تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوننىڭ باسشىلارى ءىسلام ءدىنى سالاسىنداعى ۋاكىل قايراتكەرلەرگە امانداسا بارىپ، حال سۇرادى

  6 - ايدىڭ 5 - كۇنى ورازا ايت مەرەكەسى. اۆتونوميالى رايوننىڭ باسشىلارىنان چىن چۋانگو، شوكىرات زاكىر، شاۋكەت يمين، نۇرلان ءابىلماجىن، سۇن جينلۇڭ، لي پىڭشين، ۋاڭ جۇنجىڭ جەكە - جەكە اۆتونوميالى رايوندىق ءىسلام ءدىنى قوعامىنىڭ باستىعى، شينجياڭ ءىسلام شۋەيۋانىنىڭ باستىعى ابدۇرىقىپ ءتومۇرنياز، ءۇرىمجى قالاسى شانشي ۇلكەن مەشىتىنىڭ احۇنى ما شوۋشين، ءۇرىمجى قالاسى اق مەشىتىنىڭ يمامى ابدۇشكۇر راحىمەتوللا، سانجى قالاسى شانشي ۇلكەن مەشىتىنىڭ احۇنى كوۋ جينفا، ءۇرىمجى قالاسى ياڭحاڭ مەشىتىنىڭ يمامى ءمۇحتارام شەرىپ، ءۇرىمجى قالاسى نيانزىگوۋ جولى مەشىتىنىڭ احۇنى باي شىڭفۋ، بيڭتۋان 12 - شى 1 - مامىر ەگىس الاڭى تۇڭشياڭدۇڭ مەشىتىنىڭ احۇنى چىن يۇن، سانجى قالاسى يۇيشۋگوۋ قالاشىعى حۋاڭبانچۇي مەشىتىنىڭ يمامى قابي قاپاس، قۇتىبي اۋدانى قۇتىبي قالاشىعى شانشي مەشىتىنىڭ احۇنى ياڭ جيە، حوتان قالاسى ءجاما مەشىتىنىڭ حاتيبى وبۇلھاسەن تۇرسىننياز قاتارلى رايونىمىزدىڭ ءىسلام ءدىنى سالاسىنداعى ۋاكىل قايراتكەرلەرگە، سونداي - اق قايتىس بولعان وتانشىل ءدىني قايراتكەر، جۇڭگو ءىسلام ءدىنى قوعامىنىڭ بۇرىنعى ورىنباسار باستىعى جۇما تايىردىڭ، قاجياكباردىڭ، داۋكىش ءدۇزبايدىڭ تۋىس - تۋعاندارىنا امانداسا بارىپ، حال سۇرادى نەمەسە قاتىستى ايماق، وبلىستارداعى جاۋاپتى جولداستارعا امانداسا بارىپ، حال سۇراۋدى تاپسىردى، ولارعا شىنايى مەرەكەلىك سالەم جولدادى.

  چىن چۋانگو، شوكىرات زاكىر قاتارلى اۆتونوميالى رايوننىڭ باسشىلارى امانداسا بارىپ، حال سۇراۋ كەزىندە مىنانى ءبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتى ءدىن قىزمەتىنە وسكەلەڭ ءمان بەرىپ، وتانشىل ءدىني قايراتكەرلەرگە ەرەكشە كوڭىل ءبولدى. سوڭعى جىلدارى، رايونىمىزدىڭ ءدىن سالاسىنداعى قالىڭ قايراتكەر وتاندى ءسۇيىپ، ءدىندى قاستەرلەۋ تاماشا ءداستۇرىن زور كۇشپەن ساۋلەلەندىرىپ، وتاننىڭ تۇتاستىعىن، قوعام ورنىقتىلىعىن، ۇلتتار ىنتىماعىن، ءدىن تاتۋلىعىن قورعاۋعا بەلسەنە ۇلەس قوستى. ءدىن سالاسىنداعى قالىڭ قايراتكەرلەردىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن سانالىلىقپەن ۇيرەنىپ، وتاندى ءسۇيىپ، ءدىندى قاستەرلەۋ تاماشا ءداستۇرىن ۇزدىكسىز ساۋلەلەندىرىپ، ەلىمىزدىڭ ءدىندى جۇڭگوشالاندىرۋ بەتالىسىنان جازباي، ءدىني ماعلۇماتىن ۇزدىكسىز تەرەڭدەتىپ، وسى زامانعى مادەنيەت بىلىمدەردى كەڭ كولەمدە ۇيرەنىپ، ءدىن تاعىلىمدارىنىڭ، ءدىن قاعيدالارىنىڭ ىشىندەگى قوعامنىڭ جاراسىمدىلىعىنا، ءداۋىردىڭ العا باسۋىنا، اقاۋسىز وركەنيەتكە پايدالى مازمۇنداردى ىشكەرىلەي اشىپ، ءدىن قاعيدالارىن، ءدىن تاعىلىمدارىن وسى زامانعى جۇڭگونىڭ دامۋ، العا باسۋ تالابىنا ۇيلەستىرە، جۇڭحۋانىڭ تاڭداۋلى ءداستۇرلى مادەنيەتىنە ۇيلەستىرە وتىرىپ ءتۇسىندىرىپ، ءدىننىڭ سوتسياليستىك قوعامعا ۇيلەسۋىن بەلسەنە جەبەپ، ساياسيدا سەنىمدى، ءدىن جاعىندا ءبىلىمدى، ءمورال جاعىندا بۇقارانى يلاندىرا الاتىن، شەشۋشى ساتتە رول اتقاراتىن وتانشىل ءدىني قايراتكەر بولۋعا قۇلشىنىپ، دىنگە سەنەتىن قالىڭ بۇقارانى شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بەلسەنە ۇلەس قوسۋعا باستاۋ كەرەك. ءار دارەجەلى پارتكومدار مەن ۇكىمەتتەر پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، ءدىني ۇيىمداردىڭ، ءدىني مەكتەپتەردىڭ، ءدىني قيمىل ورىندارىنىڭ، ءدىني قايراتكەرلەردىڭ جانە دىنگە سەنەتىن بۇقارانىڭ زاڭدى ۇقىق - مۇددەسىن زاڭ بويىنشا، بەلگىلەمە بويىنشا قورعاپ، ازاماتتاردىڭ ءدىني سەنىم ەركىندىگى ۇقىعىنا قۇرمەت ەتىپ جانە ونى قورعاپ، دىنگە سەنەتىن بۇقارانىڭ قالىپتى ءدىني قاجەتى مەن قالىپتى ءدىني قيمىل ورىستەتۋىن زاڭ بويىنشا قامتاماسىز ەتۋ كەرەك. ءار دارەجەلى باسشى كادرلار وتانشىل ءدىني قايراتكەرلەردى جاقىنىنا، دوسىنا بالاۋدان جازباي، قىزمەت وتەۋدى اناعۇرلىم كەمەلدەندىرىپ، ولاردىڭ ءىس جۇزىندىك قيىنشىلىقتارى مەن ماسەلەلەرىن شىن ىقىلاسىمەن كومەكتەسىپ شەشۋى كەرەك.

  اۆتونوميالى رايوننىڭ ءىسلام ءدىنى سالاسىنداعى ۋاكىل قايراتكەرلەر ءبىر اۋىزدان مىنالاردى ءبىلدىردى: اۆتونوميالى رايوندىق پارتكوم مەن ۇكىمەت پارتيانىڭ ءدىن ساياساتىن مۇقيات دايەكتىلەندىرىپ، ءدىني قايراتكەرلەر مەن دىنگە سەنەتىن بۇقاراعا كوڭىل ءبولدى، قامقورلىق جاسادى، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىنا شىن جۇرەكتەن العىس ايتامىز، پارتيا مەن ۇكىمەتتىڭ تاماشا ساياساتتارىنا العىس ايتامىز. ولار ءبىر اۋىزدان: ءوز رولىمىزدى تولىق ساۋلەلەندىرىپ، ءىسلام ءدىنىنىڭ وتاندى، بەيبىتشىلىكتى سۇيەتىن، ورتا جول، دۇرىس سەنىم يدەياسىن كەڭ كولەمدە ۇگىتتەپ، ءدىني ۇشقارى يدەيانىڭ سىنالاپ كىرىپ ءوربۋىن باتىل اۋىزدىقتاپ، دىنگە سەنەتىن بۇقارانى وتاننىڭ تۇتاستىعىن، قوعام ورنىقتىلىعىن، ۇلتتار ىنتىماعىن، ءدىن تاتۋلىعىن قورعاۋعا بەلسەنە باستاپ، جۇڭگوشا سوتسياليستىك شينجياڭ قۇرۋعا بەلسەنە كۇش قوسۋعا قۇلشىنامىز، - دەستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.