تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

شاپشال جەتەكشى كاسىپورىندارعا سۇيەنىپ، ەگىنشى - مالشىلاردى كەدەيلىكتەن ارىلۋعا باستادى

  شينحۋا اگەنتتىگىنىڭ 5 - ايدىڭ 24 - كۇنى ۇرىمجىدەن بەرگەن حابارى (ءتىلشى شاڭ شىڭ). تاڭ قىلاڭ بەرىسىمەن ىلە قازاق اۆتونوميالى وبلىسىنىڭ شاپشال سىبە اۆتونوميالى اۋدانىندا تۇراتىن ايگۇل جۇمانالى قورانىڭ ەسىگىن اشىپ، ءبىر اربا سۇرلەم كىرگىزىپ سيىرلارىنا بەردى.

  ايگۇلدىڭ جەرگىلىكتى ورىنداعى باعىمشىلىق جەتەكشى كاسىپورىن − كوكدالا قالاسى چۋاڭجين مال شارۋاشىلىق شەكتى سەرىكتەستىگىندە سيىر باققانىنا 3 جىل بولدى. وسى بىرنەشە جىلدا سويىس سيىرى باعىمشىلىعىنىڭ جانە قاتىستى كاسىپ سالالارىنىڭ ارقاسىندا، جەرگىلىكتى ورىندا ءبىرتالاي ادام قوماقتى اقشا تاپتى.

  شاپشال سىبە اۆتونوميالى اۋدانى − ءداستۇرلى ەگىن، مال شارۋاشىلىعى اۋدانى، سيىر باعىمشىلىعى تاريحى ۇزاق. 2013 - جىلى اۋداندىق ۇكىمەت گەرمانيادان سەمينتال سيىرىن ەنگىزىپ، جەرگىلىكتى ورىنداعى ”جەرلىك“ سيىردىڭ تۇقىمىن اسىلداندىردى. جاڭادان تۇقىمى اسىلداندىرىلعان سيىر تابىنى ۇزدىكسىز مولايىپ، مەملەكەت مەنشىگىندەگى كاسىپورىن − چۋاڭجين مال شارۋاشىلىعى كاسىپورنىن وسىندا ىرگە تەبۋگە باۋراپ، جەرگىلىكتى ورىندى ”سيىرشىلىق“ كاسىبىن دامىتۋعا جەتەلەپ، ماڭايىنداعى شارۋا وتباسىلارىن كەدەيلىكتەن ارىلىپ بايۋعا باستادى.

  بۇگىندەرى باعىمشىلىق فەرماسىندا سيىرشى بولعان ايگۇل ايىنا 3200 يۋان ەڭبەكاقى الاتىن بولدى، ”ۇيىنەن ۇزاپ شىقپاي - اق اقشا تابۋدى ويلاپ تا كورمەگەن ەدى“.

  ايگۇل تىلشىگە جۇبايى ەكەۋىنىڭ دە باعىمشىلىق فەرماسىندا ىستەيتىندىگىن، ەرلى - زايىپتى ەكەۋىنىڭ جىلدىق كىرىسى 100 مىڭ يۋاننان اساتىندىعىن، تۇرمىستارىندا زور وزگەرىس بولعاندىعىن ايتتى. باعىمشىلىق فەرماسىندا مۇنداي ”ەرلى - زايىپتىلار“ از ەمەس.

  چۋاڭجين مال شارۋاشىلىعىنىڭ ورىنباسار مەڭگەرۋشىسى جاڭ پيڭ تانىستىرىپ بىلاي دەدى: باعىمشىلىق فەرماسىندا 20 نەشە مىڭ سيىر بار، كوپ جۇمىسشى قاجەت ەتەدى، قازىر بۇكىل باعىمشىلىق فەرماسىندا 475 جۇمىسشى ىستەيدى، بارلىعى جەرگىلىكتى شارۋالار، ولاردىڭ %60ى از ۇلت جۇمىسىشلارى.

  باعىمشىلىق فەرماسى قيىنشىلىعى بار جۇرتشىلىققا كومەكتەسۋ، سۇيەمەلدەۋ ءۇشىن، ارناۋلى تۇردە ماڭايداعى اۋىل - قىستاقتارداعى ارحيۆ تۇرعىزىلىپ، كارتچكالاندىرىلعان كەدەي وتباسىلارىن اماندىق قورعاۋشى قىزمەتكەر سياقتى جەڭىل دەنە ەڭبەگىن قاجەت ەتەتىن جۇمىس ورىندارىمەن قامدادى. ”ايىنا بىرنەشە مىڭ يۋان ەڭبەكاقى الادى، تۇرمىسىن قامداۋدان ماسەلە شىقپايدى“، - دەدى جاڭ پيڭ.

  بۇدان تىس، باعىمشىلىق فەرماسى جىلىنا تاپسىرىس بويىنشا 150 مىڭ توننا سۇرلەم ساتىپ الىپ، ماڭايىنداعى اۋىل - قىستاقتاردان 440 نەشە مالشى وتباسىن سۇرلەمدىك جۇگەرى ەگۋگە جەتەلەدى. تەك وسىنىڭ وزىنەن ءاربىر شارۋا وتباسى جىلىنا 5000 يۋان كىرىس كىرگىزەدى؛ باعىمشىلىق فەرماسى ءار جىلى ماڭايىنداعى اۋىل - قىستاقتاردان 30 مىڭ توننا سابان - توپان ساتىپ الىپ، ەگىمشىلىك وتباسىلارى ءار مۋ جەردەن 150 يۋان كىرىس تاپتى.

  ءتىلشى چۋاڭجين مال شارۋاشىلىعى سەرىكتەستىگىنىڭ 3476 مۋلىق باعىمشىلىق بازاسىن، 127 قورا سالىپ، جىلىنا 100 مىڭ سيىر سويىلاتىن ءوندىرىس جەلىسىن قالىپتاستىرىپ، توڭازىتىلعان ەت، توڭازىتىلعان جاس ەت سياقتى ونىمدەردى بەيجيڭ، شاڭحاي سياقتى كوپ ولكە، قالالارعا دەيىن ساتىپ، 2018 - جىلعى جىلدىق ءونىم قۇنىن 200 ميلليون يۋانعا جەتكىزگەندىگىن ۇعىستى.

  ”قازىر سيىردى جاقسى باعىپ، كوپ اقشا تاۋىپ، تۇرمىسىمدى بارعان سايىن جاقسارتامىن“، - دەدى ايگۇل ءسوز اراسىندا. ونىڭ ارت جاعىنداعى ارباداعى تولتىرا سالىنعان جەمدى سيىرلار لەزدە جەپ بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى