تيانشان تورى   ›   ۇيرەنۋ   ›   نازاريا

جاڭا داۋىردەگى پارتيانىڭ تاريحي بورىشى ءۇشىن قۇلشىنا كۇرەس جۇرگىزەيىك

«حالىق گازەتى» باسماقالاسى

  اۋەلگى ماقساتتى ۇمىتپاعاندا عانا، ىستەرىمىز باستان - اياق باياندى بولادى.

  ”جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ − جۇڭگو كوممۋنيستەرىنىڭ اۋەلگى ماقساتى جانە بورىشى، ۇرپاقتان - ۇرپاققا جالعاسقان جۇڭگو كوممۋنيستەرىن ءبىرىنىڭ ءىزىن ءبىرى باسىپ، ەرلىكپەن كۇرەس جۇرگىزۋگە ىنتالاندىراتىن ءتۇبىرلى قوزعاۋشى كۇش“. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە قىزمەتى ماجىلىسىندە باس شۋجي شي جينپيڭ پارتيانىڭ ءتۇبىرلى ماقساتىن امالياتتا ايگىلەۋ، پارتيانىڭ تاريحي بورىشىن جۇزەگە اسىرۋ وسكەلەڭ تۇرعىسىنان جۇڭگو كوممۋنيستەرىنىڭ اۋەلگى ماقساتى مەن بورىشىن تەرەڭ بايىمداپ، نەگىزگى تاقىرىپتىق تاربيە ورىستەتۋگە ايقىن تالاپ قويىپ، جان - جاقتى ورنالاستىرۋ جاساپ، بۇكىل پارتيانىڭ نەگىزگى تاقىرىپتىق تاربيە ورىستەتۋى جونىندە قۇلشىنۋ بەتالىسىن ايقىنداپ، ءتۇبىرلى بويسۇنۋ ولشەمىن كورسەتىپ، بۇكىل پارتياداعى جولداستاردى يدەيالىق جاقتان ءبىر رەت وسۋگە، رۋحاني جاقتان ءبىر رەت سىننان وتۋگە، جالپى ءۇشىن پارتيا قۇرۋ، حالىق ءۇشىن بيلىك جۇرگىزۋ سىندى قۇن ۇستانىمىن بەرىك ورناتۋعا، اۋەلگى ماقساتتى ۇمىتپاي، بورىشتى ەستە بەرىك ساقتايتىن رۋحاني قاسيەتتى جەتىلدىرۋگە، جاڭا داۋىردەگى پارتيانىڭ تاريحي بورىشى ءۇشىن اناعۇرلىم سانالى تۇردە قۇلشىنا كۇرەس جۇرگىزۋگە جۇمىلدىردى جانە ىنتالاندىردى.

  العا باسۋلاردىڭ بارلىعىندا باسىپ وتكەن جولدى ۇمىتۋعا بولمايدى. بيىل جاڭا جۇڭگو قۇرىلعاندىعىنىڭ 70 جىلدىعى، سونداي - اق پارتيامىزدىڭ بۇكىل ەلدە بيلىك جۇرگىزگەندىگىنىڭ 70 - جىلى، وسى ساتتە نەگىزگى تاقىرىپتىق تاربيە ورىستەتۋ ءدال كەزىنە تۋرا كەلدى. نەگىزگى تاقىرىپتىق تاربيە ورىستەتۋ − شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋدىڭ كوكەي تەستى قاجەتى، جاڭا داۋىردەگى پارتيا قۇرىلىسىن ىلگەرىلەتۋدىڭ كوكەي تەستى قاجەتى، پارتيامەن حالىق بۇقاراسىنىڭ ەتەنە بايلانىسىن ساقتاۋدىڭ كوكتەي تەستى قاجەتى، پارتيا 19 - قۇرىلتايىندا تۇراقتانعان نىسانا - مىندەتتەردى ىسكە اسىرۋدىڭ كوكەي تەستى قاجەتى. بۇل رەتكى نەگىزگى تاقىرىپتىق تاربيە − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇلى كۇرەسپەن، ۇلى ينجەنەريامەن، ۇلى ىسپەن، ۇلى ارمانمەن تۇگەل ساناسا وتىرىپ جاساعان كەلەلى ورنالاستىرۋى، پارتيامىزدىڭ وزىنە ۇزدىكسىز توڭكەرىس جاساۋىندا، حالىقتى ىنتىماقتاستىرىپ، باستاپ، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى ۇلى قوعامدىق توڭكەرىستى العا ىلگەرىلەتۋىندە، ”بەستى ءبىرتۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ”قوس 100 جىلدىق“ كۇرەس نىساناسىن جۇزەگە اسىرۋىندا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا ايرىقشا كەلەلى ماڭىزعا يە.

  98 جىلدان بەرى پارتيامىز حالىقتى ىنتىماقتاستىرىپ، باستاپ، كۇللى دۇنيەنىڭ نازارىن اۋدارعان ۇلى جەتىستىككە قول جەتكىزدى، بۇل ءبىزدىڭ ماقتانىش ەتۋىمىزگە جانە سالتانات ەتۋىمىزگە تاتيدى. سونىمەن بىرگە ىستەردىڭ دامۋىندا ماڭگى شەك بولمايدى، ءبىز ءدوپ كەلگەن مىندەتتەر ءالى دە ماشاقاتتى ءارى كۇردەلى، ارقالاعان تاريحي بورىشىمىز داڭقتى دا جاپالى. مەيلى قانداي حاۋىپ - قاتەرگە جانە سىن - سايىسقا ءدوپ كەلسە دە، جۇڭگو كوممۋنيستەرىنىڭ اۋەلگى ماقساتىن ماڭگى وزگەرتۋگە بولمايدى، ارمان قۋعان قادامى ماڭگى توقتامايدى. بۇگىنگى تاڭدا، ”اۋەلگى ماقساتتى ۇمىتپاۋ، بورىشى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋدىڭ ءتۇبىرلى مىندەتى − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ادال، كىرشىكسىز، جاۋاپكەرشىلىك ارقالايتىن ساياسي قاسيەتتى شىڭداپ، بۇكىل ەلدەگى ءار ۇلت حالقىن ۇلى ارماندى جۇزەگە اسىرۋ جولىندا جۇمىلا كۇرەس جۇرگىزۋگە ىنتىماقتاستىرۋ، باستاۋ. بۇل رەتكى نەگىزگى تاقىرىپتىق تاربيەدە اۋەلگى ماقساتتان اينىماۋ، بورىش ارقالاۋ، پارىقتى تابۋ، تياناقتاندىرۋدى يگەرۋ جالپى تالابىن دايەكتىلەندىرىپ، نازاريا ۇيرەنۋدە ءونىمى بولۋ، يدەيا - ساياسيدا سىننان ءوتۋ، ءىس تىندىرىپ ناتيجە شىعارۋدا باتىل جاۋاپكەرشىلىك ارقالاۋ، حالىق ءۇشىن قىزمەت ىستەپ قيىن ماسەلەلەردى شەشۋ، پاك، كىرشىكسىز بولىپ ونەگە كورسەتۋ نىساناسىنا جەتۋ كەرەك. فورماشىلدىقتان، تورەشىلدىكتەن ساقتانۋدى نەگىزگى تاقىرىپتىق تاربيەنىڭ ماڭىزدى مازمۇنى ەتىپ، پارتيالى كادرلاردى پارتيانىڭ ءتۇبىرلى ماقساتىن ەستە بەرىك ساقتاپ، شىندىقتى ءىس جۇزىنەن ىزدەۋ سىندى يدەيالىق لۋشيانعا تاباندى بولىپ، دۇرىس ناتيجە كوزقاراسىن ورناتىپ، شىنايى يگەرىپ، ناقتى ىستەپ، ستيلگە بۇرىلىس جاساۋعا تاربيەلەۋ، جەتەكتەۋ كەرەك. ۇيرەنۋ تاربيەسىن، تەكسەرۋ - زەرتتەۋدى، ماسەلەلەردى تەكسەرىپ بايقاۋدى، رەتتەۋ - تۇزەتۋدى، تياناقتاندىرۋدى جالپى بارىسقا ءسىڭىرۋ كەرەك.

  باس شۋجي شي جينپيڭ ”ناقتى ىسكەرلىكتى قادىرلەۋ، تياناقتاندىرۋدى مىقتى يگەرۋ“دى قايتا - قايتا دارىپتەدى. بۇل رەتكى نەگىزگى تاقىرىپتىق تاربيەنىڭ ۋاقىتى تىعىز، مىندەتى اۋىر، تالابى جوعارى، وڭىرلەردىڭ، تاراۋلاردىڭ، ورىنداردىڭ پارتكومدارى (پارتيا باسشىلىق گرۋپپالارى) ايرىقشا ءمان بەرىپ، جاۋاپكەرشىلىك سەزىم مەن كوكەي تەستىلىك سەزىمدى كۇشەيتىپ، ۇيىمدىق باسشىلىقتى نىعايتىپ، قۋزاۋ - جەتەكشىلىك ەتۋدى كۇشەيتىپ، نەگىزگى تاقىرىپتىق تاربيەنىڭ ساپاسىن جوعارىلاتۋ كەرەك. پارتيانى يدەيالىق جاقتان قۇرۋعا، پارتيانى نازاريامەن قۇدىرەتتەندىرۋگە تاباندى بولىپ، بۇكىل پارتيانىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىن، دايەكتىلەندىرۋىن ىلگەرىلەتۋ؛ جاڭا داۋىردەگى پارتيا قۇرىلىسىنىڭ جالپى تالابىن دايەكتىلەندىرىپ، پارتيانىڭ العاباسارلىعىنا ىقپال جەتكىزەتىن، پارتيانىڭ كىرشىكسىزدىگىن السىرەتەتىن بارلىق ماسەلەلەرمەن باتىل كۇرەسىپ، پارتيامىزدى اناعۇرلىم بەرىك، پارمەندى ەتىپ قۇرىپ شىعۋعا قۇلشىنۋ؛ حالىقتى وزەك ەتۋگە تاباندى بولىپ، بۇقارالىق كوزقاراس پەن بۇقارالىق لۋشياندى يدەياعا تەرەڭ تامىر تارتقىزىپ، ارەكەتتە ناقتاپ تياناقتاندىرىپ، پارتيانىڭ بيلىك جۇرگىزۋىنىڭ تاپتىق نەگىزى مەن بۇقارالىق نەگىزىن ۇزدىكسىز بەكەمدەۋ؛ بۇكىل پارتياداعى جولداستاردى جاۋاپكەرشىلىك پەن بورىشتى باتىل ارقالاپ، ءىس تىندىرىپ ناتيجە شىعارۋ جىگەرىن جالىنداتىپ، پارتيا 19 - قۇرىلتايىنىڭ رۋحى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن، اسىرەسە، جاپپاي دوڭگەلەك داۋلەتتى قوعام ورناتۋ مىندەتتەرىن ناقتاپ تياناقتاندىرۋعا جەتەكتەۋ كەرەك.

  ”كوك تىرەگەن بايتەرەكتىڭ، قالايدا تەرەڭ تامىرى، جوڭكىلە اققان سۋدىڭ، قالايدا قاينارى بولادى“. اۋەلگى ماقساتتى ۇمىتپاي، بورىشتى ەستە بەرىك ساقتاپ، ”ءتورت تانىم“دى ۇزدىكسىز كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ۇزدىكسىز تۇردە تاۋ كەزدەسسە جول اشاتىن، سۋ جولىقسا كوپىر سالاتىن ءورىس اشۋ رۋحىمەن ۇلى قوعامدىق توڭكەرىستەن جاڭا جاعداي اشىپ، وزىنە ۇلى توڭكەرىس جۇرگىزۋدەن قاجىر - قايراتتى كۇشەيتسە، جۇڭگو كوممۋنيستىك پارتياسى ماڭگى جاسارىپ، جالىنداعان ومىرشەڭدىك كۇشى مەن قۋاتتى جاۋىنگەرلىك قۋاتىن ماڭگى ساقتاپ، جۇڭحۋا ۇلتىنىڭ ۇلى گۇلدەنۋىنىڭ الىپ كەمەسى تولقىن جارىپ، شۇعىلالى قارسى جاعاعا قاراي جەڭىسپەن العا تارتا الادى!

 (شينحۋا اگەنتتىگىنىڭ 5 - ايدىڭ 31 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى