تيانشان تورابى   ›   زاڭ تارازى   ›   زاڭنان كەڭەس

فينانس حاۋىپسىزدىگى مەن قوعام ورنىقتىلىعىن شىن مانىندە قورعايىق

  رايونىمىزدىڭ جەرگىلىكتى فينانستى باقىلاۋ - باسقارۋ تاراۋلارى ارناۋلى ءبىر - بىرلەپ تەكسەرۋ، رەتتەۋ، جونگە سالۋ ورىستەتتى

  فينانس حاۋىپسىزدىگى مەن قوعام ورنىقتىلىعىن شىن مانىندە قورعايىق

  تىلشىلەر جاڭ يانفاڭ، ياڭ شۋحان 5 - ايدىڭ 21 - كۇنى ۇرىمجىدەن حابارلايدى. قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى جەرگىلىكتى فينانستى باقىلاۋ - باسقارۋ سالاسىنداعى قارا، سۇرقيا كۇشتەرگە ساياتىن ماسەلەلەردىڭ بەينەلەنۋ فورماسىن جالپى بەتتىك سالالاپ، تۇتاس رايونداعى شاعىن سومادا قارىز اقشا بەرۋ سەرىكتەستىگى، قارجى قۇراۋعا كەپىل بولۋ سەرىكتەستىگى، قارجى قۇراۋ - مايعا بەرۋ سەرىكتەستىگى، كىرەۋحانا سياقتى ءتۇيىندى سالالارعا ارناۋلى تۇردە ءبىر - بىرلەپ تەكسەرۋ، رەتتەۋ، جونگە سالۋ ورىستەتىپ، زاڭسىز تۇرە جوعارى وسىممەن قارىز اقشا تاراتۋ، ”شىرعا نەسيە“ سياقتى ماسەلەلەردى ءتۇيىندى تۇردە رەتتەپ، جونگە سالىپ، فينانس حاۋىپسىزدىگى مەن قوعام ورنىقتىلىعىن شىن مانىندە قورعادى.

  ”قارا كۇش بولسا، قارا كۇشتەردى الاستاۋ، سۇرقيا كۇش بولسا، سۇرقيا كۇشتەرى جويۋ، بىلىقپالىق بولسا، بىلىقپالىقتى وڭاۋ“ تالابى بويىنشا، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنىڭ ءبىر تۇتاس ورنالاستىرۋىنا ساي، رايونىمىزدىڭ جەر - جەرىندەگى فينانستى باقىلاۋ - باسقارۋ تاراۋلارى فينانس سالاسىنداعى قارا، سۇرقيا كۇشتەرگە ساياتىن ماسەلەلەردى جالپى بەتتىك جاي - جاپسارىن ۇعىسىپ تەكسەرىپ شىقتى. تولىقسىز ساناققا نەگىزدەلگەندە، قازىرگە دەيىن قارا، سۇرقيا كۇشتەرگە ساياتىن 6 ماسەلەنى باستاپقى قادامدا ءبىر - بىرلەپ تەكسەرىپ شىققان، مۇندا قارجى قۇراۋعا كەپىل بولاتىن ءبىر سەرىكتەستىكتىڭ قارا كۇشتەرگە سايۋ ماسەلەسى، قارجى قۇراۋدى مايعا بەرەتىن ءبىر سەرىكتەستىكتىڭ ”شىرعا نەسيە“گە سايۋ ماسەلەسى، شاعىن سومادا قارىز اقشا بەرەتىن 4 سەرىكتەستىكتىڭ زاڭسىز قارجى توپتاۋعا سايۋ ماسەلەسى قامتىلعان، قىلمىس دەرەگى جەرگىلىكتى قوعام حاۋىپسىزدىگى ورگاندارىنا تاپسىرىلىپ بەرىلگەن.

