تيانشان تورى   ›   جاڭالىقتار   ›   ساياحات

شينجياڭنىڭ 4 ايماق - وبلىس، قالانى اتتاعان تۇڭعىش ساياحات اينالما جەلىسى اشىلدى

شىعىس تيانشان ساياحات وداعى قۇرىلدى

شينجياڭنىڭ 4 ايماق - وبلىس، قالانى اتتاعان تۇڭعىش ساياحات اينالما جەلىسى اشىلدى

  ءتىلشى رىن جياڭ 6 - ايدىڭ 8 - كۇنى قۇمىلدان حابارلايدى. 6 - ايدىڭ 7 - كۇنى شىعىس تيانشان ساياحات وداعى قۇرىلدى، ءۇرىمجى قالاسى، قۇمىل قالاسى، تۇرپان قالاسى، سانجى حۇيزۋ اۆتونوميالى وبلىسى ساياحاتتى سەلبەسىپ دامىتۋ مەحانيزمىن بىرگە ورناتىپ، ساياحات سارا ونىمدەرىن جاراتىپ، ساياحات بازارىن اشىپ، 4 ايماق - وبلىس، قالا ساياحات جولدارىنىڭ ۇلاسۋىن، تۇتاسۋىن ىلگەرىلەتەدى. شىعىس تيانشان ساياحات بىرلەستىگىنىڭ قۇرىلۋىنا ىلەسە، شينجياڭنىڭ 4 ايماق - وبلىس، قالانى اتتاعان تۇڭعىش ساياحات اينالما جەلىسى − ”شىعىس تيانشان مىڭ شاقىرىمدىق اينالما ساياحات التىن جەلىسى“ رەسمي اشىلدى.

  ”شىعىس تيانشان مىڭ شاقىرىمدىق اينالما ساياحات التىن جەلىسى“ − ەكولوگيالىق سەيىل - سەرۋەندى، گۋمانيتارلىق كورىنىس تاماشالاۋدى ەرەكشەلىك ەتكەن، ارالىعى 2000 كيلومەتر اينالاسىندا، جول بويى تيانشان بوعدا، شونجى جانبۇلاق، تۇرپان بويلىق، قۇمىل شىعىس تيانشان، قۇمىل ياردان كورىنىس اۋماعى سياقتى 20 نەشە ساياحات اۋماعىن باسىپ وتەتىن، ءشول دالا، ساحارا، كول جانە تاريحي مادەنيەت سياقتى ساياحات بايلىقتارىن قامتىعان، شينجياڭ تيانشاننىڭ سولتۇستىك بوكتەرىندەگى تابيعي كورىنىستەر مەن گۋمانيتارلىق وزگەشە كورىنىستەر ساياحاتىنىڭ التىن وتكەلى.

  شىعىس تيانشان ساياحات وداعى ءار جىلى الماسىپ كەزەكتى مىندەت وتەيتىن ءبىر قالانى بەلگىلەپ، سول قالا شىعىس تيانشان ساياحاتى بازارىن اشۋعا، 4 ايماق - وبلىستىڭ، قالانىڭ تۇرلىشە ماۋسىمدىق ساياحات ونىمدەرىن كادەگە جاراتۋعا، 4 ايماق - وبلىس، قالا ساياحاتىن جالپىلاستىرۋ جوباسىن جوبالاۋعا جاۋاپتى بولادى. قۇمىل قالاسى وسى وداق قۇرىلعان العاشقى جىلى كەزەكتى مىندەت وتەيتىن قالا. ”بۇدان كەيىن، 4 ايماق - وبلىس، قالا وڭىرلىك ىستەستىك، ونىمدەردى زەرتتەپ اشۋ، بىرىكتىرىپ ساتۋ، ماركا جالپىلاستىرۋ سياقتى جاقتاردا بازار اشۋ سەلبەستىك مەحانيزمىن ورناتىپ، ساياحات كومەسكى كۇشىنىڭ ساۋلەلەنۋىن، ساياحات كەڭىستىگىنىڭ قالىپتاسۋىن، ساياحات اۋقىمىنىڭ جوعارىلاۋىن ەڭ جوعارى شەكتە جۇزەگە اسىرادى“، - دەدى قۇمىل قالالىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى جاۋ حاييان.

  اۆتونوميالى رايوندىق مادەنيەت جانە ساياحات مەڭگەرمەسىنىڭ ورىنباسار شارلاۋشىسى ما رۇي مىناداي ۇسىنىس بەردى: 4 ايماق - وبلىس، قالا وبرازدى بىرلىككە كەلتىرۋگە، بەلگىنى بىرلىككە كەلتىرۋگە، جول جەلىسىن بىرلىككە كەلتىرۋگە، ۇگىتتى بىرلىككە كەلتىرۋگە كۇش سالىپ، بىرىككەن كۇش قالىپتاستىرىپ، دامۋدى زورايتۋ كەرەك؛ كوپ كاسىپ كۇيىندەگى، كوپ تۇرلىلەنگەن شىعىس تيانشان ساياحات سارا ونىمدەرى اينالما جەلىسىن ءبىر تۇتاس جوسپارلاپ، جوبالاپ، كوپ ارنالى، كوپ تۇرلىلەنگەن ساتۋ ۇگىتى قيمىلىن بىرلەسىپ ورىستەتىپ، ”شىعىس تيانشان 1000 شاقىرىمدىق اينالما ساياحات التىن جەلىسى“ ن حالىقارالىق ايگىلى ساياحات ماركاسى ەتىپ سومداپ شىعۋ كەرەك.

  اۆتونوميالى رايوندىق ساياحات قوعامى، شينجياڭ ساياحات كورىنىس اۋماعى (ءتۇيىنى) قوعامى، اۆتونوميالى رايوندىق ساياحات سەرىكتەستىكتەرى قوعامى، اۆتونوميالى رايوندىق ساياحات جەتەكشىلەرى قوعامى، اۆتونوميالى رايوندىق جەكە اۆتوكولىكپەن ساياحاتتاۋشىلار قوعامى، ءۇرىمجى قالالىق ساياحات قوعامى، تۇرپان تۇڭ - ي ساياحات شەكتى جاۋاپكەرلىك سەرىكتەستىگى سياقتى 4 ايماق - وبلىستاعى، قالاداعى مادەنيەت، ساياحات تاراۋلارى كەلىسىمگە قول قويىپ، ”شىعىس تيانشان 1000 شاقىرىمدىق اينالما ساياحات التىن جەلىسى“ ونىمدەرىن قول ۇستاسا اشادى، جالپىلاستىرادى. بۇدان بىلاي 4 ايماق - وبلىستاعى، قالاداعى ساياحات سەرىكتەستىكتەرى، جەكە اۆتوكولىكپەن ساياحاتتاۋ كلۋبتارى، ۇيشە اۆتوكولىك كلۋبتارى ىركەس - تىركەس جەلىدە جانە جەلى سىرتىندا ”شىعىس تيانشان 1000 شاقىرىمدىق اينالما ساياحات التىن جەلىسى“ن ارقاۋ ەتىپ اشىلعان ونىمدەردى جاريالاپ وتىرادى.

  ”بۇدان بىلاي ءبىز ’شىعىس تيانشان 1000 شاقىرىمدىق اينالما ساياحات التىن جەلىسى‘ ونىمدەرىنىڭ بايلىق ەرەكشەلىگىنە نەگىزدەلىپ، ساياحات پاتەنتىمەن بىرلەستىرە بۇكىلدەي جاڭا ساياحات ونىمدەرىن شىعارامىز“، - دەدى ءۇرىمجى تەداۋ حالىقارالىق ساياحات سەرىكتەستىگى بازار - ساتۋ ءبولىمىنىڭ مەڭگەرۋشىسى جاڭ رۇڭحان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى