چىن چۋانگو اۆتونوميالى رايوندىق وقۋ - اعارتۋ ماجىلىسىندە بىلاي دەپ باسا دارىپتەدى
باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، وقۋ - اعارتۋدىڭ وسىزاماندانۋىن تىڭعىلىقتى ىلگەرىلەتىپ، حالىق ريزا بولاتىن وقۋ - اعارتۋدى ويداعىداي جۇرگىزۋ كەرەك
شوكىرات زاكىر باسقاردى، جۇڭ دىڭحۋا ءسوز سويلەدى، شاۋكەت يمىن، سۇن جينلۇڭ قاتىناستى، لي پىڭشين قورىتىندى ءسوز سويلەدى
ءتىلشى ياۋ تۇڭ 5 - ايدىڭ 20 - كۇنى ۇرىمجىدەن حابارلايدى. 5 - ايدىڭ 20 - كۇنى اۆتونوميالى رايوندىق وقۋ - اعارتۋ ءماجىلىسى اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، مەملەكەتتىك وقۋ - اعارتۋ ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، وقۋ - اعارتۋدىڭ وسىزاماندانۋىن تىڭعىلىقتى ىلگەرىلەتىپ، حالىق ريزا بولاتىن وقۋ - اعارتۋدى ويداعىداي جۇرگىزىپ، باياندى تىنىشتىقتى جۇزەگە اسىرۋعا بەرىك نەگىز قالاۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. وقۋ - اعارتۋ مينيسترلىگىنىڭ ورىنباسار مينيسترى جۇڭ دىڭحۋا ءسوز سويلەدى، اۆتونوميالى رايوننىڭ باسشىلارىنان شاۋكەت يمىن، سۇن جينلۇڭ، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، جي جىڭ، سارقىت اقان، ياڭ شين، جاڭ چۇنلين ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكوم وقۋ - اعارتۋ قىزمەت كوميتەتىنىڭ شۋجيى لي پىڭشين قورىتىندى ءسوز سويلەدى.
چىن چۋانگو بىلاي دەپ اتاپ كورسەتتى: باس شۋجي شي جينپيڭنىڭ مەملەكەتتىك وقۋ - اعارتۋ ماجىلىسىندە سويلەگەن ماڭىزدى ءسوزى جاڭا ءداۋىر جۇڭگوشا سوتسياليستىك وقۋ - اعارتۋدىڭ جۇيەلى، كەمەلدى نازاريالىق جۇيەسىن قالىپتاستىردى، ول وتە كۇشتى يدەيالىق سيپاتقا، ساياسي سيپاتقا، ستراتەگيالىق سيپاتقا، جەتەكشىلىك سيپاتقا يە، ول جاڭا داۋىردە وقۋ - اعارتۋ قىزمەتىن ويداعىداي ىستەۋدىڭ تۇعىرنامالىق حۇجاتى. مۇقيات ۇيرەنىپ، ىشكەرىلەي ءتۇسىنىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، پارتيا ورتالىق كوميتەتىنىڭ وقۋ - اعارتۋ قىزمەتى جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، دايەكتىلەندىرۋ، تياناقتاندىرۋ سانالىلىعى مەن تاباندىلىعىن شىنايى كۇشەيتۋ كەرەك.
چىن چۋانگو تۇتاس رايونىمىزدىڭ وقۋ - اعارتۋ قىزمەتىندە قول جەتكەن ناتيجەلەر مەن ءدوپ كەلگەن جاعدايعا، مىندەتتەرگە وبيەكتيۆ تالداۋ جاسادى. ول بىلاي دەپ باسا دارىپتەدى: جاڭا ءداۋىر، جاڭا جاعداي، جاڭا مىندەت الدىندا، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باس شۋجي شي جينپيڭنىڭ مەملەكەتتىك وقۋ - اعارتۋ ماجىلىسىندە سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدى ارقاۋ ەتىپ، وقۋ - اعارتۋ ىستەرىن الدىمەن دامىتىپ، جۇڭگوشا سوتسياليستىك شينجياڭ قۇرۋعا اقىل - پاراساتتىق قولداۋ كورسەتۋ جانە دارىندىلار جاعىنان قامتاماسىز ەتۋ كەرەك. ءبىرىنشى، مەكتەپ باسقارۋدىڭ دۇرىس بەتالىسىنا تاباندى بولۋ كەرەك. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ماركسيزمنىڭ جەتەكشى ورنىنا تاباندى بولىپ، جۇڭگوشا سوتسياليستىك وقۋ - اعارتۋدى دامىتۋ جولىنا تاباندى بولىپ، سوتسياليستىك مەكتەپ باسقارۋ بەتالىسىنا تاباندى بولىپ، ساياساتشىلار وقۋ - اعارتۋدى باسقارۋعا تاباندى بولىپ، وقۋ - اعارتۋدىڭ حالىق ءۇشىن قىزمەت ەتۋىنە، جۇڭگو كوممۋنيستىك پارتياسىنىڭ ەل باسقارۋى ءۇشىن قىزمەت ەتۋىنە، جۇڭگوشا سوتسياليزم ءتۇزىمىن بەكەمدەۋ جانە دامىتۋ ءۇشىن قىزمەت ەتۋىنە، رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى ءۇشىن قىزمەت ەتۋىنە تاباندى بولىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋ كەرەك. ەكىنشى، تولىمدى دارىندىلاردى كۇش سالا باۋلۋ كەرەك. يدەيالىق، ساياسي تاربيەنى كۇشەيتىپ، دارىندىلاردى باۋلۋ مەحانيزمىن اقاۋسىزداندىرىپ، وقۋ - اعارتۋ جۇيەسىن ورناتىپ جانە ونى كەمەلدەندىرىپ، ”توراڭعى رۋحىن“ بارىنشا ساۋلەلەندىرىپ، ۇرپاقتان - ۇرپاققا دەيىن شەكارا وڭىرگە تەرەڭ تامىر تارتاتىن، جاۋاپكەرشىلىك ارقالاپ، ۇلەس قوساتىن، جۇڭگوشا سوتسياليستىك شينجياڭ قۇراتىن جارامدى دارىندىلاردى باۋلۋ كەرەك. ءۇشىنشى، وقىتۋشىلار قوسىنى قۇرىلىسىن ىلگەرىلەتۋ كەرەك. وقىتۋشىلار قوسىنى قۇرىلىسىن نەگىزدىك قىزمەت رەتىندە يگەرىپ، وقىتۋشىلىق ءمورال، وقىتۋشىلىق ستيل قۇرىلىسىن كۇشەيتىپ، وقىتۋشىلار قوسىنى قۇرىلىمىن ساپالىلاندىرىپ، وقىتۋشىلاردىڭ قابىلەت ساپاسىن ءوسىرىپ، قولداۋ تەبىنىن ارتتىرىپ، ءتىپتى دە كوپ ۇزدىك دارىندىلاردى شينجياڭعا تامىر تارتۋعا، وقۋ - اعارتۋ جۇمىسىمەن الاڭسىز شۇعىلدانۋىنا، وتان ءۇمىتىن اقتاۋعا باۋراۋ جانە ىنتالاندىرۋ كەرەك. ءتورتىنشى، قوس ءتىل تاربيەسىن كۇش سالا ويداعىداي جۇرگىزۋ كەرەك. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ۇلتتىق وڭىرلىك اۆتونوميا ءتۇزىمىن تياناقتاندىرىپ، مەملەكەتتە ءبىر تۇتاس قولدانىلاتىن ءتىل - جازۋدى تاباندىلىقپەن اتقارىپ، قوس ءتىل تاربيەسىن ىلگەرىلەتۋ مەحانيزمىن اقاۋسىزداندىرۋ كەرەك. بەسىنشى، وقۋ - اعارتۋ ءتۇزىلىسى رەفورماسىن تەرەڭدەتۋ كەرەك. پارتيا ورتالىق كوميتەتىنىڭ وقۋ - اعارتۋدى رەفورمالاۋ، وعان جاڭالىق اشۋ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، ەمتيحانمەن وقۋشى قابىلداۋ ءتۇزىمى رەفورماسىن ىلگەرىلەتىپ، مەكتەپ باسقارۋ ءتۇزىلىسى رەفورماسىن تەرەڭدەتىپ، بيڭتۋان مەن جەرگىلىكتى ورىن وقۋ - اعارتۋىنىڭ ءبىر تۇلعالانا دامۋىنا تاباندى بولۋ كەرەك. التىنشى، زيالىلار قىزمەتىن كۇشەيتۋ كەرەك. يدەيالىق - ساياسي جەتەكشىلىكتى كۇشەيتىپ، ەڭبەككە قۇرمەت ەتىپ، بىلىمگە قۇرمەت ەتىپ، دارىندىلارعا قۇرمەت ەتىپ، جاسامپازدىققا قۇرمەت ەتىپ، زيالىلارمەن تىعىز بايلانىس ورناتىپ، ولارعا كوڭىل ءبولىپ، قامقورلىق جاساپ، زيالىلاردى جاۋاپكەرشىلىك ارقالاۋعا، ءىس تىندىرۋعا ىنتالاندىرىپ، زيالىلاردىڭ دارىنى مەن قابىلەتىن ساۋلەلەندىرۋىنە مۇمكىندىك جاساۋ كەرەك.
چىن چۋانگو بىلاي دەپ باسا دارىپتەدى: ءار دارەجەلى پارتكومدار پارتيانىڭ وقۋ - اعارتۋ قىزمەتىنە جاپپاي باسشىلىعىن كۇشەيتىپ، پارتكوم باسشىلىعىنداعى مەكتەپ باستىعى جاۋاپتى بولۋ تۇزىمىنە تاباندى بولىپ، مەكتەپتەردىڭ پارتيا قۇرىلىسى قىزمەتىن كۇشەيتىپ، پارتيانىڭ وقۋ - اعارتۋ قىزمەتىنە باسشىلىق ۇقىعىن مىقتاپ يگەرۋ كەرەك. ءار دارەجەلى پارتكومدار مەن ۇكىمەتتەر وقۋ - اعارتۋعا رەفورما جاساۋدى، دامىتۋدى ماڭىزدى كۇن تارتىپكە كىرگىزۋ، ءار دارەجەلى وقۋ - اعارتۋدى باسقارۋ تاراۋلارى، ءار دارەجەلى، ءار ءتۇرلى مەكتەپتەر، تاراۋلار، ورىندار جاۋاپكەرشىلىكتى تياناقتاندىرۋدى كۇشەيتىپ، سايكەسىپ، سەلبەسىپ ءبىر تۇتاس بىرلەسىپ قيمىلداۋ كەرەك. ۇگىت تەبىنىن ارتتىرىپ، وقىتۋشىلاردى قۇرمەتتەۋدى، وقۋ - اعارتۋعا ءمان بەرۋدى سالتقا اينالدىرىپ، ءار سالا وقۋ - اعارتۋعا ءمان بەرەتىن، كوڭىل بولەتىن، قولداۋ كورسەتەتىن تاماشا راي، ادامدى بىرگە تاربيەلەيتىن قۋاتتى بىرىككەن كۇش قالىپتاستىرۋ كەرەك.
جۇڭ دىڭحۋا بىلاي دەپ اتاپ كورسەتتى: شينجياڭ ۇيعۇر اۆتونوميالى رايونى وقۋ - اعارتۋ قىزمەتىنە وسكەلەڭ ءمان بەرىپ، پارتيانىڭ وقۋ - اعارتۋ باعىتى مەن مەملەكەتتىك وقۋ - اعارتۋ ءماجىلىسىنىڭ رۋحىن جاپپاي دايەكتىلەندىرىپ، سوتسياليستىك مەكتەپ باسقارۋ بەتالىسىنان جازباي، ونەگە كورسەتىپ ادام تاربيەلەۋ سىندى ءتۇبىرلى مىندەتتى تياناقتاندىرىپ، مەكتەپ باسقارۋ شارت - جاعدايىن ۇزدىكسىز جاقسارتىپ، وقىتۋشىلار قوسىنى قۇرىلىسىن كۇشەيتىپ، وقۋ - اعارتۋدىڭ ساپاسىن جوعارىلاتىپ، وقۋ - اعارتۋدىڭ ادىلدىگىن جەبەپ، حالىق بۇقاراسىنىڭ وقۋ - اعارتۋداعى تابىس سەزىمىن ۇزدىكسىز كۇشەيتتى. شينجياڭنىڭ باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، مەملەكەتتىك وقۋ - اعارتۋ ءماجىلىسىنىڭ رۋحىن ىشكەرىلەي دايەكتىلەندىرىپ، وقۋ - اعارتۋدى الدىمەن دامىتۋ ستراتەگياسىن تياناقتاندىرۋدى الدىمەن ىستەلەتىن جۇمىس ەتۋدەن جازباي، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلۋدى ءتۇبىرلى مىندەت ەتۋدەن جازباي، وقىتۋشىلار قوسىنى قۇرىلىسىن كۇشەيتۋدى كەلەلى ساياسي مىندەت جانە ءتۇبىرلى حالىق تۇرمىسى ينجەنەرياسى ەتۋدەن جازباي، وقۋ - اعارتۋعا رەفورما جاساۋدى، وقۋ - اعارتۋدا جاڭالىق اشۋدى وقۋ - اعارتۋدىڭ ومىرشەڭدىك كۇشىن قاۋلاتۋدىڭ ءتۇبىرلى قوزعاۋشى كۇشى ەتۋدەن جازباي، پارتيانىڭ وقۋ - اعارتۋ قىزمەتىنە جاپپاي باسشىلىعىن ءتۇبىرلى كەپىلدىك ەتۋدەن جازباي، وقۋ - اعارتۋدى وسىزامانداندىرۋدى جەدەل ىلگەرىلەتىپ، حالىق ريزا بولاتىن وقۋ - اعارتۋدى جۇرگىزۋىن ءۇمىت ەتەمىن.
لي پىڭشين بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن ءبىر تۇتاس باسشىلىققا الىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى باس نىساناعا شوعىرلاندىرىپ، پارتيانىڭ وقۋ - اعارتۋ قىزمەتىنە جاپپاي باسشىلىعىن شىن مانىندە مىقتاپ ۇستاپ، پارتيا ءۇشىن ادام تاربيەلەۋدەن، مەملەكەت ءۇشىن دارىندى تاربيەلەۋدەن جازباي، وقۋ - اعارتۋعا رەفورما جاساۋ، دامىتۋ قىزمەتتەرىن شىنايى جاقسى ىستەپ، پارتيانىڭ وقۋ - اعارتۋ باعىتى مەن ساياسات، شارالارىنىڭ تياناقتانىپ تامىر تارتۋىن، ناقتى ونىمدىلىك كورسەتۋىن ىلگەرىلەتىپ، وقۋ - اعارتۋ ىستەرىن دامىتۋدىڭ جاڭا جاعدايىن ۇزبەي اشۋ كەرەك.
ماجىلىستە اۆتونوميالى رايوندىق پارتكوم ۇيىمداستىرۋ ءبولىمىنىڭ، ۇگىت ءبولىمىنىڭ، شينجياڭ داشۋەسىنىڭ، تارىم داشۋەسىنىڭ، ءۇرىمجىنىڭ، اقسۋدىڭ قاتىستى جاۋاپتىلارى پىكىر اۋىستىرىپ ءسوز سويلەدى.
ءماجىلىس تەلەۆيزور - تەلەفون ءماجىلىسى فورماسىمەن اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى نەگىزگى جاۋاپتى جولداستار ماجىلىسكە قاتىناستى. وقۋ - اعارتۋ مينيسترلىگىنىڭ قاتىستى مەڭگەرمە - مەكەمەلەرىندەگى جاۋاپتى جولداستار، اۆتونوميالى رايوندىق پارتكوم وقۋ - اعارتۋ قىزمەتى كوميتەتى باسشىلىق گرۋپپاسىنىڭ مۇشەلەرى، رايونعا (ورتالىققا) توتە قاراستى ورىنداردىڭ نەگىزگى جاۋاپتى جولداستارى نەگىزگى جيىن زالىندا ماجىلىسكە قاتىناستى.
