تيانشان تورابى   ›   زاڭ تارازى   ›   زاڭنان كەڭەس

بۇكىل رايونىمىزداعى پروكۋراتۋرا ورگاندارى دەلو ساپاسى وتكەلىن قاتاڭ يگەرىپ قارا كۇشتەردى الاستاۋدىڭ، سۇرقيا كۇشتەردى جويۋدىڭ دالمە - ءدال، پارمەندى بولۋىنا شىنايى كەپىلدىك ەتتى

  تىلشىلەر ياڭ شۋحان، جاڭ يانفاڭ 5 - ايدىڭ 25 - كۇنى ۇرىمجىدەن حابارلايدى. قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، بۇكىل رايونىمىزداعى پروكۋراتۋرا ورگاندارى ءتارتىپ تانىمىن جانە دالەل - سىپات تانىمىن كۇشەيتىپ، دەلو ساپاسى وتكەلىن قاتاڭ يگەرىپ، سوتتا قاراۋعا دەيىنگى جەتەكشىلىك رولدى ساۋلەلەندىرىپ، قارا كۇشتەردى الاستاۋدىڭ، سۇرقيا كۇشتەردى جويۋدىڭ دالمە - ءدال، پارمەندى بولۋىنا شىنايى كەپىلدىك ەتتى.

  قوعام حاۋىپسىزدىگى، پروكۋراتۋرا، سوت مەكەمەسى سايكەسىپ دەلو ءبىتىرۋ مەحانيزمىن كۇشەيتۋ ءۇشىن، اۆتونوميالى رايوندىق حالىق پروكۋراتۋراسى اۆتونوميالى رايوندىق قوعام حاۋىپسىزدىگى مەڭگەرمەسىمەن، اۆتونوميالى رايوندىق جوعارى حالىق سوتى مەكەمەسىمەن بىرلەسىپ، بيىل 3 - ايدا «قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىندەگى بارلاۋدى، تۇتقىنداۋدى، ارىز - شاعىم بەرۋدى ۇشتاستىرۋ قىزمەتىن كۇشەيتۋ جونىندەگى پىكىر»گە تۇگەل قول قويىپ، تاراتىپ، دەر كەزىندە «قارا، سۇرقيا كۇشتەردىڭ قىلمىستىق دەلولارىن ءبىتىرۋدى كۇشەيتۋ جونىندەگى قىزمەت ناقتى ەرەجەسى»ن جاساپ، سوتتا قاراۋعا دەيىنگى ءبىر تۇلعالانعان قىزمەت مەحانيزمىن بەلسەنە ورناتىپ، بارلاۋدىڭ، تۇتقىنداۋدىڭ، ارىز - شاعىم بەرۋدىڭ ءونىمدى ۇشتاسۋىن ىلگەرىلەتتى، سونداي - اق اۆتونوميالى رايوندىق قوعام حاۋىپسىزدىگى مەڭگەرمەسىمەن، اۆتونوميالى رايوندىق جوعارى حالىق سوت مەكەمەسىمەن بىرلەسىپ، «قارا قوعام سيپاتىنداعى ۇيىمداردىڭ قىلمىستىق دەلولارىن ءبىتىرۋ دالەل - سىپاتتارىنا سىلتەمە» سياقتى حۇجاتتاردى شىعارىپ، ءادىليالىق ورتاق تانىمدى ەڭ جوعارى دەڭگەيدە ۇيىستىردى.

  بۇكىل رايونىمىزدىڭ جەر - جەرىندەگى پروكۋراتۋرا ورگاندارى ءتارتىپ تەكسەرۋ، باقىلاۋ - تەكسەرۋ ورگاندارىمەن سايكەسۋدى، سەلبەسۋدى كۇشەيتىپ، قارا، سۇرقيا كۇشتەرگە ساياتىن شىرىكتەسۋ دەرەكتەرى مەن قارا، سۇرقيا كۇشتەرگە ساياتىن قىلمىس دەرەكتەرىن قوس باعىتتا وتكىزۋ جانە تەكسەرىپ ءبىتىرۋ ناتيجەسىن اڭىس ەتۋ مەحانيزمىن ورناتىپ، اقاۋسىزداندىرىپ، قارا، سۇرقيا كۇشتەرگە ساياتىن ءاربىر قىلمىستىق دەلونىڭ ارتىنداعى شىرىكتەسۋ ماسەلەسىن تەرەڭ قازۋعا تالپىنىپ، قارا كۇشتەردى الاستاۋ، سۇرقيا كۇشتەردى جويۋ مەن شىرىكتەسۋگە قارسى تۇرۋ كۇرەسىنىڭ ءبىرىن - ءبىرى جەبەۋىن جۇزەگە اسىردى. سونىمەن قاتار، پروكۋراتۋرا ورگاندارىنىڭ قارا، سۇرقيا كۇشتەرگە ساياتىن دەلو دەرەكتەرىن ءبىر تۇتاس باسقارۋ سياقتى ءتۇرلى قىزمەت مەحانيزمدەرىن اقاۋسىزداندىرىپ، قىزمەتتىڭ بىرىككەن كۇشىن ۇيىستىردى؛ قارا، سۇرقيا كۇشتەرگە ساياتىن دەلولاردى ”الدىمەن قابىلداۋ، الدىمەن ءبولۋ“ مەحانيزمىن ورناتىپ، ”جاسىل ارنا“ اشىپ، دەلولاردى قابىلداۋ ارناسىن ىركىلىسسىزدەندىرىپ، جوعارى ونىمدىلىكپەن جۇمىس جۇرگىزۋگە شىنايى كەپىلدىك ەتتى.

  اۆتونوميالى رايوندىق حالىق پروكۋراتۋراسىنىڭ التاي ايماقتىق حالىق پروكۋراتۋرا بولىمشەسى تۇتقىندالماعان، ارىز - شاعىم بەرىلمەگەن، قايتارىلعان دەلولاردى ”قايتا قاداعالاپ“ ءوزىن تەكسەرۋ قىزمەتىن ىشكەرىلەي ورىستەتىپ، نەگىزگى شايقاس بەتالىسىنا تاباندى بولىپ، ”باسقالقا“لاردى، ”بايلانىس تورى“ن جانە قارا، سۇرقيا كۇشتەرگە ساياتىن قىلمىس دەرەكتەرىن تەرەڭدەي قازدى؛ ءۇرىمجى قالاسى تيانشان رايوندىق حالىق پروكۋراتۋراسى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ دەلولاردى ءبىتىرۋ ارناۋلى القاسىن قۇرىپ، ارناۋلى كۇرەس دەلولاردى ءبىتىرۋ ارناسىن اشىپ، ءار دەلونى بىردەن ەكشەپ تەكسەرۋدى ورىنداپ، ”تورىن تالقانداپ، قالقانىن قيراتۋ“دى قۋاتتى كۇشپەن ىلگەرىلەتتى.

  قارامايلى، شىحىزى قاتارلى جەرلەر «قارا كۇشتەردى الاستاۋ، سۇرقيا كۇشتەردى جويۋ ارناۋلى دەلولارىنىڭ قىزمەت مەحانيزمى»ن جاساپ، تۇتقىنداۋدى بەكىتۋ، قاراۋ - تەكسەرۋ، ارىز - شاعىم بەرۋ سياقتى بۋىنداردان باستاپ ىسكە كىرىسىپ، ءار تاراۋدىڭ ساڭلاۋسىز ۇشتاسۋىنا شىنايى كەپىلدىك ەتتى؛ ماكىت اۋداندىق حالىق پروكۋراتۋراسى دەلو ءىس جۇزىندىگىمەن بىرلەستىرىپ، دەلولاردى كەڭەسۋ مەحانيزمى سياقتى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى مەحانيزمدەرىن ۇزدىكسىز كەمەلدەندىرىپ، ”تورىن تالقانداپ، قالقانىن قيراتۋ“عا كۇش سالىپ، قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ناقتى ونىمدىلىككە قول جەتكىزۋىن ىلگەرىلەتتى.

  كەلەسى قادامدا بۇكىل رايونىمىزداعى پروكۋراتۋرا ورگاندارى ”قارا، سۇرقيا كۇشتەرگە ساياتىن كونە دەلولاردى ءبىرىن قالدىرماي ءبىتىرۋ، ماسەلە دەرەكتەرىن تۇگىن قالدىرماي اداقتاۋ“دى نىسانا ەتىپ، ارىز - شاعىم بەرۋ، سوتتا قاراۋ ”زاڭ شايقاسى“ن ويداعىداي جۇرگىزىپ، تىڭعىلىقتى ناتيجەمەن حاۋىپسىز، ورنىقتى قوعامدىق ورتا قالىپتاستىرۋعا ۇلەس قوسادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى