تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

اكىمشىلىك تورەلىك ايتۋ ءتۇزىمىن كەمەلدەندىرىپ، اكىمشىلىك تورەلىك ايتۋ قىزمەتىن كۇشەيتەيىك

ورتالىق كوميتەت كەڭسەسى، مەملەكەتتىك كەڭەس كەڭسەسى «پىكىر» باسىپ تاراتتى

اكىمشىلىك تورەلىك ايتۋ ءتۇزىمىن كەمەلدەندىرىپ، اكىمشىلىك تورەلىك ايتۋ قىزمەتىن كۇشەيتەيىك

  شينحۋا اگەنتتىگىنىڭ 6 - ايدىڭ 2 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «اكىمشىلىك تورەلىك ايتۋ ءتۇزىمىن كەمەلدەندىرىپ، اكىمشىلىك تورەلىك ايتۋ قىزمەتىن كۇشەيتۋ جونىندەگى پىكىر»دى (تومەندە «پىكىر» دەلىنەدى) باسىپ تاراتتى ءارى حابارلاندىرۋ شىعارىپ، وڭىرلەردىڭ، تاراۋلاردىڭ ءىس جۇزىندىكپەن ۇشتاستىرىپ، مۇقيات دايەكتىلەندىرۋىن، تياناقتاندىرۋىن تالاپ ەتتى.

  «پىكىر»دە مىنالار اتاپ كورسەتىلدى: اكىمشىلىك تورەلىك ايتۋ − اكىمشىلىك ورگانداردىڭ ىسكە قاتىستى ادامداردىڭ وتىنىشىنە ساي، زاڭ، زاڭ ەرەجەلەردە بەرىلگەن ۇقىق بويىنشا، قالىس تۇردە اكىمشىلىك باسقارۋ قيمىلدارىمەن تىعىز قاتىستى ازاماتتىق ىستەر داۋ - شارىنا كەسىم جاساۋ، ونى ءبىر جاقتى ەتۋ ارەكەتىن جۇرگىزۋى بولىپ تابىلادى. اكىمشىلىك تورەلىك ايتۋ ونىمدىلىگى جوعارى، وزىندىك قۇنى تومەن، كاسىپتىك سيپاتى كۇشتى، ءتارتىپ رەتى ىقشامدى بولۋداي ەرەكشەلىككە يە، ول قايشىلىقتار مەن داۋ - شارلاردىڭ تەز شەشىلۋىن جەبەۋگە ءتيىمدى، ازاماتتىق ىستەر داۋ - شارىن شەشۋدەگى ”بولگىش قاقپاقشا“ رولىن ساۋلەلەندىرەدى.

  «پىكىر»دە مىنالار باسا دارىپتەلدى: اكىمشىلىك تورەلىك ايتۋ قىزمەتىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، مەملەكەتتى زاڭمەن جونگە سالۋعا، زاڭ بويىنشا بيلىك جۇرگىزۋگە، اكىمشىلىكتى زاڭ بويىنشا جۇرگىزۋدى بىرگە ىلگەرىلەتۋگە تاباندى بولۋ، زاڭمەن جونگە سالىناتىن مەملەكەت، زاڭمەن جونگە سالىناتىن ۇكىمەت، زاڭمەن جونگە سالىناتىن قوعام قۇرىلىسىن ءبىر تۇلعالاندىرۋعا تاباندى بولۋ تالابىنا ساي، اكىمشىلىك تورەلىك ايتۋ ارقىلى قايشىلىقتاردى، داۋ - شارلاردى شەشۋ ءتۇزىمىن ورناتىپ، كەمەلدەندىرىپ، پارتكوم باسشىلىق ەتەتىن، ۇكىمەت جاۋاپتى بولاتىن، ءارقايسى فۋنكتسيالىق تاراۋلاردى تۇلعا ەتكەن اكىمشىلىك تورەلىك ايتۋ قىزمەت ءتۇزىلىسىن بىرتىندەپ قالىپتاستىرىپ، حالىقتىڭ تىنىش ءومىر، شات - شادىمان تىرشىلىك كەشىرۋىن، قوعامنىڭ ادىلدىگىن، تۋراشىلدىعىن، مەملەكەتتىڭ باياندى تىنىشتىعىن جەبەۋگە پارمەندى كەپىلدىك ازىرلەۋ كەرەك.

  «پىكىر»دە مىنالار اتاپ كورسەتىلدى: تورەلىك ايتۋ قىزمەت جاۋاپكەرشىلىگىن شىن مانىندە اتقارىپ، جاراتىلىستىق بايلىق ۇقىعىنىڭ قاراستىلىعى تالاس - تارتىسى، ءبىلىم مەنشىك ۇقىعىنا قول سۇعۋ داۋ - شارى جانە تولەم بەرۋ تالاس - تارتىسى، ۇكىمەتتىك ساتىپ الۋ ارەكەتى تالاس - تارتىسى سياقتى جاقتارداعى اكىمشىلىك تورەلىك ايتۋ قىزمەتىن ءتۇيىندى جاقسى ىستەپ، ەكونوميكالىق، قوعامدىق دامۋعا اناعۇرلىم جاقسى قىزمەت وتەۋ كەرەك. قىزمەت ادىسىندە جاڭالىق اشىپ، وسى زامانعى ينفورماتسيا تەحنيكاسىنىڭ اكىمشىلىك تورەلىك ايتۋ قىزمەتى بارىسىندا قولدانىلۋىن بارىنشا جالپىلاستىرۋ كەرەك. اكىمشىلىك تورەلىك ايتۋدا ءبىر تۇتاس زاڭ شىعارۋدى ۇيلەسىمدى ۋاقىتتا ىلگەرىلەتىپ، زاڭ نەمەسە اكىمشىلىك زاڭ ەرەجە فورماسىمەن اكىمشىلىك تورەلىك ايتۋ ءتۇزىمىن ارناعا ءتۇسىرۋ كەرەك. اكىمشىلىك تورەلىك ايتۋدا قۇلاققاعىس ەتۋ ءتۇزىمىن ورناتىپ، اكىمشىلىك تورەلىك ايتۋدا جاردەم بەرۋ ءتارتىبىنىڭ ۇشتاستىرۋ مەحانيزمىن كەمەلدەندىرۋ كەرەك. اكىمشىلىك تورەلىك ايتۋداعى جاراستىرۋ قىزمەتىن كۇشەيتىپ، اكىمشىلىك تورەلىك ايتۋعا قاتىستى داۋ - شار كوپ تۋىلاتىن سالالاردا داۋ - شاردى شەشۋدىڭ ”ءبىر پۋنكت“تىك قىزمەت وتەۋ تۇعىرىن ورناتۋ جونىندە ىزدەنىس جاساپ، حالىق بۇقاراسىنىڭ ۇقىعىن زاڭ بويىنشا قورعاۋ بارىسىنداعى اۋىرتپالىعىن شىن مانىندە جەڭىلدەتۋ كەرەك.

  «پىكىر»دە مىنالار تالاپ ەتىلدى: جەرگىلىكتى ءار دارەجەلى پارتكومدار قايشىلىقتار مەن داۋ - شارلاردى شەشۋدەگى باسشىلىق رولىن تولىق ساۋلەلەندىرۋ، اكىمشىلىك تورەلىك ايتۋ جاۋاپكەرشىلىگىن ارقالايتىن اكىمشىلىك ورگاندار اكىمشىلىك تورەلىك ايتۋ قىزمەت مەحانيزمىن كەمەلدەندىرۋدى زاڭمەن جونگە سالىناتىن ۇكىمەت قۇرىلىسىن ىلگەرىلەتۋدىڭ ماڭىزدى تۇتقاسى ەتىپ، ءوز ءوڭىرىنىڭ، ءوز تاراۋىنىڭ زاڭمەن جونگە سالىناتىن ۇكىمەت قۇرىلىسىن تەكسەرىپ باعالاۋ جۇيەسىنە ەنگىزۋ كەرەك. جەر - جەر، تاراۋلار اكىمشىلىك تورەلىك ايتۋ قىزمەتى قوسىنى قۇرىلىسىن كۇشەيتىپ، اكىمشىلىك تورەلىك ايتۋ قىزمەتى قوسىنىنىڭ ماماندانا، كاسىبيلەنە دامۋ ۇلگىسىن بەلسەنە قاراستىرۋ كەرەك. اكىمشىلىك تورەلىك ايتۋ ءتۇزىمىن زور كۇشپەن ۇگىتتەۋ، جوعارى دارەجەلى اكىمشىلىك تاراۋلار تومەن دارەجەلى اكىمشىلىك تاراۋلاردىڭ اكىمشىلىك تورەلىك ايتۋ قىزمەتىن قۋزاۋدى، تەكسەرۋدى جانە وعان جەتەكشىلىك ەتۋدى كۇشەيتۋى كەرەك. ءادىليا مينيسترلىگى اكىمشىلىك تورەلىك ايتۋ قىزمەتىن جان - جاقتى سايكەستىرۋدى جانە قۋزاۋدى، تياناقتاندىرۋدى كۇشەيتىپ، وسى پىكىردىڭ اتقارىلۋ جاعدايىنا ۇيلەسىمدى ۋاقىتتا باعالاۋ جۇرگىزۋدى ۇيىمداستىرىپ، ماسەلەلەردى دەر كەزىندە بايقاۋى، سونداي - اق ۇسىنىس بەرۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.