تيانشان تورابى   ›   زاڭ تارازى   ›   زاڭنان كەڭەس

بازار سالاسىنىڭ اقاۋسىز، تارتىپپەن دامۋىنا شىنايى كەپىلدىك ەتتى

رايونىمىزدىڭ بازار باقىلاۋ - باسقارۋ تاراۋلارى باقىلاۋ - باسقارۋ رولىن ساۋلەلەندىرەدى

بازار سالاسىنىڭ اقاۋسىز، تارتىپپەن دامۋىنا شىنايى كەپىلدىك ەتتى

  تىلشىلەر ياڭ شۋحان، جاڭ يانفاڭ 5 - ايدىڭ 23 - كۇنى ۇرىمجىدەن حابارلايدى. ”قارا كۇش بولسا، قارا كۇشتەردى الاستاۋ، سۇرقيا كۇش بولسا، سۇرقيا كۇشتەردى جويۋ، بىلىقپالىق بولسا، بىلىقپالىقتاردى وڭاۋ“ جالپى تالابى بويىنشا، رايونىمىزدىڭ جەر - جەرىندەگى بازار باقىلاۋ - باسقارۋ تاراۋلارى بازار باقىلاۋ - باسقارۋ رولىن تولىق ساۋلەلەندىرىپ، كاسىپتەستەرىن جابىرلەپ، بازاردى يەمدەنىپ الۋ، قىسىممەن ساۋدا جاساتۋ، جالعان، جارامسىز، ناشار تاۋارلاردى ءوندىرۋ، ساتۋ سياقتى قارا كۇشتەرگە، سۇرقيا كۇشتەرگە ساياتىن دەرەكتەردى ءتۇيىندى تۇردە ءبىر - بىرلەپ تەكسەرىپ، بازار سالاسىنىڭ اقاۋسىز، تارتىپپەن دامۋىنا شىنايى كەپىلدىك ەتتى.

  5 - ايدىڭ 12 - كۇنى اۆتونوميالى رايوندىق بازار باقىلاۋ - باسقارۋ مەكەمەسى 20 نەشە زاڭ اتقارۋشى قىزمەتكەردى ۇيىمداستىرىپ، 3 ارەكەت گرۋپپاسىنا ءبولىپ، حۋاليڭ قاس تاسى بۇيىمدارى بازارىنىڭ ىشىندەگى 12 تەكسەرۋ - سارالاۋ قۇرىلىمىن تەكسەردى. ءارقايسى تەكسەرۋ - سارالاۋ قۇرىلىمدارىنىڭ تولىمدىلىعى، تەكسەرۋ جابدىعى، تەكسەرۋدىڭ جۇيەلىلىك سيپاتى سياقتى جاعدايلاردى ەگجەي - تەگجەيلى ساراپتاۋ ارقىلى 5 قۇرىلىمدا تەكسەرمەي، سارالاماي، ءوز بەتىمەن جالعان تەكسەرۋ دوكلاتى كۋالىگىن بەرۋ جايتىنىڭ ورىن تەۋىپ وتىرعاندىعىن، سونىمەن قاتار كۋالىكتىڭ ناقتى زاتپەن سايكەسپەۋى سياقتى جاعدايلاردىڭ دا بار ەكەندىگىن بايقادى.

  ”ءوز بەتىمەن جالعان تەكسەرۋ دوكلاتى كۋالىگىن بەرۋ بازاردىڭ تيجارات ءتارتىبىن ءبۇلدىردى، ’قويعا كەلگەن قوتىر ەشكى‘گە باتىل سوققى بەرىپ، بۇقارانىڭ مۇددەسىن قامتاماسىز ەتۋ، تۇتىنۋشىلاردىڭ الاڭسىز ساتىپ الۋىنا، الاڭسىز ىستەتۋىنە مۇمكىندىك جاساۋ كەرەك“، - دەدى وسى كۇنى گرۋپپا باستاپ تەكسەرۋ جۇرگىزگەن اۆتونوميالى رايوندىق بازار باقىلاۋ - باسقارۋ مەكەمەسى زاڭ اتقارۋ، تەكسەرۋ مەكەمەسىنىڭ باستىعى چىن شۋانبو.

  قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، شيحۋ قالالىق بازار باقىلاۋ - باسقارۋ مەكەمەسى 7912 كاسىپورىندى جانە جەكە تيجاراتشىنى ارالاپ، بۇقارانى توڭىرەگىندەگى بۇقارانىڭ مۇددەسىنە زيان جەتكىزەتىن ءتۇرلى ”كوكونىس زورەكەرى“ن، ”كاسىپ زورەكەرى“ن، ”بازار زورەكەرى“ن اشكەرەلەۋگە كەڭ كولەمدى اتتانىسقا كەلتىردى.

  5 - ايدىڭ 5 - كۇنى قۋاتتىق ونىمدەر بازارىنداعى بىلىقپالىق، شاي بازارىنداعى بىلىقپالىق، بەلگى جاپسىرماۋ بىلىقپالىعى سياقتىلارعا مەڭزەس، ىلە قازاق اۆتونوميالى وبلىستىق بازار باقىلاۋ - باسقارۋ مەكەمەسىنىڭ زاڭ اتقارۋ، تەكسەرۋ قىزمەتكەرلەرى ءوز قاراستىلىعىنداعى رايوندارداعى ءارقايسى ۇلكەن ساۋدا سارايلارىندا، ەرەن بازارلاردا، اس - سۋ بازارلارىندا قاتاڭ سوققى بەرۋ، قاتاڭ تەكسەرۋ ارناۋلى ارەكەتىن ورىستەتىپ، كاسىپ بىلىقپالىعىن شوعىرلى تۇردە رەتتەۋ، جونگە سالۋ ارەكەتتەرىنىڭ ناقتى ونىمدىلىككە قول جەتكىزۋىنە شىنايى كەپىلدىك ەتتى.

  ۇعىسۋعا قاراعاندا، اۆتونوميالى رايوندىق بازار باقىلاۋ - باسقارۋ مەكەمەسى بازار باقىلاۋ - باسقارۋ سالاسىنداعى قارا كۇشتەرگە، سۇرقيا كۇشتەرگە، بىلىقپالىققا ساياتىن ماسەلەلەرگە قاتاڭ سوققى بەرىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن باقىلاۋ - باسقارۋ، زاڭ اتقارۋ قىزمەتىمەن جاپپاي توعىستىرىپ، دەرەكتەردى ءبىر - بىرلەپ تەكسەرۋ، دەلولاردى ءبىر جاقتى ەتۋ سەرپىنىن كۇشەيتىپ، كاسىپ بىلىقپالىعى كوپ تۋىلاتىن، وڭاي تۋىلاتىن سالالاردى ارناۋلى جونگە سالۋ قىزمەتىن كۇشەيتىپ، بۇقارانىڭ ۇقىق - مۇددەسىنە زيان جەتكىزەتىن زاڭعا قايشى ارەكەتتەردى قاتاڭ جازالاپ، ءادىل باسەكەلەسەتىن بازار ءتارتىبىن قورعاپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ىشكەرىلەي ىلگەرىلەتەدى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى