− ءتوراعا شي جينپيڭنىڭ قۇرلىق ارميا جاياۋ اسكەرلەر شۋەيۋانىن كوزدەن كەشىرگەندىگى ءارى ماڭىزدى ءسوز سويلەگەندىگى بۇكىل ارميادا كۇشتى اڭىس قوزعادى
شينحۋا اگەنتتىگىنىڭ ءتىلشىسى مەي چاڭۋي
”مەكتەپ باسقارىپ، ادام تاربيەلەۋ ورەسىن جاپپاي جوعارىلاتىپ، ارميانى قۇدىرەتتەندىرۋ ىستەرىنە دارىندىلار جاعىنان پارمەندى قولداۋ كورسەتۋ كەرەك“. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 21 - كۇنى قۇرلىق ارميا جاياۋ اسكەرلەر شۋەيۋانىن كوزدەن كەشىردى ءارى ماڭىزدى ءسوز سويلەدى.
بىرنەشە كۇننەن بەرى، بۇكىل ارميا جوعارىدان - تومەنگە دەيىن عالامتور، تەلەۆيزور، راديو سىندى ارنالار ارقىلى ءتوراعا شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، ىشكەرىلەي تالقىلاپ، اۋىس - ءتۇيىس جۇرگىزدى. قالىڭ كوماندير - جاۋىنگەرلەر مىنانى ءبىلدىردى: ءتوراعا شي جينپيڭنىڭ ماڭىزدى ءسوزى ارميا مەكتەپتەرى قۇرىلىسىنداعى، دامۋىنداعى ءتۇبىرلى سيپاتتى، جالپى جاعداي سيپاتتى، بەتالىس سيپاتتى ءبىر قىدىرۋ كەلەلى ماسەلەلەرگە عىلمي جاۋاپ بەرىپ، ”سوعىس ءۇشىن ادام تاربيەلەۋدىڭ ايقىن باعدارىن ورناتۋ“دى ايقىن العا قويدى، بۇل اسا كەلەلى ءارى تەرەڭ مانگە يە. ءتوراعا شي جينپيڭنىڭ ماڭىزدى ءسوزىن جەتەكشى ەتىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، دارىندىلاردى باۋلۋدى، دارىندىلارمەن قامداۋدى بولاشاقتاعى سوعىس قاجەتىمەن دالمە - ءدال ۇشتاستىرۋعا قۇلشىنىپ، جوعارى ساپالى دارىندىلار شارشى قاتارى ارقىلى جاڭا داۋىردەگى ارميانى قۇدىرەتتەندىرۋ ءىسىن شىن مانىندە جوعارى كوتەرۋ كەرەك.
مىزعىماس دۇرىس ساياسي بەتالىسقا تاباندى بولۋ كەرەك
كوزدەن كەشىرۋ بارىسىندا، ءتوراعا شي جينپيڭ بىلاي دەپ باسا دارىپتەدى: قىزىل بايلىقتان ويداعىداي پايدالانىپ، قىزىل گەندى ويداعىداي جالعاستىرىپ، توپ - توپ، ۇرپاقتان - ۇرپاققا جالعاسقان تولىمدى قىزىل ارميا مۇراگەرلەرىن باۋلۋ كەرەك. ىقىلاستى تاپسىرما قالىڭ كوماندير - جاۋىنگەرلەر اراسىندا كۇشتى ۇندەستىك تاپتى.
قۇرلىق ارميا ينجەنەريا داشۋەسىنىڭ پارتيانىڭ جاسامپاز نازارياسى بويىنشا ”ۇگىت جۇرگىزۋ“ ۇجىمىنىڭ جاۋاپتىسى، ساياسي قىزمەت فاكۋلتەتىنىڭ مەڭگەرۋشىسى يۇي حۇڭ مىنانى ءبىلدىردى: مەكتەپ − ونەگە كورسەتىپ، ادام تاربيەلەيتىن جەر، ساياسي نازاريا ساباعى ونەگە كورسەتىپ، ادام تاربيەلەۋ ءتۇبىرلى مىندەتىن تياناقتاندىرۋداعى ءتۇيىندى ساباق. ارميا مەكتەبىنىڭ ساياسي نازاريا وقىتۋشىسى رەتىندە، وسى بورىشتى باتىلدىقپەن ارقالاپ، قالىڭ وقۋشىلاردى ادالدىق نەگىزىن سانالىلىقپەن بەكەمدەۋگە، رۋحاني كالتسيدى تولىقتاۋعا، وتانشىلدىق سۇيىسپەنشىلىكتى تەرەڭ تامىر تارتقىزۋعا، قىزىل تاۋ - وزەننىڭ مىزعىماس قورعاۋشىسى جانە ساقتاۋشىسى بولۋعا جەتەلەيمىن.
قۇرلىق ارميا جاياۋ اسكەرلەر شۋەيۋانى ساياسي قىزمەت وقىتۋىن زەرتتەۋ كەڭسەسىنىڭ مەڭگەرۋشىسى جىڭ حۇڭجۇن مىنانى ءبىلدىردى: دۇرىس ساياسي بەتالىسقا باتىل، مىزعىماي تاباندى بولۋ ءۇشىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن جانە شي جينپيڭنىڭ ارميانى قۇدىرەتتەندىرۋ يدەياسىمەن وي - سانانى قارۋلاندىرۋعا تاباندى بولىپ، گۋتيانداعى بۇكىل ارميانىڭ ساياسي قىزمەت ءماجىلىسىنىڭ، اسكەري ىستەر كوميتەتىنىڭ پارتيا قۇرىلىسى ءماجىلىسىنىڭ رۋحىن ىشكەرىلەي دايەكتىلەندىرىپ، پارتيانىڭ باسشىلىعىن جانە پارتيا قۇرىلىسى قىزمەتىن جاپپاي كۇشەيتىپ، ساياسي جاقتان ارميا قۇرۋ تالابىن مەكتەپ باسقارۋدىڭ، مەكتەپتى جونگە سالۋدىڭ بارلىق جاقتارىندا جانە جالپى بارىسىندا ناقتى تياناقتاندىرۋ كەرەك.
مەملەكەت قورعانىسى عىلىم - تەحنيكا داشۋەسىنىڭ، تەڭىز ارمياسى سۇڭگۋىر كەمە شۋەيۋانىنىڭ، اۋە ارمياسى ينجەنەريا داشۋەسىنىڭ قالىڭ وقىتۋشىلارى، وقۋشىلارى مىنانى ءبىلدىردى: قىزىل ارميانىڭ تولىمدى مۇراگەرلەرىنەن بولۋدى، پارتيانىڭ سوزىنە قۇلاق اسۋدى، پارتياعا ىلەسۋدى وي - ساناعا سىڭىرۋمەن بىرگە، ارەكەت بارىسىندا دا تياناقتاندىرىپ، مەيلى مەكتەپتە نەمەسە قوسىندا بولسىن، مەيلى اسكەري كازارمادا نەمەسە قوعامعا قادام تاستاعاندا بولسىن، ءسوز جوق، ءارقانداي ۋاقىتتا، ءارقانداي ىستە، ءارقانداي كەزدە ەستە بەرىك ساقتايمىز.
سوعىس ءۇشىن ادام تاربيەلەۋدىڭ ايقىن باعدارىن ورناتۋ كەرەك
”ارميانى قۇدىرەتتەندىرەتىن، سوعىستا جەڭىسكە جەتە الاتىن دارىندى تاربيەلەۋ − ارميا مەكتەپتەرىنىڭ باستى مىندەتى جانە نەگىزگى كاسىبى“. زىمىران ارمياسى ينجەنەريا داشۋەسىنىڭ باستىعى لي حۋا مەكتەپتىڭ كەزەكتەگى قۇرىلىسىنىڭ، دامۋىنىڭ سوعىسقا دايىندالۋ، سوعىس جۇرگىزۋ باعدارى ءتىپتى دە ايقىن، اسكەري ىستەر وقىتۋ رەفورماسى مىندەتى ايرىقشا جاپالى، عىلمي زەرتتەۋ، جاڭالىق اشۋ جاعدايى ءتىپتى دە كوكەي تەستى، تياناقتاندىرۋدى مىقتاپ يگەرۋ تالابى ءتىپتى دە قاتاڭ بولۋ سياقتى جاڭا جاعدايعا، جاڭا مىندەتكە، جاڭا تالاپقا ءدوپ كەلىپ وتىرعاندىعىن، ءسوز جوق، قوسىننىڭ قاجەتىن مەكتەپتىڭ قامداۋىمەن دالمە - ءدال ۇشتاستىرۋدى نىسانا ەتىپ، سوعىس ءۇشىن ادام تاربيەلەۋ ايقىن باعدارىن ورناتىپ، دارىندىلاردى باۋلۋدىڭ ەرەكشەلىگى مەن زاڭدىلىعىن ىشكەرىلەي زەرتتەپ، ”نەگىزدى بەكەمدەۋ، ماماندىقتى تەرەڭدەتۋ، باعىتتامالىلىعىن كەڭەيتۋ، امالياتقا ءمان بەرۋ“ وي جەلىسى بويىنشا وقىتۋ مازمۇنى مەن ساباق جۇيەسىن ۇزدىكسىز ساپالىلاندىرۋ كەرەكتىگىن تەرەڭ سەزىندى.
قارۋلى ساقشى ينجەنەريا داشۋەسى ينفورماتسيا ينجەنەريا شۋەيۋانى ءىرى ساندى مالىمەت ينجەنەرياسى وقىتۋدى زەرتتەۋ كەڭسەسىنىڭ مەڭگەرۋشىسى جاڭ جىميڭ مىنانى ءبىلدىردى: ءتوراعا شي جينپيڭنىڭ ماڭىزدى ءسوزى الدىڭعى شەپتەگى وقىتۋشىلارعا دەم بەرىپ، كۇش - قۋات سيلادى. ارميا مەكتەبىنىڭ وقىتۋشىسى جونىنەن، ساباق مىنبەرى − سوعىس مايدانى، ۇزدىك وقۋشى باۋلۋ ولاردىڭ ومىرلىك تالپىنىسى. ءسوز جوق، بولاشاقتاعى سوعىس قاجەتىمەن دالمە - ءدال ۇشتاستىرىپ، وقىتۋدىڭ، عىلمي زەرتتەۋدىڭ بارلىعىن جەڭىسكە جەتۋگە قىزمەت ەتتىرىپ، ءتوراعا شي جينپيڭنىڭ ماڭىزدى ءسوزىنىڭ رۋحىن كوكەيگە ساقتاپ، ارەكەتتە ايگىلەپ، سوعىستا جەڭىسكە جەتۋگە قىزمەت ەتۋ جاعىندا ءتىپتى دە زور ناتيجەگە قول جەتكىزۋگە قۇلشىنۋ كەرەك.
”ءتوراعا شي جينپيڭنىڭ ماڭىزدى ءسوزى ادامدى جىگەرلەندىرىپ، ايرىقشا شابىتتاندىردى“. شىعىس سولتۇستىك، شىعىس وڭتۇستىك باعىتتا ناقتى ورىندا وقىتۋ ورىستەتىپ جاتقان مەملەكەت قورعانىسى داشۋەسى ستراتەگيالىق قولباسشىلىق جۇرگىزۋ كۋرسىنىڭ، بىرلەسىپ سوعىس جۇرگىزۋگە قولباسشىلىق ەتۋ كۋرسىنىڭ جۇزدەن استام اعا ساردارلار مەن ورتاشا ساردارلار جانە وقىتۋشىلار مىنانى ءبىلدىردى: تاپسىرمانى، ءسوز جوق، ەستە بەرىك ساقتاپ، بىرلەسىپ سوعىس جۇرگىزۋگە قولباسشىلىق ەتۋ دارىندىلارىن باۋلۋدىڭ وزەكتى فۋنكتسياسىن مىقتاپ ارقاۋ ەتىپ، نازاردى سوعىسقا دايىندالۋعا، سوعىس جۇرگىزۋگە شوعىرلاندىرىپ، دۇنيە جۇزىندەگى ماڭداي الدى ورىندى كوزدەپ، سوعىس ارقىلى وقىتۋعا جەتەكشىلىك ەتۋگە، سوعىس ءۇشىن سوعىس جۇرگىزۋدى ۇيرەتۋگە تاباندى بولىپ، سوعىس جۇرگىزۋدى ۇيرەتۋ، سوعىستى زەرتتەۋ قابىلەتىن شىنايى جوعارىلاتۋ كەرەك.
رەفورما جاساۋ مەن تيپىن وزگەرتۋدى قاتار جۇرگىزۋگە تاباندى بولىپ، امالياتتىق ىزدەنىستى كۇشەيتۋ كەرەك
ارميانى قۇدىرەتتەندىرۋ ءۇشىن، ءسوز جوق، ەڭ الدىمەن، ارميا مەكتەپتەرىن قۇدىرەتتەندىرۋ، دارىندىلاردى قۇدىرەتتەندىرۋ كەرەك. تاياۋ جىلداردان بەرى، مەملەكەت قورعانىسى جانە اسكەري قوسىن رەفورماسىنىڭ ىشكەرىلەي ىلگەرىلەتىلۋىنە بايلانىستى، ارميا مەكتەپتەرى قۇرىلىسى، دامۋى تىڭ ورايدى قارسى الدى، سونىمەن بىرگە تىڭ سايىستارعا دا ءدوپ كەلدى.
”ءتوراعا شي جينپيڭنىڭ ماڭىزدى ءسوزى ءبىزدىڭ جاعداي مىندەتىنىڭ قاجەتىنە تىعىز ۇيلەسۋىمىزگە، مەكتەپ باسقارۋ، ادام تاربيەلەۋ ورەمىزدى جاپپاي جوعارىلاتۋىمىزعا العا باسۋ بەتالىسىن ايقىن كورسەتىپ بەردى“. قارۋلى ساقشى قولباسشىلىق شۋەيۋانى وقىتۋ ىستەرى باسقارماسىنىڭ باستىعى چىن چاڭجياڭ بىلاي دەدى: ءبىز قابىلەت كورسەتكىشىن جاساۋ، باۋلۋ جوسپارىن جاقسى جاساۋ، وقىتۋ مازمۇنىن ساپالىلاندىرۋ، وقىتۋ ۇجىمىن قۇرۋ، ءتۇزىم مەحانيزمىن كەمەلدەندىرۋ سىندى 8 جاقتان ىسكە كىرىسىپ، ناقتى سوعىس سيپاتىنداعى وقىتۋ رەفورماسىن ۇزدىكسىز ىلگەرىلەتىپ، باۋلۋ ساپاسىنىڭ شايقاس ورنى قاجەتىمەن جىكسىز ۇشتاسۋىنا كەپىلدىك ەتەمىز.
پاراشوتشى اسكەرلەردىڭ ءمالىم جاتتىعۋ بازاسىنىڭ ساياسي قىزمەت وقىتۋىن زەرتتەۋ كەڭسەسىنىڭ دوتسەنتى شيڭ جۇنجيە مىنانى ءبىلدىردى: رەفورماعا بەلسەنە ۇيلەسىپ، ناقتى سوعىس جۇرگىزۋگە، دامۋعا جەتەكشىلىك ەتۋگە تىعىز قابىسقان وقىتۋ، جاتتىقتىرۋ ۇلگىسىندە جاڭالىق اشىپ جانە ىزدەنىس جاساپ، قوسىندى بەتكە العان، نازاردى نەگىزگى كاسىپكە شوعىرلاندىرعان نازاريالىق جاسامپازدىق تابىستارىن زەرتتەپ، قالىپتاستىرىپ، سوعىس مايدانىمەن ۇشتاسقان، سوعىس جۇرگىزۋگە قىزمەت ەتەتىن اسكەري تاڭداۋلى ساباقتاردان ءبىر توبىن جاراتۋ كەرەك. تاياۋدا شيڭ جۇنجيە تۇرعان بازا وقىتۋشىلاردىڭ كاسىپتىك جاتتىعۋعا ۇيىمداستىرۋ قابىلەتىن، الدىڭعى شەپ وقىتۋ ساپاسىن جانە پاندەردى ورنالاستىرۋ ورەسىن ونان ارى جوعارىلاتۋ ماقساتىندا ”قىران باپتاپ، اسكەر شىڭداۋ“ اتىنداعى بۇقارالىق سيپاتتى وقىتۋ جارىس قيمىلىن ورىستەتتى.
قۇرلىق ارميا ءمالىم شىسىنىڭ، سولتۇستىك سوعىس رايونى تەڭىز ارمياسىنىڭ اۆياتسيا اسكەرىنە قاراستى سوعىس كەمەسىندە مىندەت وتەيتىن تىك ۇشاق ءمالىم ءبولىمىنىڭ، زىمىران ارمياسى ءمالىم لۇيىنىڭ، ستراتەگيالىق كومەك قوسىنىنىڭ حىناندا تۇراتىن ءمالىم ءبولىمىنىڭ كوماندير - جاۋىنگەرلەرى مىنانى ءبىلدىردى: ءتوراعا شي جينپيڭنىڭ ماڭىزدى نۇسقاۋىنىڭ رۋحىن تياناقتاندىرىپ، ارميا مەكتەپتەرىنىڭ مەكتەپ باسقارۋ فورماسىندا جانە اينالىم مەحانيزمىندە جاڭالىق اشۋدى ىلگەرىلەتۋ قوسىن قۇرىلىسىنا جانە بولاشاقتاعى سوعىس قاجەتىنە ۇيلەسەتىن ۇزدىك دارىندىلاردى باۋلۋعا ءتيىمدى بولىپ قانا قالماستان، قوسىننىڭ مەكتەپپەن ىقپالداستىق سەلبەستىك ورىستەتۋىنە دە ءتيىمدى بولىپ، شوعىرلاندىرۋدى، ساپالىلاندىرۋدى، جاريالى مەكتەپ باسقارۋدى، بىرلەسىپ ادام تاربيەلەۋدى ۇزدىكسىز ىشكەرىلەتىپ، ارميانى قۇدىرەتتەندىرۋ ىستەرىنە دارىندىلار جاعىنان پارمەندى قولداۋ كورسەتىپ جانە اقىل - پاراسات جاعىنان تىرەك دايىنداپ، بولاشاقتاعى سوعىستىڭ جەڭىسىنە جەتۋدىڭ جەتەكشىلىك ۇقىعىنا شىن مانىندە قول جەتكىزۋ كەرەك.
(تىلشىلىككە قاتىناسقاندار: لي يۇڭفەي، يۇن ليشياۋ، بيان جياڭ، لو جينمۋ، گو شياۋحۇڭ، جوۋ چۋان، جياڭ لۇڭ، سۇن فەي، جۇڭ فۋميڭ)
(شينحۋا اگەنتتىگىنىڭ 5 - ايدىڭ 22 - كۇنى بەيجيڭنەن بەرگەن حابارى)
