تيانشان تورى   ›   جاڭالىقتار   ›   ساياحات

تيانشاننىڭ تۇستىگى مەن تەرىستىگىندەگى شارۋالار شاتتىعى ساياجايلارىنا ساياحاتشىلار مولىنان كەلدى

تىلشىلەر ميھىرگۇل عوپۇر، جازيرا نەسىپبەك، جاڭ تيڭ

  باقشا تولى شوق گۇلدەر جەلمەن بىرگە ىرعالىپ، شارۋالاردىڭ اۋلالارىنا اۆتوكولىكتەر لىق تولدى... دۋان - ۋ مەرەكەسىندەگى قىسقا دەمالىس كەزىندە، رايونىمىزدىڭ جەر - جەرىندەگى شارۋالار شاتتىعى ساياجايلارىندا ساياحاتشىلار مولىنان كەلگەن قۋانىشتى جاعداي جارىققا شىقتى.

  ءۇرىمجى قالاسى دابانچىڭ رايونى دۇڭگوۋ اۋىلىنىڭ وزەن اڭعارىنداعى قايتا جەتىلگەن ورمان جاياۋ ءجۇرۋ جولى كورىنىس اۋماعىندا، جاياۋ جۇرۋگە ارنالعان اعاش شارباق جولدىڭ ەكى جاعىندا سىلدىراي اققان بۇلاقتار الىستى بەتكە السا، جول بويىنداعى جايقالا اشىلعان گۇلدەر مەن كەزەكتەسىپ رەتىمەن ورنالاسقان سامالدىقتار، شاتىرشالار كىسى كوڭىلىن باۋرايدى.

  دابانچىڭ رايونى دۇڭگوۋ اۋىلى ۋيزى قىستاعىنىڭ تۇرعىنى ما شياڭچيننىڭ شارۋالار شاتتىعى ساياجايى كورىنىس اۋماعىنا جاقىن ورنالاسقان. 6 - ايدىڭ 7 - كۇنى تاڭەرتەڭ ول 2 رەت الدىن الا كەلىسۋ تەلەفونىن قابىلدادى دا، قاربالاسقا ءتۇسىپ، تۇسكى تاماق ازىرلەي باستادى. ”جازدا مەرەكە - دەمالىس كۇندەرىندە، كورىنىس اۋماعىنا جاياۋ جۇرۋگە، بوي جازۋعا كەلەتىندەر وتە كوپ بولادى، سەيىلدەن كەيىن كوپشىلىك ماڭايداعى شارۋالار شاتتىعى ساياجايلارىنا كەلىپ تاماقتانۋدى قالايدى، سوندىقتان الدىن الا جاقسى دايىندالۋىمىز كەرەك“، - دەدى ما شياڭچين تىلشىگە. ۋيزى قىستاعى كورىنىس اۋماعىن تايانىش ەتىپ 20 نەشە شارۋالار شاتتىعى ساياجايىن اشقان، مۇنداعى ساياجايلاردىڭ ءارقايسىسىنىڭ ءوز ەرەكشەلىگى بار.

  ”شارۋالار شاتتىعى ساياجايى دا ۇزدىكسىز جاڭالىق اشۋ كەرەك، مەن بيىل جىل سوڭىندا ساياجايدى قايتادان اشەكەيلەۋدى جوسپارلاپ وتىرمىن، كەلەر جىلى كەلسەڭىز مەنىڭ ساياجايىمنىڭ ءتىپتى دە جاقسارعاندىعىن بايقايسىز“، - دەدى ما شياڭچين كۇلە سويلەپ.

  6 - ايدىڭ 8 - كۇنى تاڭەرتەڭ ەرتە ىلە قازاق اۆتونوميالى وبلىسى كۇنەس اۋدانى نارات قالاشىعى اراسان قىستاعىنداعى ۇلسىنجان دوسپارقان ءۇيى اشقان حالىقتىق تۇسەلحانادا، جياڭسۋلىق ساياحاتشى شۇي مىڭ مەن وتباسىنداعىلار قۇيقىلجىعان قۇس ۇنىمەن وياندى، ولار جۋىنىپ - شايىنىپ بولعاندا، ۇلسىنجان ولارعا مول تاڭعى اس ازىرلەپ قويعان بولاتىن.

