تيانشان تورى   ›   جاڭالىقتار   ›   شينجياڭ حابارلارى

جاس كۇيىندە بولشەك ساتۋ جاڭا ۇلگىسى شينجياڭنىڭ جاس ورىگىنىڭ باعاسىن ەسەلەپ ءوسىردى

گاز رەتتەپ جاس كۇيىندە ساقتاۋ + ەلەكتروندى ساۋدا

جاس كۇيىندە بولشەك ساتۋ جاڭا ۇلگىسى شينجياڭنىڭ جاس ورىگىنىڭ باعاسىن ەسەلەپ ءوسىردى

  ءتىلشى شى شين 6 - ايدىڭ 8 - كۇنى ۇرىمجىدەن حابارلايدى. جىلداعى ورىك پىساتىن مەزگىل تاعى جەتىپ كەلدى. گاز رەتتەپ جاس كۇيىندە ساقتاۋ + ەلەكتروندى ساۋدانىڭ ارقاسىندا، جاس كۇيىندە بولشەك ساتۋ جاڭا ۇلگىسىن قولدانعان شينجياڭنىڭ جاس ورىگىنىڭ باعاسى بارىنشا ءوسىپ، كەدەيلىكتەن ارىلتىپ، كىرىستى ارتتىرۋعا دەم بەرۋمەن بىرگە، شينجياڭنىڭ ورىك كاسىبىنىڭ ساپاسىن كوتەرىپ، ونىمدىلىگىن ارتتىرۋىنا كۇش ۇستەدى.6 - ايدىڭ 6 - كۇنى تيانماۋ ساۋدا بازارىندا، شينجياڭ جەمىس كاسىبى توبى شەكتى سەرىكتەستىگىنە قاراستى باتىس ءوڭىر جەمىس باقشاسى باس دۇكەنى كۇشار اق ورىگىن الدىن الا ساتۋدا: ءبىر قوراپتا 80 تال، تازا سالماعى 1.2 كيلوگرام، ساتۋ باعاسى 129 يۋان.

  تۇتاس تاۋباۋ تۇعىرىن اقتارساڭىز، شينجياڭ اق ورىگىنىڭ 4 جىڭدىق قوراپتالعان ونىمدەرى ەڭ كوپ، باعاسى 89.8يۋاننان 360 يۋان ارالىعىندا. جيڭدۇڭ ساۋدا بازارىندا ساتىلعان شينجياڭ اق ورىگى دە 4 جىڭدىق قوراپتى نەگىز ەتكەن، باعاسى 98 يۋاننان 357 يۋان ارالىعىندا. 6 - ايدىڭ 6 - كۇنىنە دەيىن، ءاربىر ەلەكتروندى ساۋدا كاسىپورىندارىنىڭ 4 جىڭدىق قوراپتى جاس ورىكتى الدىن الا ساتۋ مولشەرىنىڭ بارلىعى 1000 قوراپتان اسقان، ەڭ كوپ بولعان ءبىر ەلەكتروندى ساۋدا دۇكەنىندە 2960 ادامنىڭ اقشا تولەپ بولعاندىعى كورسەتىلگەن.

  جەلى تۇعىرىندا ساتىلعان اق ورىكتىڭ ءار تالى تۇگەلدەي ورالعان. ساتۋعا قىزمەت وتەۋشى بىلاي دەدى: گاز رەتتەپ جاس كۇيىندە ساقتاۋ تەحنيكاسى مەن توڭازىتىپ جەتكىزۋ تىزبەگىندەگى اۆياتسيا تاسىمالى ارقىلى سول كۇنى ءۇزىپ الىنعان اق ورىك سول كۇنى جونەلتىلىپ، ەڭ تەز بولعاندا ەرتەسى جەتەدى، شينجياڭ سىرتىنداعى تۇتىنۋشىلاردىڭ قولىنا جەتكەندە، اعاش باسىنداعىداي جاس كۇيىن ساقتايدى.

  شينجياڭ جەمىس كاسىبى توبىنىڭ ورىنباسار باس ديرەكتورى جاي كاييۋان بىلاي دەپ تانىستىردى: بيىل جەمىس كاسىبى توبى ورىك كاسىبىن دامىتۋدى شيكى، جاس ساقتاۋ ستراتەگياسى ورنالاستىرۋىنا ەنگىزىپ، تۇرپان، كۇچار، بۇگۇر، يىڭىسار سياقتى جەرلەردە ءبىر ايىرىپ تاڭداۋ جەلىسىن، 9 ازوت تولتىرىپ قوراپتاۋ جەلىسىن قۇردى ءارى بۇكىل ەلدەگى 600 نەشە جەلىدەن تىسقارى ناقتى دۇكەننەن جانە تاۋباۋ، تيانماۋ، جيڭدۇڭ، حۋانچيۋ بۋشوۋ، يۇنجيۋاڭ، گۇڭشياۋيجيا دۇكەنى سياقتى ءارقايسى ءىرى ەلەكتروندى ساۋدا تۇعىرىنان ساتۋ ارناسىن قۇردى.

  مۇنان سىرت، 6 - ايدا جەمىس كاسىبى توبى ”اق ورىك“تى نەگىز ەتە وتىرىپ يۇنجيۋاڭمەن بىرلەسىپ، 2 - كەزەكتى ”ورىك الا كەلگەن باقىت“ اتىندا ينتەرنەتتە ساتۋ قيمىلىن وتكىزۋ؛ 7 - ايدا ”يىڭىسار ورىگى“ن نەگىز ەتە وتىرىپ ”مەي - رى يتاۋ“مەن بىرلەسىپ وندىرىلگەن ورىننىڭ قاينارىن تابۋ ساياحاتى اتىندا ساتۋ قيمىلىن وتكىزۋ؛ 8 - ايدا ”ىلە ورىگى“ن نەگىز ەتە وتىرىپ جيڭدۇڭمەن بىرلەسىپ جەلىدە ساتۋ قيمىلىن وتكىزۋ ارقىلى ساۋداعا ءۇرتىس ءورىس اشىپ، ورىك كاسىبىن شارۋالاردىڭ كىرىسىن ارتتىرۋدى، اۋىل شارۋاشىلىعىنىڭ ونىمدىلىگىن ارتتىرۋدى جەبەيتىن ”ورىك باقىتى كاسىبى“نە اينالدىرۋدى جوسپارلاپ وتىر.شينجياڭنىڭ ۇزاق ورىك ەگۋ - باپتاۋ تاريحى بار، كەزەكتە ەگىمشىلىك كولەمى جانە ءونىم مولشەرى بۇكىل ەلدە 1 - ورىندا تۇرادى. الايدا جاس ساقتاۋ مەزگىلى قىسقا، تاسىمال ارالىعى ۇزىن بولۋ سەبەبىنەن ءداستۇرلى ساتۋ ۇلگىسىندەگى شينجياڭ جاس ورىگىنىڭ ساتىلۋ باعاسى جانە كولەمى ويلاعان جەردەن شىقپاعان - دى.

  2018 - جىلى جەمىس كاسىبى توبى يىڭىسار سامەت ورىگىن ۇلگى ەتىپ، جاس ورىك ءوندىرۋدىڭ، قوراپتاۋدىڭ، ساتۋدىڭ ولشەمدەنگەن باسقارۋ جۇيەسىن قۇرىپ، گاز رەتتەپ جاس كۇيىندە ساقتاۋ تەحنيكاسى ارقىلى جاس ورىكتى شينجياڭنان شىعارۋعا دەم بەرۋ جولىن تاپتى، سونىمەن بىرگە، جاڭا اقپارات قۇرالدارى، جەكەلىك اقپارات قۇرالدارى سياقتى جاڭاشا تاراتۋ تاسىلىنەن پايدالانىپ، ”كۇن نۇرىنا 2 ساعات ارتىق شومىلعان، باسقالاردان %30 ءتاتتى بولعان“ دەگەندى وتىمدىلىك وزگەشەلىگى ەتىپ ۇگىتتى كورنەكتىلەندىرىپ، شينجياڭنىڭ جاس ورىك ماركاسىنىڭ تانىمالدىعىن جىلدام سومدادى ءارى شينجياڭنىڭ جاس ورىگىنىڭ باعاسىن بارىنشا جوعارىلاتتى.

  جاي كاييۋان بىلاي دەپ تانىستىردى: بۇرىندارى جاس ورىك ساتۋ سوماسىنىڭ ماردىمسىز بولىگىن عانا ۇستايدى، بولاشاقتا جاس ورىكتىڭ ماركا جانە قاينارىن تابۋ جۇيەسىن ورناتىپ، جەمىس كاسىبى توبىنىڭ جەلىدەن تىسقارىداعى ”گوشۋ“ الەۋمەتتىك اۋماق دۇكەنى ارقىلى ”ماركا + الەۋمەتتىك اۋماق + جاڭاشا بولشەك ساتۋ + جەلى“ سىندى كەمەلدى جابىق اينالىمىن قالىپتاستىرىپ، جاس ورىكتىڭ كولەمى، ۋاقىتى جانە تاسىمال ارالىعى سياقتى جاقتارداعى ءىس جۇزىندىك قيىنشىلىقتاردى ىشكەرىلەي شەشىپ، زات اينالىمى تاسىمال جولىن تۇتاستىرىپ، شينجياڭنىڭ ورىك كاسىبىنىڭ ساپاسىن جوعارىلاتىپ، ونىمدىلىگىن ارتتىرۋىن جۇزەگە اسىرادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى