تيانشان تورى   ›   جاڭالىقتار   ›   شينجياڭ حابارلارى

اۆتونوميالى رايون تەمىر جول جۇك تاسىمال اقىسىن جۇيەگە ءتۇسىردى

زات اينالىمىن تەزدەتىپ، وزىندىك قۇندى تومەندەتىپ، ونىمدىلىكتى ارتتىردى

  شينجياڭ گازەتىنىڭ 6 - ايدىڭ 10 - كۇنى ۇرىمجىدەن بەرگەن حابارى. ءتىلشىمىز شى شين اۆتونوميالى رايوندىق دامۋ جانە رەفورما كوميتەتىنەن ۇعىسۋىنا قاراعاندا، تاياۋدا اۆتونوميالى رايوندىق دامۋ جانە رەفورما كوميتەتى اۆتونوميالى رايوندىق بازاردى باقىلاۋ - باسقارۋ مەكەمەسىمەن بىرلەسىپ، تەمىر جول جۇك تاسىمالىنداعى ۇساق - تۇيەك اقىلاردى، سونداي - اق تەمىر جول ارناۋلى لەنياسى سياقتى اقى الۋ جاعدايلارىن اداقتاپ، جۇيەگە ءتۇسىرىپ، زات اينالىمىن تەزدەتىپ، وزىندىك قۇندى تومەندەتىپ، ونىمدىلىكتى ارتتىرعان.

  ۇعىسۋعا قاراعاندا، 4 - ايدىڭ 1 - كۇنىنەن باستاپ تەمىر جول تاسىمالىندا قىزمەت وتەۋ ارتقان قۇن سالىعى مولشەرى تومەندەتىلگەننەن كەيىن، جۇڭگو تەمىر جول باس سەرىكتەستىگى D ۇلگىسىندەگى ۇزىن، ۇلكەن جۇك ۆاگوندارىنان پايدالانۋ قىزمەت وتەۋ اقىسى، جۇك ۆاگوندارى جاپقىشتارىنان پايدالانۋ قىزمەت وتەۋ اقىسى، ماشينالاسقان توڭازىتىپ ساقتاۋ ۆاگونىنىڭ توڭازىتۋ اقىسى، جۇك ءتۇسىرۋ كولىكتەرىنىڭ قىزمەت وتەۋ اقىسى، لاس زاتتاردى تازالاۋ اقىسى، كەدەننەن تەكسەرىپ وتكىزۋ راسميات اقىسى سياقتى 6 ءتۇرلى ۇساق - تۇيەك اقىنى كۇشىنەن قالدىرىپ، جۇك تاسىمالىنداعى ۇساق - تۇيەك اقىنىڭ ءتۇرى 33 تۇردەن 27 تۇرگە ازايعان.

  سونىمەن قاتار، تەمىر جول تاراۋى 4 تۇردەگى ۇساق - تۇيەك اقى ولشەمىن تومەندەتتى، بۇل جۇك ۆاگوندارىنىڭ ۋاقىتتى ۇزارتىپ پايدالانۋ اقى ولشەمىن قامتيدى، ۆاگونعا جۇك تيەۋ ۋاقىتى 3.5ساعاتتان 4.5 ساعاتقا ۇزارتىلدى، ۆاگوننان جۇك ءتۇسىرۋ ۋاقىتى 3 ساعاتتان 4 ساعاتقا ۇزارتىلدى؛ تيەۋ - تۇسىرۋدەگى بەرىكتەۋ ماتەريالدارىنان پايدالانۋ قىزمەت وتەۋ اقىسىنىڭ ولشەمىن جوعارى شەكتەگى %30تەن %15كە ءتۇسىردى؛ قابىلداۋ، جەتكىزۋ اقى ولشەمىن بۇكىل پويەزدىڭ نەگىزگى جول ساپارى بويىنشا ءار تونناسى 10 كيلومەترگە 15 يۋاننان ءار تونناسىن 13 يۋانعا ءتۇسىردى، نەگىزگى جول ساپارىنان اسىپ كەتسە، ءار توننا - كيلومەترىن 0.8يۋاننان ءار توننا - كيلومەترىن 0.6 يۋانعا ازايتتى؛ قابىلداۋ، جەتكىزۋ ۆاگون اقى ولشەمىن تۇتاس ۆاگون بويىنشا ءار ۆاگون - كيلومەترىن 9 يۋاننان ءار ۆاگون - كيلومەترىن 8.19 يۋانعا ءتۇسىردى.

  مەملەكەتتىك قاتىناس - تاسىمال كاسىبىنىڭ ارتقان قۇن سالىعى مولشەرىن %10تەن %9كە تۇسىرۋدەي سالىقتى ازايتۋ ساياساتىنا بىرلەستىرىپ، جۇڭگو تەمىر جول ءۇرىمجى مەكەمەسى توبى شەكتى سەرىكتەستىگى سايكەستى تۇردە تەمىر جول جۇك تاسىمالىنىڭ اقىسىن تومەندەتىپ، ازايتىلعان سالىق مولشەرى سياقتى سومالاردى سوڭعى بۋىنداعى كاسىپورىندارعا تاپسىردى.

  5 - ايدىڭ 31 - كۇنى تەمىر جول تاراۋى تەمىر جول ارناۋلى لەنياسىن (ارناۋلى تەمىر جولدى دا قامتيدى) ۋاكىلاتان تيجاراتقا سالۋ، ۋاكىلاتان كۇتۋ، ءوزى دايىنداعان پاراۆوز، جۇك ۆاگونىن تەكسەرۋ، رەمونتتاۋ قىزمەت وتەۋ اقىسى سياقتىلاردى دا تومەندەتىپ، قوعامدىق زات اينالىمنىڭ وزىندىك قۇنىن تاعى دا تومەندەتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى