بەيجيڭ قالاسىنىڭ ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى
چىن چۋانگو، چىن جينيڭ، شوكىرات زاكىر، سۇن جينلۇڭ، لي پىڭشين قيمىلعا قاتىناستى
ءتىلشى ياۋ تۇڭ، جاۋ جىيۇن 5 - ايدىڭ 26 - كۇنى ۇرىمجىدەن حابارلايدى. 5 - ايدىڭ 24 -، 25 - كۇندەرى بەيجيڭ قالالىق پارتكومنىڭ ورىنباسار شۋجيى، قالا باستىعى چىن جينيڭ بەيجيڭ قالاسىنىڭ ۋاكىلدەر ۇيىرمەسىن باستاپ، شينجياڭعا كەلىپ باعىتتامالى كومەكتەسۋ قىزمەتىن تەكسەردى، ۇشتاستىردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتىستى قيمىلدارعا قاتىناستى.
5 - ايدىڭ 25 - كۇنى اۆتونوميالى رايون بەيجيڭ قالاسىنىڭ ۋاكىلدەر ۇيىرمەسىمەن قىزمەت اڭگىمە ءماجىلىسىن وتكىزدى. چىن چۋانگو اۆتونوميالى رايوندىق پارتكوم مەن ۇكىمەت، سونداي - اق تۇتاس رايونىمىزداعى ءار ۇلت حالقى اتىنان بەيجيڭ قالاسىنىڭ ۋاكىلدەر ۇيىرمەسىنىڭ شينجياڭعا كەلىپ قىزمەت تەكسەرگەندىگىن قىزۋ قارسى الاتىندىعىن ءبىلدىرىپ، بەيجيڭ قالاسىنىڭ ۇزاق ۋاقىتتان بەرى شينجياڭ قىزمەتىنە زور كۇشپەن قولداۋ كورسەتكەندىگىنە جانە قالتقىسىز كومەك جاساعاندىعىنا شىنايى العىس ايتتى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بەيجيڭ قالاسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ بەيجيڭ قىزمەتى جونىندەگى ماڭىزدى ءسوزىنىڭ رۋحىن جاپپاي دايەكتىلەندىرىپ، تياناقتاندىرىپ، استانا قالانىڭ ستراتەگيالىق ورنىن مىقتاپ ارقاۋ ەتىپ، ”ءتورت ورتالىق“ فۋنكتسيا قۇرىلىسىن كۇش سالا كۇشەيتىپ، ”ءتورت قىزمەت وتەۋ“ دەڭگەيىن جوعارىلاتىپ، ”ءۇش ءىرى ءىس“تى مىقتى يگەرىپ، استانانىڭ وسىزامانداندىرۋ قۇرىلىسىن ىلگەرىلەتۋدە ماڭىزدى ىلگەرىلەۋشىلىكتەرگە قول جەتكىزدى. ءبىز مۇنى شىن جۇرەكتەن قۇتتىقتايمىز.
چىن چۋانگو مىنانى ءبىلدىردى: بەيجيڭ قالالىق پارتكوم مەن قالالىق ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، شينجياڭعا باعىتتامالى كومەكتەسۋ قىزمەتىن كەلەلى ساياسي جاۋاپكەرشىلىك دەپ تانىپ، ەڭ تاماشا ولشەمىمەن شينجياڭعا كاسىپ سالاسى، حالىق تۇرمىسى، كادرلار، دارىندىلار جاعىنان باعىتتامالى كومەكتەسۋدى جوعارى ساپامەن ىلگەرىلەتۋگە تاباندى بولىپ، شينجياڭعا جان - جاقتى باعىتتامالى كومەكتەسۋ جاعدايىن قالىپتاستىرىپ، حوتان ايماعىنىڭ جانە بيڭتۋان 14 - شىسىنىڭ قوعام ورنىقتىلىعىن، كەدەيلىكتەن ارىلتۋدان قامال الۋىن، ەكونوميكاسىنىڭ دامۋىن، حالىق تۇرمىسىن جاقسارتۋىن، ۇلتتار ىنتىماعىن پارمەندى جەبەپ، شينجياڭنىڭ قوعام ورنىقتىلىعى مەن باياندى تىنىشتىعىنا ماڭىزدى ۇلەس قوستى. شينجياڭداعى ءار ۇلت حالقى بۇعان العىس ايتادى. شينجياڭ ”ءتورت تانىم“دى ونان ارى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، بەيجيڭ قالاسىنىڭ وزىق تاجىريبەلەرىن مۇقيات ۇيرەنىپ، ودان ۇلگى الىپ، شينجياڭعا باعىتتامالى كومەكتەسۋ باسىمدىعىنان ويداعىداي پايدالانىپ، ەكى ءوڭىردىڭ جان - جاقتى، كوپ سالالى، جوعارى دەڭگەيدەگى ناقتى سەلبەستىكتەرىن بەلسەنە ىلگەرىلەتىپ، شينجياڭنىڭ ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، ءىس جۇزىندىك ونىمدىلىكتەرىمىزبەن جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتايمىز.
چىن جينيڭ بەيجيڭ قالالىق پارتكوم، ۇكىمەت اتىنان شينجياڭ ۇيعۇر اۆتونوميالى رايونىنىڭ، شينجياڭ ءوندىرىس - قۇرىلىس بيڭتۋانىنىڭ بەيجيڭ قالا قۇرىلىسىنىڭ دامۋىنا كورسەتكەن قامقورلىعىنا، قولداۋىنا، بەيجيڭ قالاسىنىڭ شينجياڭعا باعىتتامالى كومەكتەسۋگە كەلگەن كادرلارىنا، دارىندىلارىنا جاساعان قامقورلىعىنا، شىن ىقىلاسىنا شىنايى العىس ايتتى. ول بىلاي دەدى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدى ستراتەگيالىق ورىندا تۇرادى. اۆتونوميالى رايوندىق پارتكوم، ۇكىمەت جانە شينجياڭ ءوندىرىس - قۇرىلىس بيڭتۋانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، تۇتاس شينجياڭداعى ءار ۇلت حالقىن ىنتىماقتاستىرىپ جانە باستاپ، نازاردى باس نىساناعا شوعىرلاندىرىپ، قوعامدىق جالپى جاعدايدىڭ ورنىقتىلىعىن بار كۇشپەن قورعاپ، ءۇش ءىرى قامال الۋ شايقاسىندا باتىل جەڭىسكە جەتىپ، ءۇش ءتۇيىندى قىزمەتتى ويداعىداي يگەرىپ، رەفورما جاساۋدى، ەسىك اشۋدى بۇلجىماي ىلگەرىلەتىپ، شينجياڭدا جالپى جاعداي جاراسىمدى، ورنىقتى بولعان، ەكونوميكا ورنىقتى، اقاۋسىز دامىعان، حالىق تۇرمىسى ۇزدىكسىز جاقسارعان، ءتۇرلى ىستەر جاپپاي العا باسقان تاماشا جاعدايدى جارىققا شىعاردى.
چىن جينيڭ مىنانى ءبىلدىردى: شينجياڭعا باعىتتامالى كومەكتەسۋ − ورتالىقتىڭ كەلەلى شەشىمى جانە ورنالاستىرۋى. بەيجيڭ قالالىق پارتكوم، قالالىق ۇكىمەت شينجياڭعا باعىتتامالى كومەكتەسۋ قىزمەتىنە باستان - اياق وسكەلەڭ ءمان بەرىپ، كەلەلى ساياسي مىندەت رەتىندە تياناقتاندىرىپ، بەيجيڭنىڭ تيەسىلى جۇمىسى رەتىندە ىستەپ، جوعارى دەڭگەيدە ىلگەرىلەتۋگە تاباندى بولىپ، نازاردى كەدەيلىكتەن دالمە - ءدال ارىلتۋ جوباسىنا شوعىرلاندىرىپ، جاۋاپكەرشىلىكتى تياناقتاندىرۋدى مىقتى يگەرىپ، ءتىپتى دە زور بەكىم، ءتىپتى دە دالمە - ءدال شارا، ءتىپتى دە قاتاڭ ستيلمەن كومەككە يە بولاتىن رايونداردىڭ كەدەيلىكتەن ارىلتۋدان قامال الۋ شايقاسىندا جەڭىسكە جەتۋىنە باتىلدىقپەن كۇش قوسىپ، كومەككە يە بولعان رايونداردىڭ رەفورما جاساۋ، دامۋ ىستەرىندە ءتىپتى دە زور دامۋشىلىققا قول جەتكىزۋىن ىلگەرىلەتتى. اۆتونوميالى رايون مەن بيڭتۋاننىڭ بەيجيڭنىڭ قۇرىلىسىنىڭ دامۋىنا بۇرىنعىداي كوڭىل ءبولۋىن، قولداۋىن، ەنەرگيا بايلىعى، اۋىل شارۋاشىلىق قوسىمشا ونىمدەرى، حاۋىپسىزدىكتى قامتاماسىز ەتۋ قاتارلى جاقتارداعى اۋىس - ءتۇيىستى، سەلبەستىكتى ونان ارى تەرەڭدەتۋدى ءۇمىت ەتتى.
بەيجيڭ قالاسىنىڭ ۋاكىلدەر ۇيىرمەسى شينجياڭداعى كەزىندە ءۇرىمجى قالاسىن جانە حوتان ايماعىنىڭ حوتان قالاسىن، حوتان اۋدانىن، قاراقاش اۋدانىن، لوپ اۋدانىن جانە بيڭتۋان 14 - شىسىنىڭ كۇنيۇي قالاسىن ىشكەرىلەي ارالاپ، شينجياڭعا كومەكتەسۋ نىساندارىن تەكسەرىپ، نەگىزگى ساتىداعى از ۇلت بۇقاراسىنان حال سۇراپ، باعىتتامالى كومەكتەسۋ، كەدەيلەردى سۇيەمەلدەۋ قىزمەتى اڭگىمە ءماجىلىسىن اشتى ءارى شينجياڭعا باعىتتامالى كومەكتەسۋگە كەلگەن كادرلارعا، دارىندىلارعا امانداستى.
بەيجيڭ قالالىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى جاڭ يانكۇن، اۆتونوميالى رايوننىڭ باسشىلارىنان جي جىڭ، سارقىت اقان، پىڭ جيارۇي قاتىستى قيمىلدارعا قاتىناستى.