  ءتۇرلى ساۋدالاۋ ورىندارىن باقىلاۋ - باسقارۋ تەبىنىن ۇدىكسىز كۇشەيتۋ ءۇشىن، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى قاتىستى تاراۋلارمەن سەلبەسىپ بىرلەسىپ تەكسەرۋ جۇرگىزىپ، ”ءبىر ورىنعا ءبىر شارا“ پرينسيبى بويىنشا تيجارات جۇرگىزۋى ارناعا تۇسپەگەن ساۋدالاۋ ورىندارىن رەتتەدى، جونگە سالدى. سونىمەن قاتار، تۇتاس رايونداعى ”ساۋدالاۋ ورتالىعى، ساۋدالاۋ بازارى، ساۋدالاۋ ورنى“ سياقتى اتپەن اتالعان كاسىپورىندارعا جالپى بەتتىك جاي - جاپسارىن ۇعىسىپ تەكسەرۋ، سالىستىرىپ تەكسەرۋ جۇرگىزىپ، تيجارات جۇرگىزۋ تولىمدىلىعى جوق بولعانىمەن، ءىس جۇزىندە بەلگىلەمەگە قايشى ساۋدالاۋ جۇرگىزگەن كاسىپورىنداردى تۇرگە ايىرىپ ءبىر جاقتى ەتىپ، بەلگىلەمەگە قايشى كەلىپ تيجارات جۇرگىزگەن قۇرىلىمداردى شەكتى مەرزىمدە رەتتەۋ، تۇزەتۋگە بۇيىرىپ، كاسىپ سالاسى ءتارتىبىن ۇزدىكسىز ارناعا ءتۇسىرىپ، كاسىپ سالاسىنىڭ اقاۋسىز دامۋىن جەبەدى.

  زاڭسىز قارجى قۇراۋدان بەلسەنە ساقتانۋ جانە ونى ءبىر جايلى ەتۋ ءۇشىن، اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى جەرگىلىكتى ۇكىمەتتەردى قاراستى جەر بويىنشا باقىلاۋ - باسقارۋ قىزمەت جاۋاپكەرشىلىگىن وتەۋگە قۋزاۋ سالىپ، تۇتاس ايماقتىڭ (وبلىس، قالا)، اۋداننىڭ (قالا، رايون) زاڭسىز قارجى قۇراۋدان ساقتانۋ جانە ونى ءبىر جايلى ەتۋ قىزمەت مەحانيزمىن اقاۋسىزداندىرىپ، زاڭسىز قارجى قۇراۋداعى حاۋىپ - قاتەردى، كومەسكى حاۋىپتى كەزەڭگە ءبولىپ كۇش سالا شەشتى؛ زاڭسىز قارجى قۇراۋعا ساياتىن جارناما، حابار سياقتىلاردى ارناۋلى تۇردە ءبىر - بىرلەپ تەكسەرۋ قىزمەتىن ورىستەتىپ، حاۋىپ - قاتەردى ورنىقتى، ءونىمدى ءبىر جايلى ەتتى؛ ءتۇرلى ۇگىت قيمىلدارىن ۇيىمداستىرىپ، ءار ۇلت بۇقاراسىنىڭ حاۋىپ - قاتەردەن ساقتانۋ تانىمىن ۇزدىكسىز كۇشەيتتى.

  اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنىڭ جاۋاپتىسى مىنانى ءبىلدىردى: ساياسي دەڭگەيدى اناعۇرلىم جوعارىلاتىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ساياسي جاۋاپكەرشىلىگىن باتىل ارقالاپ، ماسەلەنى باعدار ەتۋگە تاباندى بولىپ، بىرەۋى ارقىلى وزگەسىن تۇسپالداپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن جەرگىلىكتى فينانس حاۋىپ - قاتەرىنەن ساقتانۋمەن جانە ونى ءبىر جايلى ەتۋمەن تىعىز ۇشتاستىرىپ، ۇستىنەن وڭاۋ مەن تۇبىرىنەن وڭاۋدى قاتار يگەرىپ، مىندەتتى اتقارىپ، جاۋاپكەرشىلىكتى وتەپ، تۇتاس رايوننىڭ فينانس ءتارتىبىن شىن مانىندە ويداعىداي قورعاپ، شينجياڭ قىزمەتىنىڭ باس نىساناسىن جۇزەگە اسىرۋعا بەلسەنە ۇلەس قوسامىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى