شينحۋا اگەنتتىگىنىڭ 5 - ايدىڭ 27 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتى كەڭسەسى «كادرلاردى تاڭداۋ، تاعايىنداۋ قىزمەتىن باقىلاۋ، تەكسەرۋ جانە جاۋاپكەرشىلىكتى قۋزاستىرۋ ءادىسى»ن باسىپ تاراتتى ءارى حابارلاندىرۋ شىعارىپ، ءارقايسى وڭىرلەردەن، تاراۋلاردان وسى بويىنشا مۇقيات اتقارۋدى تالاپ ەتتى.
«كادرلاردى تاڭداۋ، تاعايىنداۋ قىزمەتىن باقىلاۋ، تەكسەرۋ جانە جاۋاپكەرشىلىكتى قۋزاستىرۋ ءادىسى» جيىنى 10 تاراۋ 42 تارماق، ورتالىق كوميتەت ۇيىمداستىرۋ ءبولىمى تۇسىندىرۋگە جاۋاپتى بولادى.
بۇل ءادىس 2019 - جىلى 5 - ايدىڭ 13 - كۇنىنەن باستاپ اتقارىلادى. 2003 - جىلى 6 - ايدىڭ 19 - كۇنى ورتالىق كوميتەت كەڭسەسى باسىپ تاراتقان «پارتيا، ۇكىمەت باسشى كادرلارىن تاڭداۋ، تاعايىنداۋ قىزمەتىن باقىلاۋ، تەكسەرۋ ءادىسى (سىناق رەتىندە اتقارىلعان)»، 2010 - جىلى 3 - ايدىڭ 7 - كۇنى ورتالىق كوميتەت كەڭسەسى باسىپ تاراتقان «پارتيا، ۇكىمەت باسشى كادرلارىن تاڭداۋ، تاعايىنداۋ قىزمەتىندەگى جاۋاپكەرشىلىكتى قۋزاستىرۋ ءادىسى (سىناق رەتىندە اتقارىلعان)» وسىمەن ءبىر ۋاقىتتا كۇشىن جويادى.