رايونىمىزدىڭ جوعارى مەكتەپ ەمتيحانىنىڭ الدىنداعى دايىندىق قىزمەتتەرى اياقتادى
220 مىڭ 900 وقۋشى ادەتتەگى جوعارى مەكتەپ ەمتيحانىنا قاتىناسادى
ءتىلشى جاۋ شييا 6 - ايدىڭ 6 - كۇنى ۇرىمجىدەن حابارلايدى. 6 - ايدىڭ 6 - كۇنى اۆتونوميالى رايوننىڭ باسشىلارى 2019 - جىلعى ادەتتەگى جوعارى مەكتەپ ەمتيحانىنىڭ ءارقايسى ەمتيحان رايوندارىنىڭ قۇپيالىقتى ساقتاۋ كەڭسەسىن، ەمتيحان تۇيىندەرىن جانە ەمتيحان الاڭىنىڭ ورنالاستىرىلۋ جاعدايىن ۇلگى الىپ تەكسەردى، جەر - جەردىڭ ەمتيحاننىڭ الدىنداعى دايىندىق جاعدايى جونىندەگى مالىمەتىن تىڭدادى.
جوعارى مەكتەپ ەمتيحانى ەمتيحان بەرەتىن قالىڭ وقۋشىنىڭ ءتول مۇددەسىنە، سان مىڭداعان وتباسىنا سايادى، اۆتونوميالى رايون جەر - جەردەن مىنانى تالاپ ەتتى: حاۋىپ - قاتەر تانىمى مەن ساقتىق تانىمىن شىنايى كۇشەيتىپ، جوعارى مەكتەپ ەمتيحانىنىڭ ءتۇرلى بۋىندارىنداعى قىزمەتتەردى قايتالاي رەتتەپ، قايتالاي تەكسەرىپ، قايتالاي بەكەمدەپ، ”حاۋىپسىز جوعارى مەكتەپ ەمتيحانى“ نىساناسىنىڭ ءساتتى ورىندالۋىنا شىنايى كەپىلدىك ەتۋ كەرەك. ەمتيحاننىڭ حاۋىپسىزدىك جاۋاپكەرشىلىگىنىڭ ناقتاپ تياناقتاندىرىلۋىنا كەپىلدىك ەتىپ، ەمتيحان قاعازىنىڭ، ەمتيحان الاڭىنىڭ جانە مەكتەپ اۋلاسىنىڭ حاۋىپسىزدىگىن باتىل ساقتاۋ؛ سونىمەن قاتار ەمتيحان قاعازىنىڭ حاۋىپسىزدىگىن، قۇپيالىعىن ساقتاۋدا مۇلدە اعاتتىق جىبەرمەۋگە شىنايى كەپىلدىك ەتىپ، حاۋىپسىزدىك، قۇپيالىق قىزمەتىندە ساڭلاۋ، ولقىلىق قالدىرماۋ؛ ەمتيحان ستيلىن، ەمتيحان ءتارتىبىن قاتايتىپ، ۇيىمدى، توپتىق قارالىق ىستەۋ، وسى زامانعى جوعارى عىلىم - تەحنيكادان پايدالانىپ قارالىق ىستەۋ سياقتى اۋىر قارالىق ىستەۋ ارەكەتتەردەن ساقتانۋ، سوققى بەرۋ؛ ەمتيحان بەرەتىن وقۋشىلارعا كوڭىل ءبولۋدى، ەمتيحان بەرەتىن وقۋشىلارعا قىزمەت وتەۋدى ەمتيحان ۇيىمداستىرۋدىڭ جانە باسقارۋدىڭ تۇتاس بارىسىنا ءسىڭىرىپ، ەمتيحان بەرەتىن وقۋشىلار ءۇشىن مەيىرىمدى دە جاراسىمدى ەمتيحان ورتاسىن ازىرلەۋ كەرەك.
بيىل رايونىمىزدان جيىنى 220 مىڭ 900 وقۋشى ادەتتەگى جوعارى مەكتەپ ەمتيحانىنا قاتىناسادى، جيىنى 76 ەمتيحان رايونى، 210 ەمتيحان ءتۇيىنى، 8522 ەمتيحان الاڭى ورنالاستىرىلدى، بۇلار 19 قالا، 57 اۋدانعا ورنالاسقان. وقۋ - اعارتۋ مينيسترلىگىنىڭ، اۆتونوميالى رايوندىق پارتكوم مەن ۇكىمەتتىڭ قىزمەت تالابىنا ساي، رايونىمىز ”الاڭسىز جوعارى مەكتەپ ەمتيحانى“ نىساناسىن مىقتاپ ارقاۋ ەتىپ، ەمتيحاننىڭ الدىنداعى ءتۇرلى دايىندىق قىزمەتتەردى تىڭعىلىقتى ورنالاستىردى. ىلگەرىندى - كەيىندى اۆتونوميالى رايوننىڭ جوعارى مەكتەپ ەمتيحانى حاۋىپسىزدىك قىزمەتى تەلەۆيزور - تەلەفون ءماجىلىسىن، مەملەكەتتىك وقۋ - اعارتۋ ەمتيحان ورتاسىن جاپپاي وڭاۋعا مۇشە ورىنداردىڭ بىرلەسكەن ءماجىلىسىن جانە ءارقايسى ەمتيحان رايوندارىنىڭ ەمتيحان الدىنداعى قىزمەت ءماجىلىسىن اشىپ، بۇكىل رايونىمىزدىڭ جوعارى مەكتەپ ەمتيحانى جونىندە ورنالاستىرۋ جاسادى، نىسانانى تۇراقتاندىردى، مىندەتتەردى اشالادى، جاۋاپكەرشىلىكتى جەكەلەرگە دەيىن تياناقتاندىردى. بۇدان سىرت شۇعىل جاعدايعا توتەپ بەرۋ جوباسىن كەمەلدەندىرۋ، ەمتيحان ورتاسىن تازارتۋ ارناۋلى ارەكەتىن ورىستەتۋ، ەمتيحان الدىنداعى ادالدىق تاربيەسىن كۇشەيتۋ سياقتى جاقتاردا ”الاڭسىز جوعارى مەكتەپ ەمتيحانىن“، ”اشىق جوعارى مەكتەپ ەمتيحانىن“، “ادال جوعارى مەكتەپ ەمتيحانىن“ جۇزەگە اسىرۋعا بارىنشا كۇش سالدى.
بيىل رايونىمىز ەمتيحان بەرەتىن وقۋشىلارعا جان - جاقتى قىزمەت وتەۋدى كۇشەيتىپ، ەمتيحان بەرەتىن مۇگەدەك وقۋشىلار ءۇشىن جازۋى ۇلكەن ەمتيحان قاعازىن دايىنداۋ، ەمتيحان تۇيىنىنە، ەمتيحان الاڭىنا الدىمەن كىرگىزۋ، جەكە ەمتيحان الاڭىن ورنالاستىرۋ، يشارات ءتىلى اۋدارماسىن ورنالاستىرۋ سياقتى قولايلى قىزمەتتەر وتەيدى. قازىر بۇكىل رايونىمىزدىڭ جەر - جەرىندە ەمتيحان الدىنداعى دايىندىق قىزمەتتەردى اياقتادى.
