تيانشان تورابى   ›   جاڭالىقتار   ›   ساياحات

ياركەندە شيە پىستى، ساياحاتشىلار شيە ءۇزۋمەن ابىگەر

ياركەن اۋدانىنىڭ جاڭا پىسقان قىپ- قىزىل شيەلەرى ادامدى قىزىقتىرمەي قويمايدى. سۋرەتتى اۋداندىق ۇگىت ءبولىمى قامداعان.

  ياركەن اۋدانىندا 6000 مۋ جەرگە شيە ەگىلگەن، ولار نەگىزىنەن، ميشا قىستاعىنا شوعىرلانعان. شيەنىڭ 8 ءتۇرلى سورتى بار بولىپ، ساپالى ءارى ءدامدى، جۋىق جىلداردان بەرى،ءار جىلى 5 -ايدا كوپتەگەن ساياحاتشى بۇل اراعا كەلىپ شيە ۇزەتىن بولعان.

  شامالباق قىستاعى ميشا قالاشىعىنداعى ماڭىزدى شيە ءوندىرىس بازاسى سانالادى، 5-ايدىڭ 20-كۇنى، وسى قىستاقتاعى شيە اعاشتارىنىڭ باسى دەرلىك كوزدىڭ جاۋىن الاتىن قىپ-قىزىل شيە جەمىسىنە تولدى. مۇنداعى باعبان ابدۇرازاق شيە ۇزۋگە كەلگەن ساياىاتشىلار مەن جەمىس-جيدەكتى توپقا الۋ ساۋداگەرلەرىن قابىلداپ ابىگەرگە ءتۇستى. ول بيىل 30 مۋ جەرگە شيە ەككەن، وتكەن اپتانىڭ سوڭىندا ونىڭ باقشاسىنا 500 دەن ارتىق ساياحاتشى كەلدى، بۇعان ول قاتتى قۋاندى.”ءار جىلى شيەنىڭ وزىنەن مۋ باسىنا 20 مىڭ يۋاننان ارتىق كىرىس كىرگىزەمىن“،-دەدى.

  جۋىق جىلداردان بەرى، ميشا قالاشىعى ەرەكشە جەمىس-جيدەك ورمان شارۋاشىلىعى مەن ساياحات كاسىبىن ءوزارا ۇشتاستىرىپ، شيە گۇلى مەرەكەسى، شيە ءۇزۋ مەرەكەسى قاتارلى ساياحات مەرەكەسىن ۇلىقتادى. شامالباق قىستاعى پارتيا ياچەيكاسىنىڭ شۋجيى تۇرعۇن تۇراپ بىلاي دەدى: ”قىستاق 1200 مۋ جەرگە شيە ەكتى، 60 تان استام ءىرى ەگىنشى وتباسى بار. جۋىق جىلداردان بەرى،”شيە باعى+كوڭىل اشۋ+اۋىل شاتتىعى تاعامجايى” اينالىم ءتاسىلى ارقىلى اۋىل-قىستاق ساياحاتىن دامىتىپ قانا قالماي قىستاق تۇرعىندارىنىڭ كەدەيلىكتەن قۇتىلدىرۋدى جۇزەگە اسىردىق. بيىل قىستاقتاعى اۋىل شاتتىعى تاعامجايى 10 عا جەتتى، كارتچكا بەرىپ، ارحيۆ تۇرعىزىلعان 100دەن استام كەدەي وتباسىنىڭ كەسىپتەنۋىنە جول اشتىق”.

  ياركەن اۋداندىق مادەنيەت، دەنەتاربيە، راديو-تەلەۆيزيا جانە ساياحات مەكەمەسىنىڭ قىزمەتكەرى بىلاي دەدى: ”بيىل جىل باسىندا، شاڭحايدان شينجياڭعا باعىتتامالى كومەكتەسۋ قولباسشىلىق شتابى 3 ميلليون 500 مىڭ يۋان قارجى قوسىپ، شيە باقشاسىنىڭ اۆتوكولىك توقتاتۋ الاڭى، الەۋمەتتىك دارەتحانا، قوقىس ساندىعى، باقشا ىشىندەگى جول سىندى نەگىزدىك قۇرىلعىلارىن قايتادان جاڭالادى ءارى ماڭىنداعى 7 وتباسىنىڭ ءۇيىن اشەكەيلەپ، حالىقتىق جاتاق اشتى. سوڭىندا جەكە اۆتوكولىكپەن ساياحاتتاۋ لاگەرى، قالا تۇرعىندارىنىڭ ەگىس الاڭى، بالالار سايران باقشاسى، اس-سۋ كەشكى بازارى سىندى ساياحات قىزمەت وتەۋ نىسان قۇرىلىستارىنىڭ سالىنىپ ىسكە قوسىلۋ اياق الىسىن تەزدەتتى.

  جۋىقتا، ياركەن اۋدانى جاڭادان ىسكە قوسقان ساياحات الەۋمەتتىك اۆتوبۋز ارناۋلى لەنياسى دا شيە باقشاسىنا كەلەتىن ساياحاتشىلار سانىنىڭ كوبەيۋىنە تۇرتكى بولدى. جاڭادان قوسىلعان 3 ساياحات ارناۋلى لەنياسى ياركەن سازدىق باقشاسى، قاراسۋ قۇمدى ءشول كورىنس رايونى، جۇڭشين كينوحاناسى، ميشا قالاشىعى شيە كورىنىس رايونى قاتارلى ساياحات كورىنىس رايوندارىنىڭ اراسىن جالعاستىردى. قازىر ميشا قالاشىعى شيە باقشاسى كۇنىنە 5000 ادام (رەت) ساياحاتشى قابىلدايدى، اپتا سوڭىندا ساياحاتشى 10 مىڭ ادام-رەتكە جەتەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى