ارپالىسىپ تولقىندارمەن، تەرەڭمەن

−”بۇگىنگى جۇڭگو“ جەلىلەس شولۋى (8)

شينحۋا اگەنتتىگىنىڭ تىلشىلەرى ان بەي، ۋاڭ ليبين، جاڭ شينشين

　　”جۇڭگو رەفورما جاساۋدى، ەسىك اشۋدى ۇزدىكسىز تەرەڭدەتەدى، جۇڭگونىڭ قاقپاسى جابىلمايدى، اشىلعان سايىن ايقارا اشىلا بەرەدى“.

　　”سەلبەستىك − جۇڭگو مەن امەريكا قۇراما شتاتتارىنىڭ بىردەن - ءبىر دۇرىس تاڭداۋى، تەڭ يگىلىككە كەنەلگەندە عانا، اناعۇرلىم جاقسى بولاشاققا بەت الۋعا بولادى“.

　　6 - ايدىڭ 2 - كۇنى مەملەكەتتىك كەڭەستىڭ اقپارات كەڭسەسى «جۇڭگو مەن امەريكا قۇراما شتاتتارىنىڭ ەكونوميكا - ساۋدا كەڭەسىندەگى جۇڭگو جاقتىڭ تۇرعىسى» اتتى اق تىستى كىتاپتى جاريالادى، مۇنداعى ماقسات − جۇڭگو مەن امەريكا قۇراما شتاتتارىنىڭ ەكونوميكا - ساۋدا كەڭەسىنىڭ نەگىزگى جاعدايىن جاپپاي تانىستىرىپ، جۇڭگونىڭ جۇڭگو مەن امەريكا قۇراما شتاتتارىنىڭ ەكونوميكا - ساۋدا كەڭەسى تۋرالى ساياسي تۇرعىسىن ءتۇسىندىرۋ.

　　وزىنە سەنۋ، اشىق، سيىسىمدىلىق، مىنە بۇل جۇڭگونىڭ دۇنيە جۇزىنە كورسەتكەن پەيىلى جانە كەلبەتى.

　　ارپالىسىپ تولقىندارمەن، تەرەڭمەن، ەكى ءجۇز جىل جاسارىما سەنەم مەن. بۇگىنگى تاڭداعى جۇڭگو وزىنە دەگەن كامىل سەنىممەن ارشىندى قاداممەن بەلگىلەنگەن نىساناعا تارتىپ بارادى، ءبىر ميلليارد 400 ميلليونعا جۋىق جۇڭگو حالقىنىڭ جىگەرى تاسقىنداۋدا، جاعدايدىڭ قالاي دامىپ، وزگەرۋىنە قاراماستان، ءوز ىستەرىن ويداعىداي ىستەۋدەن جازباي، اناعۇرلىم كوركەم بولاشاقتى بىرگە قۇرادى.

بەرىك سەنىم قۇدىرەتتى كۇشتەن، زور الەۋەتتەن كەلەدى

　　5 - ايدىڭ 28 - كۇنى 2019 - جىلعى جۇڭگو حالىقارالىق قىزمەت وتەۋ ساۋدا - ساتىق جينالىسى اشىلدى. 8000داي جۇڭگولىق، شەتەلدىك قۇرىلىم، 36 مىڭنان استام ساۋداگەر، سونداي - اق ولاردىڭ ۋاكىلدەرى، 300دەن استام مامان - وقىمىستى جينالىسقا قاتىناسىپ، قىزمەت وتەۋ ساۋداسى سالاسىنداعى وراسان زور ساۋدا ورايىن قاراستىردى؛

　　سول كۇنى امەريكا قۇراما شتاتتارى كورسەتكىش جاساۋ سەرىكتەستىگى (MSCI) ءوز ۋاعىندا جۇڭگونىڭ A جارناسىنا ەنگىزىلگەن فاكتورىن %5تەن %10كە ءوسىردى، 18 شارۋاشىلىق قۇرۋ تۇرىندەگى جارنا بەلەتىن قامتىعان جۇڭگونىڭ A 26 جارناسى MSCI جۇڭگو كورسەتكىشىنە ەنگىزىلدى؛

　　تاعى سول كۇنى جۇڭگو ۇكىمەتى حۇجات جاريالاپ، نازاردى مەملەكەت دارەجەلى ەكونوميكالىق، تەحنيكالىق اشۋ رايوندارىنىڭ ەسىك اشۋدا جاڭالىق اشۋىنا، عىلىم - تەحنيكادا جاڭالىق اشۋىنا، تۇزىمدە جاڭالىق اشۋىنا شوعىرلاندىرىپ، رەفورما جاساۋدىڭ، ەسىك اشۋدىڭ جاڭا بيىگىن قالىپتاستىردى...

