تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

”عىلىم - تەحنيكا +“ ۇلگىسىمەن اۋىل - قىستاقتى گۇلدەندىرۋگە كۇش قوسادى

2020 - جىلى رايونىمىزدا 10 مىڭنان استام كەدەي عىلىم - تەحنيكاعا سۇيەنىپ كەدەيلىكتەن ارىلادى

  ءتىلشى شيە حۇيبيان 5 - ايدىڭ 27 - كۇنى ۇرىمجىدەن حابارلايدى. ءتىلشى اۆتونوميالى رايوندىق عىلىم - تەحنيكا مەڭگەرمەسىنەن مىنانى ۇعىستى: 2017 - جىلدان قازىرگە دەيىن رايونىمىز كەدەي اۋدانداردا (قالا) اۆتونوميالى رايوننىڭ ءتۇيىندى زەرتتەپ اشۋ، كەدەيلەردى عىلىم - تەحنيكا ارقىلى دالمە - ءدال سۇيەمەلدەۋ ارناۋلى نىسانى، عىلم - تەحنيكا ارناۋلى قىزمەتكەرىن جىبەرۋ ارقىلى كەدەيلەردى سۇيەمەلدەۋ سياقتى ءتۇرلى عىلىم - تەحنيكا جوبا نىساندارىنان 150 نەشە ءتۇرىن اتقارعان، جالپى قوسقان قارجى 150 ميلليون يۋاننان اسقان. ”عىلىم - تەحنيكا + نىسان“، ”عىلىم - تەحنيكا + دارىندى“، ”عىلم - تەحنيكا + قىزمەت وتەۋ“ سياقتى ۇلگىگە سۇيەنىپ، كەدەي وڭىرلەردە ەرەكشەلىككە يە جوعارى ءونىمدى اۋىل شارۋاشىلىعى، اۋىل شارۋاشىلىعى ونىمدەرى زات اينالىمى كاسىبى، اۋىل - قىستاق ساياحاتى، ەلەكتروندىق ساۋدا سياقتىلاردى كۇش سالا دامىتىپ، 2020 - جىلعا بارعاندا، 10 مىڭنان استام كەدەيدى عىلىم - تەحنيكاعا سۇيەنىپ كەدەيلىكتەن ارىلتۋدى جوسپارلاپ وتىر ەكەن.

  كاسىپ سالاسىن نەگىز ەتۋ، عىلىم - تەحنيكانى تىرەك ەتۋ، ءاربىر ادامعا، وتباسىنا دەيىن دالمە - ءدال تياناقتاندىرۋ تانىمى بويىنشا، تاياۋ جىلداردان بەرى اۆتونوميالى رايوندىق عىلىم - تەحنيكا مەڭگەرمەسى كەدەيلەردى سۇيەمەلدەۋ نىسانىن باسقارۋ مەحانيزمىندە جاڭالىق اشىپ، اۋىل - قىستاقتى اتقارۋ نەگىزى ەتۋدى ايقىنداپ، نىسان قارجىسى ۇسىنىلىمىندا قالىپتاسقان قارجىنى %70، %10، %20 بويىنشا جەكە - جەكە احيۆ تۇرعىزىلىپ، كارتچكالاندىرىلعان كەدەي وتباسىلارىنا، قىستاقتاعى اۋىل شارۋاشىلىق سەلبەستىك كووپەراتيۆتەرىنە، كەدەيلەردى سۇيەمەلدەۋدە باستاماشى بولعان جەتەكشى كاسىپورىندارعا نەمەسە ەگىمشىلىك، باعىمشىلىق ءىرى وتباسىلارىنا جارناعا سىندىرىپ ۇلەستىرىپ بەرىپ، كەدەي وتباسىلارىنىڭ كەدەيلىكتەن ارىلۋ ىشكى قوزعاۋشى كۇشىن تۋىنداتتى.

  5 - ايدىڭ 24 - كۇنى قاشقار قالاسىنىڭ يىڭوستەڭ اۋىلى ايرانباع قىستاق كوميتەتىنىڭ اۋلاسىندا تەحنيكاعا سۇيەنىپ ەتتى كەپتەر باعىپ كىرىستى ارتتىرۋدىڭ يگىلىگىن كورگەن قىستاق تۇرعىندارى شينجياڭ قارجى قوسۋ، دامىتۋ (توبى) شەكتى جاۋاپكەرلىك سەرىكتەستىگىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىن ىزدەپ كەلىپ، باعىمشىلىق كولەمىن ۇلعايتۋدى تالاپ ەتتى. بۇل ”يگىلىك“تى جەتكىزگەن اۆتونوميالى رايوندىق عىلىم - تەحنيكا مەڭگەرمەسىنىڭ عىلىم - تەحنيكا ارناۋلى قىزمەتكەرلەرى ارقىلى كەدەيلەردى سۇيەمەلدەۋ نىسانى بولاتىن.

  وسى كەدەيلەردى سۇيەمەلدەۋ نىسانىنا جاۋاپتى قاشقار شينتوۋ كەپتەرشىلىك شەكتى جاۋاپكەرلىك سەرىكتەستىگىنىڭ باس مەڭگەرۋشىسى جاڭ ۋىن بىلاي دەدى: ”العاشىندا كۋرسقا ۇيىمداستىرۋدىڭ ءوزى وتە قيىن بولدى، ال قازىر كۋرس اشاتىن ورىن جەتپەي جاتىر، قىستاق تۇرعىندارىنىڭ، شىنىمەن، تەحنيكا ۇيرەنىپ، عىلىم - تەحنيكا ارقىلى كەدەيلىكتەن ارىلۋ، بايۋ تانىمى كورنەكتى جوعارىلادى، يىڭوستەڭ اۋىلىنىڭ 6 قىستاعىندا وسى نىساننان يگىلىككە كەنەلگەن كەدەي وتباسى 840 قا جەتىپ، ءار وتباسىنىڭ ورتاشا كىرىسى 3000 يۋاننان استام ارتتى“.

  ”عىلىم - تەحنيكا + نىسان“عا سۇيەنۋدەن تىس، اۆتونوميالى رايوندىق عىلىم - تەحنيكا مەڭگەرمەسى تاعى عىلىم - تەحنيكا ارناۋلى قىزمەتكەرلەرىن جىبەرۋ ارقىلى كەدەيلەردى سۇيەمەلدەۋ ارەكەتىن ورىستەتىپ، ”عىلىم - تەحنيكالىق قىزمەت وتەۋ ۇيىرمەلەرىن قىستاققا دەيىن جەتكىزۋ، عىلىم - تەحنيكا ارناۋلى قىزمەتكەرلەرى وتباسىلارىمەن بايلانىس جاساۋ“ وي جەلىسى بويىنشا، عىلىم - تەحنيكا ارناۋلى قىزمەتكەرلەرىن وتباسىلارىنا دەيىن بارىپ قىزمەت وتەۋ، تەحنيكالىق جاقتان جەتەكشىلىك ەتۋ سياقتى ادىستەرمەن كەدەيلەردى سۇيەمەلدەۋگە ۇيىمداستىرىپ، اتتانىسقا كەلتىرىپ، تەحنيكالىق جەتىستىكتەردى كەدەي رايونداردا كادەگە جاراتۋدى جەدەلدەتتى. سونىمەن بىرگە، شەت - شالعايداعى كەدەي اۋداندارعا (قالا) عىلىم - تەحنيكا قىزمەتكەرلەرى ارقىلى ارناۋلى قولداۋ كورسەتۋ جوسپارىن اتقارىپ، عىلىم - تەحنيكالىق قىزمەت وتەۋدى ”قىستاقتارعا، وتباسىلارىنا جەتكىزۋ“ دى جالپىلاستىردى. اسىرەسە، وڭتۇستىك شينجياڭ وڭىرىنە تاڭداپ جىبەرۋ تەبىنىن ارتتىرىپ، 2018 - جىلدىڭ وزىندە وڭتۇستىك شينجياڭنىڭ 4 ايماق، وبلىسىنا 432 عىلىم - تەحنيكا قىزمەتكەرىن تاڭداپ جىبەردى.

  ”عىلىم - تەحنيكاعا سۇيەنىپ كەدەي رايونداردىڭ باسىمدىققا يە بايلىق قاينارىن كادەگە جاراتىپ، مۇنى قىستاق تۇرعىندارىنا كورسەتۋدەن قىستاق تۇرعىندارىن باستاپ ىسكە كىرىسۋگە دەيىن ناقتى جەتىستىكتەرمەن قىستاق تۇرعىندارىنىڭ تەحنيكا ۇيرەنۋ تىلەگىن تاسقىنداتىپ، اۋىل شارۋاشىلىعىن سۇيەتىن، تەحنيكا يگەرگەن، شارۋاشىلىق جۇرگىزۋگە شەبەر ءبىر توپ جاڭاشا كاسىپتىك شارۋالاردى جەتىلدىرىپ، اۋىل - قىستاقتى گۇلدەندىرۋگە دارىندىلار جاعىنان قولداۋ كورسەتۋ كەرەك“، - دەدى اۆتونوميالى رايوندىق عىلىم - تەحنيكا مەڭگەرمەسىنىڭ اۋىل شارۋاشىلىق عىلىم - تەحنيكا باسقارماسىنىڭ قاتىستى جاۋاپتىسى يۇي يىڭرۇڭ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى