تيانشان تورى   ›   جاڭالىقتار   ›   عىلىم-تەحنيكا

اۆتونوميالى رايوننىڭ عىلىم - تەحنيكا قيمىلى اپتالىعى قاشقاردا باستالدى

  ءتىلشى حان چينيان 5 - ايدىڭ 20 - كۇنى قاشقاردان حابارلايدى. 5 - ايدىڭ 19 - كۇنى اۆتونوميالى رايوننىڭ 2019 - جىلعى عىلىم - تەحنيكا قيمىلى اپتالىعى قاشقار داشۋەسىندە باستالدى، بيىلعى عىلىم - تەحنيكا قيمىلى اپتالىعىنىڭ نەگىزگى تاقىرىبى − ”مەملەكەتتى عىلىم - تەحنيكا ارقىلى قۇدىرەتتەندىرۋ . عىلىم جالپىلاستىرۋ ارقىلى حالىققا تيىمدىلىك جەتكىزۋ“.

  بيىلعى عىلىم - تەحنيكا قيمىلى اپتالىعىندا عىلىم - تەحنيكادا جاڭالىق اشۋ جەتىستىكتەرى كورمەسى، عىلىم - تەحنيكا جەتىستىكتەرى ارقىلى حالىققا تيىمدىلىك جەتكىزۋ، تاماشا تۇرمىستى سەزىنۋ، اۋىل - قىستاقتى كوركەيتۋ ستراتەگياسىنا قىزمەت وتەۋ سياقتى مازمۇندار بار، جۇڭحۋا حالىق رەسپۋبليكاسى قۇرىلعان 70 جىلدان بەرى، عىلىم - تەحنيكانىڭ جىبەك جولى ەكونوميكالىق بەلدەۋىندە دامۋعا جاڭالىق اشۋ ارقىلى دەم بەرۋ، ”ءبىر بەلدەۋ، ءبىر جول“ حالىقارالىق سەلبەستىگى، ەرەكشە باسىمدىققا يە كاسىپ سالالارىنا جەتەكشىلىك ەتۋ، حالىق تۇرمىسىنا تيىمدىلىك جەتكىزۋ، كەدەيلەردى سۇيەمەلدەۋ، كەدەيلىكتەن ارىلتۋ قىزمەتىندە قول جەتكىزگەن جەتىستىكتەرى تولىق ايگىلەندى.

  5 - ايدىڭ 19 - كۇنىنەن 5 - ايدىڭ 26 - كۇنىنە دەيىنگى قيمىل اپتالىعى كەزىندە تۇتاس رايونىمىزداعى ايماقتار، وبلىستار، قالالار فورماسى الۋان ءتۇرلى، باي مازمۇندى قيمىلدار ۇيىمداستىرىپ وتكىزەدى. قاشقار ايماقتىق عىلىم - تەحنيكا مەكەمەسى مامانداردى مەكتەپتەرگە، الەۋمەتتىك اۋماقتارعا، اۋىل - قىستاقتارعا بارىپ، تەحنيكا جالپىلاستىرۋ، عىلىم جالپىلاستىرۋ بويىنشا تۇسىنىك جاساۋ، تاجىريبە جاساپ كورسەتۋ، ۇلگى كورسەتىپ ۇيرەتۋ سياقتى قيمىلدار وتكىزۋگە ۇيىمداستىردى؛ اقسۋ ايماقتىق عىلىم - تەحنيكا مەكەمەسى، عىلىم - تەحنيكا قوعامى عىلىم جالپىلاستىرۋ بويىنشا ارالاپ ۇگىت جۇرگىزۋ جانە مادەنيەتتى اۋىل - قىستاقتارعا جەتكىزۋ سياقتى قيمىلدار ورىستەتىپ، عىلىم - تەحنيكادا جاڭالىق اشۋ جەتىستىكتەرى مەن عىلىم جالپىلاستىرۋ قيمىلدارى ارقىلى قالىڭ حالىق بۇقاراسىنا تاماشا تيىمدىلىكتەر جەتكىزەدى.

  ۇعىسۋعا قاراعاندا، بيىل عىلىم - تەحنيكا قيمىلى اپتالىعى كەزىندە ”ينتەرنەت قيمىلى اپتالىعى“ سياقتى ءبىرسىپىرا قيمىلدار وتكىزىلۋدەن سىرت، اۆتونوميالى رايوننىڭ عىلىم جالپىلاستىرۋ قىزمەتى بىرلەسكەن ءماجىلىسى كەڭسەسى، سونداي - اق ءارقايسى مۇشە ورىندار تۇتاس جىلعا جالعاسقان ءبىر قىدىرۋ ءتۇيىندى قيمىلدار ۇيىمداستىرادى، مىسالى، ”3 - كەزەكتى شينجياڭ عىلىم جالپىلاستىرۋ بويىنشا تۇسىنىك جاساۋ جارىسى“، ”استرونوميا ءبىلىمى جەلىلەس ۇگىت قيمىلى“، ”’تۇرمىستاعى عىلىم‘ جاستار مەن ورەندەردىڭ اماليات قيمىلى“، ”’مەن جانە مەنىڭ وتانىم‘ قوعامدىق عىلىم ماماندارىنىڭ نەگىزگى ساتىعا ساپارى قيمىلى“، ت . ب.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى