شينحۋا اگەنتتىگىنىڭ 6 - ايدىڭ 10 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «جەرگىلىكتى ۇكىمەتتەردىڭ ارناۋلى زايومىن تاراتۋ جانە نىساندارعا سايكەستى قارجى قۇراۋ قىزمەتىن ويداعىداي ىستەۋ جونىندەگى ۇقتىرۋ»دى باسىپ تاراتتى.
«ۇقتىرۋ»دا مىنالار تالاپ ەتىلدى: قامداۋ جاعىنداعى قۇرىلىمدىق رەفورمانى ارقاۋ ەتۋگە تاباندى بولىپ، قۇرىلىمدىق سۇيمەندى الىپ تاستاۋ نەگىزگى وي جەلىسىنەن جازباي، باتىل، مەڭگەرىلمەلى، ءتارتىپتى، ۇيلەسىمدى بولۋ تالابىنا ساي، جەرگىلىكتى ۇكىمەتتەردىڭ قارىز الىپ قارجى قۇراۋ مەحانيزمىن اناعۇرلىم كەمەلدەندىرىپ، ارناۋلى زايوم باسقارۋ رەفورماسىن ىلگەرىلەتىپ، ارناۋلى زايوم كولەمىن ءبىرشاما جوعارى مولشەردە ارتتىرۋ نەگىزىندە ماكرولىق ساياساتتى ۇيلەستىرۋدى، سايكەستىرۋدى كۇشەيتىپ، بازار اينالىمىنىڭ ۇيلەسىمدى، جەتكىلىكتى بولۋىن ساقتاپ، ارناۋلى زايوم تاراتۋ جانە نىساندارعا سايكەستى قارجى قۇراۋ قىزمەتىن ويداعىداي ىستەپ، ەكونوميكانىڭ لايىقتى ارالىقتاعى اينالىمىن جەبەۋ كەرەك. ىركىلىسسىزدەندىرۋ مەن توسۋدى بىرلەستىرۋگە تاباندى بولۋ، سەلبەسە سايكەسۋگە تاباندى بولۋ، ءتۇيىندى كورنەكتىلەندىرۋگە تاباندى بولۋ، حاۋىپ - قاتەردەن ساقتانۋعا جانە ونى مەڭگەرۋگە تاباندى بولۋ، مەجەنى ورنىقتىرۋعا تاباندى بولۋ، ەلەۋلى حاۋىپ - قاتەرلەردەن ساقتانۋ جانە ونى جويۋدان قامال الۋ شايقاسىن باتىلدىقپەن ويداعىداي جۇرگىزۋ كەرەك.
