− سانجى حۇيزۋ اۆتونوميالى وبلىسى كۇش - قۋاتتى شوعىرلاندىرىپ، ساياحات كاسىبىنىڭ جوعارى ساپالى دامۋىن جەبەدى
ءتىلشى گاي يۋجۇن، سانجى تىلشىلەر پۋنكتىنەن ليۋ شي
بۇل ارادا جايقالعان ەگىس اتىزى، جايناعان گۇل، كەڭ جايلاۋ، جاقۇتتاي جارقىراعان كول ءبارى - ءبارى بار؛ بۇل ارانىڭ تابيعاتى شەبەرلىكپەن ورنالاستىرىلعانداي، بايلىعى مەن مادەنيەتى توعىسقان، تەڭدەسسىز كوركەم.
مەملەكەتتىك تۇتاس وڭىرلىك ساياحاتتان ۇلگى كورسەتۋ رايونىن قۇرۋدى نىسانا ەتكەن سانجى حۇيزۋ اۆتونوميالى وبلىسى شينجياڭداعى تىنىعۋ ورنىن، جىبەك جولى ەكونوميكالىق بەلدەۋىندەگى ساياحات كاسىبى شوعىرلانعان رايون قۇرۋعا كۇش سالىپ، تۇتاس وڭىرلىك ساياحاتتىڭ جوعارى ساپالى دامۋىن كۇش سالا ىلگەرىلەتتى.
”ساياحات +“ تۇتاس وڭىرلىك ساياحات كاسىبى جەلىسىن قايتا قۇردى
شينجياڭداعى تۇڭعىش مەملەكەتتىك تۇتاس وڭىرلىك ساياحاتتان ۇلگى كورسەتۋ رايونىن قۇرۋ قاتارىنا ەنگىزىلگەن ايماق، وبلىستاردىڭ ءبىرى قاتارىندا، سانجى وبلىسى تۇتاس كاسىپ سالاسى جەلىسىن، تۇتاس فاكتوردى ارقاۋ ەتىپ، ساياحات كاسىبى سالاسىنىڭ ساپالىلانۋىن، نىعايۋىن كۇش سالا تارتىپپەن ىلگەرىلەتتى.
6 - ايدىڭ 2 - كۇنى ماناس مەملەكەتتىك سازدىق باقشاسىنداعى اعاش ۇيلەرگە باراتىن جولدار ۇزىننان - ۇزاققا سوزىلعان، كوگىلدىر كولشىكتەر اراسىندا قامىستار ىرعالىپ، اق قۇتاندار قيقۋلايدى، بيىك مۇنارانىڭ ماڭايى قۇستاردى تاماشالاۋعا كەلگەن ساياحاتشىلارعا لىق تولعان. ماناس مەملەكەتتىك سازدىق باقشاسى − دۇنيە جۇزىندەگى جىل قۇستارىنىڭ 3 - ءنومىرلى مەكەن جاڭالاۋ جەلىسىندەگى ماڭىزدى دامىلدايتىن جەرلەرىنىڭ ءبىرى، ءار جىلى بۇل جەرگە نەشە ميلليونداعان جىل قۇستارى كەلىپ دامىلدايدى.
بيىل 1 - توقساندا تيانشان بوعدا كولى كورىنىس ءوڭىرى ”تيانشان بوعدا كولى كوركەم كورىنىسىن تاماشالاۋ. ۋجياڭ ’سەلەن‘ اراسانىنا ءتۇسۋ“ سياقتى مادەنيەت، ساياحات نەگىزگى تاقىرىپتىق قيمىلىن جۇرگىزدى. مۇنداعى ءبىر ايقىن ەرەكشەلىك شينجياڭ سىرتىنان كەلگەن ساياحاتشىلار ساياحاتشىلار جالپى سانىنىڭ تەڭ جارتىسىنان استامىن يەلەپ، سانجى وبلىسىنداعى ءتۇيىندى كورىنىس رايوندارىنىڭ سىرت جەرلەردەن كەلگەن ساياحاتشىلاردى باۋراۋ قۋاتى ۇزدىكسىز ارتتى.
”بيىل 5 - ايدىڭ 1 - كۇنىنەن باستاپ، سانجى وبلىسى ’جىبەك جولى تيڭجوۋ سالتاناتى. سانجى اپتا سوڭى كوڭىلدى ساياحاتى‘ قيمىلىن باستاپ، تۇتاس جىلدا 80 تۇرلىدەن استام قۇتتىقتاۋ قيمىلىن ورىستەتىپ، ساياحاتشىلاردىڭ اپتا سوڭىنداعى سەرۋەندەۋ، ساياحاتتاۋ قاجەتىن قاناعاتتاندىرادى“، - دەپ تانىستىردى سانجى وبلىستىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى جاڭ زىبين.
”ساياحات +“ اياسىندا، كەزەكتە سانجى وبلىسى تۇتاس وڭىرلىك ساياحاتتى ءداستۇرلى ساياحاتتان كورىنىس، قالا ءبىر تۇلعالاندىرىلعان، كاسىپ سالاسى ءبىر تۇلعالاندىرىلعان، قالا مەن اۋىل ءبىر تۇلعالاندىرىلعان تۇتاس وڭىرلىك ساياحات تيبىنە قاراي وزگەرتىپ، دەڭگەيىن جوعارىلاتىپ، تۇتاس ءوڭىر بىرگە قۇرعان، تۇتاس ءوڭىر توعىسقان، تۇتاس ءوڭىر بىرگە يگىلىكتەنگەن ساياحات كاسىبىنىڭ دامۋ جاڭا ۇلگىسىن قالىپتاستىردى.
ءداستۇرلى مادەنيەت، ساياحات قيمىلىنان سىرت، سانجى وبلىسى بيىل ”ساياحات+اۋىل شارۋاشىلىعى“، ”ساياحات + اۋىل - قىستاق“، ”ساياحات + ونەركاسىپ“ ”ساياحات + مادەنيەت - دەنە تاربيە“ سياقتى كاسىپ سالالارى توعىستىرىلعان ساياحات كاسىبى جاڭا جاعدايىن ءتۇيىندى جولعا قويىپ، تۇتاس وڭىرلىك ساياحات جاڭا ەكولوگيالىق ورتاسىن قالىپتاستىردى. مۇنىڭ ىشىندە ”ساياحات + اۋىل شارۋاشىلىعى“ن ورنالاستىرۋدا، اۋىل - قالاشىقتى كوركەيتۋ ستراتەگياسىن ىلگەرىلەتۋ ارقىلى موري قازاق اۆتونوميالى اۋدانى شيجىر قالاشىعى سياقتى 20 وزىندىك ەرەكشەلىكتەگى ساياحات اۋىل - قالاشىعىنىڭ تارتىمدى تابيعاتىن ونان ارى كۇشەيتتى.
جاڭا كاسىپ جاعدايى سانجى وبلىسى ساياحات كاسىبىنىڭ شاپشاڭ دامۋىن جەبەدى. بيىل 1 - ايدان 4 - ايعا دەيىن، سانجى وبلىسىنا ساياحاتتاي كەلگەندەر 5 ميلليون 60 مىڭ ادام - رەتتەن اسىپ، سايكەستى مەزگىلدەگىدەن %40 ارتتى، ساياحات كىرىسى 9 ميلليارد يۋانعا جەتىپ، سايكەستى مەزگىلدەگىدەن %39.8ارتتى.
سارا ساياحات جاراتىپ، ساپانىڭ جوعارىلاۋىن، ونىمدىلىكتىڭ ارتۋىن جەبەدى
4 - ايدىڭ 28 - كۇنى ۇياسىنان جاڭا كوتەرىلگەن كۇن نۇرىمەن بىرگە، قۇتىبي اۋدانى ىرشىليديان قالاشىعى ىرشىليديان قىستاعىنداعى 1000 مۋ اۋماقتاعى تاس الما اعاشى گۇلى ونان ارى قۇلپىرا ءتۇستى. سول كۇنى قۇتىبي اۋدانىنىڭ 4 - كەزەكتى تاس الما اعاشى گۇلى جانە اۋىل - قىستاق مادەنيەت، ساياحات مەرەكەسى وسى ارادا اشىلىپ، سانجى وبلىسىنىڭ ”گۇل تاماشالاۋ كارتاسى“نا تاعى ءبىر كورىك قوستى. سانجى وبلىسى سارا كورىنىس اۋماعىن، كورىنىس ءتۇيىنىن جانە سارا ساياحات قيمىلدارىن كۇش سالا قۇرىپ جانە ۇيىمداستىرىپ، ساياحات كاسىبىنىڭ ناقتى قۋاتىن ۇزدىكسىز ارتتىرىپ، ساياحات ونىمدەرىنىڭ ساپاسىن ۇزدىكسىز جوعارىلاتتى.
كوكتەمگى جاڭبىر شونجى اۋدانى جانبۇلاق كورىنىس اۋماعىنداعى ءبيداي اتىزىن قۇلپىرتا ءتۇستى. 5 - ايدىڭ 1 - كۇنى جانبۇلاق كورىنىس اۋماعىندا ”تيانشان ءبيداي تەڭىزى، ەگىنشىلىك وركەنيەتى“ اتىندا جەلىلەس ساياحات قيمىلى وزدىرىلدى، مۇنىڭ ىشىندە كايلي مەرەكەسىنەن سان مىڭداعان ساياحاتشى ءداستۇرلى ەگىنشىلىك مادەنيەتىنىڭ ەرەكشەلىگىن اڭعاردى.
سانجى وبلىسى جونىنەن ”كوركەم كورىنىس“ تەك كوز تارتۋ ءۇشىن عانا ەمەس، ول ساياحات بويىنشا حالىقتى اۋقاتتاندىرۋ كاسىپ سالاسىمەن تۇتاسىپ جاتىر. كەزەكتە سانجى وبلىسىنداعى اۆتونوميالى رايون دارەجەلى جۇلدىزدى شارۋالار شاتتىعى ساياجايى 146عا، اۋىل - قىستاق ساياحات قوناق ۇيلەرى 165كە جەتىپ، ەگىنشى - مالشىلاردىڭ كىرىسىنىڭ ارتۋىن جەبەۋدە ماڭىزدى رول اتقاردى.
تەك بۇل عانا ەمەس، سانجى وبلىسى ساياحات سارا تۋىندىلارى نىسان قۇرىلىسىن ۇزدىكسىز ىلگەرىلەتتى.
بىلتىر سانجى وبلىسى ساياحات قارجى توعىستىرۋ تۇزىلىسىنە جاڭالىق ەنگىزىپ، 15 فينانس قۇرىلىمىمەن ستراتەگيالىق سەلبەستىك كەلىسىمىنە قول قويىپ، 46 ميلليارد يۋان سەنىمدىلىك قاراجاتىنا يە بولىپ، ساياحات سارا ونىمدەرى نىسان قۇرىلىسىن دەمەدى. بيىل 23 ساياحات قۇرىلىسى جۇمىسىن تىڭنان باستاپ، 15 نىسان جۇمىسىن جالعاستىرادى.
سونىمەن قاتار، سانجى وبلىسى بيىل تيانشان 100 شاقىرىمدىق دانشيا كورىنىس اۋماعىنىڭ دەڭگەيىن جوعارىلاتۋ جوباسىن، سانجى وبلىسىنىڭ اۋىل - قىستاق ساياحاتىن دامىتۋ جوباسىن ورىنداپ، تيانشان 100 شاقىرىمدىق دانشيا كورىنىس ءوڭىرى، موري تيانشان اۋىل شارۋاشىلىق باقشاسىن ءوز كولىگىمەن ساياحاتتاۋ جەلىسى سياقتى نىسانداردى ءتۇيىندى تۇردە العا قويدى، سونداي - اق 10 نەشە ءتۇرلى ساياحات ورتاسىن، 50 ءتۇرلى ساياحات ايگىلى ماركاسىن جەتىلدىرىپ، سارا ءونىم قۇرىلىسى ارقىلى تۇتاس وبلىستىڭ تۇتاس وڭىرلىك ساياحاتىنىڭ تيبىنە وزگەرىس ەنگىزىپ، دەڭگەيىن جوعارىلاتۋدى جانە ساپاسىن ارتتىرىپ، ونىمدىلىگىن جوعارىلاتۋدى جەبەدى.
”بيىل سانجى وبلىسىنا ساياحاتتاي كەلگەندەر 41 ميلليون 340 مىڭ ادام - رەتتەن اسىپ، سايكەستى مەزگىلدەگىدەن %43 ارتتى؛ ساياحات كىرىسى 98 ميلليارد يۋانعا جەتىپ، سايكەستى مەزگىلدەگىدەن %100 ارتتى“، - دەدى جاڭ زىبين.
”ساتۋ قارتاسى“ن جاقسى ويناپ، باۋراۋ قۋاتىن ارتتىردى
ساياحات كاسىبىنىڭ دامۋىن جەبەۋدە تاماشا كورىنىس اۋماعىن، تاماشا كورىنىس ءتۇيىنىن جانە تاماشا قيمىلدى ويداعىداي تۇلعالاۋمەن بىرگە، ”ساتۋ قارتاسى“ن دا جاقسى ويناپ، ساياحاتشىلاردى بىردەن باۋراۋ قاجەت. بيىل جىل باسىندا جەمسارى اۋدانى تۇڭعىش كەزەكتى ”مەرەكەلىك سي“ قيمىلىن وتكىزدى، قاتىستى بەينە كەسكىندەردىڭ بۇگىنگى باس حابار سياقتى ۇلكەن سايتتارداعى كورىلىمى 4 ميلليون رەتتەن اسىپ، 16 كۇندە ساياحات كىرىسى 2 ميلليون 540 مىڭ يۋانعا جەتتى.
5 - ايدىڭ 20 - كۇنى تۇڭعىش كەزەكتى جانبۇلاق، قىزعالداق، 20. 5 رومانتيكالىق ساياحات جەلىلەس قيمىلى ەل ىشىندەگى، رايونىمىز ىشىندەگى كوپتەگەن اقپارات قۇرالدارىن كورىنىس وڭىرىندە باس قوسىپ، ۇگىتتەۋگە، حابارلاۋعا ۇسىنىس ەتتى. ىلەزدە ”جانبۇلاق“، ”قىزعالداق“ ”20. 5“ سياقتىلار ينتەرنەتتەگى اقپاراتتىق قىزۋ تۇيىنگە اينالدى.
بىلتىر جىل سوڭىندا تيانشان بوعدا كورىنىس ءوڭىرى تىڭشۇنمەن قول ۇستاسىپ، تىڭشۇن زەردەلى مادەنيەت، ساياحات تۇعىرىنىڭ تۇڭعىش توپتاعى سەلبەستىك كورىنىس اۋماعىنا اينالىپ، كورىنىس اۋماعىنىڭ اتاق - داڭقىن بارىنشا جوعارىلاتتى ءارى كورىنىس اۋماعىنىڭ باسقارۋ جانە قىزمەت وتەۋى اناعۇرلىم جوعارى ءونىمدى بولىپ، كاسىبيلەندى. جۋىقتا، شونجى اۋدانى مەن شىنجىن جيڭشيۋ جۇڭحۋا دامۋ شەكتى سەرىكتەستىگى كەلىسىم جاساستى، الداعى جەردە كورىنىس اۋماعى قۇرىلىسى، جالپىلاستىرۋ، ۇگىتتەۋ، ساتۋدى جوسپارلاۋ، ساياحاتشىلاردى باۋراۋ سياقتى جاقتاردا جان - جاقتى تەرەڭ سەلبەستىك ورىستەتپەك.
وسى بىرنەشە جىلدا سانجى وبلىسى ساياحات بازارىن ۇزدىكسىز اشىپ، ءۇرىمجى قالاسىمەن سەلبەستىكتى ۇزدىكسىز كۇشەيتىپ، ءبىر تۇلعالانعان بىرلەسكەن ساتۋ شاراسىن تياناقتاندىردى. سونىمەن بىرگە، شىحىزى قالاسى، تۇرپان قالاسى سياقتى جەرلەرمەن ءوڭىر اتتاعان ساياحات سەلبەستىك مەحانيزمىن تەرەڭدەتتى. مۇنان سىرت، شينجياڭنىڭ سىرتىندا ساياحاتتى ۇگىتتەۋدى، تانىستىرۋدى ۇزدىكسىز كۇشەيتىپ، اناعۇرلىم كوپ ساياحات ارناۋلى پويەزدەرىنە جانە جالدايتىن ساياحات ۇشاقتارىنا قول جەتكىزۋگە قۇلشىندى.
سوڭعى جىلدارى سانجى وبلىسى فۋجياندىق ساياحاتشىلاردىڭ ماڭىزدى ساياحات كوزەۋلى جەرلەرىنىڭ بىرىنە اينالدى. بىلتىر شينجياڭعا كەلگەن فۋجياندىق ساياحاتشى 650 مىڭ ادام - رەتكە جەتتى. بيىل جىل باسىندا فۋجيان ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ساياحات ارقىلى شينجياڭعا كومەكتەسۋدىڭ جاڭا نىسانىن جەدەلدەتتى، وسى جىلدىڭ ىشىندە فۋجياندىق ساياحاتشىلار ارناۋلى ساياحات پويەزىنە وتىرۋ، ساياحات ۇشاعىن جالداۋ، جەكە اۆتوكولىكپەن ساياحاتتاۋ سياقتى تاسىلدەرمەن شينجياڭعا كەلىپ ساياحاتتاپ قايتپاق.
”سىرتقا ساتۋ“دى كۇشەيتۋمەن بىرگە، سانجى وبلىسىنىڭ ساياحات كاسىبى ”ىشكى ونەر“گە دە جاتىلىپ الدى.
”بيىل سانجى وبلىسى كورىنىس وڭىرلەرىندە جانە ساياحات جەلىلەرىندە 40 ەكولوگيالىق اۆتوتۇراقتى، 60 حابارلاسۋ نەگىزگى پۋنكتىن، 20 ماي پۋنكتىن جاڭادان سالىپ، 300 ساياحات دارەتحاناسىن جاڭالاپ، اۆتوكولىك توقتاتۋ، ماي قۇيۋ، دارەتكە وتىرۋ قيىن بولۋ جانە حابارلاسۋ سيگنالى ىركىلىسسىز بولماۋ سياقتى ماسەلەلەردى كۇش سالا شەشەدى، ساياحاتشىلارعا نەگىزگى قۇرىلعى جاعىنان اناعۇرلىم ساپالى قىزمەت وتەپ، ساياحاتتى سەزىنۋىن كۇشەيتەمىز“، - دەدى جاڭ زىبين.
