تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ ونەركاسىپكە الدىڭعى 4 ايدا قوسقان قارجىسى قايتا مولايىپ، ساپاسى جاقساردى

  ءتىلشى ما ينيڭ 5 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋىمىزشا، 1 - ايدان 4 - ايعا دەيىن، رايونىمىزداعى كولەمنەن جوعارى 2958 ونەركاسىپ كاسىپورنىنىڭ ونەركاسىپتە ارتقان قۇنى سايكەس مەزگىلدەگىدەن %3.3 ارتىپ، تۇتاس تۇلعالىق جاقتان ”اينالىمى ورنىقتى بولعان، قوسىلعان قارجى قايتا مولايعان، ساپاسى جاقسارعان“ جاعداي جارىققا شىققان.

  ونەركاسىپكە قارجى قوسۋ جاعىندا 10 ۇلكەن ءتۇيىندى كاسىپتىڭ ىشىندە توقىماشىلىق، قۇرىلىس ماتەريالدارى، ەلەكتر قۋاتى، كومىر، حيميا ونەركاسىبى، مۇناي سياقتى 6 كاسىپ ارتۋدى ساقتادى؛ 14 ايماقتىڭ (وبلىس، قالا) ىشىندە 11 ايماق (وبلىس، قالا) ارتۋدى ساقتادى.

  ۇعىسۋعا قاراعاندا، بيىل الدىڭعى 4 ايدا رايونىمىزدا ونەركاسىپكە قوسىلعان قارجى قايتا مولايۋ جاعدايىن ساقتاعان. ءارقايسى ايماق (وبلىس، قالا) پەن ونەركاسىپ باقشا رايونى نىسان قۇرىلىسىن بەلسەنە ىلگەرىلەتىپ، ونەركاسىپكە قوسىلعان قارجى وتكەن جىلعى سايكەس مەزگىلدەگىدەن 50.3پايىز ارتىپ، ءۇرتىس 3 اي بويى ارتۋدى ساقتادى. اۆتونوميالى رايوننىڭ ونەركاسىپ جانە ينفورماتسيالاندىرۋ سالاسىنداعى 50 كەلەلى نىسانعا 2019 - جىلى 36 ميلليارد 300 ميلليون يۋان قارجى قوسۋ جوسپارلانىپ، 8 ميلليارد 100 ميلليون يۋان قارجى قوسىلعان. بيىل الدىڭعى 4 ايدا جۇڭگو مۇناي ءۇرىمجى مۇناي - حيميا بولىمشە سەرىكتەستىگى، شاڭحاي اۆتوموبيلى داجۇڭ (شينجياڭ) اۆتوموبيل شەكتى سەرىكتەستىگى، ەرەكشە ترانسفورماتور جارنا شەكتى سەرىكتەستىگى، جينفىڭ عىلىم - تەحنيكا جارنا شەكتى سەرىكتەستىگى سياقتى ءبىر توپ نەگىزگى تيجارات كىرىسى نەداۋىر كوپ كولەمنەن جوعارى ونەركاسىپ كاسىپورىندارى تەحنولوگياسىن كەمەلدەندىرۋ، ساپاسىن جاقسارتىپ ونىمدىلىگىن ارتتىرۋ سىندى تەحنيكالىق وزگەرىس جاسالعان 198 نىساندى اتقارىپ، جالپى 30 ميلليارد 600 ميلليون يۋان قارجى قوسۋدى مەجەلەپ، 6 ميلليارد 500 ميلليون يۋان قارجى قوستى.

  بيىل اۆتونوميالى رايوننىڭ ونەركاسىپكە قوسقان قارجىسىندا تاعى ەكونوميكالىق قۇرىلىم وزگەرىسىنىڭ ”ارتقان قۇن“ سيگنالى بايقالىپ، جاساۋ كاسىبىنە قوسىلعان قارجىنىڭ نەگىزگى كۇشى جاڭالىق اشۋعا قوزعاۋشى بولۋعا قاراي بۇرىلىس جاسادى. ساندى مالىمەتتەردەن قاراعاندا، جاڭا قوزعالىس ەنەرگياسى سالاسىنا قارجى قوسۋ كۇشەيگەن، اسىرەسە، جاڭا ماتەريالداردى ۋاكىل ەتكەن جاڭادان گۇلدەنگەن كاسىپتەرگە قارجى قوسۋ قارجى قوسۋداعى قىزۋ تۇيىنگە اينالعان. بۇگىنگى كۇندە اۆتونوميالى رايوننىڭ ەكونوميكانى جوعارى ساپالى دامىتۋدىڭ شارتى ازىرلەنۋدە. ”حلور ءسىلتى كاسىبى شىنىندا وندىرىستىك لات سۋ ىعىستىرمايتىن بولۋ“ سياقتى ءبىر توپ جاسىل ينتەگرالدى نىسان ەل ىشىندە الدىمەن كوشىرىپ پايدالانۋعا جالپىلاستىرۋعا بولاتىن جاسىل جاساۋدىڭ تيپتىك ۇلگىسىنە اينالىپ، جاسىل جاساۋ جۇيەسى قۇرىلىسىندا العاشقى ادىمدا ونىمگە قول جەتتى. قازىر رايونىمىز اۆتونوميالى رايون دارەجەلى جاسىل زاۆودتان 94ىن، جاسىل باقشا رايونىنان 4ىن، جاسىل قامداۋ تىزبەگىندىك باسقارۋدان ۇلگى كورسەتۋ كاسىپورنىنان 5ىن قۇردى. سونىمەن ءبىر ۋاقىتتا، اۆتونوميالى رايون ونەركاسىپ ينتەرنەتى، ينتەرنەت + ناقتى ەكونوميكا قىزمەتىن بەلسەنە ورىستەتىپ، العاشقى ادىمدا جۇمساق بولشەك جانە ينفورماتسيالىق تەحنيكالىق قىزمەت وتەۋدى نەگىز ەتكەن، ەلەكتروندىق، ينفورماتسيالىق جاساۋ كاسىبىن، حابارلاسۋ قىزمەت وتەۋ كاسىبىن ارتۋ ءتۇيىنى ەتكەن، زاتتار ينتەرنەتى، بۇلتتىق ەسەپتەۋ، ۇلكەن ساندى مالىمەت، ەلەكتروندىق ساۋدا ارقىلى توعىسپالى قولدانۋدى جەتەكتەيتىن دامۋ جەلىسىن قالىپتاستىردى.

  بيىل رايونىمىز ونەركاسىپ جانە تەحنيكانى جاڭالاۋعا قارجى قوسۋدى ۇزدىكسىز مىقتى يگەرىپ، تۇلعالىق شاراۋشىلىق كاسىپتەرىنىڭ كىرىسىن قاتارعا تۇرعىزعاندا الدىڭعى 200 ورىندى يەلەگەن ونەركاسىپ كاسىپورنىن تاڭداپ، 2019 - جىلى تەحنيكانى جاڭالاۋ نىسانى رەتىندە اتقارماقشى، كاسىپ ىقپال كۇشى مىعىم، قوسقان قارجىسى مول 50 ءىرى نىساندى ورتاعا سالادى، سونىمەن بىرگە ءتۇيىندى نىسان باسشىلارىنىڭ حابارلاسۋ، كومەكتەسىپ سۇيەمەلدەۋ مەحانيزمىن قۇرىپ، ءىز قۋالاپ قىزمەت ەتۋدى كۇشەيتىپ، نىسانداردى جۇرگىزۋدە تاپ بولعان قيىنشىلىقتاردى كۇش سالا شەشەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى