تيانشان تورابى   ›   زاڭ تارازى   ›   زاڭنان كەڭەس

بازار قىزمەت وتەۋىنىڭ اقاۋسىز، ءتارتىپتى ورتاسىن قالىپتاستىردى

رايونىمىز مادەنيەت − ساياحات جۇيەسىندەگى بىلىقپالىقتاردى ارناۋلى رەتتەپ، جونگە سالدى

بازار قىزمەت وتەۋىنىڭ اقاۋسىز، ءتارتىپتى ورتاسىن قالىپتاستىردى

  تىلشىلەر جاڭ يانفاڭ، ياڭ شۋحان 5 - ايدىڭ 20 - كۇنى ۇرىمجىدەن حابارلايدى. جاقىنعى ءبىر مەزەتتەن بەرى، اۆتونوميالى رايوندىق مادەنيەت - ساياحات مەڭگەرمەسى مادەنيەت، ساياحات قىزمەت وتەۋ ورتاسى مەن بازار ءتارتىبىن ارناۋلى رەتتەۋ، جونگە سالۋ قىزمەتىن تىڭعىلىقتى ورىستەتىپ، كاسىپ سالاسىنداعى بىلىقپالىقتاردى انىقتاپ، تارتىپكە سالىپ، مادەنيەت، ساياحات بازارى قىزمەت وتەۋىنىڭ اقاۋسىز، ءتارتىپتى ورتاسىن قالىپتاستىردى.

  اۆتونوميالى رايوندىق مادەنيەت - ساياحات مەڭگەرمەسى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ رەتتەۋ - تۇزەتۋ قىزمەتى باسشىلىق گرۋپپاسىن جانە قىزمەت گرۋپپاسىن قۇرىپ، ”بىلىقپالىقتىڭ“، ”قارا كۇشتەردىڭ“، ”سۇرقيا كۇشتەردىڭ“، ”باسقالقانىڭ“، ”شىرىكتەسۋدىڭ“ دەرەگىنە ءبىر - بىرلەي زور تەكسەرۋ جۇرگىزدى.

  سونىمەن قاتار، اۆتونوميالى رايوندىق مادەنيەت جانە ساياحات مەڭگەرمەسى سوڭعى 5 جىلدان بەرى ءبىر جاقتى ەتىلگەن دەلولارعا ”قايتا قاداعالاپ“، قارا، سۇرقيا كۇشتەرگە، اسىرەسە، پەردە ارتىنداعى ”باسقالقا“عا، شىرىكتەسۋگە ساياتىن ماسەلەلەردى ءتۇيىندى تۇردە تەكسەردى؛ ءىشىنارا تانساحانا، ەلەكتروندى ويىنشىقحانا، تورحانا سياقتى كوڭىل اشۋ ورىندارى مەن كورىنىس ءوڭىرى، قوناق ءۇي، ساياحات داياشىسى، ساياحات اۆتوكولىگى سياقتى ءتۇيىندى وبيەكتىلەردى تەكسەرىپ، اداقتاپ، ماسەلەنىڭ دەرەگىن ىشكەرىلەي قازدى. ”ۇيلەسىمسىز اقىسى تومەن ساياحات“، ”زاڭسىز ساياحات كووپەراتيۆى شارۋاشىلىعىمەن شۇعىلدانۋ“، ”زات ساتىپ الۋعا زورلاۋ نەمەسە ءتۇسىن وزگەرتىپ زورلاۋ“، ”ساياحات جەلىسىن ءوز الدىنا وزگەرتۋ“ سياقتى مادەنيەت، ساياحات بازارىنداعى بىلىقپالىقتاردى ارناۋلى رەتتەدى، جونگە سالدى.

  ءۇرىمجى قالالىق مادەنيەت - ساياحات مەكەمەسى ساياحات كاسىبىندە ”قارا كۇشتەردى الاستاۋ، سۇرقيا كۇشتەردى جويۋ“ ارناۋلى رەتتەۋ، جونگە سالۋ قيمىلى بويىنشا زاڭ جالپىلاستىرۋ تاربيەسىن ورىستەتىپ، كاسىپ سالاسى امالياتىمەن ۇشتاستىرىپ، ساياحات كاسىبىمەن شۇعىلدانۋشىلارعا زاڭ جالپىلاستىرۋ تاربيەسىن جۇرگىزىپ، كوپشىلىكتىڭ بىرگە سەلبەسىپ، ءۇرىمجى قالاسىنىڭ ساياحات بازارىن ورتاسى جاراسىمدى، ءادىل، شىنايى، اقاۋسىز بازار ەتىپ قۇرىپ شىعۋ كەرەك.

  بايىنعولين موڭعۇل اۆتونوميالى وبلىسىنىڭ بۇگىر اۋدانى مادەنيەت، كوڭىل اشۋ ورىندارىنا، ساياحات كاسىبىنە، باسىلىم بازارىنا قاراتا قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ۇگىت تاربيەسىن جۇرگىزىپ، مادەنيەت، كوڭىل اشۋ ورىندارى قوجايىندارىنىڭ مادەنيەت، ساياحات بازارى ورتاسىن تازارتۋدىڭ ماڭىزدىلىعى جونىندەگى تانىمدارىن ونان ارى كۇشەيتىپ، كوپشىلىكتىڭ سانالى تۇردە اتتانىسقا كەلۋىنە جەتەكشىلىك ەتىپ، شارۋاشىلىق ءتارتىبىن ۇزدىكسىز جۇيەلىلەندىرىپ، شارۋاشىلىق ورتاسىن تازارتتى.

  اۆتونوميالى رايوندىق مادەنيەت - ساياحات مەڭگەرمەسىنىڭ قاتىستى جاۋاپتىسى مىنانى ءبىلدىردى: مادەنيەت، ساياحات سالاسىندا قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ويداعىداي جۇرگىزۋگە تاباندى بولىپ، مادەنيەت، ساياحات ىستەرىنىڭ حاۋىپسىز دامۋىن، اقاۋسىز دامۋىن، باياندى دامۋىن جەبەپ، مادەنيەت، ساياحات سالاسىندا قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى مەن مادەنيەت، ساياحات ىستەرىنىڭ دامۋىن قاتار جەبەۋدى جۇزەگە اسىرۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى