شي جينپيڭ اۋمىندىق جاس وسپىرىمدەر مەن بالدىرعاندارعا جاۋاپ حات جازىپ شابىتتاندىردى
بۇكىل ەلدەگى بالدىرعانداردىڭ ”1 - ماۋسىم“ حالىقارالىق بالالار مەرەكەسىن قۇتتىقتادى
جاۋاپ حات
اۋمىن حاۋجياڭ ورتا مەكتەبىنە قاراستى يىڭساي مەكتەبىندەگى بالدىرعاندار:
سالەمەتسىڭدەر مە! حاتتارىڭدى تاپسىرىپ الدىم، سەندەردىڭ سىزعان بوياۋلى سۋرەتتەرىڭ وتە ادەمى، ايتقان سوزدەرىڭ دە وتە شىنايى ەكەن، بالدىرعانداردىڭ ىزگى جان دۇنيەسى تولىق بەينەلەنىپتى.
مەن ”جەتى پەرزەنت جىرى“ىن ۇنەمى ەسىمە الامىن، جىرداعى سەرگەلدەڭ بالانىڭ اناسىنىڭ قۇشاعىنا قايتا ورالۋ تىلەگى ادامدى ايرىقشا تەبىرەنتەدى. وتان قۇشاعىنا ورالعان 20 جىلدان بەرى، اۋمىننىڭ دامۋى كۇن سايىن جاڭاردى، اۋمىندىق باۋىرلاستاردىڭ قىزمەتى، تۇرمىسى بارعان سايىن جاقساردى. وتانىمىز − اۋمىننىڭ پارمەندى سۇيەنىشى، كىشكەنتايلارىڭىنان باستاپ وسى قاعيدانى تۇسىنىپسىڭدەر، مەن قاباعات ءسۇيىندىم.
سەندەر وتانىمىزدىڭ گۇلى، اۋمىننىڭ بولاشاعىسىڭدار. وقۋشىلاردان قارت مەكتەپ باستىعى دۋ لاننىڭ ءۇمىتىن جەردە قالدىرماي، وتاندى ءسۇيۋ، اۋمىندى ءسۇيۋ تاماشا ءداستۇرىن ويداعىداي جالعاستىرىپ، ۋاقىتتى قاستەرلەپ، قاجىرلىلىقپەن ۇيرەنىپ، اقاۋسىز ەسەيىپ - ەرجەتىپ، ەرجەتكەن سوڭ اۋمىندى كوركەيتۋ، جۇڭحۋانى گۇلدەندىرۋ ءۇشىن كوپتەپ ۇلەس قوسۋدى ءۇمىت ەتەمىن.
”1 - ماۋسىم“ حالىقارالىق بالالار مەرەكەسى كەلۋ الدىندا تۇر، مەن سەندەردىڭ مەرەكەلەرىڭدى قۇتتىقتايمىن! بۇكىل ەلدەگى بالدىرعانداردىڭ مەرەكەسىن قۇتتىقتايمىن!
شي جينپيڭ
2019 - جىلى 5 - ايدىڭ 31 - كۇنى
(شينحۋا اگەنتتىگىنىڭ 6 - ايدىڭ 1 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 6 - ايدىڭ 1 - كۇنى بەيجيڭنەن بەرگەن حابارى. ”1 - ماۋسىم“ حالىقارالىق بالالار مەرەكەسى قارساڭىندا، مەملەكەت ءتوراعاسى شي جينپيڭ 5 - ايدىڭ 31 - كۇنى اۋمىننىڭ حاۋجياڭ ورتا مەكتەبىنە قاراستى يىڭساي مەكتەبىندەگى بالدىرعان وقۋشىلارعا جاۋاپ حات جازىپ، ولاردى شىن ىقىلاسپەن شابىتتاندىردى، سونداي - اق ولاردىڭ جانە بۇكىل ەلدەگى جاس وسپىرىمدەردىڭ، بالدىرعانداردىڭ مەرەكەسىن قۇتتىقتادى.
شي جينپيڭ جاۋاپ حاتىندا بىلاي دەدى: سەندەردىڭ سىزعان بوياۋلى سۋرەتتەرىڭ وتە ادەمى، ايتقان سوزدەرىڭ دە وتە شىنايى ەكەن، بالدىرعانداردىڭ ىزگى جان - دۇنيەسى تولىق بەينەلەنىپتى.
شي جينپيڭ مىنانى ءبىلدىردى: مەن ”جەتى پەرزەنت جىرى“ن ۇنەمى ەسىمە الامىن، جىرداعى سەرگەلدەڭ بالانىڭ اناسىنىڭ قۇشاعىنا قايتا ورالۋ تىلەگى ادامدى ايرىقشا تەبىرەنتەدى. وتان قۇشاعىنا ورالعان 20 جىلدان بەرى، اۋمىننىڭ دامۋى كۇن سايىن جاڭاردى، اۋمىندىق باۋىرلاستاردىڭ قىزمەتى، تۇرمىسى بارعان سايىن جاقساردى. وتانىمىز − اۋمىننىڭ پارمەندى سۇيەنىشى، كىشكەنتايلارىڭنان باستاپ وسى قاعيدانى تۇسىنىپسىڭدەر، مەن بۇعان قاباعات ءسۇيىندىم.
شي جينپيڭ بىلاي دەپ اتاپ كورسەتتى: سەندەر وتانىمىزدىڭ گۇلى، اۋمىننىڭ بولاشاعى. وقۋشىلاردان قارت مەكتەپ باستىعى دۋ لاننىڭ ءۇمىتىن جەردە قالدىرماي، وتاندى ءسۇيۋ، اۋمىندى ءسۇيۋ تاماشا ءداستۇرىن ويداعىداي جالعاستىرىپ، ۋاقىتتى قاستەرلەپ، قاجىرلىلىقپەن ۇيرەنىپ، اقاۋسىز ەسەيىپ - ەرجەتىپ، ەرجەتكەن سوڭ اۋمىندى كوركەيتۋ، جۇڭحۋانى گۇلدەندىرۋ ءۇشىن كوپتەپ ۇلەس قوسۋلارىڭدى ءۇمىت ەتەمىن.
حاۋجياڭ ورتا مەكتەبى 1932 - جىلى قۇرىلعان، وتاندى ءسۇيۋدى، اۋمىندى ءسۇيۋدى، قوعامعا دارىندىلار تاربيەلەۋدى وقىتۋدىڭ ماقساتى ەتكەن، اۋمىنداعى ورتا، باستاۋىش مەكتەپ وقۋشىلارى ەڭ كوپ مەكتەپ سانالادى. مەكتەپتىڭ ەجەلدەن وتانشىلدىق ءداستۇرى بار، 1949 - جىلى 10 - ايدىڭ 1 - كۇنى جاڭا جۇڭگو قۇرىلعاندا - اق سول كەزدەگى مەكتەپ باستىعى دۋ لان مەكتەپتەگى وقىتۋشى - وقۋشىلاردى باستاپ بەس جۇلدىزدى قىزىل تۋدى تۇڭعىش رەت جەلبىرەتتى. تاياۋدا حاۋجياڭ ورتا مەكتەبىنە قاراستى يىڭساي مەكتەبىندەگى بالدىرعان وقۋشىلار ءتوراعا شي جينپيڭگە حات جازىپ، وزدەرىنىڭ ”وتان انا“ ۇعىمى جونىندەگى تۇسىنىكتەرىن بايانداپ، ەرجەتكەننەن كەيىن وتانىمىزدى جانە اۋمىندى اناعۇرلىم كوركەيتۋ بەكىمدەرىن جەتكىزگەن بولاتىن.
