ءتىلشى جاڭ تيڭ، ەرىكتى ءتىلشى جاڭ شينمەي 5 - ايدىڭ 20 - كۇنى التايدان حابارلايدى. ”بىرنەشە كۇننەن كەيىن، قىستاعىمىزدىڭ كوكونىس جىلىجايىندا جاڭادان وسىرىلگەن ساڭىراۋقۇلاق بازارعا شىعارىلادى. قازىر جالپى 4 ميلليون يۋان قارجى بولىنگەن، 8000 نەشە شارشى مەتر اۋماقتى يەلەگەن جالپى كورىنىستىك كۇن نۇرىن شوعىرلاندىراتىن، ەنەرگيانى سارىپ ەتۋى تومەن وسى جىلىجاي كورىكتى كورىنىس جەلىسىنە اينالدى“، - دەدى تاياۋدا، بۋرىلتوعاي اۋدانى كوكاعاش اۋىلى اقوتكەل قىستاعى پارتيا ياچەيكاسىنىڭ شۋجيى داۋلەن ءراشات قۋانىشتى تۇردە.
”شينجياڭعا كومەكتەسۋ نىساندارىن اتقارۋدىڭ جانە التاي ايماعى تاراتقان قىستاق دارەجەلى كوللەكتيۆ شارۋاشىلىقتى سۇيەمەلدەۋ قارجىسىنىڭ ارقاسىندا، 2018 - جىلدىڭ سوڭىنا دەيىن، قىستاقتا جاڭادان سالىنعان 6 جىلىجاي جانە 2 بولمەلى دۇكەن وندىرىسكە قوسىلىپ، پايدالانۋعا بەرىلدى. بيىل قىستاقتىڭ كوللەكتيۆ شارۋاشىلىق كىرىسى 230 مىڭ يۋانعا جەتەدى دەپ مەجەلەنۋدە“، - دەدى داۋلەن ءراشات.
قىستاقتىڭ كوللەكتيۆ شارۋاشىلىق كىرىسىنەن پايدالانىپ، ”كورىكتى اۋىل - قىستاق“ قۇرىلىسىنا ۇشتاستىرعان بۇل قىستاق كەلەسى قادامدا ۇلتتىق سالت - سانا قىستاعىن قۇرىپ، قىستاق تۇرعىندارىنىڭ ساياحاتتان كىرىس كىرگىزۋىنە مۇمكىندىك جاساۋدى جوسپارلاپ وتىر.
اقوتكەل قىستاعى سىندى بۇرىنعى كوللەكتيۆ شارۋاشىلىعىنىڭ جىلدىق كىرىسى 50 مىڭ يۋانعا جەتپەيتىن كەدەي قىستاقتا تۋىلعان قۋانارلىق وزگەرىستەر التاي ايماعىنىڭ كوپ ءتۇرلى شارا ارقىلى ەكونوميكاسى ءالسىز قىستاقتاردىڭ كوللەكتيۆ شارۋاشىلىعىن زورايتۋىنىڭ شاعىن كارتيناسى.
تاياۋ جىلداردان بەرى، التاي ايماعى كوپ ءتۇرلى شارا قولدانىپ، ەكونوميكاسى ءالسىز قىستاقتاردىڭ كوللەكتيۆ شارۋاشىلىعىن زورايتتى. قازىرگە دەيىن، بۇل ايماق ءۇرتىس 4 جىل ارناۋلى سۇيەمەلدەۋ قارجىسىنان جالپى 20 ميلليون يۋان ءبولىپ، ەكونوميكاسى ءالسىز 78 قىستاقتىڭ كوللەكتيۆ شارۋاشىلىعىن دامىتتى، 78 قىستاقتىڭ ءاربىرىنىڭ جىلدىق ورتاشا كىرىسى 127 مىڭ يۋانعا جەتتى.
”بۇرىندارى جىل سايىن زورايۋدى اۋىزعا العانىمىزبەن، جىل سايىن سۇيەمەلدەي الماۋشى ەدىك، قارجىنى، بايلىقتى، ساياساتتى، نىساندى بىرىكتىرۋ جۇمىسىن ويداعىداي ىستەۋ ماسەلەنى شەشۋدىڭ كىلتى“، - دەدى التاي ايماقتىق پارتكوم ۇيىمداستىرۋ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى پىڭ كاڭ.
2015 - جىلدان بەرى، التاي ايماعى ءىس جۇزىندىكتى تياناق ەتىپ، «التاي ايماعىنىڭ قىستاق دارەجەلى كوللەكتيۆ شارۋاشىلىقتى دامىتۋ، زورايتۋ جونىندەگى اتقارۋ پىكىرى“ن العا قويىپ، كوللەكتيۆ ەكونوميكاسى ءالسىز قىستاقتاردىڭ قارجى جەتىسپەۋ، دارىندى تاپشى بولۋ سياقتى ماسەلەلەرىنە باعىتتاي وتىرىپ، قىستاق جاعدايىنا قاراي ىستەپ، قىستاق جاعدايىنا قاراي شارا قولدانىپ، ۇزاق ۋاقىت ءونىمدى جونگە سالىپ، قىستاق دارەجەلى كوللەكتيۆ شارۋاشىلىعىنىڭ دامۋىن سۇيەمەلدەۋ قارجىسىن قۇرادى.
بۇل ايماق جىل سايىن قازىنادان 5 ميلليون يۋان ارناۋلى قارجى ءبولىپ، اۋداننىڭ، قالانىڭ ولشەمىن ءبىر ميلليون يۋاننان تومەندەتپەۋ نەگىزىندە، كوللەكتيۆ ەكونوميكاسى ءالسىز قىستاقتاردىڭ ەرەكشە ەگىنشىلىكتى، باعىمشىلىقتى دامىتۋىن، جەردى قۇنارلاندىرۋىن، اۋلا شارۋاشىلىعىن ءتۇيىندى سۇيەمەلدەپ، سەلبەستىك كووپەراتيۆ قۇرىپ، اۋىل شارۋاشىلىعىنداعى باستاماشى كاسىپورىندار سياقتى كاسىپ سالاسىن دامىتىپ، ارناۋلى قارجىنى باسقارۋ، پايدالانۋ، يگىلىكتەنۋ جاعدايىن تەكسەرۋ - باعالاۋ كورسەتكىشىنە ەنگىزدى؛ جۇپ قۇراپ سۇيەمەلدەۋ مەحانيزمىن ورناتىپ، ”قالا، اۋىلدى ۇلاستىرۋ، 100 قىستاقتى بىرگە قۇرۋ“ قيمىلىن ىشكەرىلەي ورىستەتىپ، قارجى، تەحنيكا، دارىندى، نىسان سياقتى جاقتاردان كىرىسىپ، قىستاق دارەجەلى كوللەكتيۆ شارۋاشىلىقتى دامىتۋىنا، ءىس جۇزىندىك ماسەلەلەردى شەشۋىنە كومەكتەستى. سونىمەن بىرگە، بۇل ايماق تاعى قىستاق دارەجەلى كوللەكتيۆ شارۋاشىلىقتى دامىتۋدىڭ ”جاسىل ارناسى“ن اشىپ، سالىقتى ازايتۋ، كەشىرىم ەتۋ، اۋىل شارۋاشىلىعىن سۇيەمەلدەۋ، فينانستىق قولداۋ كورسەتۋ، عىلىم - تەحنيكا جاعىنان سۇيەمەلدەۋ سياقتى ساياسات، شارالار ارقىلى باستاماشى كاسىپورىنداردى كەدەي قىستاقتارمەن جۇپ قۇراۋ كەلىسىمىن جاساۋعا ۇيىمداستىرىپ، ”باستاماشى كاسىپورىن + بازا + شارۋا وتباسى“ جۇپتاسىپ سەلبەسەتىن سۇيەمەلدەۋ تۇعىرىن ورناتتى، كاسىپورىندار بايلانىس جاسايتىن قىستاقتىڭ ءىس جۇزىندىگىمەن ۇشتاستىرىپ، قارجى، تەحنيكا، زات سياقتىلارمەن سۇيەمەلدەپ، ەرەكشە اۋىل شارۋاشىلىق ونىمدەرىن وڭدەۋدى دامىتىپ، اۋىل شارۋاشىلىق ونىمدەرىن ءوندىرۋ، ساتۋ جانە قىستاق تۇرعىندارىنىڭ جۇمىستانۋى سياقتى ماسەلەلەردى شەشىپ، قىستاق پەن كاسىپورىننىڭ تەڭ يگىلىككە كەنەلۋىن جۇزەگە اسىردى.
