تيانشان تورى   ›   جاڭالىقتار   ›   شينجياڭ حابارلارى

الدىڭعى 5 ايدا الاتاۋ شەكارا وتكەلىنەن كىرىپ - شىققان جۇڭگو - ەۆروپا كەزەكشى پويەزىنىڭ رەت سانى ورنىقتى ارتتى

  شينحۋا اگەنتتىگىنىڭ 6 - ايدىڭ 11 - كۇنى ۇرىمجىدەن بەرگەن حابارى (ءتىلشى باي جيالي). ءتىلشىنىڭ 6 - ايدىڭ 11 - كۇنى الاتاۋ كەدەنىنەن ۇعىسۋىنشا، بيىل 1 - ايدان 5 - ايعا دەيىن اتالعان كەدەن جۇڭگو - ەۆروپا كەزەكشى پويەزىنەن 851ىن باقىلاپ - باسقارعان، بۇل سايكەس مەزگىلدەگىدەن %1.31 ارتقان؛ زات تاسىمال مولشەرى 343 مىڭ 700 تونناعا جەتىپ، سايكەس مەزگىلدەگىدەن %8.52 ارتقان؛ زاتتىڭ قۇنى 5 ميلليارد 171 ميلليون دوللارعا جەتىپ، سايكەس مەزگىلدەگىدەن %69.6 ارتقان.

  مۇنىڭ ىشىندە، وتكەلدەن شىققان كەزەكشى پويەز 536عا، زات تاسىمال مولشەرى 262 مىڭ 700 تونناعا، زاتتىڭ قۇنى 3 ميلليارد 719 ميلليون دوللارعا جەتكەن؛ وتكەلگە كىرگەن كەزەكشى پويەز 315كە، زات تاسىمال مولشەرى 81 مىڭ تونناعا، زاتتىڭ قۇنى 1 ميلليارد 452 ميلليون دوللارعا جەتكەن.

  قازىرگى كەزدە، ”جىڭجوۋ - شينجياڭ - ەۆروپا“ كەزەكشى پويەزى الاتاۋ ساعاسى شەكارا وتكەلىنەن ەڭ كوپ وتەتىن كەزەكشى پويەز، شەكارا اتتاعان ەلەكتروندى ساۋدا كاسىبى دامۋىنىڭ دەم بەرۋىندە الاتاۋ ساعاسى شەكارا وتكەلىنىڭ يمپورت مولشەرى ەكسپورت مولشەرىنەن جوعارى بولعان ءبىرىنشى ورىنداعى جۇڭگو - ەۆروپا كەزەكشى پويەزىنە اينالدى.

  الاتاۋ ساعاسى شەكارا وتكەلى بۇراتالا موڭعۇل اۆتونوميالى وبلىسىنا ورنالاسقان، ەلىمىزدىڭ باتىس سولتۇستىگىندەگى ەڭ ۇلكەن قۇرلىقتىق شەكارا وتكەل، قازاقستانمەن ىرگەلەس. الاتاۋ ساعاسى كەدەنىنىڭ ساراپتاۋىنا نەگىزدەلگەندە، الاتاۋ ساعاسى كەدەنىنىڭ جۇڭگو - ەۆروپا كەزەكشى پويەزىن باقىلاپ - باسقارۋىنان قازىرگى كەزدە تومەندەگىدەي 4 ءتۇرلى ەرەكشەلىك بايقالعان:

  ءبىرىنشى، جۇڭگو - ەۆروپا كەزەكشى پويەزىنىڭ زات اينالىمىنا قىزمەت وتەۋ بەتالىسى سالالاندىرىلعان، سالقىن ساقتاۋ قورابى، مۇزداتقىش قورابى، تۇراقتى تەمپەراتۋرا قورابى جانە باسقا دا ءار ءتۇرلى وزگەشە قوراپتاردى بىرىكتىرۋ قىزمەت وتەۋى بارعان سايىن قالىپتى جاعدايعا اينالىپ بارادى، مىسالى، ”جىڭجوۋ - شينجياڭ - ەۆروپا“ كەزەكشى پويەزى الدەقاشان حالىقارالىق توڭازىتۋ تىزبەكتى كاسىبىن ۇدايىلاندىرعان جۇڭگو - ەۆروپا كەزەكشى پويەزىنە اينالدى؛ ەكىنشى، جوعارى ساپالى دامۋعا بەت الىپ، زات تيەۋ مولشەرى، زاتتىڭ قۇنى سياقتىلارعا ءمان بەردى، مىسالى، بيىل 1 - ايدان 4 - ايعا دەيىن ”چىڭدۋ - شينجياڭ - ەۆروپا“ كەزەكشى پويەزى قايتاردا بوس قايتۋ مولشەرىن سايكەس مەزگىلدەگىدەن %25.86 تومەندەتىپ، زاتتىڭ قۇنىندا ارتۋ بەتالىسى كورىلدى؛ ءۇشىنشى، زاتتىڭ كەلۋ قاينارى، ساپاسى، ءتۇرى ۇزدىكسىز مولايىپ، العاشقى مەزگىلدەگى كومپيۋتەر قاتارلى IT ونىمدەرىنەن بىرتە - بىرتە كيىم - كەشەك، اياق كيىم، باس كيىم، استىق، قىزىل اراق، اۆتوكولىك جانە جابدىق سىقىلدىلارعا دەيىن كەڭەيىپ، قاراپايىم حالىقتىڭ تۇتىنۋ تالابىنا بارعان سايىن جۋىقتادى؛ ءتورتىنشى، كەزەكشى پويەزدىڭ لەنيا باعىتى ورنىقتى بولىپ، ءجۇرۋ رەت سانى تەزدەدى، مىسالى، ”جىڭجوۋ - شينجياڭ - ەۆروپا“ كەزەكشى پويەزى الاتاۋ شەكارا وتكەلىندەگى ارتۋ قارقىنى ەڭ تەز جۇڭگو - ەۆروپا كەزەكشى پويەزىنە اينالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى