− ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ باستالۋى قارساڭىندا
شينحۋا اگەنتتىگىنىڭ تىلشىلەرى جاڭ شياۋسۇڭ، جۋ جيچاي، لين حۇي، لو جىڭگۋاڭ
عاسىرلىق بوران - شاشىندى باستان وتكەرگەندە، اۋەلگى ماقساتتى وزگەرتپەگەندىكتەن، ارىنداي ءتۇستى؛
ۇلى گۇلدەنۋگە ارشىندى قادام تاستاعاندا، مۇراتتان اينىماعاندىقتان، العان بەتىنەن قايتپاي العا تارتتى.
پارتيا 19 - قۇرىلتايىنىڭ ورنالاستىرۋىنا ساي، تاياۋدا اشىلعان جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىسى بيىل 6 - ايدان باستاپ، بۇكىل پارتيادا جوعارىدان تومەنگە دەيىن ەكى توپقا ءبولىپ، ” اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋدى ۇيعاردى.
شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جەتەكشى ەتىپ، قۇرىلعانىنا 98 جىل، بيلىك جۇرگىزگەنىنە 70 جىل بولعان دۇنيە جۇزىندەگى ەڭ ۇلكەن بيلىك باسىنداعى پارتيا اۋەلگى ماقساتتى قايتا ەسكە الىپ، رۋحتى سەرپىلتىپ، بورىشتى ارقالاپ، قايراتتانا ىسكەرلىك كورسەتىپ، جاڭا داۋىردە ەكپىندەي العا باسقان قۇدىرەتتى كۇشتى ۇيىستىردى.
عاسىرلىق ۇلى پارتيانىڭ رۋحاني قۇپياسى
سوعىس جىلدارى ۇلت ازاتتىعى ءۇشىن، ول باتىرلىقپەن تايسالماي قارشا بوراعان وققا قاراماي، شايقاستا وشپەس ەڭبەك ءسىڭىردى؛ توڭكەرىس جەڭىسكە جەتكەندە، وتاننىڭ قۇرىلىسى ءۇشىن، ول شەت - شالعاي تاۋلى رايونعا تامىر تارتىپ، اتاق - مارتەبەسىن جاسىرىپ، ءومىرىن ارنادى...
بۇرىنعى باتىس سولتۇستىك دالا ارمياسىنىڭ جاۋىنگەرى، قارت قاھارمان جاڭ فۋچيڭنىڭ ىزگى ىستەرى سانسىزداعان ادامدى اسەرلەندىردى. 95 جاستاعى ساقا پارتيا مۇشەسى سان داۋرەندى باسىنان وتكەرسەدە، نە ءۇشىن وزىندىك قاسيەتتى وزگەرتپەي، قاراپايىمدىلىقتى ساقتاپ، ءومىر بويى ۇلەس قوسا الدى؟ بۇل ءدال وسى رياسىز كوڭىلدەن تۋىنداعان.
ءبىر ادام وسىلاي بولسا، ءبىر ساياسي پارتيا دا وسىلاي.
”العا قاراي جۇرسەك تە باسقان جولىمىزدى ۇمىتپاۋىمىز؛ قانشا الىسقا بارساق تا، قانشاما شۇعىلالى بولاشاققا جەتسەك تە باسقان جولىمىزدى ۇمىتپاۋىمىز، نە ءۇشىن جولعا شىققانىمىزدى ەستەن شىعارماۋىمىز كەرەك“.
اۋەلگى ماقساتتى ۇمىتپاۋ، ۇدەرە العا تارتۋ − سانسىز جاپا - ماشاقات پەن شۇعىلالى بارىستى باسىپ ءوتىپ، قۇرىلعانىنا عاسىرعا جۋىق ۋاقىت بولعان جۇڭگو كوممۋنيستىك پارتياسى ءدال وسىنداي قىمباتتى تاجىريبەنى قورىتىندىلادى.
بۇل تاريحقا قايتا ۇڭىلگەندەگى تەرەڭ قورىتىندى − جۇڭگو كوممۋنيستىك پارتياسى دۇنيەگە كەلگەن كۇننەن باستاپ، حالىقتى باقىتقا كەنەلتۋدى، ۇلتتى گۇلدەندىرۋدى مىندەتىنە الىپ، اۋەلگى ماقساتىن وزگەرتپەي، جاپا - ماشاقاتتاردى باستان وتكەرىپ، جۇڭگو حالقىن باستاپ ەڭسە كوتەرۋدەن بايۋعا، ونان قۇدىرەتتەنۋگە دەيىنگى ۇلى شارىقتاۋدى ىسكە اسىردى.
بۇل بولاشاققا بەت العان سالتاناتتى جاريالاۋ − جاڭا بورىش، جاڭا مىندەت، جاڭا سايىس الدىندا جۇڭگو كوممۋنيستىك پارتياسى ءالى دە پارتيا قۇرىلعان كەزدەگى كۇرەسكەرلىك رۋحتى ساقتاپ، حالىققا دەگەن رياسىز سۇيىسپەنشىلىكتەن اينىماي، گۇلدەنۋگە جەتەكشىلىك ەتكەن ۇلى ءىستىڭ تاريحي اۋىر مىندەتىن ارقالاپ، جاڭا ەمتيحاندا اناعۇرلىم ۇزدىك جاۋاپ بەرەدى.
2017 - جىلى 10 - ايدا جۇڭگو كوممۋنيستىك پارتياسى تاريحىنداعى ءداۋىر بولگىش مانگە يە 19 - رەتكى مەملەكەتتىك قۇرىلتايىندا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ ايقىن نەگىزگى تاقىرىپقا اينالدى.
”جۇڭگو كوممۋنيستەرىنىڭ اۋەلگى ماقساتى مەن بورىشى جۇڭگو حالقىن باقىتقا كەنەلتۋ، جۇڭحۋا ۇلتىن گۇلدەندىرۋ. وسى اۋەلگى ماقسات پەن بورىش − جۇڭگو كوممۋنيستەرىن ۇزدىكسىز العا باسۋعا جىگەرلەندىرەتىن ءتۇبىرلى قوزعاۋشى كۇش“. باس شۋجي شي جينپيڭ اۋەلگى ماقسات پەن بورىشتىڭ ىشكى ءمانى مەن ماڭىزىن تەرەڭ بايىمدادى.
كەرەمەت ىستەرگە كۇش سالۋدا، ءسوز جوق، كەرەمەت رۋح، كەرەمەت جاۋاپكەرشىلىك بولۋ كەرەك.
جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، سوتسياليستىك وسىزاماندانعان قۇدىرەتتى ەل قۇرۋدىڭ ايبىندى جوباسىن جاساۋمەن ءبىر ۋاقىتتا، پارتيا 19 - قۇرىلتايى كەلەلى دە ماڭىزدى ورنالاستىرۋلار جاسادى:
”اۋدان - باسقارما دارەجەلىلەردەن جوعارى باسشى كادرلاردى ءتۇيىن ەتە وتىرىپ، بۇكىل پارتيادا ’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ نەگىزگى تاقىرىپتىق تاربيەسىن ورىستەتىپ، پارتيانىڭ جاسامپاز نازارياسى ارقىلى وي - سانانى قارۋلاندىرىپ، بۇكىل پارتيانىڭ جاڭا داۋىردەگى پارتيانىڭ تاريحي بورىشىن جۇزەگە اسىرۋ ءۇشىن اناعۇرلىم سانالىلىقپەن تالىقپاي كۇرەس جاساۋىن ىلگەرىلەتۋ كەرەك“.
شي جينپيڭ جولداستى ۇيتقى ەتكەن پارتيا ورتالىق كوميتەتى وزىنەن باستاپ ونەگە كورسەتىپ، ”اۋەلگى ماقسات ساپارىن“ باستادى.
− نەعۇرلىم العا جۇرگەن سايىن، مۇرات - سەنىمدى سولعۇرلىم بەكەمدەۋ كەرەك.
پارتيا 19 - قۇرىلتايى جابىلىپ كوپ ۇزاماي، باس شۋجي شي جينپيڭ جاڭا كەزەكتى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ شاڭحايعا بارىپ، جۇڭگو كوممۋنيستىك پارتياسى مەملەكەتتىك 1 - قۇرىلتايى وتكىزىلگەن ورىندى قۇرمەتپەن كوردى، جىجياڭنىڭ جياشيڭىنا بارىپ، نانحۋداعى قىزىل قايىقتى قۇرمەتپەن كوردى، جۇڭگو توڭكەرىسىنىڭ باستالعان جەرىنە قايتا بارىپ، جۇڭگو كوممۋنيستەرىنىڭ اۋەلگى ماقساتىن قايتا ەسكە الدى.
”بولعانىمەن قاراپايىم باستاماسى، ءدۇر سىلكىندىرەر ءبىراق ونىڭ ناتيجەسى“. قۇرمەتپەن قاراۋ بارىسىندا، باس شۋجي شي جينپيڭ تەرەڭ سەزىممەن بىلاي دەدى:”ىستەردىڭ دامۋى ماڭگى توقتامايدى، كوممۋنيستەردىڭ اۋەلگى ماقساتى ماڭگى وزگەرمەۋى كەرەك. تەك اۋەلگى ماقساتتى ۇمىتپاعاندا عانا، تاريحتى، اعا بۋىنداردى الاڭسىز ەتۋگە، جۇرت جۇرەگىنە، داۋىرگە يە بولۋعا، باستان - اياق ءساتتى ىستەپ، ۇدەرە العا تارتۋعا بولادى“.
− نەعۇرلىم العا جۇرگەن سايىن، توڭكەرىستىك رۋحتى سولعۇرلىم ساقتاۋ كەرەك.
2018 - جىلى 1 - ايدا پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا، جاڭا كەزەكتى ورتالىق كوميتەتتىڭ قۇرامىنداعىلار مەن ولكە، مينيسترلىك دارەجەلى نەگىزگى باسشى كادرلارعا باس شۋجي شي جينپيڭ بىلاي دەپ قاداعالاي ەسكەرتتى:
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ ءۇشىن ءوزىمىزدىڭ كوممۋنيست، ءوزىمىزدىڭ توڭكەرىسشى ەكەندىگىمىزدى استە ۇمىتپاۋىمىز، توڭكەرىستىك رۋحتى جوعالتپاۋىمىز كەرەك“، ”بۇكىل پارتياداعى جولداستار، ءسوز جوق، توڭكەرىستىك رۋح پەن توڭكەرىستىك جىگەردى ساقتاپ، پارتيامىز حالىققا باسشىلىق ەتىپ 97 جىل بويى جۇرگىزگەن ۇلى قوعامدىق توڭكەرىستى ۇزدىكسىز ىلگەرىلەتە بەرۋى كەرەك“.
− نەعۇرلىم العا جۇرگەن سايىن، حالىقتى سولعۇرلىم ەستە بەرىك ساقتاۋ كەرەك.
2018 - جىلى كوكتەم مەرەكەسى قارساڭىندا، باس شۋجي شي جينپيڭ سىچۋاننىڭ دالياڭشانىنىڭ ىشكى وڭىرىنە بارىپ تەكسەرۋ جۇرگىزىپ، بۇكىل ەلدەگى بارلىق اۋىر كەدەي وڭىرلەردى ارالاپ كورىپ شىعامىن دەگەن ۋادەسىن ءوز قادامىمەن امالياتتا ايگىلەدى.
قىستاق تۇرعىنىنىڭ ۇيىندە ول تاعى دا ءبىر رەت اۋەلگى ماقساتىمەن بەكىمىن جاريالادى: ”پارتيامىز بارلىققا كەلگەن كۇننەن باستاپ ۇلتتى ازات ەتۋدى، حالىقتى باقىتقا كەنەلتۋدى مىندەتى ەتكەن. حالىق جۇرتشىلىعىن كەدەيلىكتەن ارىلتىپ، بايىتۋ − كوممۋنيستەردىڭ باستان - اياق وزگەرمەيتىن كۇرەس نىساناسى“، ”كوممۋنيستىك پارتيا بۇقاراعا بەرگەن ۋادەسىن، ءسوز جوق، ورىنداۋ كەرەك!“.
− نەعۇرلىم العا جۇرگەن سايىن، سولعۇرلىم جاۋاپكەرشىلىك ارقالاپ، ىسكەرلىك تانىتۋ كەرەك.
بيىل 3 - ايدىڭ 1 - كۇنى ورتالىق پارتيا مەكتەبى (مەملەكەتتىك اكىمشىلىك شۋەيۋانى) ورتا جاس، جاس كادرلاردى تاربيەلەۋ كۋرسىنىڭ ساباق باستاۋ سالتىندا، باس شۋجي شي جينپيڭ پارتيالى كادرلارعا بىلاي دەپ شىنايى ءۇمىت ارتتى:
”كادرلار پارتيانىڭ اۋەلگى ماقساتىن، پارتيانىڭ بورىشىن ەستەرىندە بەرىك ساقتاۋ كەرەك، وسىلاي بولعاندا عانا، ءومىر جولىنداعى كۇرەس بارىسىندا يدەيالىق جاقتان اناعۇرلىم بيىك باستاماعا، سارقىلماس رۋحاني كۇشكە يە بولا الادى“، ”جۇمىستىڭ اۋىرىن ءبىلىپ، سالماعىن كوتەرەتىن، قيىندىقتاردان قامال الاتىن ءىس جۇزىندىك ارەكەت ارقىلى پارتياعا ادالدىعىن، حالىققا شىن پەيىلىن كورسەتۋ كەرەك“.
...
جوعارىدان تومەنگە دەيىن الدىمەن ۇلگى كورسەتىپ، بۇكىل پارتيانى بىركەلكى، تىنباي تالپىنۋعا جەتەكتەدى.
اۆياتسيا ىستەرىندە وتان ءۇمىتىن اقتاپ، ءومىر بويى كۇرەس جۇرگىزگەن لو ياڭنان ارالدى ساقتاپ، وتاندى قورعاپ، ءۇنسىز ۇلەس قوسقان ۋاڭ جيسايعا دەيىن، بەرىلە قاجىرلىلىقپەن شىنايى ىستەگەن لياۋ جۇنبودان ۇلكەن مەندى جۇرەكتە ساقتاپ، ادالدىقپەن وتان ءۇمىتىن اقتاعان حۋاڭ دا - نيانعا، تايحاڭشان تاۋىنداعى جاڭا يۇيگۇڭ لي باۋگودان قارلى ۇستىرتتەگى تۇقىم سەبۋشى جۇڭ ياڭعا دەيىن... تاڭداۋلى كوممۋنيستىك پارتيا مۇشەلەرى ومىرلەرىمەن بورىشتارىن وتەپ، ىستىق قاندارىمەن ادالدىقتى جازىپ، اۋەلگى ماقساتتى ۇمىتپاۋدىڭ باتىل سەرتىن امالياتتا ايگىلەدى.قىزىل ارميا ۇزاق جورىعى جەڭىسكە جەتكەندىگىنىڭ 80 جىلدىعىن ەسكە ءتۇسىردى، ماركس دۇنيەگە كەلگەندىگىنىڭ 200 جىلدىعىن ەسكە ءتۇسىردى، رەفورما جاساۋدىڭ، ەسىك اشۋدىڭ 40 جىلدىعىن ەسكە ءتۇسىردى، 4 - مامىر قوزعالىسىنىڭ 100 جىلدىعىن ەسكە ءتۇسىردى... جۇڭگو كوممۋنيستىك پارتياسى تاريحقا تەرەڭ ءۇڭىلۋ جانە تاجىريبەلەردى تەرەڭ قورىتىندىلاۋ بارىسىندا، ۇدەرە العا تارتۋدىڭ اقىل - پاراساتى مەن كۇش - قۋاتىن قابىلدادى.
دايەكتى رۋحاني شىڭدالۋ
3 - ايدىڭ 20 - كۇنى تۇستەن كەيىن چيڭحاي ولكەلىك پارتكوم پارتيا مەكتەبىنىڭ شاعىن زالىندا ينە شانشار جەر قالمادى، ”چيڭحاي - شيزاڭ تاس جولىنىڭ اتاسى مۋ شىڭجۇڭنىڭ جول اشۋ رۋحى“ اتتى پارتيا ساباعى وسى ارادا وتكىزىلىپ جاتتى.
قارلى تاۋلى ءۇستىرت پەن رەڭسىز كونە فوتوسۋرەت ارتقى كورىنىس ەتىلىپ، حايشي وبلىستىق پارتكوم پارتيا مەكتەبىنىڭ اعا وقىتۋشىسى باي جيحۇڭ مەن كاسىپتەستەرى جاڭا جۇڭگو قۇرىلعان العاشقى تۇستاعى كوممۋنيستەردىڭ ”جول اشۋ حيكاياسى“ن ورىندادى. ساحناداعى ”جول جاساۋشى جۇمىسشىلار“ بالعالارىن كوتەرىپ، ”ولسەك تە باسىمىز لحاساعا قاراسىن“ دەپ ءبىر - بىرىنە دەم بەرگەندە، ساحنا استىنداعى پارتيا مۇشەلەرى مەن كادرلار اسەرلەنگەندەرىنەن كوزدەرىنە جاس الىپ، كوڭىلدەرى تولقىدى.
جاڭاشا پارتيا ساباعى ۇگىت - لەكسياسى ءبىر رەتكى رۋحاني شىڭدالۋ.
بۇل − پارتيانىڭ 18 - قۇرىلتايىنان بەرى، بۇكىل پارتيا مۇشەلەرى اراسىندا ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسىنىڭ ورىستەتىلۋىنىڭ، پارتيالى كادرلاردى باتىلدىقپەن جاۋاپكەرشىلىك ارقالاپ، ىسكەرلىك تانىتۋعا جىگەرلەندىرۋدىڭ شاعىن كارتيناسى ەدى.
شوعىرلى تاربيە ورىستەتۋ − جۇڭگو كوممۋنيستىك پارتياسىنىڭ وزىندىك قۇرىلىسىن كۇشەيتۋدەگى ماڭىزدى شاراسى. يان - انداعى مەزگىلدەگى ستيل دۇرىستاۋ قوزعالىسىنان الدىڭعى عاسىردىڭ 80 - جىلدارىنداعى بۇكىل پارتيادا كەزەك، توپ بويىنشا ورىستەتىلگەن پارتيانى جاپپاي رەتتەۋگە، الدىڭعى عاسىردىڭ 90 - جىلدارىنداعى ”ۇيرەنۋدى، ساياسيدى، دۇرىس سالتتى دارىپتەۋ“ پارتيالىلىق، پارتيا ستيلى تاربيەسىنە، ودان ارى جاڭا عاسىردان بەرگى كومپارتيا مۇشەلەرىنىڭ العاباسارلىعىن ساقتاۋ تاربيەسى قيمىلىنا، عىلمي دامۋ كوزقاراسىن ىشكەرىلەي ۇيرەنۋ، امالياتتا ايگىلەۋ قيمىلىنا دەيىن...
پارتيامىز توڭكەرىسكە، قۇرىلىسقا، رەفورماعا باسشىلىق ەتۋ امالياتىندا، قاشاندا جاعداي مەن مىندەتتەگى تىڭ وزگەرىستەرگە، ءداۋىردىڭ دامۋىنىڭ پارتيا قۇرىلىسىنا قويعان جاڭا تالابىنا ساي، بۇكىل پارتيادا شوعىرلى تاربيە ورىستەتىپ، پارتيانىڭ بيلىك جۇرگىزۋ نەگىزىن ۇزدىكسىز بەكەمدەپ، پارتيانىڭ جاۋىنگەرلىك قۋاتىن ءوسىردى.
پارتيانىڭ 18 - قۇرىلتايىنان بەرى، پارتيا ىشىندەگى شوعىرلى تاربيە سىندى تاڭداۋلى ءداستۇر جانە دە تىڭنان جالعاستىرىلدى جانە دامىتىلدى −
2013 - جىلى 6 - ايدان 2014 - جىلى 10 - ايعا دەيىن، اۋدان، باسقارما دارەجەلىدەن جوعارى باسشىلىق ورگاندار، باسشىلىق القالار جانە باسشى كادرلار ءتۇيىن ەتىلىپ، ورتالىق كوميتەت ساياسي بيۋروسى باستاماشى بولىپ، بۇكىل پارتيادا حالىق ءۇشىن ناقتى ءىس ىستەۋ، پاك بولۋدى نەگىزگى مازمۇن ەتكەن پارتيانىڭ بۇقارالىق لۋشيان تاربيەسى اماليات قيمىلى ىشكەرىلەي ورىستەتىلدى؛
2015 - جىلى 4 - ايدان 2016 - جىلى 2 - ايعا دەيىن، ”ۇشتە قاتاڭ، ۇشتە شىنايى بولۋ“ ارناۋلى تاقىرىپتىق تاربيەسىن ورىستەتتى، اۋدان دارەجەلىدەن جوعارى پارتكومنىڭ (پارتيا باسشىلىق گرۋپپاسى) 18 مىڭ شۋجيى باستاماشىلدىقپەن ارناۋلى تاقىرىپتا پارتيا ساباعىن ءوتىپ، پارتيالى كادرلارعا يدەيا، ستيل، پارتيالىلىق جاقتارىندا ءبىر رەت شوعىرلى تۇردە ”كالتسي تولىقتاپ“، ”جانار ماي قۇيدى“؛
2016 - جىلى 2 - ايدان بەرى، بارلىق پارتيا مۇشەلەرى اراسىندا ”پارتيا ۋستاۆىن، پارتيا قاعيداسىن ۇيرەنۋ، جەلىلەس سوزدەردى ۇيرەنۋ، تولىمدى پارتيا مۇشەسى بولۋ“ ۇيرەنۋ تاربيەسىن ورىستەتتى ءارى ونى ۇدايىلاندىرىپ، تۇزىمدەندىرىپ، پارتيا مۇشەلەرى قوسىنىنىڭ يدەيا، ۇيىم، ستيل، ءتارتىپ جاقتارىندا ءومىر ءسۇرىپ وتىرعان ماسەلەلەرىن ونان ارى شەشىپ، پارتيانى جاپپاي قاتاڭ جونگە سالۋدىڭ نەگىزگى ساتىعا قاراي قانات جايۋىن ىلگەرىلەتتى...
پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىندە، باس شۋجي شي جينپيڭ: ”’ءىسىم وڭعا باسسىن دەسەڭ، نيەتىڭ دۇرىس بولسىن‘. يدەيالىق تاربيەنى جانە نازاريا ارقىلى قارۋلانۋدى كۇشەيتۋ − پارتيانىڭ ىشكى ساياسي تۇرمىسىنىڭ ماڭداي الدى مىندەتى، بۇكىل پارتيانىڭ اياق الىسىنىڭ بىركەلكىلىگىنە كەپىلدىك ەتۋدىڭ العى شارتى“، - دەپ ىشكەرىلەي اتاپ كورسەتتى.
پارتيانى يدەيالىق جاقتان قۇرۋدان كىرىسىپ، پارتيامىز يدەيالىق تاربيە سىندى ءتۇپ نەگىزدى مىقتى يگەرىپ، نەشە رەتكى شوعىرلى تاربيە ارقىلى پارتيانىڭ العاباسارلىعى مەن كىرشىكسىزدىگىن باستان - اياق ساقتاپ، پارتيانىڭ ءوزىن تازارتۋ، ءوزىن كەمەلدەندىرۋ، ءوزىن جاڭالاۋ، ءوزىن ءوسىرۋ قابىلەتىن ۇزدىكسىز كۇشەيتتى.
پارتيانىڭ بۇقارالىق لۋشيان تاربيەسى اماليات قيمىلىندا نازاردى ستيل قۇرىلىسىنا شوعىرلاندىرىپ، ءبىر مەزگىلدەن بەرى پارتيا ىشىندە كورنەكتى تۇردە ءومىر ءسۇرىپ كەلە جاتقان فورماشىلدىق، تورەشىلدىك، راقاتقۇمارلىق جانە استا - توك ىسىراپشىلدىق سىندى ”ءتورت ءتۇرلى بۇرىس ستيل“ ماسەلەسىن شوعىرلى تۇردە شەشتى.
”ۇشتە قاتاڭ، ۇشتە شىنايى بولۋ“ ارناۋلى تاقىرىپتىق تاربيەسىندە نازاردى اۋدان، باسقارما دارەجەلىدەن جوعارى باسشى كادرلارعا شوعىرلاندىرىپ، ”ءتورت ءتۇرلى بۇرىس ستيل“دى جونگە سالۋ، پارتيانىڭ بۇقارالىق لۋشيان تاربيەسى اماليات قيمىلىنىڭ جەتىستىكتەرىن بەكەمدەۋ جانە كەڭەيتۋ نەگىزىندە، باسشى كادرلاردىڭ ءوزىن باۋلىپ ادام بولۋى، ءىس تىندىرىپ، ناتيجە شىعارۋى جونىندە ىشكەرىلەي تالاپ قويدى.
”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسى پارتيانى جاپپاي قاتاڭ جونگە سالۋدىڭ نەگىزدىك ينجەنەرياسى ەتىپ بەلگىلەنىپ، پارتيا ىشىندەگى تاربيەنىڭ ”شەشۋشى ازشىلىق“تان قالىڭ پارتيا مۇشەلەرىنە قاراي قانات جايۋىن، شوعىرلى تاربيەدەن ۇدايىلىق تاربيەگە قاراي كەڭەيۋىن ىلگەرىلەتتى.
باتىل تۇردە ءوزىن تازارتاتىن، وزىنە توڭكەرىس جاسايتىن ساياسي پارتيا عانا اۆانگاردتىق قاسيەتىن ماڭگى ساقتاي الادى؛
باستان - اياق اۋەلگى ماقساتتى ۇمىتپاعان، بورىشتى ەستە بەرىك ساقتاعان ساياسي پارتيا عانا، ءسوز جوق، ءداۋىردىڭ الدىڭعى لەگىندە قاسقايىپ تۇرا الادى.
5 - ايدىڭ 7 - كۇنى ەڭ سوڭعى 2 كەدەي اۋدان − يانچۋاننىڭ، يچۋاننىڭ كەدەيلىكتەن ارىلىپ كەدەيلىك تىزىمىنەن شىعارىلۋىمەن توڭكەرىستىك قاسيەتتى جەر يان - ان مۇلدەم كەدەيلىككە قوش ايتتى! نەشە بۋىن جۇڭگو كوممۋنيستەرى ۇزدىكسىز كۇرەس جۇرگىزىپ، ەڭ سوڭىندا بايىرعى رايونداعى حالىقتىڭ باقىتتى تۇرمىس كەشىرۋىنە باسشىلىق ەتتى.
كەرەمەتتىڭ استارىندا، يان - ان قالاسىنداعى قىستاقتاردا ءبىرىنشى شۋجي بولىپ مىندەت وتەيتىن 1784 كادردىڭ نەگىزگى ساتىعا تامىر تارتىپ، قىستاقتاردا تۇراتىن 1546 قىزمەت اترەتىنىڭ ءبىرىنشى شەپكە تىكەلەي بارىپ، 37 مىڭ 400 كادردىڭ وتباسىلارىمەن بىرلەستىرىپ كەدەيلەردى كوتەرمەگە الىپ قيىندىقتاردان قامال الۋى جاتىر...
”پارتيانىڭ جاقسى ستيلى قايتىپ كەلدى!“ نەشە رەتكى پارتيا ىشىندەگى شوعىرلى تاربيەنىڭ شىڭداۋىمەن پارتيا ستيلى، ۇكىمەت ستيلى جاڭارىپ، پارتيا بەكىمى، حالىق تىلەگى سەرپىلدى.
پارتيا ىشىندەگى شوعىرلى تاربيە پارتيانىڭ ءوزىن جاڭالاۋىن ىلگەرىلەتتى.
ساياسي قۇرىلىستا، بۇكىل پارتيانىڭ ”ءتورت تانىم“ى اناعۇرلىم مىعىم، ”ءتورت سەنىم“ى اناعۇرلىم بەكەم، ”ەكىنى قورعاۋ“ى اناعۇرلىم سانالى بولدى؛ يدەيالىق قۇرىلىستا، شي جينپيڭنىڭ جاڭا ءداۋىر جۇڭگوشا سوتسياليزم يدەياسى جۇرت جۇرەگىنە تەرەڭ ۇيالاپ، كوممۋنيستەردىڭ رۋحاني تىرەگى بيىك بوي سوزدى؛ ۇيىمدىق قۇرىلىستا، پارتيا مۇشەلەرىن باسقارۋ اناعۇرلىم پارمەندى، ءونىمدى بولىپ، نەگىزگى ساتى ۇيىمدارىنىڭ ومىرشەڭدىگى قاۋلادى؛ ءتۇزىم قۇرىلىسىندا، تاماشا تاجىريبەلەر مەن جاقسى ادىستەر پارتيانىڭ ىشكى زاڭدىق ەرەجەسى بولىپ بەكىدى...
پارتيا ىشىندەگى شوعىرلى تاربيە سىندى تاماشا ءداستۇردى ويداعىداي جالعاستىرۋدا، دامىتۋدا، پارتيامىز، ءسوز جوق، پارتيا قۇرىلىسى ساپاسىن ۇزدىكسىز جوعارىلاتىپ، ءتۇرلى داۋىل - تولقىن سىناعىندا جالىنداي ءتۇسىپ، ۇدەرە العا تارتادى.
بولاشاققا بەت العان وزىندىك توڭكەرىس
جاز باسى، گانجياڭ وزەنىنىڭ ەكى جاعالاۋى جاپ - جاسىل بولىپ كومكەرىلىپ، جايقالىپ تۇر.
5 - ايدىڭ 20 - كۇنى باس شۋجي شي جينپيڭ ورتالىق قىزىل ارميانىڭ ۇزاق جورىققا جينالىپ اتتانعان جەرى − جياڭشيدىڭ يۇيدۋىنا كەلىپ، سول كەزدەگى الاۋلى جىلداردى تەرەڭ سەزىممەن ساعىنا ەسكە الدى:
”ورتالىق سوۆەتتىك رايونداردا جانە ۇزاق جورىق بارىسىندا، پارتيا مەن قىزىل ارميا بەرىك مۇرات - سەنىم مەن قايسار توڭكەرىستىك جىگەرگە سۇيەنىپ، تالاي رەت قيىن جاعدايدا قايتا جول تاۋىپ، ساتسىزدىككە ۇشىراعان سايىن ەرلىك كورسەتىپ، ەڭ سوڭىندا جەڭىسكە قول جەتكىزىپ، تاڭعاجايىپ كەرەمەتتەر جاراتتى“.
بۇرىنعى ماشاقاتتى قيىندىقتارعا قايىرىلا قاراۋ − بۇگىنگى مۇرات - سەنىمدى بەكەمدەۋ، بۇكىل پارتيانى اۋەلگى ماقساتتى ۇمىتپاي، بورىشتى ەستە بەرىك ساقتاۋعا، داۋىل - تولقىننان قورىقپاي، ۇزدىكسىز قايراتتانا العا باسۋعا جىگەرلەندىرۋ ءۇشىن.
بۇگىنگى تاڭدا، جۇڭحۋا ۇلتى ”قوس 100 جىلدىق“ كۇرەس نىساناسىنىڭ تاريحي توعىسۋ كەزىندە تۇر، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ نىساناسى كوز الدىمىزدا عانا تۇر، سوتسياليستىك وسىزاماندانعان مەملەكەتتى جاپپاي قۇرىپ شىعۋدىڭ جاڭا ساپارى باستالۋ الدىندا تۇر. نەعۇرلىم شەشۋشى ساتكە كەلگەن سايىن، اتقا سولعۇرلىم قامشى باسۋىمىز قاجەت.
دۇنيە جۇزىنە اينالا قاراساق، بەيبىتشىلىك پەن دامۋ ءالى دە ءداۋىردىڭ نەگىزگى تاقىرىبى ەكەندىگىن، سونىمەن بىرگە ورنىقسىزدىق، تۇراقسىزدىق اناعۇرلىم كورنەكتىلەنىپ، جاھاندانۋعا قارسى يدەيالىق اعىم ءورشىپ كەلە جاتقانىن، قورعامپازدىقتىڭ كەرى اسەرى كۇن سايىن كورنەكتىلەنىپ، ”قارا اققۋ“، ”سۇرى ءمۇيىز تۇمسىق“ اۋىق - اۋىق باس كوتەرگەندىگىن بايقايمىز. 100 جىلدا بولماعان زور وزگەرىسپەن نەعۇرلىم بەتپە - بەت كەلگەن سايىن، سولعۇرلىم تاباندىلىقتى ساقتاپ، سەنىمدى كۇشەيتىپ، كۇش - قايراتتى شوعىرلاندىرىپ، ءوز ءىسىمىزدى ويداعىداي ىستەۋىمىز قاجەت.
ەل ءىشىن باعامداي قاراساق، ەكونوميكانىڭ تۇرلەنۋى، جاڭالانۋى ءالى دە ورگە ورمەلەۋ، كەدەرگىدەن ءوتۋ كەزەڭىندە تۇرعانىن، ءۇش ۇلكەن قامال الۋ شايقاسىنا ءالى دە ۇزدىكسىز جاپپاي كۇش سالۋ كەرەكتىگىن، دامۋدا ءدوپ كەلگەن قايشىلىقتار مەن ماسەلەلەردە تەرەڭ وزگەرىس تۋىلعانىن، بۇرىن بولماعان ءتۇرلى حاۋىپ - قاتەرلەر مەن سىن - سايىستار جارىققا شىققاندىعىن كورەمىز... كەمە وزەن ورتاسىنا كەلىپ اعىن نەعۇرلىم كۇشەيە تۇسكەن، ادام تاۋدىڭ بەل ورتاسىنا كەلىپ جول نەعۇرلىم تىگىل بولا تۇسكەن سايىن، سولعۇرلىم قيىندىقتى جەڭە ۇمتىلا ءتۇسۋ قاجەت.
تاريحي بورىش نەعۇرلىم داڭقتى، كۇرەس نىساناسى نەعۇرلىم ۇلى، ىشكى - سىرتقى ورتا نەعۇرلىم كۇردەلى بولعان سايىن، تاۋقىمەت تانىمىن سولعۇرلىم نىعايتۋ، پارتيانىڭ قۇرىلىسىن سولعۇرلىم كۇشەيتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋدى ۇيعارۋى بيىكتەن الىستى بولجاعان، ءدال كەزىندە جاسالعان شەشىم.
باس شۋجي شي جينپيڭ اتاپ كورسەتكەندەي، ”جاڭا جۇڭگو قۇرىلعاندىعىنىڭ 70 جىلدىعى ’اۋەلگى ماقساتتى ۇمىتپاۋ، بورىشتى ەستە بەرىك ساقتاۋ‘ تاربيەسىن جۇرگىزۋدىڭ ەڭ تاماشا ۋاقىت كەزەڭى سانالادى“.
بۇل رەتكى نەگىزگى تاقىرىپتىق تاربيەنىڭ ناقتى ورىستەتىلۋى جونىندە، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى ءبىرسىپىرا ورنالاستىرۋ جاسادى −
جالپى تالاپتى ايقىندادى: اۋەلگى ماقساتتان اينىماۋ، بورىش ارقالاۋ، پارىقتى تابۋ، تياناقتاندىرۋدى يگەرۋ؛
ءتۇبىرلى مىندەتتى ايقىن اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ادال، كىرشىكسىز، جاۋاپكەرشىلىك ارقالايتىن ساياسي قاسيەتتى شىڭداپ، بۇكىل ەلدەگى ءار ۇلت حالقىن ۇلى ارماندى جۇزەگە اسىرۋ جولىندا بىرگە كۇرەس جۇرگىزۋگە ىنتىماقتاستىرۋ، باستاۋ.
5 نىسانا ورتاعا قويدى: نازاريا ۇيرەنۋدە ءونىمى بولۋ، يدەيا - ساياسيدا سىننان ءوتۋ، ءىس تىندىرىپ ناتيجە شىعارۋدا باتىل جاۋاپكەرشىلىك ارقالاۋ، حالىق ءۇشىن قىزمەت ىستەپ قيىن ماسەلەلەردى شەشۋ، پاك، كىرشىكسىز بولىپ ونەگە كورسەتۋ.
...
دەن قويا ىستەپ، تاپتەشتەي تىندىرساڭ، تاماشا ناتيجەگە جەتەسىڭ، شىنىعىپ شىڭدالساڭ، بولاتتاي بەرىك بولاسىڭ.
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ارقىلى بۇكىل پارتياداعىلار جوعارىدان تومەنگە دەيىن، ءسوز جوق، جاڭا وزىندىك توڭكەرىس باستاپ، بارلىق پارتيالى كادرلاردىڭ اۋەلگى ماقساتىن، قاسيەتىن ماڭگى ساقتاۋىنا، ءداۋىر اعىمىنىڭ الدىڭعى لەگىندە ماڭگى قاسقايىپ تۇرۋىنا مۇمكىندىك جاساپ، ادال، كىرشىكسىز، جاۋاپكەرشىلىك ارقالايتىن ساياسي قاسيەتتى سومداپ، قايسار، سەنىمدى، ىنتىماقتى جەتەكشى كۇش قالىپتاستىرىپ، بۇكىل ەلدەگى ءار ۇلت حالقىن باستاپ، ۇلتتىڭ گۇلدەنۋى سىندى ۇلى ارمانعا قاراي قايراتتانا العا باسادى.
(شينحۋا اگەنتتىگىنىڭ 5 - ايدىڭ 30 - كۇنى بەيجيڭنەن بەرگەن حابارى)
