تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «رەفورمانى تەرەڭدەتىپ، ازىق - تۇلىك حاۋىپسىزدىگى قىزمەتىن كۇشەيتۋ جونىندەگى پىكىر»دى باسىپ تاراتتى

  شينحۋا اگەنتتىگىنىڭ 5 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس تاياۋدا «رەفورمانى تەرەڭدەتىپ، ازىق - تۇلىك حاۋىپسىزدىگى قىزمەتىن كۇشەيتۋ جونىندەگى پىكىر»دى باسىپ تاراتتى.

  «پىكىر»دە مىنالار اتاپ كورسەتىلدى: ازىق - تۇلىك حاۋىپسىزدىگى حالىق بۇقاراسىنىڭ دەنساۋلىعى مەن باس اماندىعىنا سايادى، جۇڭحۋا ۇلتىنىڭ بولاشاعىمەن قاتىستى. پارتيا 19 - قۇرىلتايىنىڭ بايانداماسىندا ازىق - تۇلىك حاۋىپسىزدىگى ستراتەگياسىن اتقارىپ، حالىقتى ازىق - تۇلىك تۇتىنۋدان الاڭسىز ەتۋ ايقىن العا قويىلدى. حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتى ازىق - تۇلىك حاۋىپسىزدىگى قىزمەتىنە تىڭ دا اناعۇرلىم جوعارى تالاپ قويدى. رەفورما جاساۋدى، جاڭالىق اشۋدى، ءسوز جوق، تەرەڭدەتىپ، ەڭ قاتاڭ ولشەم، ەڭ قاتاڭ باقىلاپ - باسقارۋ، ەڭ قاتاڭ جازالاۋ، ەڭ قاتاڭ جاۋاپكەرشىلىكتى قۋزاستىرۋ ءتاسىلى ارقىلى ازىق - تۇلىك حاۋىپسىزدىگى قىزمەتىن ونان ارى كۇشەيتىپ، حالىق بۇقاراسىنىڭ ”اس - سۋ حاۋىپسىزدىگى“نە شىنايى كەپىلدىك ەتۋ كەرەك.

  «پىكىر»دە مىنالار العا قويىلدى: حاۋىپسىزدىكتى ءبىرىنشى ورىنعا قويۋعا، ماسەلەنى باعدار ەتۋگە، الدىن الۋدى نەگىز ەتۋگە، زاڭ بويىنشا باقىلاپ - باسقارۋعا، رەفورما جاساۋعا، جاڭالىق اشۋعا، بىرگە جونگە سالىپ، ورتاق يگىلىكتەنۋگە تاباندى بولۋ كەرەك.

  2020 - جىلعا دەيىن حاۋىپ - قاتەرگە تالداۋ جاساۋ مەن قامداۋ جەلىسىن باسقارۋدى نەگىز ەتكەن ازىق - تۇلىك حاۋىپسىزدىگىن باقىلاۋ - باسقارۋ جۇيەسىن العاشقى ادىمدا قالىپتاستىرۋ. اۋىل شارۋاشىلىق ونىمدەرى مەن ازىق - تۇلىكتەن ۇلگى الىپ تەكسەرۋدىڭ سالىستىرماسىن 4 توپتا / مىڭ ادامعا جەتكىزۋ، نەگىزگى اۋىل شارۋاشىلىق ونىمدەرىنىڭ ساپا حاۋىپسىزدىگىن باقىلاۋ - تەكسەرۋدىڭ جالپى تۇلعالىق تولىمدىلىعىن %97تەن جوعارى دەڭگەيدە ساقتاۋ، ازىق - تۇلىكتەن ۇلگى الىپ تەكسەرۋدىڭ تولىمدىلىعىن %98 تەن جوعارى دەڭگەيدە ساقتاۋ، وڭىرلىك، جۇيەلىك ەلەۋلى ازىق - تۇلىك حاۋىپسىزدىگى قاتەرىن نەگىزىنەن تىزگىندەۋ، بۇقارانىڭ ازىق - تۇلىك حاۋىپسىزدىگى جاعىنداعى حاۋىپسىزدىك سەزىمىن، ريزالىق دەڭگەيىن ونان ارى جوعارىلاتۋ، ازىق - تۇلىك حاۋىپسىزدىگىنىڭ تۇتاس تۇلعالىق ورەسىن جاپپاي دوڭگەلەك داۋلەتتى قوعام ورناتۋ نىساناسىمەن نەگىزىنەن ۇيلەستىرۋ.

  2035 - جىلعا دەيىن ازىق - تۇلىك سالاسىندا مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن نەگىزىنەن جۇزەگە اسىرۋ. ازىق - تۇلىك حاۋىپسىزدىگى ولشەمى دەڭگەيىن دۇنيە جۇزىندەگى الدىڭعى قاتارعا جەتكىزۋ، وندىرەتىن جەردىڭ قورشاعان ورتاسىنىڭ لاستانۋىن ءونىمدى جونگە سالۋ، وندىرۋشىلەردىڭ، تيجاراتشىلاردىڭ جاۋاپكەرشىلىك تانىمىن، ادالدىق تانىمىن جانە ازىق - تۇلىك ساپاسى حاۋىپسىزدىگىن باسقارۋ دەڭگەيىن كورنەكتى جوعارىلاتۋ، ەكونوميكالىق مۇددەنى كوزدەپ ىستەگەن ازىق - تۇلىك حاۋىپسىزدىگى جاعىنداعى زاڭعا قايشى قىلمىستاردى كورنەكتى ازايتۋ. ازىق - تۇلىك حاۋىپسىزدىگى قاتەرىن باسقارۋ، مەڭگەرۋ قابىلەتىن حالىقارالىق وزىق ورەگە جەتكىزۋ، اتىزدان اس ۇستەلىنە دەيىنگى جالپى بارىستى باقىلاۋ، باسقارۋ جۇيەسىن ءونىمدى اينالىمعا ءتۇسىرىپ، ازىق - تۇلىك حاۋىپسىزدىگى جاعدايىن تۇبىرىنەن جاقسارتىپ، حالىق بۇقاراسىنىڭ ازىق - تۇلىكتى اقاۋسىز، الاڭسىز تۇتىنۋىنا مۇمكىندىك جاساۋ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.