تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ باس نىسانانى مىقتى يگەرىپ، شينجياڭنىڭ جالپى جاعدايىنىڭ ۇزدىكسىز جاقسارۋىنا دەم بەرۋ جونىندەگى قاۋلىسى

(اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 6 - ماجىلىسىندە 2019 - جىلى 5 - ايدىڭ 17 - كۇنى ماقۇلداندى)

  اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 6 - ءماجىلىسى 2019 - جىلى 5 - ايدىڭ 16 - ، 17 - كۇندەرى ۇرىمجىدە وتكىزىلدى. بۇل بۇكىل رايوننىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋىنىڭ، قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋىنىڭ شەشۋشى كەزەڭىندە، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، جاڭا داۋىردەگى شينجياڭنىڭ رەفورما، دامۋ، ورنىقتىلىق قىزمەتىن ونان ارى ويداعىداي ىستەۋدىڭ شەشۋشى جىلىندا اشىلعان ارناۋلى تاقىرىپتاعى ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسى. ءماجىلىس كەزىندە، تۇراقتى كوميتەتتەگى بارلىق مۇشەلەر شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، وسكەلەڭ ساياسي جاۋاپكەرشىلىك سەزىممەن جانە تاريحي بورىشتىلىق سەزىممەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تىعىز ارقاۋ ەتىپ، ”نازاردى باس نىساناعا شوعىرلاندىرىپ، قوعامنىڭ جاراسىمدىلىعىن، ورنىقتىلىعىن ىلگەرىلەتۋ“ كەڭەستىك تاقىرىبىمەن تىعىز بايلانىستىرىپ، ىشكەرىلەي كەڭەسىپ، تالقى جۇرگىزىپ، بەلسەندى تۇردە ۇكىمەت ءىسىن كەڭەسىپ، اقىل - كەڭەس بەرىپ، كەڭىنەن ورتاق تانىم ۇيىستىرىپ، بەلسەندى ناتيجەگە قول جەتكىزدى.

  ءماجىلىس بىلاي دەپ قارادى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم بۇكىل رايونداعى ءار ۇلت كادرلارى مەن جۇرتشىلىعىن ىنتىماقتاستىرىپ، باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شىنايى يگەرىپ، ناقتاپ ىستەپ، قايراتتانا العا ۇمتىلىپ، كەزەڭدىك تابىسقا قول جەتكىزدى، شينجياڭنىڭ جالپى جاعدايى ۇزدىكسىز ورنىقتى بولىپ، جاعداي ۇزدىكسىز جاقسارىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، شينجياڭ قىزمەتىنىڭ باس نىساناسىن جۇزەگە اسىرۋعا بەرىك نەگىز قالاپ، بۇكىل مەملەكەت جالپى جاعدايىنىڭ ورنىقتىلىعىن ساقتاۋ ءۇشىن بەلسەندى ۇلەس قوستى. بۇكىل رايونداعى ءار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ءارقايسى ورىندار جانە ءار ۇلت، ءار سالا مۇشەلەرى وڭاي - وسپاق قولعا كەلمەگەن ورنىقتىلىق، دامۋ جاعدايىن ايرىقشا قاستەرلەپ، ونان ارى قورعاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن جاپپاي مەڭگەرۋدىڭ باس باعدارلاماسى ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ”ءتورت تانىم“دى ونان ارى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، قوعام ورنىقتىلىعى مەن باياندى تىنىشتىق باس نىساناسىن جاپپاي تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى ۇزاق ۋاقىت گۇلدەندىرۋگە تاباندى بولىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسياسىن مۇقيات اتقارىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە ساياسي كەڭەس قىزمەتىنە قويعان تالاپتارىن تياناقتاندىرۋدىڭ، بۇكىل رايونداعى ءار ۇلت حالقىنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جۇزەگە اسىراتىن پاراساتى مەن كۇش - قۋاتىن جۇمىلدىرۋدىڭ ساياسي جاۋاپكەرشىلىگىن شىنايى ارقالاۋ كەرەك.

  ءماجىلىس مىنالاردى اتاپ كورسەتتى: بيىل جاڭا جۇڭگو قۇرىلعاندىعىنىڭ 70 جىلدىعى، قوعامنىڭ جاراسىمدىلىعىن، ورنىقتىلىعىن قورعاۋ قىزمەتىن تىڭعىلىقتى، ويداعىداي ىستەۋدىڭ ءمانى زور، ىقپالى تەرەڭ. بۇكىل رايونداعى ءار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ءارقايسى ورىندار جانە ءار ۇلت، ءار سالا مۇشەلەرى ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي، باس نىساناعا بويسۇنۋدى، باس نىساناعا قىزمەت وتەۋدى ماڭىزدى ساياسي مىندەت ەتىپ، ونى ءارقاشان كوكەيدە ساقتاپ، ارقالاپ، مىقتى ۇستاپ، ارەكەتتە تياناقتاندىرىپ، ارناۋلى كەڭەستىك قۇرىلىمنىڭ ەرەكشەلىگىن كورنەكتىلەندىرىپ، قوس باعىتتا كۇش جۇمساۋ ابزالدىلىعىن ايگىلەپ، باس نىسانانى جۇزەگە اسىرۋ ءۇشىن حالىق تىلەگىنە قول جەتكىزىپ، ورتاق تانىم ۇيىستىرىپ، ۇلەس قوسۋ كەرەك. قوعامنىڭ جاراسىمدىلىعىن، ورنىقتىلىعىن قورعاۋدا قاتىسسىز ءوڭىر، قاتىسسىز ورىن، قاتىسسىز ادام بولمايدى دەيتىن يدەيانى بەرىك ورناتىپ، ساياسي تۇرعىدا بەرىك تۇرىپ، ساقتىق دابىلىن ۇزبەي قاعۋعا، ۇنەمى قىراعى بولۋعا تاباندى بولىپ، ستراتەگيالىق تاباندىلىقتى ساقتاپ، ءسوز جوق، جەڭەتىن سەنىمدى بەكەمدەپ، بولشەكتەۋشىلىككە قارسى تۇرۋ كۇرەسىنە بەلسەنە ات سالىسىپ، بۇكىل رايونداعى ءار ۇلت بۇقاراسىن ايقىن تۋ ۇستاي وتىرىپ ”ءۇش ءتۇرلى كۇش“ پەن جانە ”ەكىبەتكەيلەر“مەن باتىل كۇرەس جۇرگىزۋگە جەتەكتەۋ كەرەك. ءار سالا جۇرتشىلىعىنا ىشكەرىلەي ارالاسىپ، جاعدايدى كەڭىنەن يگەرىپ، قوعام اۋانىن، حالىق تىلەگىن دەر كەزىندە اڭىس ەتىپ، اۆتونوميالى رايوندىق پارتكوم بەلگىلەگەن ورنىقتىلىقتى قورعاۋ شارالارىنىڭ تياناقتانىپ، ناتيجە بەرۋىن جەبەۋ كەرەك. يدەيالىق - ساياسي جەتەكشىلىكتى كۇشەيتىپ، ءوزىنىڭ ءتول اسەرىمەن، جاندى مىسالدارمەن، ۇعىنىقتى تىلمەن پارتيا ورتالىق كوميتەتىنىڭ باعىت - ساياساتىن، اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن ۇگىتتەپ، شينجياڭ حيكاياسىن جاقسى بايانداپ، شينجياڭ وبرازىن جاقسى سومداپ، توركىنىن تۇزەپ، قاينارىپ تازارتىپ، جاقسىلىقتى جاقتاپ، جاماندىقتى شەكتەپ، بۇكىل قوعامدا قوعام ورنىقتىلىعى مەن باياندى تىنىشتىقتى قورعاۋدىڭ قۋاتتى وڭ ەنەرگياسىن توپتاۋ كەرەك.

  ءماجىلىس بىلاي دەپ باسا دارىپتەدى: ۇلتتار ىنتىماعى − ءار ۇلت حالقىنىڭ جانى، شينجياڭنىڭ دامۋى مەن العا باسۋىنىڭ ىرگە تاسى. بۇكىل رايونداعى ءار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ءارقايسى ورىندار جانە ءار ۇلت، ءار سالا مۇشەلەرى باس شۋجي شي جينپيڭنىڭ ۇلتتار ىنتىماعى جونىندەگى ماڭىزدى بايىمداۋلارىن باتىل دايەكتىلەندىرىپ، تياناقتاندىرىپ، شينجياڭ ماسەلەسىندە ەڭ ۇزاققا سوزىلاتىنى اينالىپ كەلىپ ۇلتتار ىنتىماعى ماسەلەسى ەكەنىن تەرەڭ تانىپ، ۇلتتار ىنتىماعىن كۇشەيتۋدى ستراتەگيالىق، نەگىزدىك، ۇزاق بولاشاقتىق قىزمەت رەتىندە ىستەپ، پارتيانىڭ ۇلت ساياساتىن جاپپاي دايەكتىلەندىرىپ، پارتيانىڭ باسشىلىعىنا تاباندى بولىپ، جۇڭگوشا سوتسياليزم جولىنا تاباندى بولىپ، وتاننىڭ تۇتاستىعىن قورعاۋعا تاباندى بولىپ، ءارقايسى ۇلتتاردىڭ تۇگەلدەي تەرەزەسى تەڭ بولۋعا تاباندى بولىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، ءارقايسى ۇلتتاردىڭ بىرگە ىنتىماقتاسا كۇرەس جۇرگىزۋىنە، بىرگە گۇلدەنۋىنە، دامۋىنا تاباندى بولىپ، جۇڭحۋا ۇلتى ورتاق تۇلعا يدەيالىق نەگىزىن بەرىك ورناتۋعا تاباندى بولىپ، مەملەكەتتى زاڭمەن جونگە سالۋعا تاباندى بولىپ، ۇلتتاردىڭ جاراسىمدىلىعىن، تاتۋلىعىن، ءبىر جاعادان باس، ءبىر جەڭنەن قول شىعارىپ، جاراسىمدى دامۋىن جەبەۋ كەرەك. اۆتونوميالى رايوندىق پارتكومنىڭ ءبىر تۇتاس ورنالاستىرۋىنا ساي، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىعى سياقتى قيمىلداردى تىڭعىلىقتى، ىشكەرىلەي ورىستەتىپ، سوتسياليستىك وزەكتى قۇن كوزقاراسىن كۇش سالا جەتىلدىرىپ جانە امالياتتا ايگىلەپ، جۇڭحۋا ۇلتى ورتاق تۇلعا تانىمىن مىقتاپ ورناتىپ، پارتكومعا، ۇكىمەتكە كومەكتەسىپ، مەملەكەتتە ءبىر تۇتاس قولدانىلاتىن ءتىل - جازۋدى زاڭ بويىنشا كەڭىنەن جالپىلاستىرىپ، قوس ءتىل اعارتۋىن ىلگەرىلەتىپ، ءارقايسى ۇلتتاردىڭ كىرىككەن قوعامدىق قۇرىلىمى مەن الەۋمەتتىك اۋماق ورتاسىنىڭ قالىپتاسۋىن ۇزدىكسىز ىلگەرىلەتىپ، ءار ۇلت بۇقاراسىنىڭ ارالاسۋ، ىشتەسۋ، توعىسۋ بارىسىندا ءتۇسىنىسۋدى تەرەڭدەتىپ، سۇيىسپەنشىلىكتى ارتتىرىپ، ەتەنە جاقىن بولىپ، ”ءۇشتىڭ ءبىر - بىرىنەن ايرىلا الماۋ“ يدەياسىن مىقتاپ ورناتىپ، “بەستى شىنايى مويىنداۋ“دى كۇشەيتىپ، اناردىڭ دانىندەي تىعىز ۇيىسۋىن ىسكە اسىرۋ كەرەك.

  ءماجىلىس مىنالاردى تالاپ ەتتى: بۇكىل رايونداعى ءار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ءارقايسى ورىندار جانە ءار ۇلت، ءار سالا مۇشەلەرى باس شۋجي شي جينپيڭنىڭ ءدىن قىزمەتى جونىندەگى ماڭىزدى نۇسقاۋىن باتىل دايەكتىلەندىرىپ، تياناقتاندىرىپ، پارتيانىڭ ءدىن قىزمەتى نەگىزگى باعىتىن مىقتاپ يگەرىپ، ”جەتەكتەۋ“گە ۇزدىكسىز كۇش سالىپ، زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى اۋىزدىقتاۋعا، سىنالاپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، ەلىمىزدە ءدىننىڭ جۇڭگوشالانۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. پارتكومعا كومەكتەسىپ، ءدىن قىزمەتىن دەن قويا جاقسى ىستەپ، دىنگە سەنەتىن بۇقارانىڭ قالىپتى ءدىني قاجەتىن قامتاماسىز ەتىپ، ”جەتى جەتكىزۋ“، ”ەكى بار بولۋ“، ”توعىز ازىرلەۋ“ جانە وتانشىل ءدىني قايراتكەرلەرگە قامقورلىق جاساۋ، باۋلۋ شاراسىن تياناقتاندىرىپ، ءدىن تاتۋلىعىن، جاراسىمدىلىعىن قۇلشىنا جەبەۋ كەرەك. ”ۇشقارىلىقتى الاستاۋ“دى ۇزدىكسىز ىشكەرىلەي ورىستەتىپ، ءدىن سالاسىنداعى مۇشەلەر مەن وتانشىل ءدىني قايراتكەرلەردى وتاندى ءسۇيۋ، ءدىندى ءسۇيۋ تاڭداۋلى ءداستۇرىن ساۋلەلەندىرۋگە جەتەكتەپ، زايىرلى، وسى زامانعى وركەنيەتتى تۇرمىس ءتاسىلىن كۇش سالا دارىپتەپ، تەرىس ۋاعىزدارعا كوكىرەك كەرە تويتارىس بەرىپ، ءدىن سالاسىنداعىلاردى جانە دىنگە سەنەتىن قالىڭ بۇقارانى دۇرىس سەنىم، دۇرىس ارەكەت ورناتىپ، ۇشقارىلىقتى تەجەپ، بولشەكتەۋشىلىككە قارسى تۇرىپ، ءوندىرىستى دامىتۋعا، ەڭبەك ەتىپ اۋقاتتانۋعا، تۇرمىستى جاقسارتۋعا، ورنىقتىلىقتى قورعاۋعا، ىنتىماقتى كۇشەيتۋگە، جاراسىمدىلىقتى جەبەۋگە اناعۇرلىم كوپ ۋاقىت پەن زەيىن - زەردەنى جۇمساپ، شينجياڭ قىزمەتىنىڭ باس نىساناسىن جۇزەگە اسىرۋدىڭ، جاپپاي دوڭگەلەك داۋلەتتى قوعام ورناتۋدىڭ ۇلى امالياتىنا بەلسەنە ات سالىسۋعا ىنتىماقتاستىرۋ، جەتەكتەۋ كەرەك.

  ءماجىلىس بىلاي دەپ قارادى: كەدەيلىكتەن ارىلتۋدان قامال الۋ شەشۋشى شايقاستىڭ شەشۋشى جەڭىسىنە قول جەتكىزۋدىڭ شەشۋشى كەزەڭىنە قادام تاستادى. بۇكىل رايونداعى ءار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ءارقايسى ورىندار جانە ءار ۇلت، ءار سالا مۇشەلەرى باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن جانە پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ تۋرالى شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋعا دەم بەرۋدى حالىق ءۇشىن مىندەت وتەۋدىڭ ءتۇيىنى ەتىپ، نازاردى اۋىر كەدەي وڭىرلەرگە شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“مەن تىعىز قابىستىرىپ، ”التى دالمە - ءدال“دى تياناقتاندىرۋدى، ”جەتى ءبىر توپ“تى جانە ”ۇشتە سەرپىندى ارتتىرۋ“دى ىلگەرىلەتىپ، ”توعىزدى ايقىنداپ“، ىشكەرىلەي تەكسەرۋ - زەرتتەۋ جۇرگىزىپ، ۇكىمەت ءىسىن كەڭەسىپ، دۇرىس تۇسىنىكتەردى توپتاپ، كەدەيلىكتەن ورنىقتى تۇردە ارىلتۋدىڭ باياندى مەحانيزمىنىڭ ورناۋىنا دەم بەرىپ، ىشكى قوزعاۋشى كۇشتى قاۋلاتىپ، ىرىقتىلىقپەن جاۋاپكەرشىلىك ارقالاپ ءىس تىندىرىپ، قامال ىشىندەگى قامالدى الىپ، كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسىنە دەر كەزىندە قول جەتكىزۋگە شىنايى كەپىلدىك ەتۋ كەرەك.

  ءماجىلىس بىلاي دەپ اتاپ كورسەتتى: حالىق تۇرمىسىنا تىعىز بايلانىستىرىپ دامۋدى ىلگەرىلەتۋ − جاڭا ءداۋىر شينجياڭداعى ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرىنە جۇكتەگەن ماڭىزدى بورىش. بۇكىل رايونداعى ءار دارەجەلى ساياسي كەڭەس ۇيىمدارى، ساياسي كەڭەسكە قاتىناسقان ءارقايسى ورىندار جانە ءار ۇلت، ءار سالا مۇشەلەرى باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، جاڭا دامۋ ۇستانىمىنا تاباندى بولىپ، ”بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ“ سەگىز ارىپتىك باعىتىن دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، اۆتونوميالى رايوندىق پارتكومنىڭ ”1 + 3 + 3 + رەفورما جاساۋ، ەسىك اشۋ“ قىزمەت ورنالاستىرۋىن تياناقتاندىرىپ، ەلەۋلى حاۋىپ - قاتەرلەردەن ساقتانۋ جانە ونى جويۋ، كەدەيلىكتەن دالمە - ءدال ارىلتۋ، لاستانۋدان ساقتانۋ سىندى ءۇش ۇلكەن قامال الۋ شايقاسىن ويداعىداي جۇرگىزۋدى ارقاۋ ەتىپ، جىبەك جولى ەكونوميكالىق بەلدەۋى وزەكتى رايون قۇرىلىسى، اۋىل - قىستاقتى گۇلدەندىرۋ ستراتەگياسى، ساياحات شارۋاشىلىعىن دامىتۋ سىندى ءۇش ءتۇيىندى قىزمەتتى ويداعىداي يگەرىپ، رەفورمانى تەرەڭدەتىپ، ەسىكتى ايقارا اشىپ، ىشكەرىلەي كەڭەسىپ، ۇكىمەت ءىسىن اقىلداسىپ، ناقتىلى ۇسىنىس - پىكىر بەرىپ، ەكونوميكانىڭ جوعارى ساپالى دامۋىنا دەم بەرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسى سالاسىنداعى ماڭىزدى ماسەلەلەرمەن تىعىز قابىستىرىپ، شىنايى جاعدايدى تەكسەرىپ، ناقتى شارالار شىعارىپ، ورتاق تانىم ۇيىستىرىپ، حالىققا وقۋ - اعارتۋ ارقىلى تيىمدىلىك جاساۋ، جۇمىسقا ورنالاستىرۋ، شارۋاشىلىق قۇرۋ، قوعامدىق قامتاماسىزداندىرۋ، ەمدەۋ - دەنساۋلىق ساقتاۋ، ەكولوگيالىق ورتانى قورعاۋ، ۇلتتار مادەنيەتىن قورعاۋ سياقتى حالىققا ءتيىمدى، حالىققا پايدالى ساياساتتاردىڭ تياناقتانىپ ناتيجە بەرۋىنە دەم بەرۋ، ەرەكشە جەمىس ورمان شارۋاشىلىعىنىڭ، ساياحات شارۋاشىلىعىنىڭ، ەڭبەك شوعىرلانعان كاسىپتەردىڭ ساپاسىنىڭ ءوسىپ، ونىمدىلىگىنىڭ ارتۋىنا دەم بەرۋ، دامۋ جەتىستىكتەرىن حالىق تۇرمىسىن جاقسارتۋ، جەرگىلىكتى ورىنعا تيىمدىلىك جاساۋ، ۇلتتار ىنتىماعىن كۇشەيتۋ جاعىندا تياناقتاندىرىپ، ورنىقتىلىقتى، دامۋدى ىلگەرىلەتۋگە دەم بەرۋ، بىرىككەن كۇش ۇستەۋ كەرەك.

  ءماجىلىس بۇكىل رايونداعى ءار دارەجەلى ساياسي كەڭەس ۇيىمدارىن، ساياسي كەڭەسكە قاتىناسقان ءارقايسى ورىنداردى جانە ءار ۇلت، ءار سالا مۇشەلەرىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ دۇرىس باسشىلىعىندا، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءبىر نيەت، ءبىر تىلەكتە بولىپ، قايراتتانا العا ىلگەرىلەپ، باس نىسانانى جۇزەگە اسىرۋعا، شينجياڭنىڭ جالپى جاعدايىنىڭ ۇزدىكسىز جاقسارۋىن ىلگەرىلەتۋگە جاڭا ءارى اناعۇرلىم زور ۇلەس قوسىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەلەرمەن قۇتتىقتاۋعا ۇندەدى!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.