　　نەبارى ءبىر كۇندە بۇگىنگى جۇڭگونىڭ الەم ەكونوميكاسىنىڭ تامىرىمەن ۇندەستىگى ايگىلەنىپ، جالت قاراتارلىق ومىرشەڭ كۇشى مەن قوزعاۋشى قۋاتى جارىققا شىقتى.

　　سەنىم قۇدىرەتتى مەملەكەت قۋاتى مەن ورنىقتى ەكونوميكالىق، قوعامدىق جالپى جاعدايدان كەلەدى −

　　بۇگىنگى جۇڭگو دۇنيە جۇزىندەگى ەكىنشى ۇلكەن ەكونوميكالىق تۇلعاعا ءتان قۋاتپەن دۇنيە ءجۇزى ەكونوميكاسىنىڭ ارتۋىنا قوسقان جىلدىق ۇلەسى %30 شاماسىندا بولدى؛ 2018 - جىلى ەكونوميكا جالپى مولشەرى 90 تريلليون يۋاندىق ۇلكەن وتكەلدەن ءوتتى، 80 تريلليون يۋاننان 90 تريلليون يۋاندىق ساتىعا كوتەرىلۋگە نەبارى ءبىر جىل ۋاقىت كەتتى، ءبىر تريلليون يۋاننان 10 تريلليون يۋانعا كوتەرىلۋگە جۇڭگو 14 جىل ۋاقىت جۇمساعان بولاتىن؛

　　بۇگىنگى جۇڭگو جەر شارىنداعى جاساۋ كاسىبىندەگى ءبىرىنشى ءىرى ەل ساناتىمەن دۇنيە جۇزىندەگى ەڭ كەمەلدى وسى زامانعى ونەركاسىپ جۇيەسىن قۇرىپ، بۇكىل جەر شارىنداعى كاسىپ تىزبەگىنىڭ كەم بولسا بولمايتىن قۇرامداس بولىگىنە اينالدى؛ ءداستۇرلى جاساۋ كاسىبى جەدەل تۇرلەنىپ، دارەجەسىن ءوسىردى، جاساندى زەردە، 5G، جاڭا ەنەرگيالى اۆتوموبيل سياقتى جاڭا تەحنيكا، جاڭا كاسىپتەر قاۋلاپ ءوسىپ، جۇڭگو ەكونوميكاسىنىڭ قوزعاۋشى كۇشى نىعايدى؛

　　بۇگىنگى جۇڭگودا عىلىم - تەحنيكادا جاڭالىق اشۋدىڭ اۋقىمى سەرپىندى بولدى، زەرتتەۋ - اشۋ قىزمەتكەرلەرىنىڭ جالپى مولشەرى دۇنيە جۇزىندە ءبىرىنشى ورىندى يەلەدى، بۇكىل قوعامنىڭ زەرتتەۋ - اشۋعا قوسقان قارجى ۇسىنىلىمى بۇكىل جەر شارىندا ەكىنشى ورىندى يەلەدى، ”2018 - جىلعى بۇكىل جەر شارىنىڭ جاڭالىق اشۋ كورسەتكىشى“ندەگى ورنى 17 - ورىنعا كوتەرىلدى، تاپقىرلىق پاتەنتىنە ءوتىنىش بەرۋ مولشەرى مەن ۇقىق بەرۋ مولشەرى دۇنيە جۇزىندە الدىڭعى ورىنعا شىقتى، جاڭالىق اشۋدىڭ ءبىرىنشى قوزعاۋشى كۇشتىك رولى كورنەكتى بولدى؛

　　بۇگىنگى جۇڭگودا ءبىر ميلليارد 300 ميلليوننان استام ادامدى قامتىعان بۇكىل جەر شارىنداعى ەڭ ۇلكەن قوعامدىق قامتاماسىزداندىرۋ تورى بار، ءبىر جىلدا 13 ميلليوننان استام ادامدى كەدەيلىكتەن ارىلتۋ كەرەمەتىن جاراتتى؛ حالىقتىڭ تۇرمىس ورەسى ۇزدىكسىز ءوستى، ورتا كىرىستى قاۋىم ۇزدىكسىز كەڭەيدى؛ وقۋ جاسىنا دەيىنگى تاربيەدەن، ءبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن، زارۋلەردى كومەكتەن يگىلىكتەندىرۋ سىندى حالىق تۇرمىسى تاراۋىن جازدى...

　　سەنىم اناعۇرلىم اقاۋسىز مەملەكەتتىڭ جونگە سالۋ جۇيەسى مەن اناعۇرلىم كەمەلدى ماكرولىق رەتتەۋ - مەڭگەرۋ قابىلەتىنەن كەلەدى −

　　جۇڭگو مەن امەريكا قۇراما شتاتتارىنىڭ ەكونوميكا - ساۋدا قاجالىسىنىڭ كەدەرگىسىنە سايكەس، جۇمىسقا ورنالاستىرۋدى ورنىقتىرۋ، فينانستى ورنىقتىرۋ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ، قارجى قوسۋدى ورنىقتىرۋ، مەجەنى ورنىقتىرۋدىڭ ءبىرسىپىرا ناقتى شارالارىن شىعارىپ، ماكرولىق ساياسات كەرى پەريودىن رەتتەۋگە كۇش سالىپ، دامۋ اۋقىمىن ورنىقتىرىپ، ارتۋ ءورىسىن كەڭەيتتى؛

　　جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ شەشۋشى مەزگىلىنە سايكەس، ەلەۋلى حاۋىپ - قاتەرلەردەن ساقتانۋ جانە ونى جويۋ، كەدەيلىكتەن دالمە - ءدال ارىلتۋ، لاستانۋدان ساقتانۋ جانە ونى جونگە سالۋ سىندى ءۇش ۇلكەن قامال الۋ شايقاسىن ورنىقتى، تىڭعىلىقتى جۇرگىزىپ، ورتا، ۇزاق مەزگىلدىك دامۋ ءۇشىن قامال بۇزىپ، اسۋدى الدى، جول اشتى.

　　جوعارى ساپالى دامۋ ساپارىنداعى قىرۋار قايشىلىقتار مەن سىن - سايىستارعا سايكەس، قامداۋ جاعىنداعى قۇرىلىمدىق رەفورمانى تەرەڭدەتۋگە كۇش سالىنىپ، جاڭاشا قالا - قالاشىقتاندىرۋ مەن اۋىل - قىستاقتى گۇلدەندىرۋ ۇندەستىك تاۋىپ، ماڭىزدى وڭىرلەر ستراتەگياسى بىرتىندەپ ورىستەتىلىپ، تۇتىنۋ ەكونوميكالىق ارتۋعا دەم بەرەتىن ءبىرىنشى قوزعاۋشى كۇشكە اينالدى، جۇڭگو بازارىنىڭ باۋراۋ قۋاتى دۇنيە ءجۇزىنىڭ نازارىن اۋدارىپ، دامۋ ءورىسى اناعۇرلىم كەڭەيدى...

　　داۋىل مەن تولقىن ۇزدىكسىز ۇدەسە دە جۇڭگو ءالى دە دۇنيە جۇزىندەگى دامۋى ەڭ جاقسى، الەۋەتى ەڭ زور، سەرپىمدىلىگى ەڭ جەتكىلىكتى مەملەكەتتەردىڭ ءبىرى. ”جۇڭگولىقتاردىڭ وزىندىك دامۋ ۇلگىسىنە دەگەن سەنىمى اناعۇرلىم ارتا ءتۇستى“. تاياۋدا امەريكا قۇراما شتاتتارىنىڭ «ۋالل - ستريت گازەتى» وسىلاي دەپ جازدى.

تولىق سەنىم ورايدىڭ ساتىنەن، ءداۋىردىڭ اۋقىمىنان كەلەدى

　　دۇنيە ءجۇزى جۇڭگونىڭ جوعارى جىلدامدىقتى پويەزىنىڭ جىلدامدىعىنا تاعى دا نازار اۋداردى.

　　5 - ايدىڭ 23 - كۇنى ساعاتتىق جىلدامدىعى 600 كيلومەتر كەلەتىن جوعارى جىلدامدىقتى ماگنيتتى قالقىمالى سىناق ۇلگى پويەزى چيڭداۋدا ءوندىرىلىپ، اۆياتسيا مەن جوعارى جىلدامدىقتاعى پويەز ارقىلى جولاۋشى تاسىمالداۋدىڭ اراسىنداعى ساپار جىلدامدىعىنىڭ بوستىعىن تولتىردى. ەكونوميكالىق، قوعامدىق دامۋدىڭ كۇشتى سۇرانىسىنا سايكەسىپ، ەنگىزۋدەن، قابىلداۋدان، سىڭىرۋدەن تارتىپ، دەربەس جاڭالىق اشۋعا، دەربەس ءبىلىم مەنشىك ۇقىعىنا دەيىن، جۇڭگو الەمدەگى جوعارى جىلدامدىقتى پويەز تەحنيكاسىنىڭ قارىشتاي دامۋىنىڭ ”داۋىرلىك ورايى“ن ءساتتى يگەرىپ، جوعارى جىلدامدىقتاعى پويەزدى جۇڭگو وندىرگەن ادەمى تانىستىرعىعا اينالدىردى.

　　بۇل بۇگىنگى جۇڭگونىڭ ۋاقىت پەن اۋقىمدى دۇرىس يگەرىپ، دامۋدىڭ ىرىقتىلىعىنا يە بولعاندىعىنىڭ جاندى كارتيناسى.

　　سەنىم جۇڭگونىڭ دامۋىنىڭ ءالى دە ماڭىزدى ستراتەگيالىق وراي مەزگىلىندە تۇرعاندىعى ءارى ۇزاق مەزگىل تۇراتىندىعى جونىندەگى تۇجىرىمنىڭ وزگەرمەگەندىگىنەن كەلدى .

　　زات ءوندىرۋ مولشەرى 575 مىڭ داناعا، ارتۋ قارقىنى %65.7كە جەتتى. قۇبىلمالى الەم بازارىندا ”بۇعاناسى قاتا قويماعان“ جاڭاشىل كاسىپورىن سايىستاردان تايسالماي، بازاردىڭ جاقسى باعاسىنا يە بولدى.

　　”تاجىريبەحانادان باستاپ ىستەپ، قارجىنى شوعىرلاندىرىپ، زەيىن سالا زەرتتەپ اشتىق“، - دەدى جيمي عىلىم - تەحنيكاسىنىڭ باسالقاسى جۇڭ بو. الدىمەن 1080p ەرەكشە انىق زەردەلى پروەكتسيانى، 120 ديۋمدىق Κ4قوس رەڭدى لازەر نۇرلى تەلەۆيزوردى بازارعا سالدى، AI ەكرانسىز تاجىريبەحانا قۇردى، اشىق جاسامپاز ەكولوگيا ورناتتى، جيمي عىلىم - تەحنيكاسى قاجەتى قاناعاتتانعان وتباسى تەلەۆيزيا، راديو سالاسىنداعى قات - قابات قورشاۋدى تالقاندادى، الارماندارى الەمدەگى 100 نەشە مەملەكەت پەن رايوندى شارپىدى.

　　قاتەردەن وراي قاراستىرىپ، قاتەردى ورايعا اينالدىردى. كىشكەنەسى ءبىر كاسىپورىننان تارتىپ، ۇلكەنى ءبىر مەملەكەتكە دەيىن ءبارى وسىلاي.

　　بۇگىنگى دۇنيە ءجۇزى 100 جىلدا كەزىكپەيتىن ۇلكەن وزگەرىسكە ءدوپ كەلدى، ءتۇرلى حاۋىپ - قاتەر قاباتتاسىپ، دۇنيە ءجۇزى ەكونوميكاسىنىڭ ورنىقتى ارتۋىنا شابۋىلعا ءوتتى.

　　40 جىل جوعارى جىلدامدىقپەن قارىشتاعان بۇگىنگى جۇڭگونىڭ دامۋى شەشۋشى سەكىرۋدىڭ تاريحي وتكەلىنە ءدوپ كەلدى: حالىقتىڭ پايداسى باسەڭدەدى، ءتۇزىم پايداسى، تەحنيكا پايداسى اشۋدى كۇتىپ تۇر؛ قوعامدىق ءوندىرىس قابىلەتى بارىنشا جوعارىلادى، ءوندىرىس قۋاتى قاجەتتەن اسىپ قالدى، ءونىمدى قامداۋدىڭ جەتىسپەۋى بارعان سايىن كورنەكتىلەندى؛ حالىق زاتتىق مادەنيەت تۇرمىسىنا اناعۇرلىم جوعارى تالاپ قويۋمەن قاتار، دەموكراتيا، زاڭمەن جونگە سالۋ، ادىلدىك، تۋراشىلدىق، حاۋىپسىزدىك، قورشاعان ورتا سياقتى جاقتارداعى تالابى دا كۇننەن - كۇنگە ارتتى...

　　”جاڭا وراي استە اسپاننان تۇسكەن ماي شەلپەك تە، ىڭعايعا جۇگىرەتىن وراي دا ەمەس، قايتا قاسقايا قارسى ۇمتىلاتىن، تايسالماي العا تارتاتىن وراي“، - دەدى ورتالىق ساياسي - ەكونوميكا كوميتەتى كەڭسەسىنىڭ ورىنباسار مەڭگەرۋشىسى حان ۋىنشيۋ.

　　ەكونوميكالىق قۇرىلىمدى ساپالىلاندىرۋدى، جاقسارتۋدى جەدەلدەتۋدىڭ جاڭا ورايىن يگەردى، عىلىم - تەحنيكادا جاڭالىق اشۋ قابىلەتىن ءوسىرۋدىڭ جاڭا ورايىن يگەردى، رەفورما جاساۋدى، ەسىك اشۋدى ىلگەرىلەتۋدى تەرەڭدەتۋدىڭ جاڭا ورايىن يگەردى، جاسىل دامۋدى جەدەلدەتۋدىڭ جاڭا ورايىن يگەردى، الەمدى جونگە سالۋ جۇيەسىن وزگەرتۋگە ات سالىسۋدىڭ جاڭا ورايىن يگەردى...

　　بۇگىنگى جۇڭگو قيىندىقتاردان تايسالماي، جاپالى، ناقتى ىستەۋ بارىسىندا وراي جاراتتى، ورايدى يگەرۋ بارىسىندا جاڭا تاريحتى جازدى...

　　سەنىم ءداۋىر اعىمىنا سايكەسىپ، تاريحي جالپى جاعدايدى يگەرەتىن بايقاي ءبىلۋ قابىلەتى مەن ارەكەت قابىلەتىنەن كەلدى

　　5 - ايدىڭ باس شەنىنە دەيىن 2 - كەزەكتى جۇڭگو حالىقارالىق يمپورت كورمەسىنىڭ كاسىپورىندار كورمەسى دۇنيە جۇزىندەگى 500 ەگەي كاسىپورىن مەن باستاماشى كاسىپورىن اراسىنان 250 نەشەسىن ات سالىسۋعا باۋرادى، بۇل بىلتىرعى سايكەس مەزگىلدەگى قارقىننان بارىنشا تەز بولدى، كەيبىر كورمە رايونىنان ”ءبىر ورىنعا دا يە بولۋ مۇڭ بولدى“.

　　”بيىل ءبىز تاعى ەڭ وزىق ونىمدەرىمىزدى جۇڭگوعا اكەلىپ، اۆياتسيا، ەمدەۋ، ەنەرگيا، تۋىندايتىن ەنەرگيا سياقتى سالالارداعى جاڭا تەحنيكالارىمىزدى كورسەتەمىز، سونىمەن قاتار ماتەريال ساۋداگەرلەرىمىز سياقتى سەلبەستىك سەرىكتەرىمىزدىڭ يمپورت كورمەسىنە كەلىپ قاتىناسۋىن ىلگەرىلەتەمىز“، - دەدى تۇڭيۇڭ ەلەكتر (جۇڭگو) شەكتى سەرىكتەستىگىنىڭ ۇكىمەت ىستەرى جانە ساياسات بويىنشا ورىنباسار مەڭگەرۋشىسى چىن رۇڭشىڭ.

　　دۇنيە ءجۇزىنىڭ كوپ ۇيەكتەنۋىن، ەكونوميكانىڭ جاھاندانۋىن، قوعامنىڭ ينفورماتسيالانۋىن، مادەنيەتتىڭ كوپ تۇرلىلەنۋىن ىشكەرىلەي دامىتىپ، بەينەت پەن زەينەتتى ءبىر كورەتىن تاعدىرلاس ورتاق تۇلعا، سەلبەستىك جاساسىپ، تەڭ يگىلىككە كەنەلەتىن مۇددە ورتاق تۇلعا قالىپتاستىرۋ ەل تىلەگى، ءداۋىر بەتالىسى.

　　بازارعا كىرۋگە رۇقسات ەتۋدى بارىنشا كەڭەيتتى، ءبىلىم مەنشىك ۇقىعىن قورعاۋدى كۇشەيتتى، ەركىن ساۋدا سىناق رايونىن كەڭەيتتى، شەتەل ساۋداگەرلەرى قارجى قوسۋىنىڭ ۇنامسىز تىزىمدىگىن ىقشامدادى... جۇڭگو ورايى جەر شارىنداعى اناعۇرلىم كوپ تەڭ يگىلىكتەنۋشىنى باۋرادى.

　　بيىل 1 - ايدان 4 - ايعا دەيىن، جۇڭگونىڭ ءىس جۇزىندە شەتەل قارجىسىنان پايدالانۋى سايكەس مەزگىلدەگىدەن %6.4 ارتتى، مۇندا جاساۋ كاسىبىنىڭ ءىس جۇزىندە شەتەل قارجىسىنان پايدالانۋى سايكەس مەزگىلدەگىدەن %11.4 ارتتى؛ جاڭادان قۇرىلعان شەتەلدىك ساۋداگەرلەر قارجى قوساتىن كاسىپورىندار 13 مىڭنان استى؛ سىرتقى ساۋدانىڭ يمپورت - ەكسپورتى سايكەس مەزگىلدەگىدەن %4.3 ارتتى.

　　امەريكا قۇراما شتاتتارى سىمدى تەلەۆيزيا اقپارات سايتىنىڭ 5 - ايدىڭ 27 - كۇنگى حابارى جۇڭگونى بىلاي دەپ سۋرەتتەدى: ”بۇل وقۋ - اعارتۋ، حالىقارالىق ساۋدا، نەگىزدىك قۇرىلعىلارعا قارجى قوسۋ جانە تەحنيكانى جاڭالاۋ ارقىلى حالىقتىڭ تۇرمىس ورەسىن قۇلشىنا جوعارىلاتاتىن مەملەكەت“، ”جۇڭگومەن سەلبەستىك جاساسۋدان ءبىزدىڭ تۇسىرەتىن پايدامىز الدەقايدا كوپ“.

　　حالىقتىڭ تاماشا تۇرمىسقا دەگەن تالپىنىسىنا سايكەسىپ، ەسىك اشۋ بارىسىندا دۇنيە جۇزىمەن تاماشا ىقپالداستىق جاساپ، بىرگە گۇلدەنىپ - كوركەيدى، بۇگىنگى جۇڭگو تاريحتىڭ العا باسۋىنىڭ لوگيكاسىندا العا ىلگەرىلەدى، ءداۋىر دامۋىنىڭ اعىمىندا دامىدى، ارىنى بوگەۋ بەرمەيدى.

مىزعىماس سەنىم 100 ميلليونداعان حالىقتىڭ كۇرەسى مەن جاسامپازدىعىنان كەلەدى

　　امەريكا قۇراما شتاتتارىنىڭ يمپورت ساۋداگەرلەرىمەن سەلبەستىك جاساپ، ۇستەمە قۇنى اناعۇرلىم جوعارى ونىمدەر اشىپ، %25تىك كەدەن باجىسىن ۇستەمەلەپ سالۋدىڭ ىقپالىنا دولايلاستىردىق؛ تەبىندى ارتتىرىپ، جاپونيا، ءۇندىستان، ەۆروپا، سونداي - اق لاتىن امەريكاسى بازارىن اشتىق... جىجياڭداعى ءبىر ەكسپورت سەرىكتەستىگىنىڭ جاۋاپتىسى تىلشىگە بىلاي دەدى: امەريكا قۇراما شتاتتارى جاقتىڭ جاڭا كەزەكتى كەدەن باجىسىن ۇستەمەلەپ الۋىنان كەيىن، باسەكە باسىمدىعى از ونىمدەر بازاردان ايرىلۋى مۇمكىن. كاسىپورىندار بار كۇشىن جۇمىلدىرىپ، باسەكەلىك قابىلەتى كۇشتى ونىمدەردى جوعارىلاتۋدا، دامۋدى استە توقىراتپايمىز.

　　كاسىپورىنشىلار ەسەپتى تاپتەشتەپ سوعىپ، ۇكىمەت ءادىس - امال ويلاستىرىپ، مەملەكەت سىرتىنداعى سەلبەسۋشى سەرىكتەر اقىل كورسەتىپ، وزىندىك قۇندى قۇلشىنا تومەندەتىپ، ونىمدەردىڭ باسەكەلىك قابىلەتىن جوعارىلاتىپ، كوپ نەگىزدى بازار اشتى، بۇل ءتىلشىنىڭ جۋىق مەزگىلدە شىعىس بولىكتەگى ءىرى ولكە − جىجياڭدا تەكسەرىپ - زەرتتەۋ بارىسىندا ۇعىسقان جاعدايلارى.

　　قايىسپاس قايسارلىق، مىعىم سەنىم، بۇل ميلليونداعان كاسىپورىنشىلاردىڭ بازار ەكونوميكاسى بارىسىنداعى كۇرەس رۋحى، ونان دا ماڭىزدىسى، 100 ميلليونداعان جۇڭگو حالقىنىڭ تاماشا تۇرمىسقا قايراتتانا تالپىنعاندىعىنىڭ كارتيناسى.

　　مىنە بۇل جۇڭگو سەنىمىنىڭ مىعىم نەگىزى، سارقىلماس قوزعاۋشى كۇشى.

　　مىنە بۇل بۇگىنگى جۇڭگو −

　　مىنە سيفرلاسقان ادامسىز زاۆودتا قۇلتەمىر ارقىلى قۇلتەمىر جاساۋ جۇرىلۋدە؛ جاساندى زەردە تانىمدىق توڭكەرىستى باستادى؛ جوعارى جىلدامدىقتاعى پويەز، ۇشقىشسىز ۇشاق دۇنيە ءجۇزىنىڭ الدىنا ءوتتى... جاساۋداعى ءىرى ەل اسقاق بوي كوتەرۋدە.

　　مىنە بۇل بۇگىنگى جۇڭگو −

　　ساياحات، مادەنيەت، دەنە تاربيە سياقتى دارەجەسىن جوعارىلاتۋ تۇرىندەگى تۇتىنۋ شالقي ءتۇستى؛ ساتۋشىسىز ەرەن بازار، بەت الپەت ارقىلى اقشا تولەۋ، جەلىدەگى جانە جەلىدەن تىسقارىلىق ءبىر تۇلعالانعان دۇكەن، جاڭا تۇردەگى بولشەك ساتۋ ۇزدىكسىز جاڭا بەتتەر اشۋدا؛ اۋىل - قىستاق ەلەكتروندىق ساۋداگەرلەرى تۇس - تۇستا جامىرادى... ءبىر ميلليارد 400 ميلليونعا جۋىق جان سانىنىڭ ۇزدىكسىز دارەجەسىن جوعارىلاتقان، تاماشا تۇرمىسقا دەگەن تالپىنىسى، تۇتىنۋ ءىرى بازارى تۇتاس جەر شارىنىڭ نازارىن بۇردى.

　　مىنە بۇل بۇگىنگى جۇڭگو −

　　100 ميلليوننان اسقان بازار تۇلعاسى، 900 ميلليون ەڭبەككۇش، 100 ميلليونمەن ەسەپتەلەتىن الۋان ءتۇرلى كاسىپتىك - تەحنيكالىق ادامدار مەن شەبەر ەڭبەككۇشتەر، دارىندىلار قىمباتتى بايلىققا اينالدى، جاڭالىق اشۋ، شارۋاشىلىق قۇرۋ ءداۋىردىڭ داڭقتى ءىسى بولدى، كەيبىر سالالاردا عىلىم - تەحنيكالىق ورە ىلەسە ەرۋدەن قاتارلاسا جۇگىرۋگە، باستاپ جۇگىرۋگە ءوتىپ، ەجەلگى وركەنيەتتى ەل جاڭالىق اشۋداعى قۇدىرەتتى ەلگە قاراي ىلگەرىلەۋدە.

　　مىنە بۇل بۇگىنگى جۇڭگو، قيىنشىلىق پەن سىن - سىناقتارعا بەتپە - بەت كەلەتىن قايسارلىق پەن باتىلدىققا دا يە، ءتىپتى، جوعارى ساپالى دامۋعا ۇمتىلاتىن سەنىم مەن قوزعاۋشى كۇشكە دە يە.

　　بۇل سەنىم مىزعىماس بەتالىستىڭ جەتەكتەۋىنەن، جول تاڭداۋدان كەلدى، رەفورمانى تەرەڭدەتۋگە، ەسىك اشۋدى كەڭەيتۋگە تاباندى بولاتىن باتىلدىقپەن بەكىمنەن كەلدى.

　　5 - ايدىڭ 29 - كۇنى اشىلعان ورتالىقتىڭ رەفورمانى جاپپاي تەرەڭدەتۋ كوميتەتىنىڭ 8 - رەتكى ماجىلىسىندە ماكرولىق رەتتەۋ - مەڭگەرۋدە جاڭالىق اشۋ جانە ونى كەمەلدەندىرۋ، كينو - تەلەۆيزيا كاسىبىنە جان - جاقتى رەفورما جۇرگىزۋدى تەرەڭدەتۋ، جاڭالىق اشۋ قابىلەتىن ارتتىرىپ، ەسىك اشۋ، سەلبەستىك جاساۋ سياقتى 10 جاقتاعى رەفورما پىكىرلەرى قارالىپ بەكىتىلدى.

　　ءىرى ىستەرگە كەزىككەن سايىن بايىپتى بولدى. سىرتقى جاقتا تۇراقسىز، ورنىقسىز فاكتورلار كوبەيگەن، رەفورما جاساۋ، ەسىك اشۋ جاڭا احۋالدارعا، جاڭا ماسەلەلەرگە ءدوپ كەلگەن جاعدايدا، پارتيا ورتالىق كوميتەتى ستراتەگيالىق تۇراقتىلىقتان جازباي، ەلەۋلى قايشىلىقتار مەن كورنەكتى ماسەلەلەردىڭ الدىن الۋدا جانە ونى جويۋدا ۇزدىكسىز ناقتى ءادىس - امالدار شىعارىپ، تەگەۋرىندى تاسىلدەر كورسەتىپ، رەفورمانىڭ ەكونوميكا مەن قوعامنىڭ دامۋ كەلەلى جاعدايىنا اناعۇرلىم قىزمەت وتەۋىن ىلگەرىلەتتى.

　　بازارعا كىرۋگە رۇقسات ەتۋدەگى قامال - كەدەرگىلەردى ەڭ جوعارى شەكتە جويىپ، ميكرو تۇلعالاردىڭ ومىرشەڭدىك كۇشىن ارتتىرىپ، مەملەكەت قارجىلاندىرعان كاسىپورىندار، قازىنا - سالىق فينانس، جەر ءتۇزىمى سياقتى ماڭىزدى سالالارداعى جانە شەشۋشى بۋىندارداعى رەفورمانى تەزدەتتى... رەفورمانى تەرەڭدەتۋ ارقىلى العا باسۋ بارىسىنداعى كەدەرگىلەردى جويدى، ءبىرسىپىرا شارالار جۇڭگونىڭ دامۋداعى قوزعاۋشى قۋاتىن اناعۇرلىم نىعايتتى.

　　بۇل سەنىم حالىقتى وزەك ەتكەن قۇن بەتالىسىنان كەلدى، حالىقتىڭ قاجەتىن ۇزدىكسىز قاناعاتتاندىرىپ، حالىقتىڭ ومىرشەڭدىك كۇشىن قاۋلاتتى.

　　جەكەلەر تابىس سالىعى رەفورماسىن تياناقتاندىرۋ، جاڭالىق اشۋعا، شارۋاشىلىق قۇرۋعا جىگەرلەندىرۋ، ەكولوگيالىق جونگە سالۋدى كۇشەيتۋ، كەدەيلىكتەن ارىلتۋدان قامال الۋدى ىلگەرىلەتۋ، نەگىزگى الەۋمەتتىك قىزمەت وتەۋ قامداۋىن ساپالىلاندىرۋ... حالىق كوڭىل بولەتىن ماسەلەلەر اناعۇرلىم جاقسى شەشىلۋدە.

　　ەڭبەكشىلدىك كوكتەم ءوتىپ كۇز جەتكەندە مول ونىمگە كەنەلتەدى. جاڭا جۇڭگو قۇرىلعان 70 جىلدان، اسىرەسە، رەفورما جاسالعان، ەسىك اشىلعان 40 نەشە جىلدان بەرى، جۇڭگو حالقى قاجىرلىلىقپەن كۇرەس جۇرگىزىپ، قايىسپاي سايىسىپ، مەملەكەتتە جويقىن وزگەرىستەر تۋىلۋىن ىلگەرىلەتتى. جۇڭگو ەكونوميكاسى ”كۇيرەدى ءپاتۋاسى“، ”قاتتى قونۋ“، ”جىلدامدىعىن جوعالتتى ءپاتۋاسى“ سياقتى سىرتقى جاقتىڭ سان الۋان شۋىلىندا حالىقتىڭ تۇرمىسى جەتكىلىكسىزدىكتەن باردامدىققا، كەدەيلىكتەن دوڭگەلەك داۋلەتكە بەت الىپ، جۇڭحۋا ۇلتىنىڭ ۇلى گۇلدەنۋىنىڭ تاماشا پاراقتارىن جازدى.

　　تاريح كەلەشەككە ايتىپ باراتىن بولادى. 9 ميلليون 600 مىڭ شارشى كيلومەتر كەڭ - بايتاق توپىراقتا جۇڭحۋا ۇلتىنىڭ ۇزاقتان - ۇزاق كۇرەسىمەن قوردالانعان مادەنيەت ءنارىن قابىلداعان، ءبىر ميلليارد 400 ميلليون جۇڭگو حالقىنىڭ جويقىن كۇشىن توعىستىرعان بۇگىنگى جۇڭگو جاڭا ءداۋىردىڭ ۇزاق جورىعىندا، بۇرىن - سوڭدى بولماعان قايراتپەن العا باسقان بەت - بەينەمەن بوران - شاشىننان تايسالماي، ايبىنمەن ىلگەرىلەۋدە.

　　(جازۋعا قاتىناسقاندار: شاڭ ييىڭ، جوۋ رۇي، يۇي شيانحۇڭ)

　　(شينحۋا اگەنتتىگىنىڭ 6 - ايدىڭ 2 - كۇنى بەيجيڭنەن بەرگەن حابارى)