شينحۋا اگەنتتىگىنىڭ 5 - ايدىڭ 29 - كۇنى چىڭدۋدان بەرگەن حابارى (ءتىلشى ۋ شياۋيىڭ). ول − «قىزىل جارتاس» رومانىنداعى جياڭ اپەكەنىڭ پروتوتيپى، ول − جازىدۇڭ تۇرمەسىندە جان تۇرشىگەرلىك جازاعا ۇشىراسادا قايىسپاعان ايەل قاھارمان، ونىڭ ىزگى ىستەرى كەڭ تارالىپ، نەشە ۇرپاق ادامعا ىقپال جاسادى جانە ولارعا شابىت بەردى. ول − جياڭ جۋجۇن، جۇڭگو كوممۋنيستىك پارتياسىنىڭ تاڭداۋلى مۇشەسى، ايگىلى توڭكەرىستىك ايەل قۇربان.
جياڭ جۋجۇن، سىچۋان ولكەسىنىڭ زىگۇڭ قالاسىنان. 1920 - جىلى 8 - ايدىڭ 20 - كۇنى داشانپۋ قالاشىعىنىڭ جياڭجياۋان دەگەن جەرىندە ديقان وتباسىندا دۇنيەگە كەلگەن. 8 جاسىندا شەشەسىمەن بىرگە چۇڭچيڭگە بوسىپ بارعان، 10 جاسىندا بايپاق فابريكاسىندا بالا جۇمىسشى بولعان، كەيىن ەمتيحان بەرىپ، چۇڭچيڭ نان - ان ورتا مەكتەبى مەن جۇڭگو جالپىلىق مەكتەبىنە قاراستى ورتا مەكتەپكە وقۋعا تۇسكەن.
1939 - جىلى جياڭ جۋجۇن جۇڭگو كوممۋنيستىك پارتياسىنا مۇشە بولادى. 1940 - جىلى كۇزدە جۇڭحۋا كاسىپتىك مەكتەبىنە وقۋعا تۇسەدى ءارى مەكتەپتىڭ استىرتىن پارتيا ۇيىمىنىڭ جاۋاپتىسى مىندەتىن ۇستىنە الىپ، جاس وقۋشىلار قىزمەتىمەن اينالىسادى.
1943 - جىلى پارتيا ۇيىمى ونى سول كەزدەگى جۇڭگو كوممۋنيستىك پارتياسى چۇڭچيڭ قالالىق پارتكومنىڭ باسشىلارىنىڭ ءبىرى پىڭ يۇڭۋدىڭ كومەكشىسى بولىپ، حابارلاسۋ، بايلانىس قىزمەتىن ىستەۋگە ورنالاستىرادى. سونىمەن قاتار ول ەكەۋى ەرلى - زايىپتىلار بولىپ جاسانىپ، ”وتباسىن“ قۇرىپ، چۇڭچيڭ قالالىق پارتكومنىڭ استىرتىن ورگانى جانە استىرتىن پارتيا ۇيىمىنىڭ ستيل دۇرىستاۋ ۇيرەنۋىنىڭ قولباسشىلىق ورتالىعى بولادى.
پارتيانىڭ نۇسقاۋىنا ساي، 1944 - جىلى جياڭ جۋجۇن سىچۋان داشۋەسىنە ءتۇسىپ، قاتارداعى جاي وقۋشى رەتىندە پارتيا قىزمەتىن ىستەيدى. 1945 - جىلى جياڭ جۋجۇن پىڭ يۇڭۋمەن تۇرمىس قۇرادى، كەيىن چۇڭچيڭدە قالىپ پىڭ يۇڭۋدىڭ قىزمەتىنە كومەكتەسىپ، پارتيا ىشىندەگى ىستەردى ءبىر جاقتى ەتۋگە جانە ىشكى - سىرتقى بايلانىس جۇمىستارىنا جاۋاپتى بولادى، جولداستار ونى جاقىن تارتىپ جياڭ اپەكە دەپ اتايدى.
1947 - جىلى جياڭ جۋجۇن جۇڭگو كوممۋنيستىك پارتياسى چۇڭچيڭ قالالىق كوميتەتىنىڭ جىبەرۋىمەن جوعارى، ورتا مەكتەپتەردەگى وقۋشىلاردى گومينداڭ كەرتارتپاشىلارىمەن ەرلىكپەن كۇرەسۋگە ۇيىمداستىرۋعا جاۋاپتى بولادى. كۇيەۋى پىڭ يۇڭۋدىڭ تىكە باسشىلىعىندا، جياڭ جۋجۇن تاعى جۇڭگو كوممۋنيستىك پارتياسى چۇڭچيڭ قالالىق پارتكومنىڭ استىرتىن باسىلىمى − «ۇدەرە تارتۋ گازەتى»نىڭ بايلانىس جاساۋ جانە ۇيىمداستىرۋ، تاراتۋ قىزمەتىن ۇستىنە الادى. سول جىلى كوكتەم مەن جازدا چۋاندۇڭداعى پارتيا ۇيىمى قىزمەت ءتۇيىنىن اۋىل - قىستاقتاعى قارۋلى كۇرەسكە اۋدارادى. پىڭ يۇڭۋ جوعارى ورىننىڭ نۇسقاۋىمەن چۋاندۇڭعا بارىپ قارۋلى كۇرەسكە باسشىلىق ەتىپ، جۇڭگو كوممۋنيستىك پارتياسى چۋاندۇڭ ۋاقىتشا كوميتەتىنىڭ مۇشەسى، قوسىمشا شياچۋاندۇڭ جەرگىلىكتى قىزمەت كوميتەتىنىڭ ورىنباسار شۋجيى بولادى. جياڭ جۋجۇن جۇڭگو كوممۋنيستىك پارتياسى چۋاندۇڭ ۋاقىتشا كوميتەتى، سونداي - اق شياچۋاندۇڭ جەرگىلىكتى كوميتەتىنىڭ بايلانىسشىسى رەتىندە كۇيەۋىمەن بىرگە كۇرەستىڭ ەڭ الدىڭعى شەبىنە اتتانادى.
1948 - جىلى پىڭ يۇڭۋ قارۋلى كوتەرىلىس ۇيىمداستىرعان كەزدە باقىتقا قارسى قۇربان بولادى. جياڭ جۋجۇن قايعى - قاسىرەتكە ءتوزىپ، كۇيەۋىنىڭ قىزمەتىن جالعاستىردى. ول بىلاي دەدى:”وسى شەپتىڭ قاتىناسىنا تەك مەن عانا قانىقپىن، مەن لاۋپىڭ قۇلاعان جەردە كۇرەستى جالعاستى جۇرگىزۋگە ءتيىسپىن“.
6-ايدىڭ 14 - كۇنى ساتقىنداردىڭ وپاسىزدىق جاساۋىمەن جياڭ جۋجۇن باقىتقا قارسى تۇتقىندالىپ، چۇڭچيڭداعى جازىدۇڭ تۇرمەسىنە قامالادى. گومينداڭ اسكەري تەكسەرۋ - ساناق مەكەمەسىنىڭ تىڭشىلارى: جازىعا تاڭۋ، اسپاققا اسۋ، ءتىستى بولات قامشى، سۇيمەن، ەلەكترمەن قيناۋ... اۋەلى، ون ساۋساعىنا بامبۇك شەگە قاعۋ سياقتى الۋان ءتۇرلى قيناۋ جازاسىن قولدانىپ، وسى ءبىر جاس ايەل كوممۋنيستەن سىر تارتىپ، قۇپيا پارتيا ۇيىمىن تالقانداماقشى بولادى. جاۋلاردىڭ جان تۇرشىگەرلىك ۇرىپ - سوعۋى الدىندا جياڭ جۋجۇن باستان - اياق تايسالمايدى، ”سەندەر مەنىڭ قولىمدى سىندىرارسىڭدار، باسىمدى الارسىڭدار، ءبىراق ، ۇيىمدى الا المايسىڭدار“. ”جان تۇرشىگەرلىك ۇرىپ - سوعۋ − بولماشى سىناق عانا، بامبۇك شەگە بامبۇكتەن جاسالعان، كوممۋنيستەردىڭ ەرىك - جىگەرى قۇرىشتان سوعىلعان!“.
1949 - جىلى 11 - ايدىڭ 14 - كۇنى چۇڭچيڭ ازات بولار قارساڭىندا، جياڭ جۋجۇن گومينداڭنىڭ اسكەري تەكسەرۋ - ساناق مەكەمەسىنىڭ تىڭشىلارى جاعىنان جازىدۇڭ تۇرمەسىندە قاستاندىققا ۇشىراپ، كوممۋنيزم مۇراتى جولىندا 29 جاستىق قىرشىن ءومىرىن قيادى.
جاڭا جۇڭگو قۇرىلعاننان كەيىن، جياڭ جۋجۇننىڭ ىزگى ىستەرى حاۋىپ - قاتەردەن امان قۇتىلعان تۇرمەدەگى دوستارى جاعىنان رومان بولىپ جازىلادى ءارى ىركەس - تىركەس ءبي ساحناسىنا كوتەرىلەدى، كوگىلدىر ەكرانعا جانە تەلە ەكرانىنا تۇسىرىلەدى.2007 - جىلى زىگۇڭ قالاسى داشانپۋ قالاشىعىنىڭ جياڭجياۋان دەگەن جەرىندەگى جياڭ اپەكەنىڭ تۇراعى سىرتقا رەسمي اشىلدى. قازىر بۇل ارا سىچۋانداعى ولكە دارەجەلى وتانشىلدىق تاربيە بازاسى بولىپ، جىلىنا زور توپتاعى پارتيا مۇشەلەرى، كادرلار، بۇقارا وسى اراعا كەلىپ ونى ساعىنا ەسكە الادى.
