۋيلۇڭ قوجالىق قىزمەت وتەۋ شەكتى جاۋاپكەرلىك سەرىكتەستىگىنىڭ شولۋشىسى ەدى، سول كۇنى تاڭەرتەڭ، ول قارامايلى قالاسىنان 30 كيلومەتردەن اسا اۋماقتاعى مۇناي الابىن كۇزەتۋ بارىسىندا جاڭا تۋعان ەكى كىشكەنتاي حايۋاناتتى بايقايدى.
“سول كۇنى 7 بال شاماسىندا بوران سوعىپ تۇرعان، مەن ولاردى ءشول دالادان بايقادىم، ماڭايىندا دالدا بولارلىق ەشتەڭە جوق ەدى، اۋەلى، ازىراق باقىلاپ، ەنەسىنىڭ كەلۋىن كۇتتىم،قانشا كۇتسەم دە قاراسى كورىنبەدى، سونىمەن ولاردى كوتەرىپ الىپ كەلدىم“،-دەدى ماحمۇت. ول قوزىقانى اكەلگەن سوڭ، ينتەرنەتتەن قاراستىرىپ، ولاردىڭ قاراقۇيرىق قوزىقاسى، مەملەكەتتىك ەكىنشى دارەجەلى قورعالاتىن حايۋانات ەكەنىن بىلەدى ءارى كيىمىنە وراپ الەۋمەتتىك اۋماققا الىپ كەلەدى.
قارامايلى قالاسى ينجەنەريا قۇرىلىستارىن باسقارۋ مەكەمەسىنىڭ جايرانبۇلاق (جوعارى، جاڭا تەحنيكا رايونى) جينلۇڭ قالاشىعى جولى يوۋلۇڭ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىسترۋ“ قىزمەت اترەتىنىڭ 1- شۋجيى ساي ليلي سول كۇنگى جاعدايدى ەسنە الىپ:”ولار وتە ءالسىز ەكەن، كىندىكتەرى دە تۇسپەگەن، كوزدەرىن دە اشپاعان، ءۇستى-باستارىن قۇم باسقان، ءبىز دەرەۋ ورمان حاۋىپسىزدىگى مەكەمەسىنە حابارلاستىق ءارى حايۋاناتتاردى باعۋ جاعىندا تاجىريبەسى بار قىزمەت اترەتىنىڭ مۇشەسى شوھىراتجان سايىمدى قوزىقالاردى قارايلاسۋعا ورنالاستىردىق”،-دەدى.
شوھىراتجان دەرەۋ دۇكەننەن ەشكىنىڭ ءسۇتى مەن ەمىزدىك ساتىپ كەلەدى، ال اترەتتىڭ باسقا مۇشەلەرى جىلى سۋعا شىلانعان ورامالمەن ولاردىڭ دەنەسىن سۇرتىپ تازالادى. شوھىراتجان دەرەۋ ءسۇت بەرىپ كوردى، الايدا ولار ىشپەدى.
بۇل ءسۇتتى ىشپەسە بولمايتىنىن بىلەتىن شوھىراتجان ءسۇتتى قايتا جىلىتىپ بەرگەندە قىلقىلداتىپ جۇتا باستادى.
ەكى كۇن بويى، قىزمەت اترەتىنىڭ مۇشەلەرى ولاردى ماپەلەپ باعىپ-قاعادى، جىلى ۇيشىك جاساپ بەردى. ەكى كۇننەن سوڭ، ورىندارىنان تۇرا الاتىن بولعاندا الەۋمەتتىك اۋماقتاعى كوگالعا شىعاردى، قىزمەت اترەتىنىڭ مۇشەلەرى ولاردىڭ ويناقتاي باستاعانىن كورىپ قۋانىپ كەتتى.
قوزىقالار كوگالدا
５-ايدىڭ 16-كۇنى، قارامايلى قالاسى ورمان حاۋىپسىزدىگى ساقشى مەكەمەسىنىڭ قىزمەتكەرى قاراقۇيرىقتىڭ ەكى بالاسىن الىپ كەتىپ ساراپتاۋ ارقىلى، قاراقۇيرىقتىڭ قوزىقاسى، مەملەكەتتىك ەكىنشى دارەجەلى قورعالاتىن حايۋانات ەكەندىگىن انىقتايدى. ول بىلاي دەيدى: ” تۇرعىندار قاراقۇيرىقتىڭ بالاسىن تاۋىپ العان جەردەن ەنەلەرىنىڭ دەرەگى بايقالماعان، تۇرعىندار مەن قىزمەت اترەتى مۇشەلەرىنىڭ دەن قويا ماپەلەۋىنىڭ ارقاسىندا قاراقۇيرىقتىڭ قوزىقالارى امان قالعان“،-دەدى،
قازىر، قاراقۇيرىقتىڭ قوزىقالارى حايۋاناتتاردى قورعاۋ پۋنكتىندە، ولار دەربەس تىرشىلىك ەتە الاتىن بولعاندا تابيعاتقا قويا بەرىلەدى.