  نان، كىلەگەي، بال، اق شاي سياقتى ءدامدى تاعامدارمەن داستارقان تولدى. ”قۇستىڭ سايراعانىن تىڭداپ، جاس ءشوپتىڭ حوش ءيىسىن يىسكەپ، تازا اۋامەن تىنىستاپ، ەرەكشە ءدامدى تاعامدار جەدىك، بۇل ارادا دەمالۋ وتە تاماشا ەكەن“، - دەدى شۇي مىڭ قۋانىشپەن.

  اراسان قىستاعى نارات كورىنىس اۋماعىمەن كورشىلەس ورنالاسقان، دۋان - ۋ مەرەكەسىندەگى قىسقا دەمالىس كەزىندە، مۇنداعى 30دان استام حالىقتىق تۇسەلحاناعا ساياحاتشى لىق تولدى، ۇلسىنجان قۋانىشتان ەزۋىن جيا الماي: ”كەشە تەك جاتاق اقىنىڭ وزىنەن 2000 يۋان كىرىس كىردى“، - دەدى.

  2018 - جىلى جەرگىلىكتى ورىننىڭ ساياحات كاسىبىنىڭ دامۋىن جەبەۋ ءۇشىن، ىلە وبلىستىق پارتكوم ۇيىمداستىرۋ ءبولىمىنىڭ اراسان قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى 30دان استام قىستاق تۇرعىنىن ۇيىمداستىرىپ، اراسان حالىقتىق تۇسەلحانا قىزمەت وتەۋ شارۋالار كاسىپتىك سەلبەستىك كووپەراتيۆىن قۇرىپ، ءبىر تۇتاس ولشەم، ءبىر تۇتاس باعانى جولعا قويىپ، جەرگىلىكتى حالىقتىق تۇسەلحانالار مەن اس - سۋ كاسىبىن باسقارۋدى ارناعا ءتۇسىردى. بيىل 3 - ايدا قىزمەت اترەتى تاعى دا 30 نەشە كووپەراتيۆ مۇشەسىن جياڭسۋعا بارىپ ەكسكۋرسيالاپ ۇيرەنۋگە ۇيىمداستىرىپ، ولاردىڭ تيجارات تانىمىن جوعارىلاتتى.دەمالىس كەزىندە التاي ايماعى قابا اۋدانى كولباي اۋىلى نالى قىستاعىنداعى شارۋالار شاتتىعى ساياجايلارىنىڭ ساۋداسى دا كۇسەت بولدى.

  نالى قىستاعى مەملەكەت دارەجەلى ورمان باقشاسى، 4A دارەجەلى كورىنىس اۋماعى اق قايىڭ ورمانىمەن ۇلاسىپ جاتادى. 6 - ايدىڭ 8 - كۇنى نالى قىستاعىنىڭ تۇرعىنى باقىتبەك تولەۋدىڭ شارۋالار شاتتىعى ساياجايى جيىنى 50گە جۋىق قوناق قابىلداپ، 2000 يۋانعا جۋىق كىرىس كىرگىزدى.

  2018 - جىلى قابا اۋداندىق ساۋدا ىستەرى، عىلىم - تەحنيكا جانە ونەركاسىپ، ينفورماتسيالاندىرۋ مەكەمەسىنىڭ نالى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاقتىڭ كورىنىس اۋماعى جەلىسى بويىنا ورنالاسۋداي جاعراپيالىق ارتىقشىلىعىن تايانىش ەتىپ، ساياحات كاسىبىن زور كۇشپەن دامىتتى، قىستاققا باراتىن 6.7 كيلومەترلىك اسفالت جولدى جاڭادان سالىپ قالماستان، قىستاقتاعى 14 وتباسىن شارۋالار شاتتىعى ساياجايىن اشۋعا شابىتتاندىردى جانە كومەكتەستى.

  ”ساياحاتشىلار اق قايىڭ ورمانى باقشاسىن ساياحاتتاپ قايتىپ كەلگەننەن كەيىن، ءبىزدىڭ شارۋالار شاتتىعى ساياجايلارىمىزدان تاماقتانىپ تىنىعا الادى، ولار اق قايىڭ ورمانىنىڭ كورىنىسى مەن ءبىزدىڭ ءدامدى تاعامدارىمىزدى قاتتى ۇناتادى. مەرەكە دەمالىسى كەزدەرىندە، قىستاعىمىزداعى شارۋالار شاتتىعى ساياجايلارىنىڭ ساۋداسى كۇسەت بولادى“، - دەدى باقىتبەك قۋانىشپەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى