شينحۋا اگەنتتىگىنىڭ 5 - ايدىڭ 20 - كۇنى بەيجيڭنەن بەرگەن حابارى. بۇكىل ارميانىڭ شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي ۇيرەنۋىن، دايەكتىلەندىرۋىن ىلگەرىلەتىپ، شي جينپيڭنىڭ ارميانى قۇدىرەتتەندىرۋ يدەياسىنىڭ مەملەكەت قورعانىسى مەن ارميا قۇرىلىسىنداعى جەتەكشى ورنىن بەرىك تۇراقتاندىرىپ، جۇڭگوشا ارميانى قۇدىرەتتەندىرۋ جولىمەن بۇلجىماي ءجۇرىپ، جاڭا داۋىردەگى ارميانى قۇدىرەتتەندىرۋ ىستەرىن كۇش سالا ىلگەرىلەتۋ ءۇشىن، ورتالىق اسكەري ىستەر كوميتەتىنىڭ بەكىتۋىمەن اسكەري ىستەر كوميتەتىنىڭ ساياسي قىزمەت ءبولىمى «شي جينپيڭنىڭ ارميانى قۇدىرەتتەندىرۋ يدەياسىن ۇيرەنۋ باعدارلاماسى»ن قۇراستىرىپ باستىرۋعا ۇيىمداستىردى (تومەندە قىسقاشا «باعدارلاما» دەلىنەدى»)، جاقىندا رەسمي باسپادان شىعىپ تاراتىلدى.
شي جينپيڭنىڭ ارميانى قۇدىرەتتەندىرۋ يدەياسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، ماركسيزمدىك اسكەري ىستەر نازارياسىنىڭ جۇڭگوشالانۋىنىڭ، وسىزاماندانۋىنىڭ تىڭ شارىقتاۋى، ول پارتيانىڭ اسكەري ىستەر جەتەكشى يدەياسىنىڭ تاعى ءبىر رەت داۋىرمەن بىرگە ىلگەرىلەۋىن جۇزەگە اسىردى. «باعدارلاما» العى ءسوز، نەگىزگى بولىك، سوڭعى ءسوز سىندى جالپى 18 بولىكتەن، 85 تارماقتان قۇرالىپ، شي جينپيڭنىڭ ارميانى قۇدىرەتتەندىرۋ يدەياسىنىڭ كەلەلى ءمانىن، عىلمي جۇيەسىن، باي مازمۇنىن، رۋحاني ماڭىزىن، امالياتتىق تالابىن جان - جاقتى بايىمدادى، ول شي جينپيڭنىڭ ارميانى قۇدىرەتتەندىرۋ يدەياسىن ۇيرەنۋدىڭ، دايەكتىلەندىرۋدىڭ نەگىزگى وقۋلىعى.
ورتالىق اسكەري ىستەر كوميتەتى تاياۋدا حابارلاندىرۋ شىعارىپ، بۇكىل ارميادان مىنانى تالاپ ەتتى: «باعدارلاما»نى ۇيرەنۋگە، پايدالانۋعا مۇقيات ۇيىمداستىرۋ كەرەك. «باعدارلاما»نى ۇيرەنۋدى پارتكوم وزەكتى گرۋپپاسىنىڭ ۇيرەنۋىنە، كادرلاردى كەزەكپەن نازاريالىق باۋلۋعا، اسكەري بولىمدەردىڭ يدەيا - ساياسي تاربيەسىنە جانە مەكتەپتەردىڭ ساياسي نازاريالىق ساباعى وقىتۋىنا، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“، ”قىزىل گەندى جالعاستىرۋ، ارميانى قۇدىرەتتەندىرۋ ماڭىزدى مىندەتىن ارقالاۋ“ نەگىزگى تاقىرىپتىق تاربيەسىنە ەنگىزىپ، كوماندير - جاۋىنگەرلەردى شي جينپيڭنىڭ ارميانى قۇدىرەتتەندىرۋ يدەياسىمەن وي - سانانى سانالى تۇردە قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە جەتەكتەۋ كەرەك. «باعدارلاما»نى ۇيرەنۋدى تۇتقا ەتىپ، شي جينپيڭ ارميانى قۇدىرەتتەندىرۋ يدەياسىن ءۇرتىس، ىشكەرىلەي ۇيرەنىپ، دايەكتىلەندىرىپ، جان - جاقتى جۇيەلى ۇيرەنىپ، دەر كەزىندە ىلەسە ۇيرەنىپ، ىشكەرىلەي وي جۇگىرتە ۇيرەنىپ، امالياتپەن بايلانىستىرا ۇيرەنىپ، وعان سىڭىرىلگەن ماركستىك تۇرعىنى، كوزقاراستى، ءادىستى قۇلشىنا يگەرۋ كەرەك. جەتە ۇيرەنۋ، جەتە ءتۇسىنۋ، ناقتى ىستەۋ جاعىنا شىنايى كۇش سالىپ، ەمەۋرىندەندىرۋ، ۇستىرتتەندىرۋ، مۇددەلەندىرۋ سياقتى ناشار ۇيرەنۋ سالتىن تۇزەتىپ، ۇيرەنۋدىڭ، ويلانۋدىڭ، پايدالانۋدىڭ تۇتاسۋىن، تانىمنىڭ، سەنىمنىڭ، ارەكەتتىڭ بىرلىگىن جۇزەگە اسىرۋ كەرەك. باسشى كادرلار باستاماشىلدىق رولىن ساۋلەلەندىرىپ، ۇيرەنگەن جەتىستىكتەرىنەن پايدالانىپ كوماندير - جاۋىنگەرلەرگە ويداعىداي ۇگىت - لەكسيا جاساپ، پىسىقتاۋ جۇرگىزىپ، قوسىننىڭ ۇيرەنۋىنىڭ، دايەكتىلەندىرۋىنىڭ تەرەڭدەۋىنە، ناقتىلانۋىنا، جۇرەككە ۇيالاۋىنا جەتەكشىلىك ەتۋ كەرەك. بۇكىل ارميا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، كۇش - قۋاتتى سوعىسقا دايىندالۋعا، سوعىس جۇرگىزۋگە شوعىرلاندىرىپ، رەفورما جاساۋدى، جاڭالىق اشۋدى كۇشەيتىپ، قىزمەتتەردىڭ تياناقتانۋىن مىقتاپ يگەرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋ، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋ ءۇشىن كۇرەس جاساپ، پارتيا مەن حالىق جۇكتەگەن جاڭا ءداۋىر بورىشىن، مىندەتىن ونان ارى جاقسى ارقالاۋ كەرەك.
