5-ايدىڭ 20-كۇنى، شينجياڭ اقسۋ ايماعى اۋات اۋدانىندا تۇڭعىش كەزەكتى كلاس جەتەكشىلەر مەرەكەسى باستالدى. كلاس جەتەكشىلەرىن ماداقتاپ-سيلاۋ جينالىسى، وقۋشىلار وزدەرى دايىنداعان ولەڭ وقۋ، وقىتۋشىلارعا العىس ايتۋ قيمىلدارى ءوتتى...بارلىق مەكتەپتەردىڭ قاتىسۋىنداعى مۇعالىمعا العىس ايتۋدىڭ ءتۇرلى فورماداعى ساۋىق كەشى كلاس جەتەكشىسى قىزمەتىنە بولعان تانىمدى ارتتىردى.
قيمىلدا، اۋات اۋدانىنداعى 520 تاڭداۋلى كلاس جەتەكشىسى سيلانىپ-ماداقتالدى. سوڭىنان ءتۇرلى ويىن نومىرلەرى قويىلىپ، شاپالاق ءۇنى كوتەرىلدى.
2-ورتا مەكتەپتىڭ كلاس جەتەكشىسى جىن شىيۋان ” جۇرەگىمدەگى كلاس جەتەكشى” بەينە كەسكىنىنەن وقۋشىلارىنىڭ ىزگى تىلەگىن ەستىدى. ”وقۋشىلار ماعان يىلىپ سالەم بەرگەندە، ءوزىمدى ەرەكشە باقىتتى سەزىندىم“.-دەدى جىن شىيۋان كوزىنە جاس الىپ.
3-ورتا مەكتەپ وقۋشىسى ازىمات يۇسۇپ بىلاي دەدى: ” جاڭ يۇيلۇڭ مۇعالىمداي كلاس جەتەكشىمنىڭ بولعانىنا قۋانامىن. تاياۋدان بەرى، ناتيجەم جوعارىلاپ قانا قالماي، يدەيا، قابىلەت، ءىس-ارەكەت جاقتارىندا العا ىلگەرىلەدىم. مەكتەپ بىتىرگەننەن سوڭ، قانشا جىلدار وتسەدە، ءتىپتى ودان دا ۇزاق ۋاقىت وتسەدە جاڭ يۇيلۇڭ مۇعالىمدى ۇمىتپايمىن“.
