تيانشان تورابى   ›   جاڭالىقتار   ›   شينجياڭ حابارلارى

جوعارى ساپالى دامۋدا ”ساپتىق“ اناعۇرلىم جەتكىلىكتى بولدى

  شينجياڭنىڭ اناعۇرلىم جاقسى، اناعۇرلىم تەز دامۋىن بۇلجىماي ىلگەرىلەتۋمەن بىرگە، دامۋدى حالىق تۇرمىسىن جاقسارتۋدا تياناقتاندىرۋ، جەرگىلىكتى ورىنعا تيىمدىلىك جاساۋدا تياناقتاندىرۋ، ىنتىماقتى كۇشەيتۋدە تياناقتاندىرۋ، ءار ۇلت بۇقاراسىنا پارتيانىڭ قامقورلىعى مەن وتان - ۇلى شاڭىراعىنىڭ جىلۋىن سەزىندىرۋ كەرەك.

  − شي جينپيڭ

  جۋىرداعى جىلداردان بەرى، ەرەكشە ترانسفورماتور زەردەلى ەلەكتر شەكتى جارنا سەرىكتەستىگى جاسىل جاساۋدى جاپپاي جالپىلاستىرىپ، ەنەرگيا باسقارۋدان ۇلگى كورسەتۋ ورتالىعى نىسانىن سالدى، سونىمەن بىرگە ەنەرگيا ۇنەمدەيتىن جاسىل جابدىقتاردى اۋىستىردى، وزگەرتتى جانە جاسىل جاساۋ نەگىزگى ساندى مالىمەت قامباسى قۇرىلىسىن جۇرگىزدى. سۋرەتتە: 5 - ايدىڭ 27 - كۇنى ەرەكشە ترانسفورماتور زەردەلى ەلەكتر شەكتى جارنا سەرىكتەستىگىنىڭ قىزمەتكەرلەرى سەحتا ەنەرگيا ۇنەمدەيتىن قۇرعاق - ىلعال ترانسفورماتور وندىرۋدە. سۋرەتتى ءتىلشى لي رۇي تۇسىرگەن

  ءتىلشى شى شين

  5 جىل − ۋاقىت ولشەم باعانى ءارى دامۋدىڭ كورسەتكىشى؛ 5 جىل سان مولشەرىنىڭ جيناعىن كورسەتەدى ءارى ساپانىڭ جوعارىلاعانىن كورسەتەدى.

  ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، ءبىر القا ورنىقتىلىقتى ساقتاۋعا بار كۇشىن سالسا، ءبىر القا زەيىندى شوعىرلاندىرىپ دامۋدى يگەردى، ورنىقتىلىقتىڭ پايداسىن ۇزدىكسىز جارىققا شىعارۋمەن قاتار، شينجياڭ ەكونوميكاسىنىڭ جوعارى ساپالى دامۋىن دا قۇلشىنا ىلگەرىلەتتى.

  5 جىلدان بەرى، شينجياڭ ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرۋگە، تياناقتاندىرۋعا تاباندى بولىپ، ”ءۇش ۇلكەن قامال الۋ شايقاسى“ن بار كۇشپەن ويداعىداي جۇرگىزىپ، ”3 ءتۇيىندى قىزمەت“تى تىڭعىلىقتى جاقسى ىستەپ، رەفورمالاۋ وي جەلىسى مەن ەسىك اشۋ كوزاياسى ارقىلى جوعارى ساپالى دامۋدىڭ تارتىمدى كارتيناسىن قۇلشىنا سالدى.

قالىڭدىق: نەگىزى ۇزدىكسىز بەكەمدەلدى

  5 - ايدىڭ 25 - كۇنى باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگىنىڭ (قىسقارتىلىپ ”باگاڭ“ دەلىنەدى) ءوندىرىس رايونىندا ءار ءتۇرلى زات تيەگەن تاسىمال اۆتوكولىكتەرى ارلى - بەرلى قايشالىسىپ ءجۇر، سەحتاعى جۇمىسشىلار وزدەرىنىڭ قىزمەت ورىندارىندا قاربالاس جۇمىس ىستەپ جاتتى. ءۇرتىس 3 جىل بويى زيان شەگۋدەن 2017 - جىلى زياندى پايداعا اينالدىرىپ، ءبىر ميلليارد يۋان پايدانى ىسكە اسىرۋدان، ونان 2018 - جىلى ءبىر ميلليارد 40 ميلليون يۋان پايدا تابۋعا دەيىن باگاڭ ەڭسە كوتەرۋ جولىندا كەرەمەت تالپىنىس جاسادى.

  بولات - تەمىر كاسىبى مۇشكىل كۇيدە قالعاندا، ءار توننا بولات ماتەريالىنىڭ پايداسىنىڭ نەبارى 1.6 يۋان عانا بولعاندىعى، باس شتاپتىڭ 8 ميلليون توننالىق ءوندىرىس قۋاتتىڭ تەك تورتتەن ءبىرىنىڭ عانا ىسكە قوسىلعاندىعى، باگاڭنىڭ ءولىم مەن ءومىر سايىسىنا ءدوپ كەلگەندىگى القا باستىعى شياۋ گودۇڭنىڭ كۇنى بۇگىنگە دەيىن ەسىندە ەكەن.

  جارىس جولىن اۋىستىرىپ قايتا اتتانعاندا، قيىنشىلىق قىسپاعىنان دا ”ءۇمىت ۇشقىنى بايقالدى“.

  اۆتونوميالى رايوننىڭ زور كۇشپەن قولداۋىندا، باگاڭ قوس دوڭگەلەكتى جەبەۋ ستراتەگياسىن اتقاردى − بولات - تەمىر وزەكتى نەگىزگى كاسىبىن زورايتتى، ساپالىلاندىردى، كوپ نەگىزدى كاسىپ سالاسىن جەدەل دامىتتى، جاڭا جاعداي وسى ارقىلى اشىلدى.

  باگاڭنىڭ ”وڭىنا باسۋى“ شينجياڭنىڭ ەكونوميكانىڭ جوعارى ساپالى دامۋىن ىلگەرىلەتۋدەگى قايتپاس - قاجىماس قۇلشىنىسىن ايگىلەدى.

  2018 - جىلى شينجياڭ ءبىر تريلليون 219 ميلليارد 908 ميلليون يۋان رايوندىق ءوندىرىس جالپى قۇنىن ىسكە اسىردى، سالىستىرمالى باعا بويىنشا ەسەپتەگەندە، بۇل الدىڭعى جىلداعىدان %6.1 ارتقان.

  5 جىلعا قايىرىلا قاراساق، اۆتونوميالى رايون جاڭا دامۋ ۇستانىمىن دايەكتىلەندىرىپ، تياناقتاندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ەكونوميكالىق قۇرىلىمعا رەتتەۋ جۇرگىزۋدى، كاسىپ سالاسىنىڭ ورنالاسۋىن ساپالىلاندىرۋدى ىلگەرىلەتىپ، ەكونوميكالىق دامۋعا تىڭ ومىرشەڭدىك كۇش ۇستەدى.

  − اۋىل شارۋاشىلىعى، اۋىل - قىستاق ەكونوميكاسىنىڭ اينالىمى ورنىقتى بولدى. «شينجياڭ ۇيعۇر اۆتونوميالى رايونىنىڭ اۋىل - قىستاقتى گۇلدەندىرۋ ستراتەگيالىق جوباسى (2018 - جىلدان 2022 - جىل)» جولعا قويىلىپ، اتقارىلىپ، اۋىل - قىستاقتىڭ نەگىزدىك قۇرىلعى قۇرىلىسى تىڭعىلىقتى ىلگەرىلەتىلدى، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى ءۇرتىس تەرەڭدەتىلدى، اۋىل شارۋاشىلىق قوسىمشا ونىمدەرىن وڭدەۋ كاسىبىنىڭ دامۋ اۋقىمى جاقسى بولدى، استىقتى ورنىقتىرۋ، ماقتانى ساپالىلاندىرۋ، مال شارۋاشىلىعىن جەبەۋ، جەمىس شارۋاشىلىعىن كۇشەيتۋ، ەرەكشە ونىمدەردى وركەندەتۋ ونىمدىلىگى كورىلە باستادى.

  − ونەركاسىپ ءوندىرىسى ورنىقتىلىق بارىسىندا ارتۋعا بەت الدى. مۇناي، مۇناي حيميا، مەتاللۋرگيا قۇرىلىس ماتەريالدارى، ماشينا جاساۋ سياقتى ءداستۇرلى كاسىپ سالالارىنىڭ ءونىم تەحنيكاسى، تەحنولوگيا جابدىقتارى، ەنەرگيا ونىمدىلىگىنىڭ قورشاعان ورتانى قورعاۋ دەڭگەيى ۇزدىكسىز جوعارىلادى، ەڭبەككۇش شوعىرلانعان كاسىپ سالالار، ورتا، شاعىن، ۇساق كاسىپورىندار جۇمىستانۋدى ورنىقتىرۋداعى تىرەكتى كۇشكە اينالدى.

  − قىزمەت وتەۋ كاسىبىنىڭ دامۋ جاعدايى تاماشا بولدى. 2018 - جىلى قىزمەت وتەۋ كاسىبى 558 ميلليارد 402 ميلليون يۋاندىق ارتقان قۇندى جۇزەگە اسىرىپ، ەكونوميكانىڭ ارتۋىنا قوسقان ۇلەس مولشەرى %62.3كە جەتتى.

  5 جىلدان بەرى ”شينجياڭنىڭ ىشىندە تۇتاستاي اينالۋ، شينجياڭعا كىرىپ - شىعۋ تەز بولۋ“ سىندى ستەرەولدى قاتىناس جۇيەسى جەدەل قالىپتاستى.

  7G بەيجيڭ - شينجياڭ جوعارى قارقىندى تاس جولىندا اۆتوكولىك قاتىناپ، شينجياڭنان بەيجيڭگە دەيىنگى ارالىق 1300 كيلومەتردەن استام قىسقاردى، تۇتاس شينجياڭداعى جوعارى قارقىندى تاس جولدىڭ ۇزىندىعى 4800 كيلومەتردەن استى. شينجياڭ تەمىر جولىنىڭ تيجارات جۇرگىزۋ قاشىقتىعى 6200 كيلومەتردەن اسىپ، شينجياڭنىڭ تەمىر جولى باستاپقى ”ءتۇزۋ“ پىشىننەن ”ايىر“ پىشىنگە وزگەرىپ، ونان لانجوۋ - شينجياڭ لەنياسى، وڭتۇستىك شينجياڭ لەنياسى، ءۇرىمجى - جۇندۇڭ لەنياسى، جىڭ - قۇلجا - قورعاس لەنياسى سياقتىلاردى قامتىعان ”ءۇش تاۋ، ەكى ويپاتتى“ اتتاپ وتكەن شىت جاڭا جول تورى جۇلگەسى قالىپتاستى. ەل ىشىنە، حالىقاراعا قاتىنايتىن 254 اۆياتسيا لەنياسى ءبىزدىڭ دۇنيە جۇزىمەن ارالىعىمىزدى بارعان سايىن جاقىنداتتى.

  سۋ يگىلىگى، ەنەرگيا، حابارلاسۋ سياقتى نەگىزدىك قۇرىلعى قۇرىلىسى سالاسىندا، ءىرى نىساندار، ءىرى قۇرىلىستار نەگىزدىك قۇرىلعى قۇرىلىسىنداعى ولقىلىقتاردى ۇزدىكسىز تولىقتاپ، شينجياڭنىڭ ەكونوميكالىق دامۋىنداعى كەدەرگى بولىپ وتىرعان قيىن ماسەلەلەردى شەشۋدى تەزدەتىپ، جوعارى ساپالى دامۋدىڭ نەگىزىن بەكەمدەدى.

تەرەڭدىك: قوزعاۋشى قۋات ۇزدىكسىز كۇشەيدى

  بىلتىر جىل سوڭىندا، شينجياڭ جۇڭتاي حيميا جارنا شەكتى سەرىكتەستىگىنىڭ اينالمالى شارۋاشىلىق، ەنەرگيا ۇنەمدەپ، ىعىستىرۋدى ازايتۋ، زەردەلى جاساۋ سياقتى جاقتارداعى ناتيجەلەرى كورنەكتى بولعاندىقتان، 5 - كەزەكتى جۇڭگو ونەركاسىپ كەسەك سيلىعىن ەنشىلەدى. بۇل ەلىمىزدىڭ ونەركاسىپ سالاسىنداعى ەڭ جوعارى سيلىق ءتۇرى.

  ”5 - كەزەكتى جۇڭگو ونەركاسىپ كەسەك سيلىعىنا جيىنى 69 كاسىپورىن مەن نىسان يە بولدى، شينجياڭ مۇنىڭ تورتەۋىن يەلەپ، بۇكىل ەلىمىزدە جوعارى سالىستىرمانى ۇستادى. سيلىق العان وسى كاسىپورىندار مەن نىساندار كاسىپتىڭ جوعارى ساپالى دامۋىنا جەتەكشىلىك ەتۋ جاعىندا ۇلگىلى رول اتقارىپ، جۇڭگو ۇلگىسىن ورناتتى“، - دەدى شينجياڭ ونەركاسىپ - ەكونوميكا بىرلەستىگىنىڭ باس حاتشىسى ليۋ چىڭدى.

  شينجياڭنىڭ 4 جۇڭگو ونەركاسىپ كەسەك سيلىعىنىڭ ۇشەۋىن شينجياڭنىڭ ءداستۇرلى مۇناي حيميا ونەركاسىپ سالاسى ەنشىلەدى. بۇل ءداستۇرلى كاسىپتى ويداعىداي جۇرگىزگەندە دە جوعارى ساپالى دامۋدى جۇزەگە اسىرۋعا بولاتىندىعىن تولىق دالەلدەدى.

  شارۋاشىلىق تيپىن وزگەرتۋدىڭ تولعاعى كورنەكتىلەنگەن قيىندىقتادى جەڭىپ، قامال الۋ مەزگىلىندە، شينجياڭ جوعارى ساپالى دامۋعا قاراي شەرۋ تارتىپ، جوعارى ساپالى دامۋدىڭ كۇش سالۋ ءتۇيىنى مەن تياناعىن ۇزدىكسىز قاراستىردى.

  ءبىر جاقتان، ىركىندى وزگەردى −

  5 جىلدان بەرى شينجياڭ قامداۋ جاعىنداعى قۇرىلىمدىق رەفورمانى ۇزدىكسىز ىلگەرىلەتتى. اۆتونوميالى رايوندىق پارتكوم رەفورما كەڭسەسىنىڭ ساندى مالىمەتتەرى رايونىمىزدىڭ زاڭدارعا، بەلگىلەمەلەرگە ساي، بولات - تەمىر ءوندىرىس قۋاتىن 12 ميلليون توننا شەگىندىرگەندىگىن ايگىلەدى. 2018 - جىلى ءۇرىمجى حۋانپىڭ شەكتى سەرىكتەستىگىنىڭ ارجيڭتيان كومىر كەنى، ونسۋ اۋدانى قورعۇيلۇق كومىر كەنى سياقتىلاردىڭ زاڭ بويىنشا جابىلۋىنا بايلانىستى، سوڭعى 3 جىلدا، رايونىمىزدا جيىنى 157 كومىر كەن جابىلىپ، كومىر ءوندىرىس قۋاتى 18 ميلليون 990 مىڭ توننا شەگىندىرگەن. سەمەنت كاسىبى 7 ميلليون 870 مىڭ توننا مەشەۋ ءوندىرىس قۋاتىن قاتاردان قالدىرعان. تومەن ءوندىرىس قۋاتىنىڭ ”شەگىندىرىلۋى“ جوعارى ساپالى دامۋ ءۇشىن بايلىق فاكتورى كەڭىستىگىن كەڭەيتتى.

  بۇكىل رايونىمىز كەسەك بولشەكتەردى جىنتىكتەي وڭدەۋ، قاتايتۋ بولشەكتەرىن وڭدەۋ سياقتى سايكەستى كاسىپتەردە، كرەمني قوسپا ماتەريال، ورگانيكالى كرەمني ماتەريال سياقتىلاردى جاساۋ كاسىبىندە، كاسىپ تىزبەگىن كەڭەيتۋ، باعا تىزبەگىن ءوسىرۋ ارقىلى، كەلەلى شەشۋشى تەحنيكالاردا جانە ۇساق بولشەكتەردى كاسىپ سالالاندىرۋدا تىڭ تابىستارعا قول جەتكىزدى.

  ەندى ءبىر جاقتان، مولشەرى ارتتى −

  جاڭا كاسىپ قالىبى، جاڭا ۇلگى، جاڭا قوزعاۋشى قۋات سياقتى ”العا ىلگەرىلەتەتىن“ كۇشتەر ۇزدىكسىز جارىققا شىقتى: جوعارى تەحنيكا، ستراتەگيالىق سيپاتتى جاڭادان گۇلدەنگەن كاسىپ سالالارى زور مولشەردە ارتتى، 2018 - جىلى بۇكىل رايونىمىزدا جوعارى، جاڭا تەحنيكالىق جاساۋ كاسىبىنىڭ، ونەركاسىپتەگى ستراتەگيالىق سيپاتتى جاڭادان گۇلدەنگەن كاسىپ سالالارىنىڭ ارتۋ قارقىنى جەكە - جەكە كولەمنەن جوعارى ونەركاسىپتەن 28 پايىز جانە 11 پايىز جوعارى بولدى.

  ءۇرىمجى، سانجى، شىحىزى جوعارى، جاڭا تەحنيكالىق كاسىپ اشۋ رايونى مەملەكەتىمىزدىڭ دەربەس جاڭالىق اشۋ ۇلگى رايونى قۇرىلىسىن باستادى، ۇلكەن ساندى مالىمەت، ”ينتەرنەت +“، تەڭ يگىلىكتەنەتىن ەكونوميكا سياقتى جاڭا كاسىپتەر، جاڭا كاسىپ قالىپتارى قارىشتاي دامىدى. 2018 - جىلى بۇكىل رايونىمىزدىڭ سيفرلى ەكونوميكاسىنىڭ كولەمى 280 ميلليارد يۋانعا جەتىپ، سايكەس مەزگىلدەگىدەن %10كە تاياۋ ارتتى.

  ”العا ىلگەرىلەۋ“ مەن ”شەگىنۋ“ اراسىندا، شينجياڭنىڭ جاڭا - كونە قوزعاۋشى قۋاتىنىڭ وزگەرىسى ۇدەپ، ساپاسى الدەقايدا جوعارى، ونىمدىلىگى الدەقايدا جاقسى، قۇرىلىمى الدەقايدا ساپالى دامۋدىڭ سونى جولى ايقىندالدى.

جىلىلىق: ومىرشەڭدىك كۇش ءونىمدى جانداندى

  ”وسى 2 جىلدا، ۇكىمەت ىستەرىنەن قىزمەت وتەۋ اناعۇرلىم يكەمدىلەنىپ، بۇقارا از سارپالداڭعا تۇسەتىن بولدى، كەيبىرەۋلەر ءتىپتى ۇيىندە وتىرىپ - اق جۇمىسىن بىتىرە بەرەدى. مىسالى، وسى جولى تيجارات كۋالىگىن اۋىستىرعاندا، جيىنى 3 قىزمەت كۇنىندە عانا ءبىتتى، ماتەريال كەم بولىپ قايتا - قايتا جۇگىرەتىن جاعداي دا تۋىلمادى“، - دەدى ءۇرىمجى قالاسىنداعى جەكە تيجاراتشى جاڭ يۇنشيا اسەرلەنە.

  تاماشا تيجارات - ساۋدا ورتاسى − باۋرامدىلىق كۇشى، باسەكە كۇشى، ونان دا ماڭىزدىسى قوزعاۋشى كۇش.

  5 جىلدان بەرى شينجياڭ ”ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ“ رەفورماسىن ىشكەرىلەي ىلگەرىلەتىپ، ۇكىمەت پەن بازاردىڭ قاتىناسىن ۇزدىكسىز قايتا تۇلعالادى، سونىمەن بىرگە فينانس، قازىنا - سالىق، قوعامدىق ىستەر سياقتى كوپتەگەن سالالارداعى رەفورمانى ۇتىمدى جەبەپ، تۇتاس رايوننىڭ تيجارات - ساۋدا ورتاسىنىڭ ۇزدىكسىز جاقسارۋىن ىلگەرىلەتىپ، بازاردىڭ ومىرشەڭدىك كۇشى مەن قوعامنىڭ جاسامپازدىق كۇشىن بارىنشا جانداندىرىپ، رەفورمانىڭ اسەرىن كورنەكتى شىعاردى.

  2018 - جىلعا دەيىن، اۆتونوميالى رايون ءوز دارەجەسىندە 832 ءتۇرلى اكىمشىلىك تەكسەرىپ بەكىتۋ جۇمىسىن كۇشىنەن قالدىردى، رەتتەدى، بارلىق اكىمشىلىك رۇقسات بەرۋ بويىنشا تەكسەرىپ بەكىتۋگە جاتپايتىن جۇمىس تۇرلەرىن كۇشىنەن قالدىرىپ، 328 ءتۇرلى اكىمشىلىك تەكسەرىپ بەكىتۋ جۇمىسىن ساقتاپ قالدى.

  جەر - جەر، تاراۋلار ۇكىمەت قۇرىلىمدارىن ىقشامداپ، ۇقىقتى تومەنگە بەرۋ تالابى بويىنشا، كاسىپورىن اشۋ، ينجەنەريا نىسانىن سالۋ، تۇراقتى مۇلىكتى تىركەۋگە الدىرۋ، سالىق تاپسىرۋ، نەسيە الۋ سياقتى سالالاردا تەكسەرىپ بەكىتۋ جۇمىستارىن ۇزدىكسىز ازايتىپ، جۇمىس ءبىتىرۋ بارىسىن ىقشامداپ، جۇمىس ءبىتىرۋدىڭ وزىندىك قۇنىن تومەندەتىپ، كاسىپورىندار مەن بۇقارانىڭ جۇمىس بىتىرۋىنە قولايلىلىق جاسادى.

  اۋىرتپالىقتى ازايتقاندا عانا جەڭىل جولعا شىعۋعا بولادى. سالىقتى ازايتىپ، اقىنى تومەندەتۋدىڭ ءتۇرلى شارالارى تياناقتانىپ ونىمدىلىك كورسەتتى، وتكەن جىلى تۇتاس رايونداعى ناقتى ەكونوميكالىق كاسىپورىنداردىڭ جەڭىلدەتىلگەن اۋىرتپالىعى 62 ميلليارد يۋاننان استى. بيىل ءبىرىنشى توقساندا، شينجياڭداعى شاعىن، ۇساق كاسىپورىندار اۋىرتپالىق جەڭىلدەتۋدىڭ ”زور تيىمدىلىگى“نە تاعى كەنەلەدى − جالپىعا ءتيىمدى ساياسات بويىنشا 596 ميلليون يۋاندىق سالىق ازايدى، جەكە تابىس سالىعىنىڭ ارنايى قوسىمشاسىن تارتىپ قالۋ ساياساتى بويىنشا 139 ميلليون يۋاندىق سالىق ازايدى، ارتقان قۇن سالىعىنىڭ سالىق مولشەرىن رەتتەۋ بويىنشا ءبىر ميلليارد 455 ميلليون يۋاندىق سالىق ازايدى.

  دامۋ ورتاسىن قۇنارلاندىرعاندا عانا ءتىپتى دە كوپ بايلىقتى جانە فاكتوردى شوعىرلاندىرۋعا، جاڭالىق اشۋ، شارۋاشىلىق قۇرۋ، جاسامپازدىق جاراتۋ ارمانىنىڭ بۇرشىك جارىپ، جەتىلۋىنە مۇمكىندىك جاساۋعا بولادى. 2018 - جىلى ءۇرىمجى قالاسىنداعى بازار تۇلعالارى ارتۋ كۇيىن ۇزدىكسىز ساقتاپ، جاڭادان 46 مىڭ ءار ءتۇرلى بازار تۇلعاسى مولايدى.

  جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ىلگەرىلەۋىمەن، شينجياڭ ءتىپتى دە كەڭ دامۋ اياسىنا يە بولدى. ىلۋدە ءبىر كەلەتىن ماڭىزدى ورايدى مىقتى ۇستاعان شينجياڭ ساياساتتى بايلانىستىرۋ، قۇرىلعىلاردى تۇتاستىرۋ، ساۋدانى ىركىلىسسىزدەندىرۋدى، قارجىنى توعىستىرۋدى جانە حالىق تىلەگىنەن شىعۋدى ارقاۋ ەتىپ، جوعارى ساپالى دامۋدى وزەكتى رايون قۇرىلىسىمەن ۇشتاستىرىپ، رەفورمانى جاپپاي تەرەڭدەتۋدى، ەسىك اشۋدى جاپپاي كەڭەيتۋدى ىلگەرىلەتتى.

  جوعارى ساپالى دامۋ بۇقارانى اناعۇرلىم مول تابىس سەزىمىنە كەنەلتتى. وسى بىرنەشە جىلدا، تيانشاننىڭ وڭتۇستىگى مەن سولتۇستىگىندەگى قالا، اۋىلداردىڭ بەت - بەينەسى مەن ءار ۇلت بۇقاراسىنىڭ ءوندىرىس، تۇرمىسى كورنەكتى جاقساردى. 2018 - جىلى شينجياڭ تۇرعىندارىنىڭ جان باسىندىق قولداعى تابىسى تۇڭعىش رەت 20 مىڭ يۋاننان اسىپ، 21 مىڭ 500 يۋانعا جەتىپ، سايكەس مەزگىلدەگىدەن %7.6 ارتتى.

  جاڭالىق اشۋ بارىسىندا دامۋدىڭ قوزعاۋشى كۇشىن ۇستەدى، سايكەستىرۋ بارىسىندا دامۋ اياسىن كەڭەيتتى، جاسىلدىق بارىسىندا دامۋ تەبىنىن كۇشەيتتى، ەسىك اشۋ بارىسىندا دامۋ ارناسىن كەڭەيتتى، تەڭ يگىلىكتەنۋ بارىسىندا دامۋ نەگىزىن بەكەمدەدى... جوعارى ساپالى دامۋدى ىلگەرىلەتۋدىڭ جاڭا كەزەڭىندە، شينجياڭ تولقىن جارىپ، ەرلىكپەن العا ىلگەرىلەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.