تيانشان تورى   ›   ۇيرەنۋ   ›   شولۋ

الەمدە ادىلدىك بولسا، جول داڭعىل بولادى

−”بۇگىنگى جۇڭگو“ جەلىلەس شولۋى (10)

شينحۋا اگەنتتىگىنىڭ تىلشىلەرى حان بيڭ، دۋ باييۇي

  بۇگىنگى تاڭدا، پاكيستاننىڭ پورت قالاسى كاراچيدا تۇرمىس كەشىرىپ جاتقان سىرتقى اۋرۋلار ءبولىمىنىڭ شيپاگەرى الي قايدار ناۋقاستارعا الاڭسىز وپەراتسيا جاسايتىن، ورتا جولدا ەلەكتردىڭ توقتاپ قالۋىنان ەندىگارى الاڭدامايتىن بولدى.

  بۇگىنگى تاڭدا، ۆيەتنامدىق بويجەتكەن ۋ شىجۇي قاربالاس جاتتىعىپ، ۆيەتنامنىڭ جەڭىل رەليس جۇمىسىن جۇرگىزەتىن ءبىرىنشى ۇرپاق تولىمدى قىزمەتكەرىنە كۇنى بۇرىن اينالۋ ءۇشىن ءۇنسىز قۇلشىنىس جاساۋدا.

  بۇگىنگى تاڭدا، كرناگورا رەسپۋبليكاسىنىڭ تاۋ قويناۋىندا تۇرمىس كەشىرىپ جاتقان بيدروۆيچ قاريا كرناگورانىڭ تۇڭعىش جوعارى قارقىندى تاس جولىنىڭ سالىنۋ بارىسىنا كۋا بولىپ، بولاشاق تۇرمىسىنان زور ءۇمىت كۇتىپ وتىر...

  تىكە سەزىنۋگە بولاتىن وسى وزگەرىستەردەن ولار جۇڭگو دەگەن ەسىمدى ەستەرىندە بەرىك ساقتادى. ويتكەنى جۇڭگو سالعان ەلەكتر ستانسياسىنىڭ ارقاسىندا كاراچي شيپاحاناسى ەلەكتر توقتاپ قالۋ تاريحىن اياقتاتتى، جۇڭگو اشقان كۋرستىڭ ارقاسىندا ۆيەتنامنىڭ ءبىرىنشى ۇرپاق جەڭىل رەليس قىزمەتكەرلەرى جەتكىلىكتى ءبىلىم الدى، جۇڭگو سالعان جولدىڭ ارقاسىندا كرناگورانىڭ قاتپارلى تاۋ قويناۋى داڭعىل جولعا اينالدى.

  داڭعىل جول سايراپ جاتسا، اسپان استى جالپىعا ورتاق بولماق. 100 جىلدا كەزدەسپەگەن ۇلكەن وزگەرىس جاعدايىندا، جونگە سالۋ قىزىل سيفرى، سەنىمدىلىك قىزىل سيفرى، بەيبىتشىلىك قىزىل سيفرى، دامۋ قىزىل سيفرى ادامزاتقا قاتاڭ سىن - سايىس الا كەلگەندە، اۋرۋدى ەمدەپ، ىندەتتى الاستايتىن جۇڭگو ۇستانىمى حالىقارالىق قوعامنىڭ جاپپاي مويىنداۋىنا يە بولۋدا؛ جالپى جۇرتقا تيىمدىلىك جەتكىزىپ جاتقان جۇڭگو ارەكەتى ورتاق دامۋدىڭ قۇدىرەتتى كۇشىن ۇيىستىرىپ، ءار ەلمەن قول ۇستاسا سەلبەسىپ، تەڭ يگىلىكتەنۋدىڭ سارا جولىنا قاراي بەت الدى.

كوپشىلدىكتەن تايمادى، جۇڭگو اقىل - پاراساتى الەم بولاشاعىنا وي سالدى

  بۇگىنگى دۇنيە جۇزىنە نازار سالاتىن بولساق، سىڭار جاقتىلىق، قورعامپازدىق تولقىنى كوتەرىلۋ، كەدەي مەن باي پارقى زورايۋ، جەر شارى كليماتىنىڭ جىلىنۋى، لاڭكەستىك شابۋىلىنىڭ تولاسسىز تۋىلۋى سياقتى ماسەلەلەر قاباتتاسىپ، شەشۋ قيىنعا سوعىپ وتىرعاندىعىن، الەمدىك جونگە سالۋ ءتارتىبى رەفورما جاساۋدى، كەمەلدەندىرۋدى قاجەت ەتىپ وتىرعاندىعىن بىلەمىز... شىم - شىتىرىق جاعدايدا ”دۇنيە جۇزىنە نە بولدى، ءبىز قايتۋىمىز كەرەك؟“ دەگەن ءداۋىر سۇراۋى ادامدارعا ءالى دە تەرەڭ وي سالۋدا.

  الەم دامۋىنىڭ ”4 ۇلكەن قىزىل سيفرى“ الدىندا، جۇڭگو قيىن ماسەلەلەردەن قامال الاتىن، ونى شەشەتىن ”4كە تاباندى بولۋ“دى ورتاعا قويدى: ءادىل، ۇيلەسىمدى بولۋعا تاباندى بولۋ، ءوزارا اقىلداسۋعا، ءوزارا كەشىرىمشىل بولۋعا تاباندى بولۋ، قيىن - قىستاۋدان بىرگە وتۋگە تاباندى بولۋ، ءوزارا پايدا جەتكىزىپ، تەڭ يگىلىكتەنىپ، ادامزاتتىڭ تاعدىرلاس ورتاق تۇلعاسىن بىرگە قۇرۋعا تاباندى بولۋ. وسى ءبىر جوبا ”دۇنيە ءجۇزى جالپىعا ورتاق“، ”جاراسىمدى بىرگە ءومىر ءسۇرۋ“ سىندى جۇڭحۋانىڭ ءداستۇرلى مادەنيەتىنە تەرەڭ تامىر تارتتى، ”الەمنىڭ ءىسى ءوز مىندەتىم“ دەيتىن جۇڭگو جاۋاپكەرشىلىگىن ايگىلەدى، ءتورت كوشەنىڭ تۇيىلىسىندە تۇرعان ادامزاتقا ايقىن بەتالىس نۇسقادى.

  جاڭاشىل ءىرى ەل قارىم - قاتىناسىنان، جاڭا حاۋىپسىزدىك كوزقاراسىنان، جاڭا دامۋ كوزقاراسىنان دۇرىس بورىش - مۇددە كوزقاراسىنان بىرگە اقىلداساتىن، بىرگە قۇراتىن، بىرگە بولىسەتىن الەمدىك جونگە سالۋ كوزقاراسىنا، ”الۋان ءتۇرلى، تەرەزەسى تەڭ، سيىسىمدى“ بولۋ سىندى وركەنيەت كوزقاراسىنا دەيىن، تاعدىرلاس ورتاق تۇلعانىڭ باي مازمۇنى ادامدارعا تىڭ تىنىس بايقاتتى. نورۆەگيالىق وقىمىستى جون گالتۇڭ ونى تۇتاس تۇلعالىق تانىم، الەمدىك وي جەلى، ادامزاتتىق سۇيىسپەنشىلىك ارقىلى دۇنيە جۇزىنە شولا قارايتىن جاڭا ”دۇنيە كوزقاراسى“ دەپ اتادى.

  تاعدىرلاس ورتاق تۇلعا ۇستانىمىنىڭ قۇندى جەرى نولدىك جيىنتىق سايىسىنىڭ كونە وي جەلىسىن تاستاپ، يدەولوگيا مەن گەۆوساياسيدان اتتاعان جۇڭگو اقىل - پاراساتىن ايگىلەۋىندە. ”تاريحتىڭ تامامدالۋى ءپاتۋاسى“نان، ”وركەنيەتتەر قاقتىعىسى ءپاتۋاسى“نان، سان رەت دابىرا تۋدىرعان ايتىلمىس ”تۋسيديدەس شىرعاسى“نان ”جۇڭگو حاۋپى ءپاتۋاسى“نا دەيىنگى قارسىلاسۋ، قاقتىعىسۋ وي جۇيەسىنىڭ شىم - شىتىرىق ماسەلەلەرى دۇنيە ءجۇزىن بارىنشا زيانعا ۇشىراتىپ، ادامداردىڭ جۇڭگو جوباسىنا اناعۇرلىم ءۇمىت ارتۋىنا مۇمكىندىك تۋدىردى. ۇلى بريتانيا وكسفورد داشۋەسىنىڭ پروفەسسورى مادي ياكى ايتقانداي: ”جۇڭگو ءبىر ءتۇرلى ’جاڭا مۇمكىندىك‘ “ ازىرلەدى، بۇل ورمان ەرەجەسىنەن باز كەشىپ، زورلىق - زومبىلىق ىستەمەي، نولدىك جيىنتىق سايىسىنان اسىپ، سەلبەسىپ تەڭ يگىلىكتەنەتىن، بىرگە قۇرىپ، بىرگە بولىسەتىن وركەنيەتتى دامۋدىڭ جاڭا جولىن اشۋ بولىپ تابىلادى. بۇل بۇرىنعىلاردا بولماعان ۇلى جاسامپازدىق شارا ءارى دۇنيە ءجۇزىن وزگەرتەتىن ۇلى جاسامپازدىق.

  ”ءبىر ەلدىڭ، ءبىر ۇلتتىڭ دۇنيە ءجۇزى مەن ادامزاتقا قوساتىن ۇلەسى قانشالىق زاتتىق ماتەريال جاراتۋىندا بولىپ قالماستان، تاعى قانداي ۇستانىم ورتاعا قويعاندىعىندا“. گرەتسيانىڭ زۇڭتۇڭى پاۆلوپولوس تاياۋدا جۇڭگوعا ساپارلاي كەلگەندە وسىلاي دەدى. ونىڭ قاراۋىنشا، ادامزاتتىڭ تاعدىرلاس ورتاق تۇلعاسى ۇستانىمى جۇڭگونىڭ جاۋاپكەرشىلىك ارقالايتىن ءىرى ەل ساناتىنداعى جاۋاپكەرشىلىگىن تەرەڭ ايگىلەگەن.

  بۇگىنگى تاڭدا، ادامزاتتىڭ تاعدىرلاس ورتاق تۇلعاسى ۇستانىمى بىرلەسكەن مەملەكەتتەر ۇيىمىنىڭ قاتىستى قارارىنا جازىلىپ، ءتىپتى دە كوپ ەلدىڭ مويىنداۋىنا يە بولدى. الەمگە ىزگىلىك كورسەتىپ، بەيبىتشىلىكتى، جاراسىمدىلىقتى قادىر تۇتقان جۇڭگو اقىل - پاراساتى ءداۋىردىڭ سىن - سايىسىنا بەتپە - بەت كەلىپ، دۇنيە ءجۇزىنىڭ زور وزگەرىسىن اڭعارىپ، ادامداردىڭ بەيبىت دامۋ تىلەگىن تىكە اڭداعاندىقتان، قۇدىرەتتى ىقپال كۇشى مەن باۋراۋ كۇشىن ايگىلەپ وتىر.

ادىلەت جولىن ايگىلەدى، جۇڭگو ارەكەتى دۇنيە ءجۇزىنىڭ قۇت - ىرىسىن ارتتىردى

  تانىمى مەن ارەكەتى بىردەي بولىپ، ايتقاندارىن اتقاردى. ادامزاتتىڭ تاعدىرلاس ورتاق تۇلعاسى تەك قانا ادامزاتتى دامۋدىڭ الىس ارمانىنا جەتەكتەۋ عانا ەمەس، ونان دا ماڭىزدىسى، ول − تاباندى دا تىڭعىلىقتى ارەكەت.

  جۇڭگو قۇشاعىن كەڭ اشىپ، دۇنيە جۇزىمەن دامۋدىڭ ورايىن بولىسۋدە. چيليدىڭ ەتتى شيەسىنەن مالايزيانىڭ اق كوفەسىنە دەيىن شەتەلدىڭ قىرۋار ەرەكشە ونىمدەرى جۇڭگو بازارىنا كىردى، جۇڭگو تۇتىنۋىنىڭ تابىسى دۇنيە جۇزىنە پايدا اكەلدى؛ يمپورتتى كەڭەيتۋ ءۇشىن، جۇڭگو بىلتىر تۇڭعىش كەزەكتى جۇڭگو حالىقارالىق يمپورت كورمەسىن وتكىزىپ، 400 مىڭنان استام شەكارا ءىشى - سىرتىنداعى ساۋداگەردى كورمەگە كەلىپ كەڭەس وتكىزۋگە، ساتىپ الۋعا باۋرادى؛ ەسىك اشۋدىڭ رايى، مول ساۋدا ورايى كوپتەگەن شەتەل كاسىپورىندارىن تاباندىلىقپەن ”بەلەت تاستاۋ“عا باۋرادى؛ جۇڭگو ساۋدا مينيسترلىگىنىڭ ساندى مالىمەتىندە كورسەتىلۋىنشە، 2018 - جىلى جۇڭگودا جاڭادان قۇرىلعان شەتەل ساۋداگەرلەرى قارجى قوسقان كاسىپورىن 60 مىڭنان اسىپ، سايكەس مەزگىلدەگىدەن %70كە جۋىق ارتقان.

  جۇڭگو شىن پەيىل، ادال نيەتىمەن الەمنىڭ دامۋىنا دەم بەردى. ”ءبىر بەلدەۋ، ءبىر جول“ قۇرىلىسىنىڭ ۇزدىكسىز ىلگەرىلەۋىنە ىلەسە، جەلى بويىنداعى مەملەكەتتەر مول تابىسقا كەنەلدى. اسقار تاۋلار مەن تەلەگەي تەڭىزدەر كۋا، مالديۆتەن شىريلانكاعا دەيىن، جۇڭگو جوقتان بارلىققا اكەلگەن نەگىزدىك قۇرىلعى قۇرىلىستار ادامداردىڭ ۇرپاقتان - ۇرپاققا جالعاسقان ارماندارىن رەالدىققا اينالدىردى؛ ءمولدىر وزەندەر مەن اشىق اسپان كۋا، لاوستان قازاقستانعا دەيىن، جۇڭگو اتقارعان جاسىل، قورشاعان ورتانى قورعايتىن نىساندار كوكتەم لەبىن ساقتاۋمەن قاتار، بولاشاقتى نۇرلاندىردى؛ قۋانىش پەن دۋمان كۋا، بانگلادەشتەن سەربياعا، ودان گرەتسياعا، ەگيپەتكە دەيىن، جۇڭگو ىلگەرىلەتكەن سەلبەستىك نىساندارى جەرگىلىكتى بۇقاراعا مول تابىس سەزىمىن سيلادى.

  جۇڭگو حالىقارالىق قوعامعا بەرگەن ۋادەسىن باتىلدىقپەن ورىندادى. دۇنيە جۇزىلىك ساۋدا ۇيىمىنا كىرگەننەن بەرى، جۇڭگو زات سالىعىن تومەندەتۋ، قىزمەت وتەۋ ساۋداسىن اشىق ۇستاۋ، يمپورت ۇلەسى قاتارلى كەدەن سالىعىنا جاتپايتىن شارالار سياقتى جاقتارداعى كەلىسىمدى جان - جاقتى ورىندادى، تەك بۇل عانا ەمەس، جۇڭگو ارەكەتى ەسىك اشۋدى تەرەڭدەتۋدەگى شىن نيەتىن ۇعىندىرۋ ارقىلى وسى زامانعى قىزمەت وتەۋدى، جاساۋ كاسىبىن، اۋىل شارۋاشىلىعىن جان - جاقتى سىرتقا اشىق ۇستاۋدى ىلگەرىلەتۋدەن ءتىپتى دە كوپ سالادا شەتەل قارجىسىنىڭ جارنانى مەڭگەرۋىنە نەمەسە دەربەس قاراجاتپەن تيجارات جۇرگىزۋىنە رۇقسات ەتۋگە دەيىن، جۇڭگونىڭ سىرتقا اشىلعان قاقپاسى بارعان سايىن ايقارا اشىلا ءتۇستى.

  پايدانى كوزدەگەندە دۇنيە ءجۇزىنىڭ پايداسىن كوزدەۋ كەرەك. ادىلەت جولىن امالياتىندا ايگىلەگەن جۇڭگو ارەكەتى جۇرتقا بىرگە كەڭەسۋدىڭ، بىرگە قۇرۋدىڭ، بىرگە ءبولىسۋدىڭ كۇش - قۋاتىن شىنايى سەزىندىرىپ، قول ۇستاسا سەلبەستىك جاساپ، بىرگە يگىلىككە كەنەلۋگە ۇمتىلۋدىڭ پايداسىن ۇعىندىردى. بىرلەسكەن مەملەكەتتەر ۇيىمىنىڭ جەنەۆاداعى ءىس باسقارماسىنىڭ باس مەڭگەرۋشىسى مايكل مۇلەردىڭ قاراۋىنشا، جۇڭگو حالىقارالىق قوعامنىڭ ىنتىماعىن، سەلبەستىگىن كۇشەيتۋ، دامۋ نىسانالارىن جۇزەگە اسىرۋ جاعىندا جەتەكشىلىك رول اتقارعان، ادامزاتتىڭ تاعدىرلاس ورتاق تۇلعاسى ۇستانىمى” دۇنيە جۇزىندە تياناقتانىپ، تامىر تارتۋدا“.

تۋراشىلدىق ۇستاندى، جۇڭگو ونەگەسى دۇنيە ءجۇزى حالقىنىڭ جۇرەگىنەن ورىن الدى

  قۇلىقتى ادام جالعىز قالمايدى، وعان نيەتتەس سەرىك قالايدا تابىلادى. جۋىقتا يتاليا، ليۋكسەمبۋرگ، پەرۋ سياقتى كوپتەگەن ەل ”ءبىر بەلدەۋ، ءبىر جول“ دوستار شەڭبەرىنە رەسمي قوسىلدى، بەيجيڭدە وتكەن 2 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنىڭ كولەمى تۇڭعىش كەزەكتەگىدەن اسىپ ءتۇستى، جۇڭگو، شەتەل كاسىپورىندارى تالقى مىنبەرى كەزىندە قول قويىسقان سەلبەستىك كەلىسىمىنىڭ جالپى سوماسى 64 ميلليارد دوللاردان استى... سەلبەسىپ تەڭ يگىلىككە كەنەلۋدەي جۇڭگو ۇستانىمى ءتىپتى كوپ ەلدى قول ۇستاسا العا باسۋعا باۋرادى.

  سونىمەن قاتار، جۇڭگونىڭ سەلبەستىكتى جەبەۋ، تەڭ يگىلىككە كەنەلۋگە تالپىنۋ وبرازى دا دۇنيە ءجۇزى كولەمىندە جۇرت جۇرەگىنەن تەرەڭ ورىن الدى. گەرمانيانىڭ ساۋدا بانكەسىنىڭ تاياۋدا ورىستەتكەن ەڭ جاڭا تەكسەرۋىندە بىلاي دەپ كورسەتىلدى: گەرمانيانىڭ ورتا، شاعىن كاسىپورىندارى بۇگىنگى كۇنى جۇڭگونى امەريكا قۇراما شتاتتارىنان دا نەمەسە ۇلى بريتانيادان دا سەنىمدى ساۋدا سەرىگى سانايدى. چيليدىڭ ءبىر بەدەلدى حالىقتىق تەكسەرۋ قۇرىلىمىنىڭ جۋىقتا جۇرگىزگەن حالىقتىق تەكسەرۋىندە تورتتەن ءۇش بولىكتەن جوعارى چيلي جۇرتشىلىعى جۇڭگونىڭ حالىقارالىق وبرازىنا بەلسەندى وڭ باعا بەرگەندىگى ايگىلەنگەن. چيليدىڭ «ەلشى گازەتىندە» وسى حالىقتىق تەكسەرۋدىڭ ناتيجەسى جۇڭگونىڭ دۇنيە ءجۇزى ەكونوميكاسىنىڭ دامۋىن ىلگەرىلەتۋگە قوسقان ۇلەسىن جۇرتشىلىق جاپپاي مويىندايتىندىعىن تۇسىندىرەدى دەلىندى.

  الايدا، زورەكەرلىك جۇرگىزگەن، وزىمنەن وزار ەشكىم جوق دەپ تاكاپپارلانعان ەلدەردىڭ نازارىندا جۇڭگونىڭ العا باسۋى جاقسىلىق ەمەس، قايتا ءوزىنىڭ دامۋىنا حاۋىپ ءتوندىرۋ بولىپ وتىرعان سىڭايلى. ۇستەمدىك ورنىن قورعاۋ ءۇشىن، امەريكا قۇراما شتاتتارى ”كەدەن باجىسى سويىلىن“ سىلتەۋدەن، عىلىم - تەحنيكادا زورەكەرلىكپەن باسىنىپ، ەگەس، قاقتىعىس تۋدىرۋدان ايانبادى.

  امەريكا قۇراما شتاتتارى جاقتىڭ دورەكى قىسپاعى الدىندا، جۇڭگو جاقتىڭ مايدانى ايقىن: امەريكا قۇراما شتاتتارى جاق ەڭ جوعارى شەكتە قىسىم ءتۇسىرۋ ارقىلى ورىنسىز مۇددە تالابىن جۇزەگە اسىرماق بولدى، مۇنىسى مۇلدە ىسكە اسپايدى، جۇڭگو جاق كەلەلى پرينسيپتىك ماسەلەلەردە استە جول بەرمەيدى؛ سونىمەن بىرگە، جۇڭگو ۇزدىكسىز تەبىندى ارتتىرىپ رەفورمانى تەرەڭدەتەدى، ەسىكتى ونان ارى ايقارا اشادى، ءارقايسى مەملەكەت كاسىپورىندارىنىڭ جۇڭگونىڭ دامۋ ورايىنان تەڭ يگىلىكتەنۋىن باستان - اياق قارسى الادى.

  جاۋاپكەرشىلىكتى ارقالاۋ ۇلكەن ىستەردەن، قيىن ىستەردەن كورىنىس بەرەدى، نيەت ءساتتى - ءساتسىز جاعدايلاردا بىلىنەدى. جۇڭگو ءىس جۇزىندىك ارەكەتى ارقىلى دۇنيە جۇزىنە مىنانى ايگىلەدى: دامۋدى كوزدەۋ، قۇدىرەتتەنۋگە ۇمتىلۋ بىرەۋدىڭ ورنىن باسۋ ءۇشىن ەمەس، بىرەۋدىڭ مۇددەسىنە تالاسۋ ءۇشىن دە ەمەس، قايتا ءوز ەلىنىڭ جانە دۇنيە ءجۇزى حالقىنىڭ قۇت - ىرىسىن جەبەپ، سان ميلليون حالىقتى ءتىپتى دە باقىتقا، تاماشا تۇرمىسقا كەنەلتۋ ءۇشىن. دۇنيە ءجۇزىنىڭ گۇلدەنۋى، ورنىقتىلىعى ءۇشىن ۇلەس قوسۋ عانا ءىرى ەلدىڭ ارقالايتىن جاۋاپكەرشىلىگى، بەيبىت دامۋدىڭ ادامي دۇرىس جولى سانالادى.

  ادىلەتتىگە كومەك كوپ، ادىلەتسىزگە كومەك جوق. قازىر امەريكا قۇراما شتاتتارى ۇلگىسىندەگى زورەكەرلىك كوپتەگەن مەملەكەتتىڭ قارسىلىعىنا ۇشىراۋدا، جۇڭگونىڭ ءوزىنىڭ زاڭدى ۇقىق - مۇددەسىن قورعاپ، كوپ جاقتىلىقتى ساقتاعان ادىلەتتى ارەكەتى بارعان سايىن كوپ مەملەكەتتىڭ قولداۋىنا يە بولۋدا. بەينە فرانسيا پاريج 8 - داشۋەسىنىڭ پروفەسسورى پيەر پيكال ايتقانداي: ”الەمدىك جونگە سالۋدا قۇقاي كورسەتۋگە جانە قاتەر توندىرۋگە سۇيەنۋگە بولمايدى، قايتا ەسىك اشىپ، تەڭ يگىلىككە كەنەلۋگە تاباندى بولۋ كەرەك... امەريكا قۇراما شتاتتارىنىڭ زورەكەرلىكپەن باسىنۋ ارەكەتى جۇڭگو العا قويعان ’ادامزاتتىڭ تاعدىرلاس ورتاق تۇلعاسى‘ ۇستانىمىمەن بارىنشا قاراما - قارسىلىق قالىپتاستىردى“.

  ءداۋىر تولقىنى جوڭكىلە بەرەدى، تاريح اۋقىمى بوگەۋ بەرمەيدى. ادامزاتتىڭ تاعدىرلاس ورتاق تۇلعاسى ۇستانىمى مەن امالياتى، ءسوز جوق، بۇكىل الەم كولەمىندە اناعۇرلىم كوپ ادامنىڭ مويىنداۋى مەن قولداۋىنا يە بولىپ، بەيبىت دامۋدىڭ، سەلبەسىپ تەڭ يگىلىككە كەنەلۋدىڭ ءداۋىر سيمفونياسىن بىرگە ورىندايدى.

   (شينحۋا اگەنتتىگىنىڭ 6 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى