تيانشان تورى   ›   جاڭالىقتار   ›   ساياحات

ءۇرىمجى قالاسىنان شاۋەشەككە قاتىنايتىن تۇڭعىش كەزەكتى ساياحات پويەزى 31-كۇنى قاتىنايدى 

  اقتەرەك قاراۋىلى، باقتى وتكەلى، شاعانتوعاي تاۋ گۇلى مەرەكەسى... شاۋەشەك كورىنىسىن تاماشالاۋشىلار پويەزبەن ساياحاتتاي الاتىن بولدى. شينجياڭ تەمىرجول تاراۋلارىنىڭ ورنالاستىرۋى بويىنشا، 5-ايدىڭ 31-كۇنى، ءۇرىمجى قالاسىنان شاۋەشەك قالاسىنا تۇڭعىش كەزەكتى ارناۋلى ساياحات پويەزى قاتىنايدى، ءۇرىمجىنىڭ قالا تۇرعىندارى تارباعاتاي ايماعىنا پويەزبەن باراتىن بولدى.

  شينجياڭ تەمىر جول ساياحاتتى دامىتۋ توبىنىڭ ورىنباسار ديرەكتورى حۋاڭ تيڭفىن:”5-ايدىڭ 30-كۇنى قارامايلىدان شاۋەشەككە قاتىنايتىن تەمىر جول رەسمي ىسكە قوسىلدى، ساياحاتشىلاردىڭ تارباعاتاي ايماعىنا ساياحاتتاۋىنا قولايلىلىق تۋدىرۋ ءۇشىن، 5-ايدىڭ 31-كۇنى ۇرىمجىدەن شاۋەشەك قالاسىنا قاتىنايتىن ساياحات ارناۋلى پويەزىن ىسكە قوسپاقشىمىز. وسىدان سوڭ، 6-ايدىڭ 6-كۇنى تاعى ءبىر پويەز قاتىناپ، دۋانۋ مەرەكەسى كەزىندەگى ساياحاتشىلاردىڭ شاۋەشەككە ساياحاتتاۋ قاجەتىن قاناعاتتاندىرامىز“،-دەدى.

  ءتىلشىنىڭ ۇعىسۋىنشا، ۇرىمجىدەن شاۋەشەككە قاتىنايتىن ساياحات ارناۋلى پويەزى ساعات 22 دە شىعىپ، كەلەسى كۇنى 8 دەن 10 مينۋت وتكەندە شاۋەشەك قالاسىنا جەتىپ، كۇندىزگى ساپارىن باستايدى. ساياحات لەنياسى شاۋەشەك قالاسى، شاعانتوعاي اۋدانىنداعى جاراتىلىستىق كورىنىس رايون، ۇلتتىق سالت-سانا سونداي-اق وتكەل ەرەكشەلىگى سياقتى 3ءتۇرلى ساياحات جەلىسىن، شاۋەشەك قالاسى قىزىل مۇراجاي، باقتى وتكەلى، جۇڭگو-قازاقستان شەكارا بازارى، شاعانتوعاي اۋدانىنىڭ اقتەرەك قاراۋىلى، تاۋ گۇلى مەرەكەسى، ءتورجايلاۋ ساحاراسى قاتارلىلاردى ءوز ىشىنە الادى. ارناۋلى پويەزدىڭ ساياحاتشىلارعا ارنالعان توسەگى جايلى، 3 ءتۇن 2 كۇن جانە 4 ءتۇن 3 كۇندىك ساياحات ورنالاستىرىلعان، ساياحاتشىلاردىڭ تاپتىرماس ورايى سانالادى.

  حۋاڭ تيڭفىن بىلاي دەدى: ”تارباعاتاي ايماعىنىڭ ساياحات بايلىعى مول، جاراتىلىستىق كورىنىسى كوركەم بولىپ قالماستان، تاريحي مادەنيەتىنىڭ استارى قالىڭ، ساياحاتشىلاردىڭ ساياحاتتاي ءجۇرىپ بارلاۋ جۇرگىزۋىنە ابدەن بولادى. سونىمەن قاتار، تارباعاتاي ايماعىن ساياحاتتاۋ سولتۇستىك شينجياڭنىڭ ساياحات اينالىم لەنياسىنا ەنگىزىلگەن بولىپ، كورىنىس رايونى كوبەيىپ قالماستان، ساياحاتشىلاردىڭ تالداۋ ورايى دا كوبەيگەن، تەمىر جول ساياحاتىنىڭ ابزالدىعى تولىق ايگىلەنىپ، تارباعاتاي ايماعىنىڭ ساياحاتى ونان ارى دامىعان“.

  ۇعىسۋعا قاراعاندا، ۇرىمجىدەن شاۋەشەككە قاتىنايتىن ساياحات ارناۋلى پويەزىنە تىزىمدەۋ قىزمەتىنە ءۇرىمجى تەمىر جول حالىقارالىق ساياحات مەكەمەسى جاۋاپتى بولادى ەكەن، 5-ايدىڭ 28-كۇنىنە دەيىن، 5-ايدىڭ 31-كۇنى جولعا شىعاتىن ساياحات ارناۋلى پويەزى تولدى، قازىر 6-ايدىڭ 6-كۇنگى ساياحات ارناۋلى پويەزىنىڭ قىزمەتى جۇرىلۋدە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى