تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو «جۇڭگو - امەريكا قۇراما شتاتتارى ەكونوميكا - ساۋدا كەڭەسىندەگى جۇڭگو جاقتىڭ تۇرعىسى» اق تىستى كىتابىن جاريالادى

  شينحۋا اگەنتتىگىنىڭ 6 - ايدىڭ 2 - كۇنى بەيجيڭنەن بەرگەن حابارى (تىلشىلەر حان جيە، جاڭ جاۋچيڭ). مەملەكەتتىك كەڭەستىڭ اقپارات كەڭسەسى 6 - ايدىڭ 2 - كۇنى «جۇڭگو - امەريكا قۇراما شتاتتارى ەكونوميكا - ساۋدا كەڭەسىندەگى جۇڭگو جاقتىڭ تۇرعىسى» اق تىستى كىتابىن جاريالادى، مۇنداعى ماقسات − جۇڭگو - امەريكا قۇراما شتاتتارى ەكونوميكا - ساۋدا كەڭەسىنىڭ نەگىزگى جاعدايىن جان - جاقتى تانىستىرىپ، جۇڭگونىڭ جۇڭگو - امەريكا قۇراما شتاتتارى ەكونوميكا - ساۋدا كەڭەسىندەگى ساياساتتىق تۇرعىسىن ءتۇسىندىرۋ.

  بۇل بىلتىر 9 - ايدا جاريالانعان «جۇڭگو - امەريكا قۇراما شتاتتارى ەكونوميكا - ساۋدا قاجالىسىنىڭ شىندىقتارى جانە جۇڭگو جاقتىڭ تۇرعىسى جونىندە» اق تىستى كىتابىنان كەيىن، جۇڭگو جاقتىڭ جۇڭگو - امەريكا قۇراما شتاتتارى ەكونوميكا - ساۋدا ماسەلەسى جونىندە تاعى ءبىر رەت جاريالاعان اق تىستى كىتابى. وسى رەتكى اق تىستى كىتاپتىڭ تولىق ءماتىنى شامامەن 8300 ءارىپ، العى ءسوز بەن سوڭعى سوزدەن سىرت، جيىنى 3 بولىمنەن قۇرالادى، ولار جەكە - جەكە مىنالار: امەريكا قۇراما شتاتتارىنىڭ جۇڭگوعا قاراتىلعان ەكونوميكا - ساۋدا قاجالىسىن تۋدىرىپ، ەكى ەلدىڭ جانە بۇكىل دۇنيە ءجۇزىنىڭ مۇددەسىن زيانداۋى، امەريكا قۇراما شتاتتارىنىڭ جۇڭگو - امەريكا قۇراما شتاتتارى ەكونوميكا - ساۋدا كەڭەسى بارىسىندا بىرەسە ولاي، بىرەسە بىلاي سويلەپ، سەنىمدىلىكتە تۇرماۋى، جۇڭگو باستان - اياق تەڭدىك، ءوزارا تيىمدىلىك جەتكىزۋ، سەنىمدىلىكپەن كەڭەسۋ تۇرعىسىنان جازبايدى.

  اق تىستى كىتاپتا بىلاي دەلىندى: جۇڭگو مەن امەريكا قۇراما شتاتتارىنىڭ ەكونوميكا - ساۋدا قارىم - قاتىناسى ەكى ەل قارىم - قاتىناسىنىڭ ”ورنىقتىرعىشى“ جانە ”ىلگەرىلەتكىشى“، ەكى ەل حالىقتارىنىڭ ءتۇبىرلى مۇددەسىنە سايادى، دۇنيە ءجۇزىنىڭ گۇلدەنۋى مەن ورنىقتىلىعىنا سايادى.

  اق تىستى كىتاپتا مىنالار اتاپ كورسەتىلدى: 2017 - جىلى جاڭا كەزەكتى امەريكا قۇراما شتاتتارى ۇكىمەتى مىندەتكە وتىرعاننان بەرى، كەدەن باجىسىن ۇستەمەلەپ سالۋ سياقتى تاسىلدەر ارقىلى قۇقاي كورسەتىپ، نەگىزگى ساۋدا سەرىكتەرى اراسىندا ەكونوميكا - ساۋدا قاجالىسىن ءجيى تۋدىردى. 2018 - جىلى 3 - ايدان بەرى، امەريكا قۇراما شتاتتارى ۇكىمەتىنىڭ ءوز بەتىمەن تۋدىرعان جۇڭگو - امەريكا قۇراما شتاتتارى ەكونوميكا - ساۋدا قاجالىسىنا قاراتا، جۇڭگو پارمەندى توتەپ بەرۋ شاراسىن جولعا قويۋعا ءماجبۇر بولىپ، مەملەكەت پەن حالىقتىڭ مۇددەسىن باتىل قورعادى. سونىمەن بىرگە، جۇڭگو داۋ - شاردى باستان - اياق تىلدەسۋ، اقىلداسۋ ارقىلى شەشۋدەي نەگىزگى تۇرعىعا تاباندى بولىپ، امەريكا قۇراما شتاتتارىمەن كوپ كەزەك ەكونوميكا - ساۋدا كەڭەسىن ورىستەتىپ، ەكى جاقتىڭ ەكونوميكا - ساۋدا قارىم - قاتىناسىن ورنىقتىرۋعا قۇلشىندى.

  اق تىستى كىتاپتا مىنالار اتاپ كورسەتىلدى: امەريكا قۇراما شتاتتارى جۋىردا جۇڭگوعا قاراتا كەدەن باجىسىن ۇستەمەلەپ سالۋدى جوعارىلاتاتىندىعىن جاريالادى، بۇل ەكى جاقتىڭ ەكونوميكا - ساۋدا ماسەلەسىن شەشۋگە ءتيىمسىز، جۇڭگو بۇعان توتەنشە قارسى تۇرادى، امالسىزدان بۇل جونىندە اڭىس قايتارىپ، ءوزىنىڭ زاڭدى ۇقىق - مۇددەسىن قورعايدى.اق تىستى كىتاپتا بىلاي دەپ باسا دارىپتەلدى: جۇڭگونىڭ پوزيتسياسى دايەكتى، ايقىن. جۇڭگو مەن امەريكا قۇراما شتاتتارى بەرەكەلى بولسا، ەكەۋىنە دە ءتيىمدى، بەلدەسسە، ەكەۋى دە زياندالادى، سەلبەستىك − ەكى جاقتىڭ بىردەن - ءبىر دۇرىس تالعامى. ەكى ەلدىڭ ەكونوميكا - ساۋدا الاۋىزدىعى مەن قاجالىسى جونىندە جۇڭگو سەلبەستىك ءتاسىلىن قولدانىپ، شەشىپ، ءوزارا تيىمدىلىك جەتكىزىپ تەڭ يگىلىككە كەنەلەتىن كەلىسىمگە قول جەتكىزۋدى ىلگەرىلەتۋدى قالايدى. دەسەدە، سەلبەستىكتە پرينسيپ، كەڭەسۋدە تومەنگى شەك بولادى، ەلەۋلى پرينسيپتىك ماسەلەدە جۇڭگو استە شەگىنشەكتەمەيدى. ساۋدا شايقاسى جونىندە جۇڭگو ونى جۇرگىزۋدى قالامايدى، جۇرگىزۋدەن دە قورىقپايدى، قاجەتتى كەزدە جۇرگىزبەي امالى جوق، بۇل پوزيتسيا ەجەلدەن وزگەرمەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.